ZLI VIRZI 30
30
1Rasel a pura na, naŋ anta yi ta, a zla a gi suloŋ ti sukum naŋ Leya. A ɓa Zakopo: «Anja i yi ya, da ki ngum ta na, yi mucu. 2Zakop a ji mevel angi Rasele, a ɓaŋ: «Ki gi ti ya kaɓa yi Buymisemuŋ vuna sukwa? Mutukuw ɓa ki yi ta na i naŋ.» 3Rasel a ɓaŋ: «Beke ɗu Bila ani, aru ng'ava, ɓa a yiy ziri, i sa gila taŋ.» 4A vulaŋ beke naŋ Bila ngi ngwasa, joˀ Zakop a hin di. 5Bila a gi hur, a ya mangal mizile da Zakopo. 6Rasel a ɓi: «Buymisemuŋ a giy kiita ɗu le jeŋŋe! A tiɓa mi ɗu le ya, a vuliy yi mangal mizile.» Vurˀe, a zila Daŋ. 7Bila beke ngi Rasel tuwa, a gi hur ma, a ya mangal mucuw naŋ da Zakopo ma. 8Dar Rasel a ɓi: «Yi gi kiɗa vu mi neˀ ta wãˀ le ati sukum ɗu, yi paŋ hirnga le.» Joˀ a zila Neftali. 9Leya a pura na, a cica yi le, a zuɓa Zilpa, beke naŋ, a vula da Zakopo, a gi di ngwasa. 10Zilpa beke ngi Leya tuwa, a ya mangal mizile da Zakopo. 11Leya a ɓi: «Jiŋ ɗu!» A zila Gat. 12Akẽh ma na, Zilpa a ya mangal mekelem da Zakopo ma. 13Leya a ɓi: «Yawwa, ya ar wuya! Vur ziri mongosohoy a ɓikiy le, ya ar wuya! Joˀ a zila Aser.» 14Ti hin ngi sifi ngi alkamari na, Ruben aru ng'ar guva, a lumo mandragor#30.14 mandragoro, mizli a wulkam kaɓa i matay ngi vu, mavul gidaŋ da mbur ngi yi, a so di da mumuŋ naŋ Leya. Rasel a ɓa Leya na: «Inga vuliy ngi mandragor mangal ɗik muso di na neˀ ta kwa.» 15Leya a ɓaŋ: «Ka mitiɓa zil ɗu na, muk ti ka ta kwa? Ɓa hã ki tiɓa mandragor ngi mangal ɗu ma sukwa?» Rasel a mbiɗaŋ di: «Da kine na, anja Zakop ara hin ti ka duvuɗ dana, ar deɗe ngi mandragor ngi mangal ɗike.» 16Ngi pastaˀa, ti Zakop mamo tir guva na, Leya a bi, ara ji di hirnga, dar a ɓaŋ: «Ki sa hin a hay ɗu, asi i hiɗikuw le ti mandragor ngi mangal ɗu.» Joˀ Zakop a hin di ngi duvuɗ nah. 17Buymisemuŋ a tiɓa ɓi ngi Leya le, a gi hur, a yi mangal mizile muzlum naŋ da Zakopo. 18Akẽh na, Leya a ɓi: «Ya muvula beke ɗu da zil ɗu tuwa, Buymisemuŋ a vuliy migire le minjeˀe.» Dar a zila Isakar. 19Leya tuwa, a gi hur ma, a yi mangal mizile mimerkeɗ naŋ da Zakopo. 20Leya a ɓi: «Buymisemuŋ a vuliy gwat mezle le ngataraŋ. Wurenna zil ɗu a sa ɗuviy hirnga muduba, asi i yaŋ ziri mizilehey le merkeɗe.» Dar a zila mangala Zabuloŋ. 21A dirba nah, a yi zuŋ mongosoŋ a zila Dina. 22Akẽh na, Buymisemuŋ a wuluk angi Rasele, a pulaŋ jiviɗ ngi yi. 23A gi hur, a yi mangal mizile, a ɓi: «Bumbulvuŋ a cukiy meseme le!» 24Dar a zila Zozef, a wuɗ a ɓi: «Anja Bumbulvuŋ a vuliy mangal mekelem ava ma!»
Zakop migi zlili
25Ti Rasel miya Zozef cak si na, Zakop a ɓa Labaŋ na: «Puliy jiviɗ i cuh le ngi hay ɗu, a hirwuy ɗu. 26Vuliy ziri ɗuwoy ati ngwas ɗuwoy, ya miguw slra asi taŋ na, ɓa i sa cuh le. Na, ki si na slra ya miguw di na le gar kuy kuy ta kwa?» 27Labaŋ a ɓaŋ: «Ambuh ta kwa, inga ciniy di. Daˀas a njikiy di na: Bumbulvuŋ a giy mezle le asi ka. 28Ɓiy ɓi ngi migir ɗike, i sa wurkuw di.» 29Zakop a ɓaŋ: «Na ka vuna ti haŋ ɗike, ki si na slra ya muguw di na le, yo ginew ɗikey misikam avu ya na, ki si na le takwa? 30Ti ya muso t'aruŋ na, zlili ɗike naŋ neˀkini lambaˀ, amma ya mico sar kulaˀ a hay ɗik na, a sikam avu ya, hã a zumuw hirnga, yo Bumbulvuŋ a guw mezle le aseˀe ma. Wurenna, yi sa gi slra vur hay ɗu ti vuna ya ska?» 31Labaŋ a cufuɗaŋ: «I sa vuluw mi ani ska?» Zakop a mbiɗan di: «Da ki tiɓa ɓi ɗu ya mawuɗ i ɓuw di na le na, yi sa mo nga jigina tumuŋ ɗikeye, yo i sa ja haŋ taŋ a muŋ. 32Dana, i sa ci nga wuzla tumuŋ ati ˀaw ɗikey gar, tumuŋ minjeɗeɗehey, muzlop zlopoy ati titirahay gar na, i sa wina taŋ baˀ pal, waɗ ˀaw minjeɗeɗehey ati mizlop zlopoy gar, wuruk ɗu i nah so. 33Ti prik, ka masa so nga pura wuruk ɗu na, kisa si na yi mbur mijeŋŋe, ˀaw minjeɗeɗe malla muzlop zlop ta gar, yo tumuŋ misi ngwic titra ta gar a wuzla taŋ na, naɓa i hulo taŋ ti hul. 34Labaŋ a ɓaŋ: «I ngum le! Anja a gi kanah.» 35Amma kalla tapasa, Labaŋ a gwaha bazuway muguzulõh guzulõh, minjeɗeɗe ati muzlop zlopoyo, ˀaw mongoso minjeɗeɗe ati muzlop zlopoy gar, waɗ tumuŋ titra malla babara zlop zlopoy na, a vula taŋ da ziri naŋhay. 36Dar a zuɓ jiviɗ, a gi hin makir ar li ru ar wala taŋ ati Zakopo. Zakop ara jigina is ngi tumuŋ ngi Labaŋhaya. 37A ngum ganday ngi mekwerek mutukuzohoy kwer kwer makir. A gaˀa dubaˀ taŋhay neˀneˀ, ɓa a tiram njeɗeɗe babara. 38A pa ganday minjeɗeɗehey tuwa sek angi suwã, ti mihiri ngi ginewey. Asi da taŋ mira soko ng'asi yam na, a cufam. 39Ginewey mucufam le a mihiri ngi gandayaya na, a ya ka ziri guzulõh guzulõh, njeɗeɗe malla zlop zlopo. 40Tumuŋ Zakop muwuna taŋ baˀ pal tuwa, a mbuɗo hiri taŋ ng'avu muguzulõh guzulõh ati titrahay misi angi gezleŋ ngi Labaŋ gar. Naŋ kine a ɗuf taŋ gezleŋ nga naŋhay taˀtaˀ, ko a jumo taŋ ati gezleŋ ngi Labaŋhaya ta. 41Ginew mizliɓ zliɓey mira cufam gar na, Zakop a pa gandayay tuwa sek a mihiri taŋ, angi suwã, ɓa a cufam ti mihiri ngi gandaya. 42Da i ginew hĩhĩyahay na, a pa gandaya ta. Mbak ginew hĩhĩyahay i ngi Labaŋhay, yo mizliɓ zliɓey kwana i ngi Zakopoy.
Zakop mikil ti hay Labaŋ
43Zakop a gi zlili le haɗi, naŋ da ti gezleŋ ngi tumuŋ ati ˀaway taˀtaˀ mbeˀ mbeˀ, ti beke mongoso ati mizilehey, zlogomohoy ati zunguhoy haɗi.
Trenutno izabrano:
ZLI VIRZI 30: BEGDC
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Bible en Langue Guiziga © L’Alliance Biblique du Cameroun, 2011.
ZLI VIRZI 30
30
1Rasel a pura na, naŋ anta yi ta, a zla a gi suloŋ ti sukum naŋ Leya. A ɓa Zakopo: «Anja i yi ya, da ki ngum ta na, yi mucu. 2Zakop a ji mevel angi Rasele, a ɓaŋ: «Ki gi ti ya kaɓa yi Buymisemuŋ vuna sukwa? Mutukuw ɓa ki yi ta na i naŋ.» 3Rasel a ɓaŋ: «Beke ɗu Bila ani, aru ng'ava, ɓa a yiy ziri, i sa gila taŋ.» 4A vulaŋ beke naŋ Bila ngi ngwasa, joˀ Zakop a hin di. 5Bila a gi hur, a ya mangal mizile da Zakopo. 6Rasel a ɓi: «Buymisemuŋ a giy kiita ɗu le jeŋŋe! A tiɓa mi ɗu le ya, a vuliy yi mangal mizile.» Vurˀe, a zila Daŋ. 7Bila beke ngi Rasel tuwa, a gi hur ma, a ya mangal mucuw naŋ da Zakopo ma. 8Dar Rasel a ɓi: «Yi gi kiɗa vu mi neˀ ta wãˀ le ati sukum ɗu, yi paŋ hirnga le.» Joˀ a zila Neftali. 9Leya a pura na, a cica yi le, a zuɓa Zilpa, beke naŋ, a vula da Zakopo, a gi di ngwasa. 10Zilpa beke ngi Leya tuwa, a ya mangal mizile da Zakopo. 11Leya a ɓi: «Jiŋ ɗu!» A zila Gat. 12Akẽh ma na, Zilpa a ya mangal mekelem da Zakopo ma. 13Leya a ɓi: «Yawwa, ya ar wuya! Vur ziri mongosohoy a ɓikiy le, ya ar wuya! Joˀ a zila Aser.» 14Ti hin ngi sifi ngi alkamari na, Ruben aru ng'ar guva, a lumo mandragor#30.14 mandragoro, mizli a wulkam kaɓa i matay ngi vu, mavul gidaŋ da mbur ngi yi, a so di da mumuŋ naŋ Leya. Rasel a ɓa Leya na: «Inga vuliy ngi mandragor mangal ɗik muso di na neˀ ta kwa.» 15Leya a ɓaŋ: «Ka mitiɓa zil ɗu na, muk ti ka ta kwa? Ɓa hã ki tiɓa mandragor ngi mangal ɗu ma sukwa?» Rasel a mbiɗaŋ di: «Da kine na, anja Zakop ara hin ti ka duvuɗ dana, ar deɗe ngi mandragor ngi mangal ɗike.» 16Ngi pastaˀa, ti Zakop mamo tir guva na, Leya a bi, ara ji di hirnga, dar a ɓaŋ: «Ki sa hin a hay ɗu, asi i hiɗikuw le ti mandragor ngi mangal ɗu.» Joˀ Zakop a hin di ngi duvuɗ nah. 17Buymisemuŋ a tiɓa ɓi ngi Leya le, a gi hur, a yi mangal mizile muzlum naŋ da Zakopo. 18Akẽh na, Leya a ɓi: «Ya muvula beke ɗu da zil ɗu tuwa, Buymisemuŋ a vuliy migire le minjeˀe.» Dar a zila Isakar. 19Leya tuwa, a gi hur ma, a yi mangal mizile mimerkeɗ naŋ da Zakopo. 20Leya a ɓi: «Buymisemuŋ a vuliy gwat mezle le ngataraŋ. Wurenna zil ɗu a sa ɗuviy hirnga muduba, asi i yaŋ ziri mizilehey le merkeɗe.» Dar a zila mangala Zabuloŋ. 21A dirba nah, a yi zuŋ mongosoŋ a zila Dina. 22Akẽh na, Buymisemuŋ a wuluk angi Rasele, a pulaŋ jiviɗ ngi yi. 23A gi hur, a yi mangal mizile, a ɓi: «Bumbulvuŋ a cukiy meseme le!» 24Dar a zila Zozef, a wuɗ a ɓi: «Anja Bumbulvuŋ a vuliy mangal mekelem ava ma!»
Zakop migi zlili
25Ti Rasel miya Zozef cak si na, Zakop a ɓa Labaŋ na: «Puliy jiviɗ i cuh le ngi hay ɗu, a hirwuy ɗu. 26Vuliy ziri ɗuwoy ati ngwas ɗuwoy, ya miguw slra asi taŋ na, ɓa i sa cuh le. Na, ki si na slra ya miguw di na le gar kuy kuy ta kwa?» 27Labaŋ a ɓaŋ: «Ambuh ta kwa, inga ciniy di. Daˀas a njikiy di na: Bumbulvuŋ a giy mezle le asi ka. 28Ɓiy ɓi ngi migir ɗike, i sa wurkuw di.» 29Zakop a ɓaŋ: «Na ka vuna ti haŋ ɗike, ki si na slra ya muguw di na le, yo ginew ɗikey misikam avu ya na, ki si na le takwa? 30Ti ya muso t'aruŋ na, zlili ɗike naŋ neˀkini lambaˀ, amma ya mico sar kulaˀ a hay ɗik na, a sikam avu ya, hã a zumuw hirnga, yo Bumbulvuŋ a guw mezle le aseˀe ma. Wurenna, yi sa gi slra vur hay ɗu ti vuna ya ska?» 31Labaŋ a cufuɗaŋ: «I sa vuluw mi ani ska?» Zakop a mbiɗan di: «Da ki tiɓa ɓi ɗu ya mawuɗ i ɓuw di na le na, yi sa mo nga jigina tumuŋ ɗikeye, yo i sa ja haŋ taŋ a muŋ. 32Dana, i sa ci nga wuzla tumuŋ ati ˀaw ɗikey gar, tumuŋ minjeɗeɗehey, muzlop zlopoy ati titirahay gar na, i sa wina taŋ baˀ pal, waɗ ˀaw minjeɗeɗehey ati mizlop zlopoy gar, wuruk ɗu i nah so. 33Ti prik, ka masa so nga pura wuruk ɗu na, kisa si na yi mbur mijeŋŋe, ˀaw minjeɗeɗe malla muzlop zlop ta gar, yo tumuŋ misi ngwic titra ta gar a wuzla taŋ na, naɓa i hulo taŋ ti hul. 34Labaŋ a ɓaŋ: «I ngum le! Anja a gi kanah.» 35Amma kalla tapasa, Labaŋ a gwaha bazuway muguzulõh guzulõh, minjeɗeɗe ati muzlop zlopoyo, ˀaw mongoso minjeɗeɗe ati muzlop zlopoy gar, waɗ tumuŋ titra malla babara zlop zlopoy na, a vula taŋ da ziri naŋhay. 36Dar a zuɓ jiviɗ, a gi hin makir ar li ru ar wala taŋ ati Zakopo. Zakop ara jigina is ngi tumuŋ ngi Labaŋhaya. 37A ngum ganday ngi mekwerek mutukuzohoy kwer kwer makir. A gaˀa dubaˀ taŋhay neˀneˀ, ɓa a tiram njeɗeɗe babara. 38A pa ganday minjeɗeɗehey tuwa sek angi suwã, ti mihiri ngi ginewey. Asi da taŋ mira soko ng'asi yam na, a cufam. 39Ginewey mucufam le a mihiri ngi gandayaya na, a ya ka ziri guzulõh guzulõh, njeɗeɗe malla zlop zlopo. 40Tumuŋ Zakop muwuna taŋ baˀ pal tuwa, a mbuɗo hiri taŋ ng'avu muguzulõh guzulõh ati titrahay misi angi gezleŋ ngi Labaŋ gar. Naŋ kine a ɗuf taŋ gezleŋ nga naŋhay taˀtaˀ, ko a jumo taŋ ati gezleŋ ngi Labaŋhaya ta. 41Ginew mizliɓ zliɓey mira cufam gar na, Zakop a pa gandayay tuwa sek a mihiri taŋ, angi suwã, ɓa a cufam ti mihiri ngi gandaya. 42Da i ginew hĩhĩyahay na, a pa gandaya ta. Mbak ginew hĩhĩyahay i ngi Labaŋhay, yo mizliɓ zliɓey kwana i ngi Zakopoy.
Zakop mikil ti hay Labaŋ
43Zakop a gi zlili le haɗi, naŋ da ti gezleŋ ngi tumuŋ ati ˀaway taˀtaˀ mbeˀ mbeˀ, ti beke mongoso ati mizilehey, zlogomohoy ati zunguhoy haɗi.
Trenutno izabrano:
:
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Bible en Langue Guiziga © L’Alliance Biblique du Cameroun, 2011.