Populära bibelverser från Luka 14

Dela

“Kəlara mdə na ata si adzə ra, amma tsa aɗi hir ra təramta laku tə tsa hir baba'ni, ka mama'ni, ka mwalankiɗa, ka maɗa'ni, ka maɗama'ni shili ka mwanki wa, har ma ka tsa nggəlar mpikari wa, tsa amzhi ndzi mdərthlipərna.

Tsuwa kəlara mdə na aɗi kətə udzəm kadləkadla arni ka nu ra wa, tsa amzhi ndzi mdərthlipərna wa.

Kamnyar kəlara mdə na ku haptə kərni, mda ata tərghəi ni. Tsuwa kəlara mdə na ku tərghəi kərari, mda ata haptə ni.”

Tsu apani tsuwa kəlara mdə na aɗi ata mzhi nggəlar shanga su tə tsa kəgari wa, tsa aɗi ata mzhi ndzi mdərthlipərna wa.”

“Kamnyar wan akwa nca giri antə ma tsa ata bara la mbwa na ola, antə tsa aɗi ata ndzəndzi ka dzama ata kəra hangkurər su tə tsa ata shamtari wa ri? Kamnyar ka tsa wuta abbər su na akəlari ni ata sə mzhi lata alari, wala nuhum liyar ni amzha kuri alari kəthlərari wa. Kamnyar ma tsa aɗi hara apani wa, antə aghəla sakatə tsa ku kurtə nci səla mbwa ni, amma tsa aɗi mzhi kuriyari wa, antə shanga mji na ata wutari ata sə hara kyartəkur alari, ka pəla, ‘Wuta, mdə ngəni ku baɗitə səla mbwa amma tsa aɗi mzhi kuri kərari wa!’

Amma sakatə ga akwa hara kucalər kəldzi ka gə kəga mjir tura, ka mji na abdala, ka mji nggurdəkəi, kəga mji na mdlyang, antə ga ata ndzi ka barka, kamnyar da amzhi ntəmta ala gə wa. Hyel ata sə ntəmta ala ga akwa sakatə mji na pwa akwa thlata akwa mtəmta.”

“Unə msəra. Amma ma msərakur un ni ku mti, apa madi tə vəi unkurərni ni ata jaktə namtədzi ka damwa ri? Tsa aɗi ndzi ka ampani aka fakəu wala apa kuɓə wa, tar ka mdə pumta ni daci. Mdə na ka thləmər nggatə su, ka tsa nggata.”