Evvan 16
16
1«Leäm mainstam tiʹjjid tän tõn diõtt, što jeäʹped mõõnteʹčče ååskad. 2Juudlažneeʹǩǩ räʹtǩǩee tiʹjjid ceerkavkååʹddest. Da puätt veâl äiʹǧǧ, kuäʹss kååʹtt-ne kådd ǩeän-ne teeʹst da jordd, što sloož Vuâsppååʹd. 3Nääiʹt sij tuejjee, ko sij jeäʹla tobddâm Eeʹjj jiâ ni muu. 4Leäm mainstam täʹst tiʹjjid tõn diõtt, što mooštčid säännan, puk mii tän ǩeeʹjjest mâŋŋa šâdd.
Pââʹss Jiõgg tuâj
Aalǥâst jiõm mainstam tiʹjjid täʹst, ko leʹjjem tijvuiʹm õõutsââʹjest. 5Leša ååʹn mon mõõnam suu årra, kååʹtt lij muu vuõlttääm. Ij ni ǩii teeʹst kõõjj muʹst, koozz mon leäm mõõnnmen. 6Ååʹn ko leäm tiʹjjid mainstam täʹst, tij leäʹped peʹcclest. 7Mon säärnam tiʹjjid tuõđšvuõđ: tiʹjjid lij pueʹrab, što mon mõõnam meädda. Jõs mon jiõm mõõn, ij Vieʹǩǩteeja puäʹđ årrseed. Ko mon leäm mõõnnâm, vuõlttääm suu tij årra. 8Vieʹǩǩteeja puätt da čuäʹjat maaiʹlme, mii lij reäʹǩǩ, mäʹhtt piâzzât õhttvuõʹtte Vuâsppooʹdin da što suu suud puätt. 9Son rečč oummi rieʹǩǩ: sij jeäʹla åskkam muu. 10Son čuäʹjat čuõkku Vuâsppååʹd årra, tâʹl mon mõõnam Eččan årra meädda tij kueʹsttmest. 11Son čuäʹjat, što suudâm puätt, ko tän maaiʹlm koonǥõõzz leät juʹn suudâm.
12Muʹst leʹčči veâl jiânnai tiʹjjid mainstumuš, leša tij jeäʹped pââʹst veâl tõn fiʹttjed. 13Ko tuõđšvuõđ Jiõgg puätt, son jååʹđat tiʹjjid jueʹǩǩ sââʹjest tuõđšvuõʹtte. Son ij maainâst jiijjâs nõmstes, pâi tõn, mâiʹd lij kuullâm. Son särnn tiʹjjid, mõõk leʹžže veâl pueʹtti ääiʹjest šõddâd. 14Son čuõvat muu, tâʹl mon ooudam suʹnne tõn, mâiʹd son särnn tiʹjjid. 15Puk, mii lij Eččan, lij še muu. Tõn diõtt cieʹlǩǩem, što tuõđšvuõđ Jiõgg vuäǯǯ muʹst tõn, mâiʹd son tiʹjjid särnn.
Peʹccel mottai rämman
16Siõmmna ääiʹj ǩeeʹjjest tij jeäʹped teäʹnab vueiʹn muu. Leša eʹpet siõmmna ääiʹj ǩeeʹjjest vuäǯǯveʹted vueiʹnned muu.» 17Måtam Isõõzz mättʼtõspäärna kõõjjee kueiʹmm kueiʹmsteez: «Jeäʹp fiʹtte, mâiʹd son särnn. Son ceälkk: ’Siõmmna ääiʹj ǩeeʹjjest tij jeäʹped teäʹnab vueiʹn muu, leša siõmmna ääiʹj ǩeeʹjjest vuäǯǯveʹted vueiʹnned muu’. Son ceälkk še: ’Mon mõõnam Eččan årra’. 18Mii lij siõmmna ääiʹj ǩeeʹjjest? Jeäʹp fiʹtte, mâiʹd son särnn!»
19Isõs tiõʹđi, što sij haaʹlee kõõččâd tõn suʹst, da cieʹlǩi: «Tõn-ǥo tij smiõttveʹted kõskkneed, ko mon cieʹlǩǩem: ’Siõmmna ääiʹj ǩeeʹjjest tij jeäʹped teäʹnab vueiʹn muu, leša eʹpet siõmmna ääiʹj ǩeeʹjjest vuäǯǯveʹted vueiʹnned muu’? 20Tuõđi, tuõđi mon ceälkam tiʹjjid: tij vuäǯǯveʹted reäkkad da vaiʹǧǧred, leša peʹccleed mottai rämman. 21Šõddeei neezzan muõkkšââvv, ko suu podd lij puättam. Leša ko siõmâž lij šõddâm, son ij teäʹnab tõiʹd muõʹǩǩid muuʹšt, son rämmaš tõʹst, ko ođđ ooumaž lij puättam maaiʹlme. 22Ååʹn tij peʹcclõõššveʹted, leša mon vuõinnlõõđam veâl tijvuiʹm. Tâʹl tij vääim teudd rämm, koon ij ni ǩii teeʹst vueiʹt väʹldded meädda!
23Tõn peeiʹv tij jeäʹped teäʹnab kõõjj ni mâiʹd. Tuõđi, tuõđi mon ceälkam tiʹjjid: ko tij äännveʹted Eeʹjj mâiʹd-ne muu nõõm diõtt, son oudd tõn tiʹjjid. 24Tän räjja tij jeäʹped leäkku ni mâiʹd raukkâm muu nõõm diõtt. Raukkâd, de tij vuäǯǯveʹted da tij rämmad šâdd tiuddsen.
Mon leäm vuäittam maaiʹlm
25Leäm mainstam täʹst tiʹjjid aʹrvvõõzzi vuäivva. Puätt veâl äiʹǧǧ, kuäʹss jiõm maainâst aʹrvvõõzzi vuäivva, leša mainstam vuõiʹǧǧest Eʹjstan. 26Tõn peeiʹv tij moʹlidvâʹsttveʹted suu muu nõmstan. Jiõm mon cieʹlǩ, što mon moʹlidvââstam Eeʹjj tij peäʹlest. 27Eʹčč jiõčč rääʹǩǩast tiʹjjid, ko tij leäʹped muu räʹǩstam da åskkam, što leäm puättam Vuâsppååʹd åʹrnn. 28Mon vuõʹlǧǧem Eeʹjj åʹrnn da puõʹttem maaiʹlme. Ååʹn kuâđam maaiʹlm da mõõnam väʹst Eččan årra.»
29Mättʼtõspäärna cieʹlǩǩe: «Eman ton mainstak peeiʹtǩanai da aʹrvvõõzzitää. 30Ååʹn mij fiʹttjep, što ton teâđak puk. Ton teâđak juʹn ooudbeäʹlnn, mâiʹd oummu vuäitče tuʹst kõõččâd. Tõn diõtt mij åskkap, što leäk puättam Vuâsppååʹd åʹrnn.» 31Isõs vaʹsttii siʹjjid: «Ååʹn tij åskkveʹted. 32Puätt veâl äiʹǧǧ — tõt lij juʹn ååʹn ǩiõđi seʹst — kuäʹss tij piõdggneʹped kååʹtt koon årra da kueʹđđveʹted muu jiõččinan. Jiõm leäkku õhttu, tõn diõtt ko Eʹčč lij muin õõutsââʹjest. 33Leäm mainstam tän tiʹjjid tõn diõtt, što tij vuäǯǯčid muu rääuhan. Maaiʹlmest tiʹjjid vâjjeet, leša leäkkad smeʹllak: mon leäm vuäittam maaiʹlm.»
Trenutno izabrano:
Evvan 16: SKOLT
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© Lää´dd Pipliaseä´rvv; Suomen Pipliaseura; Finnish Bible Society 1988
Evvan 16
16
1«Leäm mainstam tiʹjjid tän tõn diõtt, što jeäʹped mõõnteʹčče ååskad. 2Juudlažneeʹǩǩ räʹtǩǩee tiʹjjid ceerkavkååʹddest. Da puätt veâl äiʹǧǧ, kuäʹss kååʹtt-ne kådd ǩeän-ne teeʹst da jordd, što sloož Vuâsppååʹd. 3Nääiʹt sij tuejjee, ko sij jeäʹla tobddâm Eeʹjj jiâ ni muu. 4Leäm mainstam täʹst tiʹjjid tõn diõtt, što mooštčid säännan, puk mii tän ǩeeʹjjest mâŋŋa šâdd.
Pââʹss Jiõgg tuâj
Aalǥâst jiõm mainstam tiʹjjid täʹst, ko leʹjjem tijvuiʹm õõutsââʹjest. 5Leša ååʹn mon mõõnam suu årra, kååʹtt lij muu vuõlttääm. Ij ni ǩii teeʹst kõõjj muʹst, koozz mon leäm mõõnnmen. 6Ååʹn ko leäm tiʹjjid mainstam täʹst, tij leäʹped peʹcclest. 7Mon säärnam tiʹjjid tuõđšvuõđ: tiʹjjid lij pueʹrab, što mon mõõnam meädda. Jõs mon jiõm mõõn, ij Vieʹǩǩteeja puäʹđ årrseed. Ko mon leäm mõõnnâm, vuõlttääm suu tij årra. 8Vieʹǩǩteeja puätt da čuäʹjat maaiʹlme, mii lij reäʹǩǩ, mäʹhtt piâzzât õhttvuõʹtte Vuâsppooʹdin da što suu suud puätt. 9Son rečč oummi rieʹǩǩ: sij jeäʹla åskkam muu. 10Son čuäʹjat čuõkku Vuâsppååʹd årra, tâʹl mon mõõnam Eččan årra meädda tij kueʹsttmest. 11Son čuäʹjat, što suudâm puätt, ko tän maaiʹlm koonǥõõzz leät juʹn suudâm.
12Muʹst leʹčči veâl jiânnai tiʹjjid mainstumuš, leša tij jeäʹped pââʹst veâl tõn fiʹttjed. 13Ko tuõđšvuõđ Jiõgg puätt, son jååʹđat tiʹjjid jueʹǩǩ sââʹjest tuõđšvuõʹtte. Son ij maainâst jiijjâs nõmstes, pâi tõn, mâiʹd lij kuullâm. Son särnn tiʹjjid, mõõk leʹžže veâl pueʹtti ääiʹjest šõddâd. 14Son čuõvat muu, tâʹl mon ooudam suʹnne tõn, mâiʹd son särnn tiʹjjid. 15Puk, mii lij Eččan, lij še muu. Tõn diõtt cieʹlǩǩem, što tuõđšvuõđ Jiõgg vuäǯǯ muʹst tõn, mâiʹd son tiʹjjid särnn.
Peʹccel mottai rämman
16Siõmmna ääiʹj ǩeeʹjjest tij jeäʹped teäʹnab vueiʹn muu. Leša eʹpet siõmmna ääiʹj ǩeeʹjjest vuäǯǯveʹted vueiʹnned muu.» 17Måtam Isõõzz mättʼtõspäärna kõõjjee kueiʹmm kueiʹmsteez: «Jeäʹp fiʹtte, mâiʹd son särnn. Son ceälkk: ’Siõmmna ääiʹj ǩeeʹjjest tij jeäʹped teäʹnab vueiʹn muu, leša siõmmna ääiʹj ǩeeʹjjest vuäǯǯveʹted vueiʹnned muu’. Son ceälkk še: ’Mon mõõnam Eččan årra’. 18Mii lij siõmmna ääiʹj ǩeeʹjjest? Jeäʹp fiʹtte, mâiʹd son särnn!»
19Isõs tiõʹđi, što sij haaʹlee kõõččâd tõn suʹst, da cieʹlǩi: «Tõn-ǥo tij smiõttveʹted kõskkneed, ko mon cieʹlǩǩem: ’Siõmmna ääiʹj ǩeeʹjjest tij jeäʹped teäʹnab vueiʹn muu, leša eʹpet siõmmna ääiʹj ǩeeʹjjest vuäǯǯveʹted vueiʹnned muu’? 20Tuõđi, tuõđi mon ceälkam tiʹjjid: tij vuäǯǯveʹted reäkkad da vaiʹǧǧred, leša peʹccleed mottai rämman. 21Šõddeei neezzan muõkkšââvv, ko suu podd lij puättam. Leša ko siõmâž lij šõddâm, son ij teäʹnab tõiʹd muõʹǩǩid muuʹšt, son rämmaš tõʹst, ko ođđ ooumaž lij puättam maaiʹlme. 22Ååʹn tij peʹcclõõššveʹted, leša mon vuõinnlõõđam veâl tijvuiʹm. Tâʹl tij vääim teudd rämm, koon ij ni ǩii teeʹst vueiʹt väʹldded meädda!
23Tõn peeiʹv tij jeäʹped teäʹnab kõõjj ni mâiʹd. Tuõđi, tuõđi mon ceälkam tiʹjjid: ko tij äännveʹted Eeʹjj mâiʹd-ne muu nõõm diõtt, son oudd tõn tiʹjjid. 24Tän räjja tij jeäʹped leäkku ni mâiʹd raukkâm muu nõõm diõtt. Raukkâd, de tij vuäǯǯveʹted da tij rämmad šâdd tiuddsen.
Mon leäm vuäittam maaiʹlm
25Leäm mainstam täʹst tiʹjjid aʹrvvõõzzi vuäivva. Puätt veâl äiʹǧǧ, kuäʹss jiõm maainâst aʹrvvõõzzi vuäivva, leša mainstam vuõiʹǧǧest Eʹjstan. 26Tõn peeiʹv tij moʹlidvâʹsttveʹted suu muu nõmstan. Jiõm mon cieʹlǩ, što mon moʹlidvââstam Eeʹjj tij peäʹlest. 27Eʹčč jiõčč rääʹǩǩast tiʹjjid, ko tij leäʹped muu räʹǩstam da åskkam, što leäm puättam Vuâsppååʹd åʹrnn. 28Mon vuõʹlǧǧem Eeʹjj åʹrnn da puõʹttem maaiʹlme. Ååʹn kuâđam maaiʹlm da mõõnam väʹst Eččan årra.»
29Mättʼtõspäärna cieʹlǩǩe: «Eman ton mainstak peeiʹtǩanai da aʹrvvõõzzitää. 30Ååʹn mij fiʹttjep, što ton teâđak puk. Ton teâđak juʹn ooudbeäʹlnn, mâiʹd oummu vuäitče tuʹst kõõččâd. Tõn diõtt mij åskkap, što leäk puättam Vuâsppååʹd åʹrnn.» 31Isõs vaʹsttii siʹjjid: «Ååʹn tij åskkveʹted. 32Puätt veâl äiʹǧǧ — tõt lij juʹn ååʹn ǩiõđi seʹst — kuäʹss tij piõdggneʹped kååʹtt koon årra da kueʹđđveʹted muu jiõččinan. Jiõm leäkku õhttu, tõn diõtt ko Eʹčč lij muin õõutsââʹjest. 33Leäm mainstam tän tiʹjjid tõn diõtt, što tij vuäǯǯčid muu rääuhan. Maaiʹlmest tiʹjjid vâjjeet, leša leäkkad smeʹllak: mon leäm vuäittam maaiʹlm.»
Trenutno izabrano:
:
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© Lää´dd Pipliaseä´rvv; Suomen Pipliaseura; Finnish Bible Society 1988