Matsiyù Kìtaabuà kùnàgoo

Kìtaabuà kùnàgoo

Àwà Yesù rè kàràndzin teeŋ fiɛ̀ ɲàn, nìi na kir'là Matsiyù, è bà kir'là sa Lɛvì, Yesù tɔ̀ niì kiriu à y'à to xɔnsɔɔn tsia rà, tɔ̀ rii nèe kìtaabu rèe sɛbɛun è Yesù rè Kùnàgoo Dziɔ̀ gooma de. Tɔ̀ kamà, è kiri ci Kùnàgoo Dziɔ̀, Matsiyù raa lakɛrɔ̀ùn'n kur'la mà.

Jàtsìkun neè raà mà, à kìtaabu rèe sɛbɛun jii dzyeètsyeùn (50) ko mùey (60) flancɛɛ rìì ɲàn, Yesù Kirisà shɔ̀ùn. Matsiyù kìtaabu rèe sɛbɛun, è bà ni Dzyèèsìbee mòdzin ɲɛynamoo rèè toro kɔ̀, ci Tsibaa rìi gooma na deò Dzyèèsìbè bɔrɔɔ kìtaabuà doùn, tɔ̀ Yesù rìì, Ŋaablà Jaara Modziàn. Matsiyù raa kìtaabuà, ko Marikì raà, ko Lukì raà, è sapɛ e si bosi ì, kàtsu è lakɛrɔ̀ùn'n kur'la bèunà e si kàjaa tsɛ. Tɔ̀ kamà, yè kiri ci: «Kìtààbù bosima reè.» Matsiyù dzii wɔɔ kɛɛra reè rè gooma giri tsɛ e re kìtaabuà doùn, nìi sɔn ci 'Emanuyɛlì', Ŋaabla ni mùn ka, nìi gooma deò kɛɛra Esayì rè kìtaabuà doùn, Dzyèèsìbè bɔrɔɔ kìtaabuà.

Kìtaabuà doun goo

Matsiyù rè kìtaabua doùn, mùn kàjaa bla nun jàa, nìi sapɛ Yesù rè gooma kungɔ ì. Jɔ̀naà, tɔ̀ niì kiriɔ "Jèèn tsɛ waajibia", tɔ seòn suran nun, è bè ɲɛ̀ɛ̀nuàn nà (5–7). Fiiraa, tɔ̀ niì suran tsyeòn (10), tɔ ni Kùnàgoo Dziɔ̀ kɛɛrabeè raa faagoò tsɛ. Zhììgìraa, tɔ̀ niì suran teeŋ zhiigia (13), tɔ Ŋaablà re Màsàbee gɔ̀ɔn gè rèè gooma bɔɔ rèè. Kàjaa nààlènaa, tɔ ni ɲɛynamoo rèè rè jaamabee fau'n kur'la tsɛ e ko si fi, nìi suran teeŋ ŋaalòòn (18). À lataan, tɔ̀ niì suran moo nààleèn ko suran moo nùàn (24–25), tɔ ni dziɲan lataan goo rèè tsɛ. Kìtaabuà kàjàà dzyee reè yè bà twɛy tɛ̀y.

Trenutno izabrano:

Matsiyù Kìtaabuà kùnàgoo: BDZU

Istaknuto

Podijeli

Kopiraj

Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi

Saznaj više o Bible Dzùùngoo Unicode

Matsiyù Kìtaabuà kùnàgoo

Popularni biblijski stihovi iz
Matsiyù Kìtaabuà kùnàgoo

Biblija:

Dzùùngoo

Prevod: Bible Dzùùngoo Unicode - BDZU