KEJADIAN 36
36
Nai Esau in sufan
(I Taw. 1:34-37)
1Le i Nai Esau le nakanab in nak Edom in sufan. 2Nai Esau in anmafe nok bife tenu na'ko Kanaan, esle': bi Ada, Nai Elon atoni Het nane in anah; bi Oholibama, Nai Ana in anah ma Nai Zibeon atoni Hewi upuf; 3bi Basmat, Nai Ismael anah ma Nai Nebayot in olif. 4Bi Ada nahonis Nai Elifas, bi Basmat nahonis Nai Rehuel, 5ma bi Oholibama nahonis Nai Yeus, Nai Yaelam ma Nai Korah. Li'ana-li'ana nane nahonis sin anbi Kanaan.
6Namuni te Nai Esau in nao nasaitan Nai Yakub ma in nao neu pah bian nok in fenai sin, in anah sin ma ale atoni le' anbi in ume nanan, nok ale in mu'it sin ma in amaus le in napeni sin anbi Kanaan. 7Nai Esau anbatison na'ko Nai Yakub natuin sin amaus nane amfau le'uf talantia sin ka nabe'i fa sin hen moni nabua. Nansa' anteni pah le sin namaika anbine kan mu'i fa amnahat neu sin mu'it le amfaun nane. 8Nai Esau le nakanab in nak Edom, in namaika nabalah anbi pah tubu Seir.
9Le' i Nai Esau in sufan, le anfani atoni Edom sin na'if. 10-13Nai Esau in fenai le in kanan bi Ada in nahonis li'anmone mese, in kanan Nai Elifas. Ma Nai Elifas nahonis li'anmone nim, esle': Nai T'eman, Nai Omar, Nai Zefo, Nai Gaetam ma Nai Kenas. Nai Elifas in ate kanan bi Timna. In nahonis li'anmone mese in kanan Nai Amalek.
Nai Esau in fenai le in kanan bi Basmat nahonis li'anmone mese kanan Nai Rehuel. Ma Nai Rehuel nahonis li'anmone ha, esle': Nai Nahat, Nai Zerah, Nai Syama ma Nai Miza.
14Nai Esau le in kana bi Oholibama, esle' Nai Ana in anah ma Nai Zibeon in upuf, nahonis li'anmone tenu, esle': Nai Yeus, Nai Yaelam ma Nai Korah.
15Le' i nakaf neu nonot Nai Esau sufan: Nai Elifas, Nai Esau in anmone nael, anfani na'if neu nonot le i: T'eman, Omar, Zefo, Kenas, 16Korah, Gaetam ma Amalek. Sin alsin nane bi Ada, Nai Esau in fenai sufan.
17Nai Rehuel, Nai Esau anah, anfani na'if neu uf-uf: Nai Nahat, Nai Zerah, Nai Syama, ma Nai Miza. Sin alsin nane bi Basmat Nai Esau in fenai sufan.
18Uf-uf le i anteni Nai Esau nok in fenai bi Oholibama Nai Ana anah in sufan, esle': Nai Yeus, Nai Yaelam, ma Nai Korah. 19Ale uf-uf le i Nai Esau in sufan.
Nai Seir in sufan
(I Taw. 1:38-42)
20-21Pah tuaf anbi Edom anbation anfani uf-uf na'ko Seir, atoni Hori. Uf-uf nane esle': Lotan, Syobal, Zibeon, Ana, Disyon, Ezer ma Disyan.
22Lotan nane anfani na'if Hori ma Heman. (Nai Lotan in fetof, es bi Timna.)
23Syobal nane anfani na'if neu uf: Alwan, Manahat, Ebal, Syefo ma Onam.
24Zibeon in anmone sin nua esle' Nai Aya ma Nai Ana. (Nai Ana le i es napeni oe mata maputu anbi pah snaen, anbi tabu in natuku in amaf in bikase luke mnanu sin.) 25-26Nai Ana nane Nai Disyon in amaf le anfani na'if neu uf: Hemdan, Esyban, Yitran ma Keran. Nai Ana in anmu'i li'anfeto mese in kanan bi Oholibama.
27Nai Ezer anfani na'if neu uf: Bilhan, Zaawan, ma Akan.
28Nai Disyan anfani na'if neu uf Us ma Aran.
29-30Le i uf-uf Hori anbi pah Edom: Lotan, Syobal, Zibeon, Ana, Disyon, Ezer ma Disyan.
Kesel-kesel Edom
(I Taw. 1:43-54)
31-39Nahun na'ko fe kan mu'i fa kesel le he naplenat anbi Israel, kesel sin le i naplenat anbi pah Edom maseka es nok es:
Nai Bela Nai Beor in anah na'ko Dinhaba.
Nai Yobab Nai Zera in anah na'ko Bozra.
Nai Husyam na'ko pah Teman.
Nai Hadad Nai Bedad in anah na'ko Awit
(in es anbe'u atoni Midian anbi makenat anbi pah Moab).
Nai Samla na'ko Masreka.
Nai Saul na'ko Rehobot anbi noe ninen.
Nai Baal-Hanan Nai Akhbor in anah.
Nai Hadar na'ko Pahu (in fenai kanan bi Mehetabeel,
Nai Matred in anah ma Nai Mezahab in upuf).
40-43Nai Esau anfani na'if neu uf-uf Edom le i anteni: Timna, Alwa, Yetet, Oholibama, Ela, Pinon, Kenas, T'eman, Mibzar, Magdiel, ma Iram. Uf mese-mese nakanab in pah neki in kanan neu bala le in namaika anbine.
Trenutno izabrano:
KEJADIAN 36: AOZ
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi