Popularni biblijski stihovi iz मत्ती 24

Podijeli

अधर्म कर बड़हे ले ढेरेच झन मन कर प्रेम ठण्डाए जाही, लेकिन जेहर अन्त तक ले धीरज धरे रही, ओकरेच उद्धार होही।

अउ राएज कर ये सुसमाचार सबेच धरती मे प्रचार करल जाही, कि सबेच जाएत मन मे गवाही होही, तब अन्त आए जाही।”

तुमन मन लड़ाई अउ लड़ाई मन कर चर्चा सुनिहा, त झिन घबराए जईहा, काबर कि एमन मन कर होए बर जरूरेच है, लेकिन ओ समय अन्त नी होही।

काबर कि जाएत पर जाएत, अउ राएज पर राएज चड़हाई करही, अउ जगहा-जगहा अकाल पड़ही, अउ भूकम्प होही। ये सबेच गोएठ मन दुख मन कर शुरूआत होही।

अकाश अउ पृथ्वी टईल जाही, लेकिन मोर गोएठ कभो नी टलही।

काबर कि ढेरेच झन मन एसन होही जेमन मन मोर नाव ले आए के कही, ‘मैहर मसीह हो’ अउ बहुतेच मन ला भरमाही।

तब ओमन मन दुख देहे बर तुमन ला पकड़वाही, अउ तुमन मन ला माएर डालही, अउ मोर नाव के कारन सबेच जाएत के लोग मन तुमन मन ले बैर रखही। तब बहुतेच झन मन ठोकर खाही, अउ एक दूसर झन ला पकड़वाही, अउ एक दूसर ले बैर रखही। ढेरेच झूठा अगमजानी मन उईठ ठड़होही, अउ बहुतेच झन मन ला भरमाही।

यीशु हर ओमन मन ला उत्तर देहिस, “सावधान रहा! कोनो तुमन मन ला झिन भरमाए पाए

एकरे बर तुमन मन भी तियार रहा, काबर कि जे समय कर बिषय मे तुमन मन नी सोचथा, ओहिच समय मैनसे कर बेटा हर आए जाही।

एकरे बर जागत रहा, काबर कि तुमन मन नी जानथा कि तुमन मन कर प्रभु हर कोन दिन आही।

ओ दिन अउ ओ घरी कर बिषय कोनो नी जानथा, न स्वर्गदूत मन, अउ न बेटा, लेकिन केबल दाऊ हर ही।

काबर कि झूठा मसीह अउ झूठा अगमजानी उठ खड़े होही, अउ बड़खा चिन्ह, अउ अदभुत बुता दिखाही कि अगर होए सकही त चुनल मन ला भरमाए देही।

जेकस नूह कर दिन मे रहिस, ओहिच नियर मैनसे कर बेटा कर अवई भी होही। काबर कि जेकस जल प्रलय ले आगू कर दिन मन जे दिन नूह हर डोंगा मे नी चड़हिस ओ दिन तक लोग मन खात-पीयत रहिन अउ ओमन मन मे शादी-बिवाह होवत रहिस। अउ जब तक ले जल प्रलय हर आए के ओ सबेच ला बहाए नी ले गईस तब तक ले ओमन मन ला कुछ नी मालूम होईस, ओहिच नियर मैनसे कर बेटा कर अवई भी होही।