मरकुस 15
15
पिलातुस दा यीशु कन्ने सुयाल
1सबेरा ओदे गै तौलै प्रधान याजकें, प्राचीन ते शास्त्रियें मतबल सारी महासभा ने सलाह करियै, यीशु गी बनया ते लेईयै पिलातुस दे अथ्थ सौपी दिता। 2पिलातुस ने उसी पूछया, “के तू यहूदीयें दा राजा ऐं?” ओनें जबाब दिंदे ओई उसी आखया, “तू आपे गै आखा नां ऐ।” 3ते प्रधान याजकें ओदे उपर बड़ी गल्लें दा कसुर ला दे हे। 4पिलातुस ने उसी पी पूछया, “के तू कोई जबाब नेई दिंदा, देख ए तेरे उपर किन्नी गल्लां दा कसुर लगांदे न?” 5यीशु ने पी कोई जबाब नेई दिता, जिथें तकर कि पिलातुस गी बड़ी रानगी लगी।
यीशु गी मौत दी सजा दा उक्म
6पिलातुस त्यार बेच कुसे एक कैदी गी जिसी ओ चांदा हा, छुड़ी ओड़दा हा। 7बरअब्बा नां दा एक मानु जेड़ा बलवाइयें दे कन्ने कैदी हा, जेनें एक्का करियै अत्या कित्ती दी ही 8ते पीड उपर जाईयै ओदे अगें अर्ज करन लगी, के जियां तू साड़े लेई करदा आया ऐ इयां गै कर। 9पिलातुस ने उनेंगी जबाब दिता, “तोस के चांदे ओ के आऊँ थुआड़े लेई यहूदीयें दे राजा गी छुड़ी ओड़ा?” 10किके ओ जानदा हा के प्रधान याजकें ने उसी तोखे कन्ने पड़काया हां। 11लेकन प्रधान याजकें लोकें गी बकाया कि ओ बरअब्बा गी गै यीशु दी जगह छुड़ी ओड़े। 12ए सुनीयै पिलातुस ने उनेंगी पी पूछेया, “तां जिसी तोस यहूदीयें दा राजा बोलदे ओ, उसी आऊँ के करां?” 13ओ पी करलाईयै आखन लग्गे, “उसी सूली उपर चाढ़ी ओड़!” 14पिलातुस ने उनेंगी आखया, “के, एसनें के माडा कम कित्ता ऐ?” लेकन ओ ओर बी करलाए, “के उसी सूली उपर चाडी ओड़!” 15पी पिलातुस ने लोकें गी खोश करने दी मरजी च, बरअब्बा गी उन्दे लेई छुड़ी दिता, ते यीशु गी कोड़े मराईयै सौंपी दिता कि उसी सूली उपर चाडया जा।
यीशु दी निंदया
16सपाई उसी कीले दे अन्दर दे बेड़े च लेई गै जिसी प्रीटोरियुस आखया जन्दा हा, ते सारी पलटन सदी लेती ले। 17पी उनै उसी बैंजनी कपड़े पुआए ते कंडै दा मुकुट गुंथीयै ओदे सिर उपर रखया 18ते ए बोलियै उसी नमश्कार करन लग्गे, “ए यहूदीयें दे राजा, नमश्कार!” 19ओ ओदे सिर उपर सरकंडे मारदे, ते ओदे उपर थूकदे, ते गोढे नुआईयै मत्था टेकदे रे। 20जेलै ओ ओसदा मजाक करी चुके, ते ओदे उपरा बैंजनी कपड़े तुआरीयै ओदे गै कपड़े पुआए; ते पी उसी सूली उपर चढ़ाने लेई बार लेई गै।
यीशु गी सूलीयै उपर चाड़ना
21सिकन्दर ते रुफुस दे प्यो शमौन नां दा एक कुरेनी मनुक्ख गी जेड़ा अपने कर थमां आवा करदा हा, उनै उसी बेगार च पकड़या के ओसदी सूली चुकियै लेई चलया। 22ते ओ उसी “गुलगुता” नां दी जगै उपर, जेदा मतबल ऐ “खोपड़ी दी जगह” 23उत्थें उसी मुर्र मलाईयै अंगुरें दा रस देन लगे, लेकन ओनें नेई पीता। 24पी उनै उसी सूली उपर चढ़ाया ते ओदे चोगे उपर चिटठियाँ पाईयां, के कोस गी ओ चोगा मिलग, ओदे चोगे गी अप्पुं बिचें उनै बंडी लेया। 25जेलै उनै उसी सूली उपर चढ़ाया ते बड्डे बेलै दे नौ बजा दे हे। 26ते ओदे कसुर पत्र उपर ए लिखे दा हा, “यहूदीयें दा राजा।” 27उनै ओदे कन्ने दो डाकुयें गी बी सूली उपर चाढ़या, एक गी सजे ते दुए गी खबे पासे। 28पी पवित्र शास्त्र दा ओ वचन पूरा ओया जेदे च गलाया गेदा हा, ओ पापियें दे बेच गिन्या गीया। 29ते उत्थें रस्ते जाने आले सिर गी लाई-लाई ते ए आखीयै ओदी निंदया करदे हे, “ओ! मंदर गी टाने आले ते त्रै धयाडें च बनाने आले, 30अपने आप गी बचा ते सूली उपरा उतरी जा!” 31इसै चाली प्रधान याजकें बी शास्त्री दे कन्ने मिलीयै आपस च ओदा मजाक करदे ए बोला करदे हे, “एनें दुए गी बचाया; लेकन अपने आप गी नेई बचाई सकदा। 32ऊन मसीह-इस्राएल दे राजा-सूली उपरा थल्लै उतरी आ के अस दिखी सकचै ते बश्वास करचै!” ते ओ बी ओदे कन्ने सूली उपर चाढ़े गेदे हे, एस चाली ओदी निंदया करा दे हे।
यीशु दी मौत
33जेलै दोपैर दे बारां बजी गै ते सारे देश च न्हेरा छाई गीया त्रै बजे देन तकर छायेदा रिया। 34ते त्रै बजने उपर यीशु ने बड़ी उच्ची बाज बेच करलाईयै आखया, “इलोई, इलोई, लमा शबक्तनी?” जेदा मतबल ऐ, “ए मेरे परमेसर, ए मेरे परमेसर, तो मिगी कि छुड़ी दिता ऐ?” 35पी जेड़े कोल खडोते दे हे उन्देचा किनें ऐ सुनीयै आखया, “दिखो, ओ एलिय्याह गी पुकारा दा ऐ।” 36ते एक ने दौड़ीयै स्पंज गी सिरके च डोबया, ते सरकंडे उपर रखियै उसी चुसाया ते आखया, “ठैरी जाओ, दिखो एलिय्याह उसी तुआरने लेई ओंदा यां नेई।” 37पी यीशु ने बड़ी उच्ची बाज कन्ने करलाईयै प्राण छोड़ी ओड़े। 38ते मंदर दा पर्दा उपर तां थल्लै तकर फटियै दो टुकड़े ओई गै। 39जेड़ा सूबेदार ओदे अगें खडोते दा हा, जेलै ओसने इयां करलाईयै प्राण छुड़दे बेलै दिखया, ते ओनें आखया, “असल च ए मानु, परमेसर दा पुत्तर हां!” 40केई जनांनीयां बी दूर थमां दिखे करदीयां हा; उन्दे च मरियम मगदलीनी, निके याकूब ते योसेस दी मा मरियम, ते सलोमी ही। 41जदू ओ गलील जिले च हा ते ए ओदे कन्ने सेवा च चलदी ते ओदी बड़ी सेवा करदी हां; ते ओर बड़ी जनांनीयां बी हियां जेड़ीयां ओदे कन्ने यरूशलेम चा आईदी हियां।
युसूफ दी कब्र बेच यीशु गी दबया जाना
42जेलै शाम ओई गेई ते एसकरी के दुए देन दी तयारी दा धयाडा हा, जेड़ा सब्त दे एक देन थमां पैलैं ओंदा ऐ, 43अरिमतिया दा रैने आला युसूफ आया, जेड़ा महासभा दा इज्जतदार औदे च हा ते अप्पुं बी परमेसर दे राज दा एन्तजार च हा। ओ दलेर ओईयै पिलातुस कोल गीया ते यीशु दी लाश मंगी। 44पिलातुस गी रांन ओया के ओ इन्नी जल्दी मरी गीया; ते सूबेदार गी बलाईयै पूछया, “के ओ मरी चुकेया ऐ?” 45जदू ओनें सूबेदार दे दवारा हाल जानी लिया, ते लाश युसूफ गी दुआई दिती। 46पी ओनें मलमल दा एक कफ़न मुल्लें लेईयै, ते लाश गी तुआरीयै उसी ओस कफ़न बेच लपेटया, ते एक कब्र च जेड़ी चट्टान च खोदी गेई हे उसी रखया, ते कब्र दे दरबाजे उपर एक बड़ा पत्थर देई दिता। 47मरियम मगदलीनी ते योसेस दी मां मरियम दिखा दियां के ओ कुत्थें रखया ऐ।
Trenutno izabrano:
मरकुस 15: DOG
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
This work is licensed under Creative Commons Attribution-ShareAlike 4.0 License.