Popularni biblijski stihovi iz Matayo 18

Podijeli

Iki aho bali babili nulu badatu bibilingile mu lina lyane, nu Nene ndi ho hagati yabo. Kigemenghejo cha nsese uyo walatunekeja ngʼwiye

Hangi namuwila giki, Ulu babili mu bingʼwe busangila ha si mu mhayo gose uyo bakugulomba, bakwitilwa na Baba ali ngʼwigulu.

Na Yesu ungʼwitana ngʼwana nigini, untuula hagati yabo, Uhaya giki, Nghana namuwila giki, Ulu mutugaluka kubiza giti bana banigini, mutalingila na hado mu butemi wa ngʼwigulu.

Kulwa iyo uyo ose widohya ngʼwenekele giti ngʼwana nigini uyu, ngʼwenuyo ali ntale mu butemi wa ngʼwigulu.

Na uyo ose ungʼwanukula ngʼwana nigini giti uyu mu lina lyane, ngʼwene wananukula Nene.

Nghana namuwila giki, iyo yose mulatunga ha si ilabiza yatungagwa ngʼwigulu, na iyo yose mulatungula ha si, ilabiza yatungulagwa ngʼwigulu.

Giko nu Baba ali ngʼwigulu alangʼwitila bingʼwe, ulu mutilekejaga mu ngholo jingʼwe buli munhu na nduguye busobya wakwe.

Aliyo uyo ose ungʼwipamya umo wa bado aba abanizunya Nene, ili hambuhambu kuli wei, ulu utungwa iwe itale lya kushela mu nhingo yakwe, na kulibijiwa mu bujiba wa nyanza.

Ngʼwiganika kinahe? Ulu munhu ali na ngholo igana, na imo yajo yujimila, angu, atujileka ijo makumi kenda na kenda mu ngulu, uja uyikobakoba iyo yajimilaga?