Popularni biblijski stihovi iz Lucas 14

Podijeli

Iabꞌa mʉma zebʉrʉbara mʉta audre kʉãgꞌaidꞌe bꞌʉa, zhi zezeta, papata, kĩmata, warrarãta, zhi mebẽrã zhũmakĩrãrãta, nawekꞌaurãta bꞌe kꞌãñabara, ari izhi kꞌãñabara mʉta audre kʉãgꞌa ẽbʉrʉ mʉ pẽwã bꞌʉta bꞌʉ ẽã.

Iabꞌaʉba bebudꞌe basiidꞌu mʉta pẽwã ẽbʉrʉ mʉ pẽwã bꞌʉta bꞌʉ ẽã.

Bariduta zhi zromane bꞌʉra zhi zroma ẽãta bꞌeya, waya zhi zroma ẽãne bꞌʉta zhi zromata bꞌeya.

Aramaʉ̃ kĩrãkꞌa baridu marãnebemata bia krĩchape ne jõma kenabꞌari ẽbʉrʉ mʉ pẽwã bꞌʉta bꞌʉ ẽã.

¿Marãnebemaba de zromata okrĩñabʉrʉdꞌera jewedꞌa bꞌepe sõmbe gastaidꞌebemane naara bia krĩchabari ẽka zhi nesidꞌara erubꞌʉ kꞌawuaita ma pãrãĩta? Manebʉrʉ bari drʉ̃dauta joukuape ma pãrã ẽã nʉmʉbʉrʉdꞌera zhi akʉbʉdabara jõmaʉ̃ba sewakꞌau bꞌʉa abʉdata, mawũãnaña: Ũmakĩrã naʉ̃bara dera pãrã jʉ̃drʉsimina ma pãrã bꞌe ẽbasia.

Maʉ̃ba bʉa zhikota obʉrʉdꞌera trʉ̃rũã zuburia bꞌeta, juwuata o jẽrũta dorrabꞌari bꞌeta, wã bꞌe ẽã bꞌeta, daʉbꞌerrea bꞌeta. Bʉra mawũãrã sobia bꞌaya, ãzhara bʉra kꞌãrẽ dia bꞌedꞌa ẽã, mawũãmina Daizezeba kꞌãrẽ diaya beudꞌata piradrʉbʉdadꞌe biarãta.

Tã biga kĩrãkꞌa bꞌeaita mʉrã jipa pẽwãũdua. Tãrã biga, mawũãmina zhi kʉyata jõrã, ¿kꞌãrẽba kʉyaipe? Mawũãrã miã egoro poita, miã ne udꞌe bꞌʉita seri ẽã, mawũẽ bꞌaribue panʉã. Ne ũrĩ bꞌʉbara maʉ̃ta kĩrãkuita ũrĩdua.