Luka 14
14
Yesu mbər ɗu gə zhek ene i shufəɗay bək həts mbas
1Bək həts mbas s'iŋgeɗe niya ga, Yesu laka ala adə ɗu ɓile a məlmal hay Farisa hay de a pə s'away adiyana. Ɗa gə akənahan ɗa ɗəfək sləmay aba apəna. 2Ɗu gə zhek ene i shufəɗay kini niya akənahan apə miya ayina. 3Mezlene Yesu mbutsəktənamiya a malum hay me gurɗay‑a, atə a Farisa hay, wa: «A me gurɗay man de mà, ciba niya təku a mbər ɗaha bək həts mbas, niba bəhe?» 4Amá ɗa pakənande aba me tan. Wuran ane bərika ɗu kuza sahan, mbərika, nəŋkəla ala adaw. 5Mezlene dzəktəna, wa: «Wiya ayikunde abə kine ene, bi asla ene nanide a suwa de bək həts mbas ni, ɗivirke ba a ləɗay a təfɗiyede saŋa?» 6Wutan ane ɗa dzəgwika bə vərɗin jawapa.
Kəɓ ŋa atə vərɗina away a ɗaha
7Yesu cece ɗa gə ɗa həktan a wumbri, ɗa dzadzər mazaɗay hay gə iŋgeɗe niba cine aŋade ahan hay saŋa ga, dzəktəna araja saŋa, wa: 8«Abə ɗa hiken ala a wumbri təf hərmana ga, zhede ba a mazaɗay de gə iŋgeɗe niba aŋade a ahan saŋa. Aɗaba bi ɗa hika ɗu s'iŋgeɗe ndimken ike i daradza. 9Ɗu gə ba wuran hikkwene cawuna kwan saŋa á dzaaka bə zlama, wa: “Slabakude, harənhənde a mazaɗay saŋa a menya.” Ike ane ikə slabakude adəɓa i mbəray ala apə mazaɗay‑a gə adede a ɗaha hay cak‑caka saŋa. 10Bira, abə ɗa hiken ala ajiba wumbri sahan de ga, zakade apə mazaɗay‑a gə adede cak‑caka saŋa. Abə ɗu gə hiken ǎ naya ga, ǎ dzaaka, wa: “Yaga hwa, nay zakade a mazaɗay sələmna de.” Kugwan ga, ǎ ɗəfənhakaŋade a daradza a ma ɗa gə de kwa piya away caca#Araja 25:6-7. 11Aɗaba ɗu gə abə pakənŋakude a ŋa ene ga, à ɗá kaɓənka, ɗu gə abə kaɓika ŋa ene kini, à ɗá panŋakude#Matta 23:12; Luka 18:14.»
12Mezlene dzakəna a ɗu gə haka ala adiyana ane, wa: «Abə kə hehe ɗaha ala a ɗəfka adiyaka ga, gha lapas, gha hagak kini, hatan bə yaga hay aka, gha wayə mamay, gha yaha hay aka, gha ɗa gelipe gə kwene apə mavendew kini. Aɗaba abə kə həktan ga, wutan kini à ɗá hehekinde, à ɗá mbuliyakede. 13Amá abə kə dika wumbri ga, hatənakude ike ba talage hay, lipe hay, ɗa dəre, ŋa ŋgulaf hay. 14Kugwan ga, ikə nje gədəɗɗay, aɗaba ɗa sahan à ɗá jukka bə mbulɗiyakede ihay aka. Si ba s'Askwaf ǎ le a mbulɗiyakede bək slabaɗayede ɗa jire ada mika ka.»
Araja i ɗa gə ɗa həktan ala a pə s'away adə Ɗuduwuna
(Matta 22:1-10)
15Ɗu s'iŋgeɗe a ɗa gə de ɗa piya away atə Yesu ane, ba sənay a ahan ga, dzakəna, wa: «Gədəɗɗay ǎ za a ɗu gə ǎ piya away a gurɗay s'Askwaf de.»
16Yesu zləmkənhənaŋa, wa: «Dagwa s'iŋgeɗe niya dika away duna, hahəkakude ɗaha hay ba duna. 17Sərte slaka a pə s'away ga, slənika ɗu sləra ene a ləɗay a dzaɗitəna a ɗa gə həktan ane, wa: “Nɨkwen, na away ba cecena i sluməɗay.” 18Amá ba cecena ɗa gə wuran həktan saŋa, gha wiya tan kini takənmandar‑a a mbutsə ɓusəɗay. Ɗu zuŋŋuna, wa: “Niya əŋ səmika kuvak, əŋ le a tsaɗiya, əŋ gɨyək ba kəmkam, ɓushuwuka.” 19Ɗu s'iŋgeɗe, wa: “Əŋ sumika aslagay mbətsɗay jem, əŋ le a sasəlɗitan, əŋ gɨyək ba kəmkam, ɓushuwuka.” 20Ɗu s'iŋgeɗe adəɓa, wa: “Ənne na əŋ təvika hərmana ba səgan, aɗaba sahan tsaw, əŋ jukka bə laɗaya.” 21Ɗu sləra ane ba mbəɗɗiŋa ene, laka a mbəɗɗinande me hay tan sahan a pəban s'adaw ene. Bembec lək vəɗɗika ga, dzakəna a ɗu sləra ene sahan, wa: “Le ɗece ba yakwa yakwa ala a tənday hu de atə ala ande a ciba hay ene ba cecena, hitənakude talage hay, lipe hay atə ŋgulaf hay, ŋa ɗa dəre.” 22Ɗu sləra ane laka, mbəɗiŋa ga, naya a dzaɗina, wa: “Paba s'adaw hwa, igə ike kə dzaka ane gaka, amá zlama mazaɗay maka.” 23Pəban s'adaw ene ane, wa: “Le ala ande a ciba hay, kutiyede aba atə ciba hay mishishina gə apə zhek s'adaw hay‑a saŋa, gha kə nzək wiya kini slinaŋade abi nzəɗa a ləɗide, gəni adaw hwa á ruhwa. 24Amá na əŋ dzakuna: Ɗa gə əŋ həktan zuŋŋwa saŋa ga, ba ɗu ɓile tan kini gəɗande bə cine ɗəfka hwa.”»
Mbəɗɗipan dəɓa a away hay ba cecena a kutə Yesu
(Matta 10:37-38)
25Ɗaha hay duna ɗa lak apə ciba ka atə Yesu, mezlene mbəɗəktənande aray, dzəktəna, wa: 26«Ɗu gə abə naya ala a ma hwa de ni, mickinwa bə ha ndəmika wutə pəban atə məman, hər ene, waghay ene, dagwa hay məman, dile hay məman, aba atə ŋasaray ene ga, jukka bə gaɗaya ɗu kutəɗinaw. 27Gha wiya aŋa pakaŋade bə zlaɗa ene a kutəɗilnaw ga, jukka bə gaɗaya ɗu kutəɗinaw. 28Wiya ayikunde abə gus hən s'adaw tsəgwanna ni, zakade bə te a slasləɗika igə adaw sahan ǎ pɨka, atə a sənɗiyede mà, shiŋgu ene ǎ sliya he a kəɗɗilede saŋa? 29Aɗaba abə takənmandar‑a ɗaya ni, dzəgwika kəɗɗilede ga, ba cecena ɗa gə à ɗá caka adaw sahan, à ɗá mushiya, wa: 30“Cɨnka ɗece dagwa saŋa takənmandar‑a a hən s'adaw‑a, amá dzəgwika bə kəɗɗilede!” 31Təku bay gəna abə ǎ le a zlər huma atə bay s'iŋgeɗe ni, zakade bə te a slasləɗika ŋa ba hasha, abə ǎ jukka ləɗay a vəɗ huma i ɗagadiyana dəbu jem (10000) atə bay gə ǎ ninəhan i ɗaha dəbu jem jem caw (20000) saŋa? 32Abə ceciya ǎ jukka bə ga, slinka ɗa slənɗay ene ala a ma bay ɓile ene de saŋa, ba kwa zlama tə kwalala hay apə zhek‑a, a ləɗay a mbutsə sluməɗay. 33Kugwan saŋa ga, gha wiya kwan kini, jukka bə gaɗaya ɗu kutəɗinaw, abə mbəɗəkpan bə dəɓa a igə a razəge ene ba cecena.»
Mazay gə yamyama tsəre ene huwakede
(Matta 5:13; Markus 9:50)
34«Mazay#14:34 Mazay tan a ahan de saŋa, abə mbasaka yamyama tsəre ene hukede. ga, isələmna, amá abə yamyama tsəre ene huwakede mà, ɗa mbəɗəlhənariya kəma i yamyama tsəre ene adəɓa? 35A higay kini humanande ba, rəgwa kini gɨka ba, si ba ɗa le a hətsɗila a geshe. Ɗu gə abə sləmay ene dikkwa, á cukka me saŋa.»
Trenutno izabrano:
Luka 14: mlr
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© (Active), Wycliffe Bible Translators, Inc. All rights reserved.
Luka 14
14
Yesu mbər ɗu gə zhek ene i shufəɗay bək həts mbas
1Bək həts mbas s'iŋgeɗe niya ga, Yesu laka ala adə ɗu ɓile a məlmal hay Farisa hay de a pə s'away adiyana. Ɗa gə akənahan ɗa ɗəfək sləmay aba apəna. 2Ɗu gə zhek ene i shufəɗay kini niya akənahan apə miya ayina. 3Mezlene Yesu mbutsəktənamiya a malum hay me gurɗay‑a, atə a Farisa hay, wa: «A me gurɗay man de mà, ciba niya təku a mbər ɗaha bək həts mbas, niba bəhe?» 4Amá ɗa pakənande aba me tan. Wuran ane bərika ɗu kuza sahan, mbərika, nəŋkəla ala adaw. 5Mezlene dzəktəna, wa: «Wiya ayikunde abə kine ene, bi asla ene nanide a suwa de bək həts mbas ni, ɗivirke ba a ləɗay a təfɗiyede saŋa?» 6Wutan ane ɗa dzəgwika bə vərɗin jawapa.
Kəɓ ŋa atə vərɗina away a ɗaha
7Yesu cece ɗa gə ɗa həktan a wumbri, ɗa dzadzər mazaɗay hay gə iŋgeɗe niba cine aŋade ahan hay saŋa ga, dzəktəna araja saŋa, wa: 8«Abə ɗa hiken ala a wumbri təf hərmana ga, zhede ba a mazaɗay de gə iŋgeɗe niba aŋade a ahan saŋa. Aɗaba bi ɗa hika ɗu s'iŋgeɗe ndimken ike i daradza. 9Ɗu gə ba wuran hikkwene cawuna kwan saŋa á dzaaka bə zlama, wa: “Slabakude, harənhənde a mazaɗay saŋa a menya.” Ike ane ikə slabakude adəɓa i mbəray ala apə mazaɗay‑a gə adede a ɗaha hay cak‑caka saŋa. 10Bira, abə ɗa hiken ala ajiba wumbri sahan de ga, zakade apə mazaɗay‑a gə adede cak‑caka saŋa. Abə ɗu gə hiken ǎ naya ga, ǎ dzaaka, wa: “Yaga hwa, nay zakade a mazaɗay sələmna de.” Kugwan ga, ǎ ɗəfənhakaŋade a daradza a ma ɗa gə de kwa piya away caca#Araja 25:6-7. 11Aɗaba ɗu gə abə pakənŋakude a ŋa ene ga, à ɗá kaɓənka, ɗu gə abə kaɓika ŋa ene kini, à ɗá panŋakude#Matta 23:12; Luka 18:14.»
12Mezlene dzakəna a ɗu gə haka ala adiyana ane, wa: «Abə kə hehe ɗaha ala a ɗəfka adiyaka ga, gha lapas, gha hagak kini, hatan bə yaga hay aka, gha wayə mamay, gha yaha hay aka, gha ɗa gelipe gə kwene apə mavendew kini. Aɗaba abə kə həktan ga, wutan kini à ɗá hehekinde, à ɗá mbuliyakede. 13Amá abə kə dika wumbri ga, hatənakude ike ba talage hay, lipe hay, ɗa dəre, ŋa ŋgulaf hay. 14Kugwan ga, ikə nje gədəɗɗay, aɗaba ɗa sahan à ɗá jukka bə mbulɗiyakede ihay aka. Si ba s'Askwaf ǎ le a mbulɗiyakede bək slabaɗayede ɗa jire ada mika ka.»
Araja i ɗa gə ɗa həktan ala a pə s'away adə Ɗuduwuna
(Matta 22:1-10)
15Ɗu s'iŋgeɗe a ɗa gə de ɗa piya away atə Yesu ane, ba sənay a ahan ga, dzakəna, wa: «Gədəɗɗay ǎ za a ɗu gə ǎ piya away a gurɗay s'Askwaf de.»
16Yesu zləmkənhənaŋa, wa: «Dagwa s'iŋgeɗe niya dika away duna, hahəkakude ɗaha hay ba duna. 17Sərte slaka a pə s'away ga, slənika ɗu sləra ene a ləɗay a dzaɗitəna a ɗa gə həktan ane, wa: “Nɨkwen, na away ba cecena i sluməɗay.” 18Amá ba cecena ɗa gə wuran həktan saŋa, gha wiya tan kini takənmandar‑a a mbutsə ɓusəɗay. Ɗu zuŋŋuna, wa: “Niya əŋ səmika kuvak, əŋ le a tsaɗiya, əŋ gɨyək ba kəmkam, ɓushuwuka.” 19Ɗu s'iŋgeɗe, wa: “Əŋ sumika aslagay mbətsɗay jem, əŋ le a sasəlɗitan, əŋ gɨyək ba kəmkam, ɓushuwuka.” 20Ɗu s'iŋgeɗe adəɓa, wa: “Ənne na əŋ təvika hərmana ba səgan, aɗaba sahan tsaw, əŋ jukka bə laɗaya.” 21Ɗu sləra ane ba mbəɗɗiŋa ene, laka a mbəɗɗinande me hay tan sahan a pəban s'adaw ene. Bembec lək vəɗɗika ga, dzakəna a ɗu sləra ene sahan, wa: “Le ɗece ba yakwa yakwa ala a tənday hu de atə ala ande a ciba hay ene ba cecena, hitənakude talage hay, lipe hay atə ŋgulaf hay, ŋa ɗa dəre.” 22Ɗu sləra ane laka, mbəɗiŋa ga, naya a dzaɗina, wa: “Paba s'adaw hwa, igə ike kə dzaka ane gaka, amá zlama mazaɗay maka.” 23Pəban s'adaw ene ane, wa: “Le ala ande a ciba hay, kutiyede aba atə ciba hay mishishina gə apə zhek s'adaw hay‑a saŋa, gha kə nzək wiya kini slinaŋade abi nzəɗa a ləɗide, gəni adaw hwa á ruhwa. 24Amá na əŋ dzakuna: Ɗa gə əŋ həktan zuŋŋwa saŋa ga, ba ɗu ɓile tan kini gəɗande bə cine ɗəfka hwa.”»
Mbəɗɗipan dəɓa a away hay ba cecena a kutə Yesu
(Matta 10:37-38)
25Ɗaha hay duna ɗa lak apə ciba ka atə Yesu, mezlene mbəɗəktənande aray, dzəktəna, wa: 26«Ɗu gə abə naya ala a ma hwa de ni, mickinwa bə ha ndəmika wutə pəban atə məman, hər ene, waghay ene, dagwa hay məman, dile hay məman, aba atə ŋasaray ene ga, jukka bə gaɗaya ɗu kutəɗinaw. 27Gha wiya aŋa pakaŋade bə zlaɗa ene a kutəɗilnaw ga, jukka bə gaɗaya ɗu kutəɗinaw. 28Wiya ayikunde abə gus hən s'adaw tsəgwanna ni, zakade bə te a slasləɗika igə adaw sahan ǎ pɨka, atə a sənɗiyede mà, shiŋgu ene ǎ sliya he a kəɗɗilede saŋa? 29Aɗaba abə takənmandar‑a ɗaya ni, dzəgwika kəɗɗilede ga, ba cecena ɗa gə à ɗá caka adaw sahan, à ɗá mushiya, wa: 30“Cɨnka ɗece dagwa saŋa takənmandar‑a a hən s'adaw‑a, amá dzəgwika bə kəɗɗilede!” 31Təku bay gəna abə ǎ le a zlər huma atə bay s'iŋgeɗe ni, zakade bə te a slasləɗika ŋa ba hasha, abə ǎ jukka ləɗay a vəɗ huma i ɗagadiyana dəbu jem (10000) atə bay gə ǎ ninəhan i ɗaha dəbu jem jem caw (20000) saŋa? 32Abə ceciya ǎ jukka bə ga, slinka ɗa slənɗay ene ala a ma bay ɓile ene de saŋa, ba kwa zlama tə kwalala hay apə zhek‑a, a ləɗay a mbutsə sluməɗay. 33Kugwan saŋa ga, gha wiya kwan kini, jukka bə gaɗaya ɗu kutəɗinaw, abə mbəɗəkpan bə dəɓa a igə a razəge ene ba cecena.»
Mazay gə yamyama tsəre ene huwakede
(Matta 5:13; Markus 9:50)
34«Mazay#14:34 Mazay tan a ahan de saŋa, abə mbasaka yamyama tsəre ene hukede. ga, isələmna, amá abə yamyama tsəre ene huwakede mà, ɗa mbəɗəlhənariya kəma i yamyama tsəre ene adəɓa? 35A higay kini humanande ba, rəgwa kini gɨka ba, si ba ɗa le a hətsɗila a geshe. Ɗu gə abə sləmay ene dikkwa, á cukka me saŋa.»
Trenutno izabrano:
:
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© (Active), Wycliffe Bible Translators, Inc. All rights reserved.