Evvan 17
17
Isõs moʹlidvâstt mättʼtõspäärnees peäʹlest
1Mâŋŋa ko leäi mainstam saaǥǥees, Isõs ǩiõčči pââjas âlmma da cieʹlǩi: «Eʹčč, poddam lij puättam. Kaagg Päärnad čuõvvâdvuõʹtte, što son čuäʹjteʹčči tuu čuõvvâdvuõđad. 2Ton uʹvddiǩ puk oummid suu vääʹld vuâlla, što son ooudči âʹǩǩpâjjsaž jieʹllem pukid tõiʹd, koiʹd leäk suu huõđđu åskkam. 3Tõk, kook tåʹbdde tuu, õõut tuõđi Vuâsppååʹd, da Isõõzz Kristõõzz, koon vuõlttiiǩ, tõk jeäʹlle juʹn âʹǩǩpâjjsaž jieʹllem. 4Mon leäm čuäʹjtam tuu čuõvvõõzzad määdd âʹlnn; leäm teuddam tuâj, koon uʹvddiǩ muʹnne. 5Eʹčč, kaagg ton ååʹn muu čuõvvâdvuõʹtte, uuʹd seämma ciist, mii muʹst leäi, ko leʹjjem tuu loonnad ouddâl maaiʹlm raajjmest.
6Mon leäm raajjâm tuu tobddsen tõiʹd oummid, koiʹd uʹvddiǩ muʹnne maaiʹlmest. Sij leʹjje tuu, da ton uʹvddiǩ siʹjjid muʹnne. Sij liâ jäʹǩǩtam tuu säänad da 7teäʹtte ååʹn, što puk, mõõn leäk ouddam muʹnne, lij tuʹst vuâlggam. 8Mon iʹlmmtam siʹjjid saaǥǥ, koon uʹvddiǩ muʹnne, da sij vaʹldde tõn vuâstta. Sij teäʹtte, što leäm tuõđi puättam tuu åʹrnn, da sij åskka, što ton leäk muu vuõlttääm.
9Mon moʹlidvââstam sij peäʹlest; jiõm moʹlidvââʹst maaiʹlm peäʹlest pâi tõi peäʹlest, koiʹd leäk åskkam huâđđsan, tõn diõtt ko sij koʹlle tuʹnne. 10Puk mii lij muu, lij tuu, da mii lij tuu, lij muu, da muu čuõvvâdvuõttam kuâsttai seeʹst. 11Ååʹn puäđam tuu luuzzad. Jiõm leäkku teäʹnab maaiʹlmest, leša sij liâ. Pââʹss Eʹčč, ton leäk iʹlmmtam muʹnne nõõmad viõǥǥ. Varjjâl siʹjjid täin viõǥǥinad, što sij leʹčče kõskkneez õhtt nuʹt mâʹte muäna še leäʹp õhtt. 12Ko mon leʹjjem sijvuiʹm, varjjlem siʹjjid nõõmad viõǥǥin. Varjjlem siʹjjid, ij-ǥa ni ǩii seeʹst šõddâm tuʹššen, pâi son, kååʹtt õõlǥi šõddâd attu, što Pââʹss ǩeeʹrj oudldõs tuõđštõõvči. 13Ååʹn mon puäđam årrsad. Säärnam siʹjjid tän, ko veâl leäm maaiʹlmest, što muu rämmam sami teeudči siʹjjid.
14Mon leäm iʹlmmtam siʹjjid saaǥǥad, da maaiʹlm lij vâjjääm siʹjjid, ko sij jiâ kuul maaiʹlme, nuʹt še mäʹhtt mon jiõm kuul. 15Jiõm raauk, što vääldčiǩ siʹjjid meädda maaiʹlmest, pâi što suõʹjjeʹčiǩ siʹjjid ǩeähnast. 16Sij liâ verraz maaiʹlmest, mäʹhtt mon še leäm. 17Raaj seeʹst põõʹzzid tuõđšvuõđinad; tuu säännad lij tuõđšvuõtt.
18Nuʹt mäʹhtt ton leäk vuõlttääm muu maaiʹlme, leäm mon še vuõlttääm siʹjjid maaiʹlme. 19Sij peäʹlest mon ooudam jiõččan tuʹnne, što sij še ooudče jiijjâz tuʹnne tuõđšvuõđâst.
20Jiõm moʹlidvââʹst pâi sij peäʹlest, leša tõi peäʹlest še, kook åskka muʹnne sij slääʹvez diõtt. 21Moʹlidvââstam, što seeʹst leʹčči kõskksaž õhttsažvuõtt, nuʹt mäʹhtt ton, Eʹčč, leäk muʹst da mon tuʹst. Moʹlidvââstam, što sij še leʹčče õõutsââʹjest muännain, što maaiʹlm ååskči, što ton leäk vuõlttääm muu. 22Mon leäm ouddam siʹjjid seämma čuõvvâdvuõđ, mõõn ton uʹvddiǩ muʹnne, što sij leʹčče seämmanalla õhtt, mäʹhtt muäna leäʹp: 23mon seeʹst, da ton muʹst, što sij leʹčče tuõđi õhtt. Nuʹt maaiʹlm fiʹttjeʹčči, što ton leäk vuõlttääm muu da räʹǩstam siʹjjid nuʹt še, mäʹhtt ton leäk räʹǩstam muu.
24Eʹčč, ton leäk pâi åskkam siʹjjid huâđđsan. Täättam, što sij liâ muin õõutâst tåʹben, koʹst mon še leäm, da vuäiʹnne tõn čuõvvâdvuõđ, mõõn leäk muʹnne ouddam, ko räʹǩstiǩ muu juʹn ouʹddelgo raʹjjiǩ maaiʹlm.
25Eʹčč, ton leäk vuõiggâdmiõllsaž. Maaiʹlm ij toobd tuu, leša mon toobdam, da täk muu jiõččan teäʹtte, što ton leäk vuõlttääm muu. 26Mon leäm čõõđtam tuu siʹjjid da čõõđtam veâl še ooudâs, što sij räʹǩsteʹčče kueiʹmm kueiʹmez nuʹt še, mäʹhtt ton leäk räʹǩstam muu. Mon leäm sijvuiʹm.»
Trenutno izabrano:
Evvan 17: SKOLT
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© Lää´dd Pipliaseä´rvv; Suomen Pipliaseura; Finnish Bible Society 1988
Evvan 17
17
Isõs moʹlidvâstt mättʼtõspäärnees peäʹlest
1Mâŋŋa ko leäi mainstam saaǥǥees, Isõs ǩiõčči pââjas âlmma da cieʹlǩi: «Eʹčč, poddam lij puättam. Kaagg Päärnad čuõvvâdvuõʹtte, što son čuäʹjteʹčči tuu čuõvvâdvuõđad. 2Ton uʹvddiǩ puk oummid suu vääʹld vuâlla, što son ooudči âʹǩǩpâjjsaž jieʹllem pukid tõiʹd, koiʹd leäk suu huõđđu åskkam. 3Tõk, kook tåʹbdde tuu, õõut tuõđi Vuâsppååʹd, da Isõõzz Kristõõzz, koon vuõlttiiǩ, tõk jeäʹlle juʹn âʹǩǩpâjjsaž jieʹllem. 4Mon leäm čuäʹjtam tuu čuõvvõõzzad määdd âʹlnn; leäm teuddam tuâj, koon uʹvddiǩ muʹnne. 5Eʹčč, kaagg ton ååʹn muu čuõvvâdvuõʹtte, uuʹd seämma ciist, mii muʹst leäi, ko leʹjjem tuu loonnad ouddâl maaiʹlm raajjmest.
6Mon leäm raajjâm tuu tobddsen tõiʹd oummid, koiʹd uʹvddiǩ muʹnne maaiʹlmest. Sij leʹjje tuu, da ton uʹvddiǩ siʹjjid muʹnne. Sij liâ jäʹǩǩtam tuu säänad da 7teäʹtte ååʹn, što puk, mõõn leäk ouddam muʹnne, lij tuʹst vuâlggam. 8Mon iʹlmmtam siʹjjid saaǥǥ, koon uʹvddiǩ muʹnne, da sij vaʹldde tõn vuâstta. Sij teäʹtte, što leäm tuõđi puättam tuu åʹrnn, da sij åskka, što ton leäk muu vuõlttääm.
9Mon moʹlidvââstam sij peäʹlest; jiõm moʹlidvââʹst maaiʹlm peäʹlest pâi tõi peäʹlest, koiʹd leäk åskkam huâđđsan, tõn diõtt ko sij koʹlle tuʹnne. 10Puk mii lij muu, lij tuu, da mii lij tuu, lij muu, da muu čuõvvâdvuõttam kuâsttai seeʹst. 11Ååʹn puäđam tuu luuzzad. Jiõm leäkku teäʹnab maaiʹlmest, leša sij liâ. Pââʹss Eʹčč, ton leäk iʹlmmtam muʹnne nõõmad viõǥǥ. Varjjâl siʹjjid täin viõǥǥinad, što sij leʹčče kõskkneez õhtt nuʹt mâʹte muäna še leäʹp õhtt. 12Ko mon leʹjjem sijvuiʹm, varjjlem siʹjjid nõõmad viõǥǥin. Varjjlem siʹjjid, ij-ǥa ni ǩii seeʹst šõddâm tuʹššen, pâi son, kååʹtt õõlǥi šõddâd attu, što Pââʹss ǩeeʹrj oudldõs tuõđštõõvči. 13Ååʹn mon puäđam årrsad. Säärnam siʹjjid tän, ko veâl leäm maaiʹlmest, što muu rämmam sami teeudči siʹjjid.
14Mon leäm iʹlmmtam siʹjjid saaǥǥad, da maaiʹlm lij vâjjääm siʹjjid, ko sij jiâ kuul maaiʹlme, nuʹt še mäʹhtt mon jiõm kuul. 15Jiõm raauk, što vääldčiǩ siʹjjid meädda maaiʹlmest, pâi što suõʹjjeʹčiǩ siʹjjid ǩeähnast. 16Sij liâ verraz maaiʹlmest, mäʹhtt mon še leäm. 17Raaj seeʹst põõʹzzid tuõđšvuõđinad; tuu säännad lij tuõđšvuõtt.
18Nuʹt mäʹhtt ton leäk vuõlttääm muu maaiʹlme, leäm mon še vuõlttääm siʹjjid maaiʹlme. 19Sij peäʹlest mon ooudam jiõččan tuʹnne, što sij še ooudče jiijjâz tuʹnne tuõđšvuõđâst.
20Jiõm moʹlidvââʹst pâi sij peäʹlest, leša tõi peäʹlest še, kook åskka muʹnne sij slääʹvez diõtt. 21Moʹlidvââstam, što seeʹst leʹčči kõskksaž õhttsažvuõtt, nuʹt mäʹhtt ton, Eʹčč, leäk muʹst da mon tuʹst. Moʹlidvââstam, što sij še leʹčče õõutsââʹjest muännain, što maaiʹlm ååskči, što ton leäk vuõlttääm muu. 22Mon leäm ouddam siʹjjid seämma čuõvvâdvuõđ, mõõn ton uʹvddiǩ muʹnne, što sij leʹčče seämmanalla õhtt, mäʹhtt muäna leäʹp: 23mon seeʹst, da ton muʹst, što sij leʹčče tuõđi õhtt. Nuʹt maaiʹlm fiʹttjeʹčči, što ton leäk vuõlttääm muu da räʹǩstam siʹjjid nuʹt še, mäʹhtt ton leäk räʹǩstam muu.
24Eʹčč, ton leäk pâi åskkam siʹjjid huâđđsan. Täättam, što sij liâ muin õõutâst tåʹben, koʹst mon še leäm, da vuäiʹnne tõn čuõvvâdvuõđ, mõõn leäk muʹnne ouddam, ko räʹǩstiǩ muu juʹn ouʹddelgo raʹjjiǩ maaiʹlm.
25Eʹčč, ton leäk vuõiggâdmiõllsaž. Maaiʹlm ij toobd tuu, leša mon toobdam, da täk muu jiõččan teäʹtte, što ton leäk vuõlttääm muu. 26Mon leäm čõõđtam tuu siʹjjid da čõõđtam veâl še ooudâs, što sij räʹǩsteʹčče kueiʹmm kueiʹmez nuʹt še, mäʹhtt ton leäk räʹǩstam muu. Mon leäm sijvuiʹm.»
Trenutno izabrano:
:
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© Lää´dd Pipliaseä´rvv; Suomen Pipliaseura; Finnish Bible Society 1988