Jenesis 11
11
Long Babilon, ol man oli wokem wan haos we i hae we i hae
1Fastaem, ol man long olgeta ples long wol oli gat wan lanwis nomo. 2Nao oli aot long ples ya we oli stap long hem fastaem, oli muv i go long saed i go long is. Nao oli faenem wan levelples long kantri ya Babilonia#11.2: Babilonia. Yu luk futnot V long 10.10., mo oli mekem ples blong olgeta long hem. 3Nao oli talem se, “!Olgeta! I gud yumi tekem sam graon, yumi wokem ol brikis long hem, mo yumi bonem olgeta long faea blong mekem olgeta i strong.” Nao long fasin ya, oli kasem plante brikis blong yusum olsem ston blong wokem haos, mo oli gat kolta blong joenem olgeta. 4Nao oli talem se, “I gud yumi wokem wan taon blong yumi we bambae i gat wan haos long hem we i hae we i hae, i go antap kasem skae. Nao wok ya bambae i mekem nem blong yumi i go antap, mo bambae yumi no stap wanwan olbaot long evri ples long wol, bambae yumi save stap wanples nomo.” Nao olgeta oli gohed, oli wokem taon ya wetem haos ya.
5Nao Hae God i kamdaon blong luk ol wok ya blong olgeta, 6mo hem i talem se, “!Maewad! Ol man ya oli man blong wan ples nomo, mo oli stap yusum wan lanwis nomo. Haos ya we oli jes wokem, hem i fas wok nomo blong olgeta. Bambae i no longtaem, oli save mekem olgeta samting we oli wantem. 7I moa gud yumi#11.7: Tok ya “yumi”, yu save luk tok blong hem long futnot F long 1.26. godaon blong mekem lanwis blong olgeta i paspas, blong oli no moa save haremsave ol toktok blong olgeta.” 8Nao Hae God i girap, i ronemaot olgeta oli gowe long ples ya, nao oli go stap olbaot long evri ples long wol, mo oli no moa wokem taon ya bakegen. 9Nem blong taon ya Babilon#11.9: Babilon. Long lanwis ya Hibru, nem ya klosap i olsem wan narafala tok we i min se “I paspas”., from we long ples ya, Hae God i mekem lanwis ya blong olgeta man long wol i paspas, mo long ples ya, hem i ronemaot olgeta man oli go stap olbaot long evri ples long wol.
Olgeta we oli kamaot biaen long Sem
(1 Kronikel 1.24-27)
10Nao olgeta we oli kamaot biaen long Sem ya bifo i olsem. Long taem ya we bigfala wota i finis, Sem i gat naenti eit yia blong hem, mo tu yia i pas, nao hem i bonem Apaksad. 11Nao hem i stap faef handred yia bakegen, mo long taem ya, hem i stap bonem ol narafala pikinini blong hem, sam we i boe mo sam we i gel.
12Mo Apaksad i gat toti faef yia blong hem, nao hem i bonem Sela. 13Nao hem i stap fo handred tri yia bakegen, mo long taem ya, hem i stap bonem ol narafala pikinini blong hem, sam we i boe mo sam we i gel.
14Mo Sela i gat toti yia blong hem, nao hem i bonem Eba.* 15Nao hem i stap fo handred tri yia bakegen, mo long taem ya, hem i stap bonem ol narafala pikinini blong hem, sam we i boe mo sam we i gel.
16Mo Eba i gat toti fo yia blong hem, nao hem i bonem Peleg. 17Nao hem i stap fo handred toti yia bakegen, mo long taem ya, hem i stap bonem ol narafala pikinini blong hem, sam we i boe mo sam we i gel.
18Mo Peleg i gat toti yia blong hem, nao hem i bonem Reu. 19Nao hem i stap tu handred naen yia bakegen, mo long taem ya, hem i stap bonem ol narafala pikinini blong hem, sam we i boe mo sam we i gel.
20Mo Reu i gat toti tu yia blong hem, nao hem i bonem Serug. 21Nao hem i stap tu handred seven yia bakegen, mo long taem ya, hem i stap bonem ol narafala pikinini blong hem, sam we i boe mo sam we i gel.
22Mo Serug i gat toti yia blong hem, nao hem i bonem Naho. 23Nao hem i stap tu handred yia bakegen, mo long taem ya, hem i stap bonem ol narafala pikinini blong hem, sam we i boe mo sam we i gel.
24Mo Naho i gat twanti naen yia blong hem, nao i bonem Tera. 25Nao hem i stap wan handred naentin yia bakegen, mo long taem ya, hem i stap bonem ol narafala pikinini blong hem, sam we i boe mo sam we i gel.
26Mo Tera i gat seventi yia blong hem, nao hem i bonem Ebram, mo Naho, mo Haran.
Ol laen blong Tera
27-29Olgeta we oli kamaot biaen long Tera i olsem. Ol pikinini boe blong hem, i gat Ebram, mo Naho, mo Haran.
Mo ol pikinini blong Haran, i gat Lot, mo Milka, mo Jiskaha.
Nao Haran i ded long taon ya blong hem Uru, long Koldia, be long taem ya, papa blong hem i stap laef yet. Mo Ebram i mared* long wan gel, nem blong hem Sarae, mo Naho i mared* long Milka ya we i dota blong brata blong hem. 30Nao Sarae ya i no gat pikinini, from we hem i no save karem pikinini.
31Nao Tera i tekem pikinini blong hem Ebram wetem Sarae we i woman blong Ebram, mo i tekem smol bubu blong hem Lot we papa blong hem Haran, nao oli aot long taon ya Uru long Koldia, blong go long kantri ya Kenan,* we i kantri blong ol laen* blong Kenan. Be taem olgeta oli go kasem ples ya Haran, oli mekem ples blong olgeta long hem. 32Nao Tera i ded long ples ya, mo taem hem i ded, hem i gat tu handred faef yia blong hem.
Nu markerat:
Jenesis 11: BBR
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
Bislama Revised Bible © Bible Society of the South Pacific, 2012.