Populära bibelverser från Jenesis 11

Dela

mo hem i talem se, “!Maewad! Ol man ya oli man blong wan ples nomo, mo oli stap yusum wan lanwis nomo. Haos ya we oli jes wokem, hem i fas wok nomo blong olgeta. Bambae i no longtaem, oli save mekem olgeta samting we oli wantem. I moa gud yumi godaon blong mekem lanwis blong olgeta i paspas, blong oli no moa save haremsave ol toktok blong olgeta.”

Nao oli talem se, “I gud yumi wokem wan taon blong yumi we bambae i gat wan haos long hem we i hae we i hae, i go antap kasem skae. Nao wok ya bambae i mekem nem blong yumi i go antap, mo bambae yumi no stap wanwan olbaot long evri ples long wol, bambae yumi save stap wanples nomo.” Nao olgeta oli gohed, oli wokem taon ya wetem haos ya.

Nem blong taon ya Babilon, from we long ples ya, Hae God i mekem lanwis ya blong olgeta man long wol i paspas, mo long ples ya, hem i ronemaot olgeta man oli go stap olbaot long evri ples long wol.

Fastaem, ol man long olgeta ples long wol oli gat wan lanwis nomo.

Nao Hae God i kamdaon blong luk ol wok ya blong olgeta

Nao Hae God i girap, i ronemaot olgeta oli gowe long ples ya, nao oli go stap olbaot long evri ples long wol, mo oli no moa wokem taon ya bakegen.