Populära bibelverser från John 15

Dela

Iih naah ne onenhhare, ok ise yaweght nene kanhaghtòden. Raonha nene iihne yehennderon, ok Iih ne raonhhage, ne sagat eso enhoghyaniyòndhak, iken ne yagh nʼIih tʼikyàdare, yaghothenon tʼaonse warìghwagwè ni.

Iihne ensewesege, oni iih ne isege. Tsiniyought ne kanhaghta aonhha yaghten yaweght enwaghyaniyonden, togat yagh egh tʼaontekanhaghtodak tsi onenhharetseragwenniyo; yagh oni ise aontesewadonseke, nene yagh iihne tʼenseweseke.

Togat isewese Iihne, oni akewennaogon sewanigonragon yegayen, ensewarighwanekha, tsiok nahhoten ensewerhek, ok enyetshinigonrayerite.

Yagh ise teghsgwaragwènni, ok Iih denghnon kwaragwenni oni wakwanghhondàne, nene aontesewaghdendi oni aontesewaghyaniyondhak, oni ne sewahhihk aontekarighwadatye: nene tsiok nahhoten enghtsisewarighwanèkhen ne Ranihha iih aksennagon, aonteghtsisewàwi ne etho.

Yagh onghka ne ongwe senhha ten hanoronghkwa tsiniyought ne kengayen, ne ne rongwe aontehadewenndeghte tsi ronhe ne raoderswa ne rondenron.

Tsini wakenhaghtayen nene yaghten waghyaniyonden eren sahahhàwighte: ok tsinikanhaghtage nene waghyaniyonden, wahharàkewe nene senhha aontewaghyaniyondhak.

Ne kengayen ne wakerighwisson, nene entsyadaddenoronghkwake, tsiniyought niih tsi wakwanoronghkwa.

Etho niyought wahonwagloriste ne Ragenihha, nene tsi eso se waghyaniyonden; etho niyought aketyonghkwa ensewàdon.

Iih naah ne togenske onenhhare, ok ne Ragenihha ne raghsnyese.

Togat ne rongwe yagh Iihne ten hennderon, eren wahhonwatyeghte tsiniyought ne wa-enhaghtolkàren, ok wa-ondakenhheye ok ne ongwe wa-eròroke, oni otsisdage waakòdi, ok waontshaghte.

Ne kengayen ne karihhòten wakwaghtharaghgwenni; ne ne akwaddonweshenghtsera egh aontakayendak tsi isewese, ok oni nene sewaddonweshenghtsera aontakanànon.

Togat sewarighwatsteristha tsiniwakerighwisson akenoronghkwatseragon ne enseweseke; nene agwagh tsiniyought tsiwakerighwatsteristha tsini horighwisson ne Ragenihha, ok onen tsiniyought raonoronghkwatseragon ikese.

Ne ken ne karihhoten wakwènni nene aontetsyadaddenoronghkwake.

Togat nonken ongweghne aontesewayadare, enyenoronghkwake ne ongwe nene akòwenk, ok ne aoriwa tsi yagh ongweghne ten sewayàdare, ok ne kwayadaragwènni ne ongweghne, ne kadi wahhoni ne ongwe yetshighswense.