Luka 13
13
Mbəɗɗiyakude zaɗay, bi səzaɗaya
1Aba ahan de sahan ga, ɗa s'iŋgeɗe ɗa naya ala a ma Yesu de, ɗa dzakən labara s'i ɗa Galile s'iŋgeɗe gə Pilatu kəɗkəltəna a aŋəde wutə apə ŋa vərɗin sadake daba tan a Askwaf saŋa. 2Yesu zləmkənhətənaŋa, wa: «Kwa gurəkəl ɗa Galile sahan, ɗa ndəm ɗa Galile ba cecena i hipe, zlaɗa sahan nzəktan aɗaba s'ahan təku? 3À‑á, kugunhan ba. Na əŋ dzakuna: Abə kwa mbəɗkakude bə zaɗay kwan, kwene kini ba cecena kwan à kwá shuzhiya ba kugunhan. 4Təku kwa gurəkəl ɗaha jaŋwa zhire gə dzəguru tsəgwanna taŋəktənaŋade a Siluwam, kəɗkəltəna saŋa gə ɗa ndəm ɗa Zheruzalem ba cecena i hipe təku? 5À‑á, kugunhan ba. Na əŋ dzakuna: Kwene kini abə kwa mbəɗkakude bə zaɗay kwan ga, ba cecena kwan à kwá shuzhiya ba kugunhan.»
Araja i bikwa gə wihke ba
6Yesu dzəktən me al araja saŋa, wa: «Ɗu s'iŋgeɗe zak i məman bikwa a kuvak ene de, naya a gus kine apəna, amá nzəka ba. 7Mezlene dzakəna a ɗu gə ge sləra a kuvak ene de sahan, wa: “Məman bikwa gə na saŋa vaɗay məŋgan əŋ ne a gus kine apəna, amá əŋ njiya ba. Ŋgəɗede! Mbəzuwa ɗaya kuvak mà, amnaya?” 8Ɗu sləra ene ane zləmkənhənaŋa, wa: “Paba s'adaw hwa, á zakwa, harənde te adəɓa viyagan, əŋ gɨnarde taya, əŋ dignarde atə rəgwa, 9bi ǎ wihka ɗəma kine viyagasl. Abə wuhka bə ga, ikə ŋgəɗede.”»
Yesu mbər hər s'iŋgeɗe bək həts mbas
10Bigeɗe bək həts mbas, Yesu niya cugɨlhətan away a ɗaha hay a adaw guɓaɗay de ga, 11hər s'iŋgeɗe niya a akənahan lipe. Aveŋ jaŋwa zhire i jini a zhek de ha kaɓika, jukka bə tavaɗayede ndəɗɗa. 12Yesu ba tsaka ga, hakakude, dzakəna, wa: «Dile, kə mbərakede ada lipe tsəre aka ka mezlene.» 13Hətskənaŋade alay hay ene ga, ciɗa hər sahan tavakede ba ndəɗɗa, takənmandar‑a a zəmbəl s'Askwaf.
14Amá bembec vəɗika məlmal s'adaw guɓaɗay sahan, aɗaba Yesu mbərika ɗaha bək həts mbas. Dzatəna a ɗaha hay, wa: «Hənɗay gem marka niya a gə sləra. Nɨkwen mbərɨn ŋa kwan a hənɗay hay sahan de bəga, bək həts mbas ba.» 15Ɗuduwuna zləmkənhənaŋa, wa: «Kwene saŋa, ɗaha ɗa lɨde ba a tənday kwan de dəgiya! Kwene mà, gha wiya kwan kini pirkiyede bə təku asla ene, bi izhuŋwa ene ada gem‑a a ləɗay a vərɗina ahwam bək həts mbas? 16Hər saŋa kini ba shef s'Abraham, Shetene təkusika aveŋ jaŋwa zhire ni, zlaya bə pərɗipəna aɗaba bək həts mbas he?» 17Me Yesu sahan ɗəfəktənaŋade mbəray duna a ɗa dawa ene ba cecena. Amá ɗaha hay ga, ɗa higaka ala apə sləra hay sələmna sələmna ka gə wuran gəka saŋa ba cecena.
Araja i shef pili atə i shehi makala
(Matta 13:31-33; Markus 4:30-32)
18Yesu, wa: «Gurɗay s'Askwaf mà, ɗa gizhek atə ama? Əŋ gurɨtan atə ama? 19Ɗa gizhek aba atə shef pili gə ɗu s'iŋgeɗe təvika, laka həfɗika a kuvak ene de, haka, ghəraka ba ka məman shishka, ha fan hay ɗa giya adaw hay tan apə alay hay ene ka saŋa.»
20Dzəktəna adəɓa, wa: «Gurɗay s'Askwaf mà, əŋ gurɨtan atə ama? 21Ɗa gizhek atə shehi makala gə hərmana digika, həɗkəlde humbəga makala daru teteɓɓa ga, ha sləbkəlakude ba cecena saŋa.»
Mavendew kutewuna
(Matta 7:13-14, 21-23)
22A aŋəde Yesu like ala a Zheruzalem ga, lalakede a bərni hay‑a, atə i hu hay‑a, tsugəkəlhətan away a ɗaha hay. 23Ɗu s'iŋgeɗe mbutsəkənamiya, wa: «Ɗuduwuna, ɗa gə à ɗá zluwa saŋa mà, ba tə kutew ɗaya təku?»
Wuran ane zləmkənhətənaŋa, wa: 24«Hihirɨna bə zhek a ləɗide i mavendew ɓiccina ka. Əŋ dzakuna kugwan saŋa, aɗaba duna ɗa gə à ɗá gus ləɗide, amá ǎ firshɨtan. 25Abə pəbe s'adaw ǎ slabakude ǎ zləŋnande a mavendew ene, kwene zlama kwene a geshe ga, à kwá ta mavendew, kwene, ika: “Ɗuduwuna, panhəmənamiya a mavendew‑a!” Wuran ǎ zləmənhəkunaŋa, wa: “Kwene gha kwa nay ada magəna kini, əŋ shinkwene ba.” 26Kwene à kwá tanmandar‑a a dzaɗina kwene, ika: “Dəgiya ma pəka away, ma saka away aba a ma aka de, kə tsətsugəkəlhəman away hay ande a ciba hay a hu man de!” 27Amá wuran ǎ zləmənhəkunaŋa adəɓa, wa: “Gha kwa nay ada a magəna kini, əŋ shinkwene ba. Huwɨnpuwa, ba cecena kwan kwa ɗa gə s'iɓutsam#Awar 6:9.” 28À kwá yam, à kwá kirɗiya atə slahan akənahan, abə à kwá caka wutə Abraham, Izak atə Zhakup, ŋa ɗa mbəɗɗitənande me s'Askwaf a ɗaha hay ba cecena wutə a gurɗay ene de, amá kwene gə ɗa pickilkwena a geshe saŋa. 29Ɗaha hay à ɗá nay ada a ma dzaŋa s'apas‑a, ada ma nəŋɗay s'apas‑a, ada alay ɗəfka ka atə ada alay hədzan‑a, à ɗá le a zazaɗayakade aŋade a ipəɗay a gurɗay s'Askwaf de. 30Kugwan saŋa ga, ɗa s'iŋgeɗe a ɗa dəɓa de, à ɗá giya ɗa zuŋŋuna, ɗa s'iŋgeɗe a ɗa zuŋŋuna de kini, à ɗá giya ɗa dəɓa.»
Yesu yəmənde mərga a Zheruzalem
(Matta 23:37-39)
31Aba a ahan de sahan, Farisa hay s'iŋgeɗe ɗa naya ala a ma ene de, ɗa dzakəna, wa: «Hú ada hu saŋa ka, le ala a meɗe de, aɗaba Hirudus gus viɗɗiken.» 32Yesu zləmkənhətənaŋa, wa: «Len jɨnna a dagwa ɗemɗeməna ka ayah sahan, kwene, ika: “Ənne əŋ ɓure jini hay, ghaya əŋ mbure ɗa kuza bəkwa atə ləvaɗ, tá ə̌ŋ kəɗəlde sləra hwa ala apə hənɗay məŋgan. 33Amá wutə bəkwa, ləvaɗ, ha bəktak saŋa ga, zlama əŋ ge ba shula hwa te, aɗaba zlaya bə ɗa vəɗ ɗu mbəɗɗitənande me s'Askwaf a ɗaha hay a hu s'iŋgeɗe de, si a Zheruzalem.”
34«Ya Zheruzalem hwa! Ya Zheruzalem hwa! Ike ɗu kəɗɗil ɗa mbəɗɗitənande me s'Askwaf a ɗaha hay, ɗa gə wuran slunitan ala a ma aka de kini, kə kəɗkəltənakude i kuwan. Gha səlay kəmta kini əŋ gwasək məslɗitənŋa a waghay aka ala a ma hwa de, ka məman nzəgurak gə abə məsltənŋa a waghay ene ka ala a kəftakalak ene de, amá gə kwa təfkaŋade ba. 35Səgan ga, tá ɗa hərkənhəkunde a adaw kwan. Na əŋ dzakuna: À kwá hətspu bə cine aray, ha ala a sərte de gə à kwá dzawa, kwene, ika: “Askwaf á gɨnaŋade barka a ɗu gə nike i sləmay Ɗuduwuna#Awar 118:26.”»
Trenutno izabrano:
Luka 13: mlr
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© (Active), Wycliffe Bible Translators, Inc. All rights reserved.
Luka 13
13
Mbəɗɗiyakude zaɗay, bi səzaɗaya
1Aba ahan de sahan ga, ɗa s'iŋgeɗe ɗa naya ala a ma Yesu de, ɗa dzakən labara s'i ɗa Galile s'iŋgeɗe gə Pilatu kəɗkəltəna a aŋəde wutə apə ŋa vərɗin sadake daba tan a Askwaf saŋa. 2Yesu zləmkənhətənaŋa, wa: «Kwa gurəkəl ɗa Galile sahan, ɗa ndəm ɗa Galile ba cecena i hipe, zlaɗa sahan nzəktan aɗaba s'ahan təku? 3À‑á, kugunhan ba. Na əŋ dzakuna: Abə kwa mbəɗkakude bə zaɗay kwan, kwene kini ba cecena kwan à kwá shuzhiya ba kugunhan. 4Təku kwa gurəkəl ɗaha jaŋwa zhire gə dzəguru tsəgwanna taŋəktənaŋade a Siluwam, kəɗkəltəna saŋa gə ɗa ndəm ɗa Zheruzalem ba cecena i hipe təku? 5À‑á, kugunhan ba. Na əŋ dzakuna: Kwene kini abə kwa mbəɗkakude bə zaɗay kwan ga, ba cecena kwan à kwá shuzhiya ba kugunhan.»
Araja i bikwa gə wihke ba
6Yesu dzəktən me al araja saŋa, wa: «Ɗu s'iŋgeɗe zak i məman bikwa a kuvak ene de, naya a gus kine apəna, amá nzəka ba. 7Mezlene dzakəna a ɗu gə ge sləra a kuvak ene de sahan, wa: “Məman bikwa gə na saŋa vaɗay məŋgan əŋ ne a gus kine apəna, amá əŋ njiya ba. Ŋgəɗede! Mbəzuwa ɗaya kuvak mà, amnaya?” 8Ɗu sləra ene ane zləmkənhənaŋa, wa: “Paba s'adaw hwa, á zakwa, harənde te adəɓa viyagan, əŋ gɨnarde taya, əŋ dignarde atə rəgwa, 9bi ǎ wihka ɗəma kine viyagasl. Abə wuhka bə ga, ikə ŋgəɗede.”»
Yesu mbər hər s'iŋgeɗe bək həts mbas
10Bigeɗe bək həts mbas, Yesu niya cugɨlhətan away a ɗaha hay a adaw guɓaɗay de ga, 11hər s'iŋgeɗe niya a akənahan lipe. Aveŋ jaŋwa zhire i jini a zhek de ha kaɓika, jukka bə tavaɗayede ndəɗɗa. 12Yesu ba tsaka ga, hakakude, dzakəna, wa: «Dile, kə mbərakede ada lipe tsəre aka ka mezlene.» 13Hətskənaŋade alay hay ene ga, ciɗa hər sahan tavakede ba ndəɗɗa, takənmandar‑a a zəmbəl s'Askwaf.
14Amá bembec vəɗika məlmal s'adaw guɓaɗay sahan, aɗaba Yesu mbərika ɗaha bək həts mbas. Dzatəna a ɗaha hay, wa: «Hənɗay gem marka niya a gə sləra. Nɨkwen mbərɨn ŋa kwan a hənɗay hay sahan de bəga, bək həts mbas ba.» 15Ɗuduwuna zləmkənhənaŋa, wa: «Kwene saŋa, ɗaha ɗa lɨde ba a tənday kwan de dəgiya! Kwene mà, gha wiya kwan kini pirkiyede bə təku asla ene, bi izhuŋwa ene ada gem‑a a ləɗay a vərɗina ahwam bək həts mbas? 16Hər saŋa kini ba shef s'Abraham, Shetene təkusika aveŋ jaŋwa zhire ni, zlaya bə pərɗipəna aɗaba bək həts mbas he?» 17Me Yesu sahan ɗəfəktənaŋade mbəray duna a ɗa dawa ene ba cecena. Amá ɗaha hay ga, ɗa higaka ala apə sləra hay sələmna sələmna ka gə wuran gəka saŋa ba cecena.
Araja i shef pili atə i shehi makala
(Matta 13:31-33; Markus 4:30-32)
18Yesu, wa: «Gurɗay s'Askwaf mà, ɗa gizhek atə ama? Əŋ gurɨtan atə ama? 19Ɗa gizhek aba atə shef pili gə ɗu s'iŋgeɗe təvika, laka həfɗika a kuvak ene de, haka, ghəraka ba ka məman shishka, ha fan hay ɗa giya adaw hay tan apə alay hay ene ka saŋa.»
20Dzəktəna adəɓa, wa: «Gurɗay s'Askwaf mà, əŋ gurɨtan atə ama? 21Ɗa gizhek atə shehi makala gə hərmana digika, həɗkəlde humbəga makala daru teteɓɓa ga, ha sləbkəlakude ba cecena saŋa.»
Mavendew kutewuna
(Matta 7:13-14, 21-23)
22A aŋəde Yesu like ala a Zheruzalem ga, lalakede a bərni hay‑a, atə i hu hay‑a, tsugəkəlhətan away a ɗaha hay. 23Ɗu s'iŋgeɗe mbutsəkənamiya, wa: «Ɗuduwuna, ɗa gə à ɗá zluwa saŋa mà, ba tə kutew ɗaya təku?»
Wuran ane zləmkənhətənaŋa, wa: 24«Hihirɨna bə zhek a ləɗide i mavendew ɓiccina ka. Əŋ dzakuna kugwan saŋa, aɗaba duna ɗa gə à ɗá gus ləɗide, amá ǎ firshɨtan. 25Abə pəbe s'adaw ǎ slabakude ǎ zləŋnande a mavendew ene, kwene zlama kwene a geshe ga, à kwá ta mavendew, kwene, ika: “Ɗuduwuna, panhəmənamiya a mavendew‑a!” Wuran ǎ zləmənhəkunaŋa, wa: “Kwene gha kwa nay ada magəna kini, əŋ shinkwene ba.” 26Kwene à kwá tanmandar‑a a dzaɗina kwene, ika: “Dəgiya ma pəka away, ma saka away aba a ma aka de, kə tsətsugəkəlhəman away hay ande a ciba hay a hu man de!” 27Amá wuran ǎ zləmənhəkunaŋa adəɓa, wa: “Gha kwa nay ada a magəna kini, əŋ shinkwene ba. Huwɨnpuwa, ba cecena kwan kwa ɗa gə s'iɓutsam#Awar 6:9.” 28À kwá yam, à kwá kirɗiya atə slahan akənahan, abə à kwá caka wutə Abraham, Izak atə Zhakup, ŋa ɗa mbəɗɗitənande me s'Askwaf a ɗaha hay ba cecena wutə a gurɗay ene de, amá kwene gə ɗa pickilkwena a geshe saŋa. 29Ɗaha hay à ɗá nay ada a ma dzaŋa s'apas‑a, ada ma nəŋɗay s'apas‑a, ada alay ɗəfka ka atə ada alay hədzan‑a, à ɗá le a zazaɗayakade aŋade a ipəɗay a gurɗay s'Askwaf de. 30Kugwan saŋa ga, ɗa s'iŋgeɗe a ɗa dəɓa de, à ɗá giya ɗa zuŋŋuna, ɗa s'iŋgeɗe a ɗa zuŋŋuna de kini, à ɗá giya ɗa dəɓa.»
Yesu yəmənde mərga a Zheruzalem
(Matta 23:37-39)
31Aba a ahan de sahan, Farisa hay s'iŋgeɗe ɗa naya ala a ma ene de, ɗa dzakəna, wa: «Hú ada hu saŋa ka, le ala a meɗe de, aɗaba Hirudus gus viɗɗiken.» 32Yesu zləmkənhətənaŋa, wa: «Len jɨnna a dagwa ɗemɗeməna ka ayah sahan, kwene, ika: “Ənne əŋ ɓure jini hay, ghaya əŋ mbure ɗa kuza bəkwa atə ləvaɗ, tá ə̌ŋ kəɗəlde sləra hwa ala apə hənɗay məŋgan. 33Amá wutə bəkwa, ləvaɗ, ha bəktak saŋa ga, zlama əŋ ge ba shula hwa te, aɗaba zlaya bə ɗa vəɗ ɗu mbəɗɗitənande me s'Askwaf a ɗaha hay a hu s'iŋgeɗe de, si a Zheruzalem.”
34«Ya Zheruzalem hwa! Ya Zheruzalem hwa! Ike ɗu kəɗɗil ɗa mbəɗɗitənande me s'Askwaf a ɗaha hay, ɗa gə wuran slunitan ala a ma aka de kini, kə kəɗkəltənakude i kuwan. Gha səlay kəmta kini əŋ gwasək məslɗitənŋa a waghay aka ala a ma hwa de, ka məman nzəgurak gə abə məsltənŋa a waghay ene ka ala a kəftakalak ene de, amá gə kwa təfkaŋade ba. 35Səgan ga, tá ɗa hərkənhəkunde a adaw kwan. Na əŋ dzakuna: À kwá hətspu bə cine aray, ha ala a sərte de gə à kwá dzawa, kwene, ika: “Askwaf á gɨnaŋade barka a ɗu gə nike i sləmay Ɗuduwuna#Awar 118:26.”»
Trenutno izabrano:
:
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© (Active), Wycliffe Bible Translators, Inc. All rights reserved.