Populära bibelverser från JON 6

Dela

Jisunii ahnyii dakii tamle, “Karing mah tiirok tei I-le, guda kagongmei hangteinii moi mazyii- lakle, sateichii n-gu kamalum mei hangteinii saryiisang saryiiloi lakle.

Karing kapyii tei Saraa mah rangiiniile, meinah mah teimaham teinii samah kado kabi tei gale. Inii gonyii dakii katam samtei rangiile, ninado karingle.

Ga aitang karam chiitak jangpii tha tiisulo, nlenii meinah sapfii mpou teinii gonyii dakii pyiitang karam kalui kaga karing mah chiitak jangpii ngam tiilo; kadapokii mpou gamkii Pfii Saraanii seal kaibam takle.”

Kadapokii gu pfiinii kamaning kamazhii tei aile, meinah sapfii mpou gotei ngouwosii, ahgo malum kalumei hangteinii kalui kaga karing doumatu tang karam teile, Sateichii Inii ahnyiigo kalui piinei leimik tiimaringpyii tangle.”

Jisunii ahnyii dakii khekalatle, “Mpounii lang magong kabam ahgo gonyiinii kamalum katu ai Saraanii kamarei tha teile.”

Gu pfiinii gudakii kapyii hangtei guda gongtangle, sateichii guda kagongmei hang gotei Inii baasang baatoi lakle.

Saimon Pitarnii mpougo khekalatle, “Bangpii, nyiinii tada tat tutangpo? Godato kalui kaga karing mah samkang hangtei leile.

Sating gamto kahum ringkalei tiirok tei I-le, mei kata hangninanii tiirok ai chii le- ponii, kalui gasii ringtangle sateichii sazyii pouryii meinii ringtang karam jangpii Inii pyiitang karam tiirok tei gumah kamyii teile.”

N-gu lang kamagong Pfii teinii ahgo gudakii chyiigong pyii suleponii, mei kaniido guda gongpei wolakle, sateichii Inii mpougo kalui piinei leimik tiimaringpyii tangle.

Kadapokii sating gamto humsanii sazyii pouryii dakii karing kapyii tei Saraa mah tiirok teile.”

Karing mah tiirok tei I-le.

Teito Jisunii tiirok tei poisii, hakalang tamsii ntombam kaleimei hang dateikii jai takle, teitakumpii mpounii kaa teido ahnyiinii kama- reita tei jaipyii takle. Sateichii ahnyii hangnii moi maghii kaleitai, mpounii boumei dakii tamle, “Samah kado maga kasu tiisii, masak kalei tiirok kapang hangtei poi ndwi wolo.”

Ahnyiinii mail tang- tum madaikii hoipat sek-kii, Jisunii dwijai pouryiito pipii tatpisii malyii kutei manangpi kalei tei ahnyiinii ngoutakle, teito ahnyiinii hangkapii hingtakle, Nlenii mpounii ahnyii dakii tamle, “I-le hingsulo.”