Luka 22
22
1Paska inni pullaa he’eranga parbu daggire āte.
2mugulu pūzārangee shāstrungee lōkutaki azziteri lakka evanaï ēni kihiā paia tuh’no inzihi shējana parri maẓẓeri.
3embatiĕ bāro zāna shishunga ezzita anditi Ishkariotasi Juda tāna saitanu hōdhesi.
4lakka evasi hazziwaha, evanaï evaraki ēni kīhi herpalāḍinesiā ēdāni kōsomi mugulu‐pūzāranga tullee adhipatinga tullee zōlitesi.
5ēdānaki evari rāha āhiwaha evanaki hommu hījali mānditeri.
6evasi ēdānaki māndiwaha zana‐samuhomi hillaati evanaï evaraki herpinanaki tagiti samemi parri maẓẓesi.
7paska dā’ni pullaa he’eranga nēẓu wājaliĕ
8Jesu Peturuï Johanuï messiwaha:— mīmbu hazziwaha māro paskati tinnanaki mangetaki mliph’du inzihi evaraï panḍitesi.
9evari:— māmbu imbia mliphali māndi manzi inzihi evanaï wenzaliĕ
10evasi:— īdikō mīmbu gāḍata rēẓa mannati, ēju dōka sūza hazzi manni roosi mī eduru wānesi; evasi rē’ni izzo mīmbu evani zēẓo hazziwaha:—
11nānu nā shishunga tulle paskati tinzali warr’i bakara imbia mānne inzihi gūrū ninnaa wenzi mannesi inzihi izzoti kazzani tulle weh’du.
12evasi sazu gatti ro kazza mēḍa‐bakara minge tōstanesi; embaa mliph’du inzihi evari tulle westesi.
13evari hazziwaha evasi tami tulle westi lehe kanu koddihi paskati mlipheri.
14ē gaḍija wātati evasiĕ evani tulle athi apostalungee daḍita kugga maẓẓeri.
15embatiĕ evasi:— nānu dondo āanaha ōkhee mī tulle ī paskati tinzali inzihi hāree kōritee.
16Paramushreeni rāziomita īdi mliph’ni pateka iẓẓetiĕ eẓẓelawa ēdāni tinnoo inzihi mī tulle wessi manzaï inzihi wessiwaha
17evasi mandi perha koddiwaha pāẓiwaha:— mīmbu īdāni ēnhiwaha mī lōni bāti kīdu.
18iẓẓetiĕ Paramushreeni rāziomi wāni pateka nānu drāksha‐rasomi unnoo inzihi mī tulle wessi manzaï iẓẓesi.
19ēḍāju evasi ro he’era assiwaha pāẓiwaha ēdāni likhiwaha evaraki hīhiwaha:— īdi mī kōsomi hīhi manninā anga, nannaa onpa koddali īdaa kīdu inzihi westesi.
20ēleāhiĕ rānda tiẓẓi ḍāju evasi mandi assiwaha:— ī mandi pu’ni nibandhanata mī kōsomi wākhi manni nā kassa.
21īdikō nannaa herpanani kēju nā tulle zakke ī pāta muhe manne.
22rāẓiti lehe mānēi‐mrīesi hannesi samma imbaani hāte herpitasi āhi mannesiā ē mānēitaki wāhu inzihi westesi.
23evari:— ī kamma kīnasi imbaasiā inzihi tami lōni tambuĕ wenpiājali mātheri
24tami lōni imbaasi kazzani lehe āẓitasiā inni gōḍi evaraki hōẓaliĕ
25evasi evari tulle īle iẓẓesi:— tēḍitari tāna ōḍka evari muhe adhikāromi kīneri; evari muhe kazza‐pāna kīnari upakaringa innari āneri.
26mīmbu ātihe ēle āhi mannai āe. mī lōni kazzasi īẓani lehee, adhipati gotti leḥe manzali walle.
27kazzasi imbaasi? rānda dāḍita kugginasikī? sēba kīnasikī? dāḍita kugginasi āusikī? ātiwa nānu mī maddi sēba gattani lehe maï.
28nā dondongaña nā tulle anda niẓẓa mannari mīmbuĕ.
29,30lakka nā tanzi nange rāziomi mliphi lehe, mīmbuwa nā rāziomita nā pāta tāna rānda‐guzza tinziwaha, simhāsanomika muhe kuggiwaha Ishrælu bāro zāna kūḍanga gattaraki biẓāromi kījali nānuwa minge rāziomi mliphatee.
31Simonutī, Simonutī! īdikō saitanu mimmaa assiwaha gohonga lehe hāni kījali mimmaa kōritesi samma.
32nī wishwāsomi tappaa lehe nānu nī kōsomi lākitee; nī mōno wenḍiti ḍaju nī taiïbaiïngani deppi kīmu inzihi westesi.
33ātihe evasi:— prabhutī! nī tulle zakke keiditakiĕ hākitakiĕ hazzali mānda maï inzihi evani tulle wessaliĕ.
34evasi:— Peturutī! nīnu nannaa punnoo inzihi tīni bēḍe weh’ni pateka nīnzu kōju kle’e inzihi nī tulle wessi manzaï iẓẓesi.
35ōḍee evasi:— nānu mimmaa mōñee zāḍijee chepungee hillaanaha panḍiti minge ēnaiwa ūña maẓẓekī? inzihi evaraï weẓẓati, evari:— ēnaiwa ūña āha hillaate iẓẓeri.
36ēdānaki evasi:— nīe iẓẓihe mōña gattasi mōñee zāḍijee ōhi hazzali walle, sūri hillaa gattasi tani himbori prāẓiwaha sūriti koddali walle.
37evasi doho kīnari lōni rooni lehe aẓitasi ātesi inzihi raẓiti hāḍa nā tāna mliphali walle; ēni kīhi iẓẓihe, nā bakkiti sangati nenzine inzihi mī tulle wessi manzaï iẓẓesi.
38evari:— prabhutī imbaa ri sūri mannu inzahĕ — hālinu inzihi evasi evari tulle westesi.
39ēḍāju evasi hōẓiwaha tani sadanittomi lehe Oliva hōrutaki hazzaliĕ shishunga zakke evani zēẓo perheri.
40ē tājutaki wāhiwaha evasi evari tulle:— mīmbu shōdhanata wāaretu prārdhana kīdu inzihi wessiwaha
41evari tānati walli methi eẓẓi hĕo hazziwaha menda kuttihi
42ābā, ī mandi nā tānati halwi kījali ninge ishtomi ātihe halwi kījamu; ātiwa nā ishtomi ăe nī ishtomi mlīpe inzihi prārdhana kittesi.
43embatiĕ lākkapūruti ro dūta evanaki tōnzāhiwaha evanaki barsu kitte.
44evasi wāhu pātiwaha nānisi eẓẓeka prārdhana kījaliĕ evani gāma tozzo rīhi manni kazza kassa bondanga lehe āte.
45evasi prārdhana muthiwaha ningiwaha tani shishunga tāna wāhiwaha evari dukhomiti hunzinani messiwaha:—
46mīmbu ēnaataki iḍḍa kīḥi manzeri? shōdhanata wāaretu ningiwaha prārdhana kīdu inzihi evari tulle westesi.
47evasi ōḍe zōli manzaliĕ, īdikō loku gotta āhi wāteri. bāro zāna loni Juda iẓẓasi evari kiha ōkhee tākihi Jesuï londawāli evani tāna wajaliĕ,
48Jesu:— Judatī! nīnu londiwiwaha mānēi‐mrīenaï herpi manzikī? inzihi evani tulle inzaliĕ
49evani suttu mannari zarginani messiwaha:— prabhutī! suri tulle tuh’nomikī? inzihi evanaï weẓẓeri.
50embatiĕ evari lōni roosi mugulu pūzāri gotteenaï tūnhiwaha evani ti’ini krīju dambe tustesi.
51ātihe Jesu:— iẓẓetiĕ tambadu inzihi wessiwaha kriju dīgiwaha nehi kittesi.
52Jesu tannaa aska wāti mugulu pūzāranga tullee gūditi adhipatinga tullee kazzari tullee:— mīmbu dongeeni muhe wāti lehe sūringa tullee wītenga tullee hōẓa wāterikī?
53nānu wālati nēẓu mī tāna gūdita maẓẓati mīmbu nannaa astaateri; ātihe īdiĕ mī wēlee, anderiti adhikāromiĕ iẓẓesi.
54evari evanaï assa triẓẓa ōhīhi mugulu puzāri izzo tatteri. Peturu hĕoti evari zēẓo wāhi maẓẓesi.
55embatiĕ koẓẓetari angenita hiẓẓu kēpiwaha suttu kugga mannati Peturuwa evari maddi kugga maẓẓesi.
56ē wēla ro īẓai ē guduwa uzedita evasi kūgginani messiwaha evani bakki messiwaha:— īvasiwa evani tulle zakke maẓẓesi inzihi weste.
57ēdānaki Peturu:— bōpī! nānu evanaï punnoo iẓẓesi.
58ōḍe gāḍekataki ōḍe roosi evanaï messiwaha:— nīnuwa evari lōni rooti inzaliĕ Peturu:— aḍē, nānu ăoni iẓẓesi.
59ḍājueski ro gādekataki ōḍe roosi wāhiwaha:— satteeniĕ īvasiwa evani tulle maẓẓesi; ivasi Galilajatasi inzihi tudde westesi.
60ēdānaki Peturu:— aḍē nīnu westai nānu punnoo iẓẓesi; evasi ōḍe zōli mannati zēẓoĕ kōju klēte.
61embatiĕ prabhu wenḍiwaha Peturu bakki mestesi lakka Peturu:— nīnzu kōju klēanaha tolliĕ nīnu tīni bēḍe nannaa punnoo inzi inzihi prabhu tani tulle westi hāḍa onpa koddihi
62pangata hazziwaha zārati littesi.
63Jesuï asti mānēi evanaï gēnkrowi kīhiwaha wēẓiwaha evani mūmbu plīkhiwaha:—
64ninnaa wētatasi imbaasi wēkh’mu inzihi evanaï wenziwaha
65evanaki rīsuti ōḍe nānisi dūshana hāḍanga zōliteri.
66lāi ājaliĕ lōku kazzariĕ, mugulu pūzārangee, shāstrungee bēroni kuggiwaha evanaï tami kazza bēronitaki ōhi hazziwaha:—
67nīnu Kristuti iẓẓihe mā tulle westamu iẓẓeri. ēdānaki evasi:— nānu mī tulle westi zakke mīmbu nammuuderi.
68ēdi āanaha nānu mimmaa weẓẓi zakke mīmbu utromi nange hījuuderi.
69īdi māthiwaha mānēi‐mrīesi blāju gatti Paramushreeni ti’ini bakkita kuggimannasi ānesi inzihi evari tulle westesi.
70ēdānaki bahētari:— ēle ātihe nīnu Paramushreeni mrīenatī? inzihi wenzaliĕ evasi:— mīmbu iẓẓi lehee, nānuĕ evatee inzihi evari tulle westesi.
71ēdānaki evari:— mange ōḍe sakinga tulle kamma ēnai? māro evani gūtitihāḍa weẓẓohi inzihi westeri.
Trenutno izabrano:
Luka 22: KUVI
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Published by the British and Foreign Bible Society in 1916.