Isip Kide Kodigwa 24
24
Moses ede muglo ibo ogwa
12Ana Yawe ere mogl, Moses yegl di togwa, Na muglo moglmara i, ene ede egli unatniwa. Ene u motn, na kobuglo paglkane suo ene tenaglka. Na kobuglo suo i mina ene Israel yoba kana beke tenatnedi lona tebe bogl padiluwe di, yegl dugwa. 13Yegl dugo, Moses ye yagl ta kagie Josua we digwa bogl ede ebriko, Moses ye God muglomo enagledi ede ogwa. Yagl Josua i, ye Moses ake ple di togwa yagle moglkwa. 14Moses ye ede muglo ibo enagledi ogwa igne, ye Israel yagl kade di te, yegl dugwa, No ede egli pidre, unabuglka. Ene magigl yegl sugl molo! Te, ene prio! Aron ya Hur ene bogl akie moraiglkwa. Yoba meglmara ka ta panan, yagl suo i kanaiglmiwe! dugwa. 15Moses yegl didre, ede egli ogwa. Ye ede egli ogo, kamun kua ta muglo meglbi i si kegl dugwa. 16-17Kamun kua muglo meglbi si kegl dugo, Yawe abuglagemo podo kide i ede atne u, muglo meglbi Sainai sugwa. Israel yoba ye Yawe abuglagemo kanigwa i, doga podo muglo ibo dogwa mere yegl kanigwa. Yawe abuglagemo sugo, kamun kua ege 6-pela de muglo meglbi si kegl dugo, ege namba 7 Yawe kamun kua sumara mogl, Moses agle dugwa. 18Yawe ye Moses agle dugo, Moses ede kamun kua sumara pidre, muglo ibo ogwa. Moses muglo ibo i ege 40-pela de etne ya eduer mogl pai moglkwa.
Trenutno izabrano:
Isip Kide Kodigwa 24: KB
Istaknuto
Podeli
Uporedi
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Copyright 2015 New Tribes Mission