Matthew 3
3
Chaptergē Lth'unilth.
1WAIGEN ashgē shantlanē gud John the Baptist kātlāgang, waigen Judea tligē dāungas gu tlāgūk il gūshouang.
2Waigen hinū il shouan, Kwutungē unga lth stilthto, shāgē kingdomgē āanān isis althlā.
3Altsīilth anisu Isaiah nung Prophetgas shūtaiang, waigen hinū il shouan, Nung kil swaunshung tligē dāunga gu hin sahailthlang, Shālānā giē kūwē tlaēlthkīu, waigen kūwē tumzūsi langa tlayāgulthu.
4Wēata, John kin giandas camels hou idjan, waigen skidal tlidskou alth il tlīdzguwaugang, waigen tou langa locusts idjan, waigen ātlthwun tou ishin.
5Itan Jerusalem hāadē isken, Judea hāadē ishin, lth hāada wautliwan Jordan addu ilnigē wautliwan isis stāhā lā ā iswāgang.
6Waigen Jordan hānlthē shengs ā hānlthē ltha gwi il istaiang ltha dāungas hansta unga ltha shūgangang.
7Tlīstluan Pharisee hāadē kwan isken, Sadducee hāadē kwan ishin hānlthē an langa istlātalsi il kāngang tlo, hin ltha il shūtaiang, O gwudistakānḡē sik dalung isis, kātliyildtals stāhā dalung gundiēdē ā kistho dalung shūtaiang?
8Hāna lāguns kingān kin lā lth istou dalung kwutungē tlastelgēanā.
9Abraham ītil aungu īching kum hin agung lth shūdāngu: yenkien dalung ga lth shūgung, Shānungetlagidas ashgē kwauē stāhā kitilung Abraham an tlakātluē an tagwiāgung.
10Waigen wēata kinlthkai skūshangwē gu kūtiljou īching, altsīilth kinlthkai wautliwan ai kum hāna lā inastlānstlo ltha skikundalgungung, waigen zanoa si ltha istagungung.
11Hānlthē alth dalung lth baptizdang alth kwutungē unga dalung stīlthtiēanā: waigen dī tlā nung kātlās tlou dī telgu tagwiāshang: staskoga langa haiidē annu kum dī lānḡung. Hānts Las alth dalung il baptizdāshang, waigen zanoa alth ishin.
12Il stlai ou yhitouwē langa īching, waigen wheatnē stlin kouwē unga yenkien il tlaskwunāshang: wheatnē ai gwuda wheat unga il istāshang, kul tlou zanoa hēninga swaunung alth il ougulthtāsang.
13Itan Jesus Galilee tligē stāhā Jordan tligē gu kātlāgang John an ā, hānlthē lā ga il istiēanā.
14John langa kwudāungaiang, waigen hinū il shouan, dung stāhā hānlthē istiē da dī kwudunḡung, waigen dī an dung gu kātlā us?
15Waigen Jesus hangtlan il shūtaiang, agwan lth waikingān wēata eda, kin lā wautliwan talung tlaoutliē ītil an lāsi althlā. Waigen itan kingān lā il istaiang.
16Waigen Jesus, tlīstluan hānlthē il istaiang tlo, houītang hānlthē stāhā sīk il kātlaiang: waigen kwoking, shā tligē lā an helthtlālang, waigen Shānungetlagidas Hānts kaltsida yhītlatalguns kingān eds lā inku kouwang.
17Waigen kwoking, kil swaunshung shā tligē stāhā hin shouan, anis dī kit kwoyāyūans īching, lā an dī kwutungē lāgung.
Trenutno izabrano:
Matthew 3: HAIDA
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
First published by the British and Foreign Bible Society 1891-1899.