Populära bibelverser från Luka 3

Dela

Sakatə shanga mji ku dlu baptizma, antə mdə ku hara baptizma aka Yesu tsuwa. Sakatə tsa akwa hara adduwa antə vəi na amtazi ku kəlardzi, tə Mambəl na Ɓɗakkarkara ku səghəi ata kərari ka dzari dludzi ka bukəl. Antə kuraku laga ku thlata akwar amtazi akwa pəla, “Ga an Ɓzərna natə I hira! I akwa nggatə msərakur nga ka duna.”

Amma Yahwana shinau ala ɗa shang, ka pəla, “I ana hara baptizma ala giri ka yimi, amma mda aɗi na ata si, na ku təramta ra, natə ɓɗakkurərna aɗi mzhi wala kəi mpəli səwur ɓaɓiyirni wa. Tsa ata hara ala giri baptizma ka Mambəl na Ɓɗakkarkara, ka u'u tsuwa.

Tar ka giri hara suayeri na ata ncanta abbər giri ku tubi ata kəra bikayeri ar giri. Giri aɗiya dzama akwa ɗəffa giri abbər, giri an maɗa' Ibrahim wa, kamnyar I akwa pəla ala giri, Hyel ata mzhi namtə pela ni ka da ndzi maɗa' aka Ibrahim.

Kamnyar wala kulini antə mdə ku vədza kəma aka nggilanga nfwayeri, antə kəlara nfwa madi na aɗi ata ya munya na ɓɗaku wa antə mda ata nthləmta ni ka psuwa akwa u'u.”

Tsu apatə mdə ku rəbuta akwa kakaɗər naɓi Ishaya abbər, “Kuraka mda akwa kəga akwa mtaku, abbər, ‘Namtə gir laku aka Mthlaku, namtə gir alari laku ni dwaɗu. Kəlara mular madi ka mdə shikta, antə kəlara gar madi ka ɗəɗəgəl madi tsuwa ka mdə namtə ka ndzi ɓəɓal patərathlu, lakwayeri na mbalmbalari kamndə thlentə dwaɗu, lakwayeri na jukul jukul ka da ndzi patərathlu. Antə shanga mji ata sə wutə mbantədzi ar Hyel.’ ”