मत्ती 7
7
भंगार नि लगांण
(लूका 6:37-38,41-42)
1“दूसरों कु जांच कैरी के न्याय नि कैरा त परमेश्वर भि तुमारो न्याय नि करलो।” 2किलैकि जन कै तुम दुसरो की जांच कैरी के न्याय करद्यां उन ही कै परमेश्वर तुमारो न्याय करलो अर जै नाप से तुम नपदा छा वे ही नाप से तुम कु भि नपे जालो। 3तु एक छुट्टा पाप कु अपड़ा दगड़ा विश्वासी कु न्याय किलै कनि छै जु वेकी आँख मा कुछ गंदगी क जन च जब तेरु जीवन मा एक बड़ो पाप च जु तेरा अपड़ा आँखा मा एक लठ्ठे का समान च। 4जब तेरु खुद का भितर भौत बड़ा भंगार च त त्वे तैं खुद से छुट्टा भंगार वला मनिख की भि मदद कनै कि कोशिश नि कन चयणी च। 5हे कपटि पैली अपड़ी आंख बट्टी भंगार तैं सुधारी ले, फिर तु साफ रीति ल अपड़ा भैय कि आंख का खोड तैं खूब कै देखि के निकाली सकली अर दूसरों तैं ऊंका छुटा दोषों तैं सुधरण मा मदद कैरी सकली। 6“उ लुखुं तैं परमेश्वर का सन्देश नि सुंणौ जु यु तैं सुनण नि चंदिनी पर तुम जब इन करद्यां त यु इन होलो जनकै पवित्र वस्तु तैं कुत्तों का अगनैं ढुलण अर जन सुंगरु का अगनैं मोती ढुलण जु भस वे तैं रौंदी दयाला अर फिर तुम पर हमला करला।”
परमेश्वर बट्टी मंगण अर पांण
(लूका 11:9-13)
7“तुम तैं जु चयणु च वे तैं परमेश्वर बट्टी माँगा अर उ तुम तैं दयालो, खुज्येला त पैला, खटखटैल्या त तुम कु खुलै जालो।” 8किलैकि जु कुई मंगदु च वे तैं मिल्द च अर खुज्योंद च उ पौंदु च अर जु खटखटौंदु च वेको खुलै जालो। 9तुम मा बट्टी इन कु आदिम च की जु वेको नौंना तैं जु वे बट्टी रुठी मानगो त उ वे तैं ढुंगो दयालो। 10इन्ही कुई भि आदिम अपड़ा नौंना तैं माछा मांग त वे तैं जहरीला गुरो नि दींद। 11जब तुम बुरा हवे के अपड़ा नौंना बालों तैं भलि चीज दींण जंणदा छा त तुमारो स्वर्गीय बुबा अपड़ा मंगण वलो तैं भलि वस्तु किलै नि दयाला?#7:11 लूका 11:13 12ये कारण जु कुछ तुम चांदा छा कि मनिख तुम दगड़ी कैरा, तुम भि ऊंका दगड़ी उन ही कैरा, किलैकि मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वलो का लेखों कु मतलब यु ही च।
सरल अर कठिन रस्ता
(लूका 13:24)
13“तुम परमेश्वर का राज्य मा संगड़ा फाटक ल ही प्रवेश कैरा, किलैकि चौड़ु च उ बट्टो अर सरल च उ फाटक जु विनाश की तरपां लिजांद, अर भौत सैरा लोग यां बट्टी प्रवेश करदींनि।” 14किलैकि संकुरु च उ फाटक अर कठिन च उ बट्टो जु अनन्त जीवन कु पौंछौदु अर कुछ ही छिन जु वे तैं पौदींनि।
फलों बट्टी डाला की पहचाण
(लूका 6:43-44; 13:25-27)
15“झूठा लुखुं बट्टी जु अपड़ा आप तैं परमेश्वर का संदेश दींणवला बुल्दिन इन लुखुं बट्टी चौकस रावा जु भेडियों जन छिन जु को अफ तैं ढिबरों का खल्डा ल ढक्यूं लुखुं तैं यु विश्वास दिलांणु कु की उ ढिबरा छिन पर उ वास्तव मा भेड़िया छिन जु लुखुं पर हमला करदींनि।”#7:15 यहे. 22:27 16ऊंका कमों बट्टी तुम ऊं तैं पैछांणि लील्या क्य लोग झिबलांण बट्टी अंगूर या कांडो बट्टी बेडू तोड़दिनं? 17इन कै ही हर एक अच्छो डालो फल लौंदु अर निकम्मों डालो बुरो फल लौंदु। 18अच्छो डालो बुरो फल नि लै सकद अर न निकम्मों डालो अच्छो फल लै सकद। 19जु-जु डालो अच्छो फल नि लौंदु उ कटे अर झूठा लोग जु अपड़ा आप तैं परमेश्वर को संदेश दींणवलों बुल्दिन ऊं तैं भि इन ही दण्ड दिये जलो। 20इन कै ऊंका कामों ल तुम ऊं तैं पैछांणि लील्या। 21“जु मि कु हे प्रभु”हे प्रभु बुल्द ऊंमा बट्टी हर एक स्वर्ग का राज्य मा भितर नि जांण पालो पर उ ही जु मेरा स्वर्गीय बुबा कि मनसा पर चलदो। 22न्याय का दिन भौत सी लोग मि बट्टी बुलला हे प्रभु हे प्रभु क्य हम ल तेरु नौं से संदेश नि दे अर तेरा नौं से दुष्टात्मा तैं नि निकाली अर तेरा नौं से भौत सी चमत्कार नि करिनी? 23तब मि ऊं बट्टी खुलि के बोलि दयुलु मिल तुम तैं कभि नि जांणि। हे अधर्म कन वलो मेरा संमणी बट्टी चलि जा।#7:23 लूका 13:27
बुद्धिमान अर मूर्ख मनिख
(लूका 6:47-49)
24“इलै जु कुई मेरी यूं बातों तैं सूंणि के मंणदु च उ वे बुद्धिमान मनिख जन होलो जैल अपड़ो घौर पौड़ की नींव पर बंणै। 25अर बरखा ऐ अर गदेरा ऐनी अर आंधी तुफान ऐ अर वे घौर पर टकरै फिर भि उन ही गिरी किलैकि वेकी नींव पौड़ पर डाली छै। 26पर जु कुई मेरी यूं बातों तैं सुणदु च अर ऊं पर नि चलदो त उ वे निर्बुद्धि मनिख का जन होलो जैल अपड़ो घौर बल्ला पर बंणै। 27अर बरखा ऐ अर गदेरा ऐनी अर आंधी तुफान चलि अर वे घौर पर टकरै अर उ गिरि के छत्यानाश हवे गै।” 28जब यीशु यूं बातों तैं करि चुकि गैनी त इन हवे कि भीड़ वेका उपदेश से चकित हवेनि। 29किलैकि उ, ऊं तैं मूसा की व्यवस्था तैं सिखांण वला जनन, पर बड़ा अधिकारी जन उपदेश दींदु छो।
Trenutno izabrano:
मत्ती 7: GHMNT
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Garhwali New Testament(गढवली नयो नियम), 2020 by The Love Fellowship is licensed under a Creative Commons Attribution-ShareAlike 4.0 International License.