Populära bibelverser från Matius 19

Dela

at Yesus nen ileken it inoba 'biluk nen, men yogeisasikhe, “Akhuni nen hagasusak motok erlok dek mekeat he, at Allah nen yi meke ti meke hagasusak erlok anek o,” iluk yogeisasikhe.

iluk yogeisasikhe iti nen, inebe pere 'buk, opakiat ageikhesik werek o. At Allah nenat itithogon ipisak dapulogo 'bisasikhemo akhuni nen, hethelasusak motok dek o,” iluk yogeisasikhe.

at Yesus nen he, “Erlo baga Allah nen winametdisekhe dogolik, Ap walhigik, he walhigik, winametdisasikhe, iluk wene holal waganek etnogo etaga thalhidek welagap nogo? Itithogon winametdisasikhesikmo wene men yogeisasikhe, Ap nen agosa opase here'isalok age ipisak hano dapulik dogolik inebe pere mekeat he, opakiat meke asugun o

Wenageisasukha mekeat he, at Yesus nen, “Akhuni yekerugi yi hakene hagatlasugun halok, nopase kok pogot oba meke nen apma 'bisekherekma etoma iteerek asugun iti nen, it yekerugi 'bugurlaktek ethoma an noba wetnek. Wene palhek 'buk o,” iluk yogeisasikhe.

Itithogon mekeat he, it akhuni o yogotakne inetaga werek meke doalegat, yabokane inetaga dek asigin. Nen, it aperek yogotak inetaga dek werek meke yabokane inetaga werek asigin o,” iluk yogeisasikhe.

Halok he, an netaga kok asuagaluk tha nen ai halek men, oe agot men, erugi men, agosa opase men, a'buri men, wen waganek men, here'isalok waga halok he, oko obolukmo Allah nen iniki 100 oba hakene motok doalegat wogokhik, naburlal-haburlal wogokhik, hagasigin o.

at Yesus nen, “Hat hebe hano motok asigiluk halok, yoma nen lalok hameke yi meke ti meke etoma tha'bokhogonat it aperek inoba oko pali lano. Oko palogo wokhesugun meke iti, it akhuni aperek inameke dek inerlageik meke iti supusogo wogeisano. Itithogon wogeisegen halok he, hat pogot oba meke kogat iteerek asigin o. Halok he, itithogon arat supusogo wogeisalok, an noporlik nekhe dogonok nen, wetno,” iluk yogokhikhe.

at Yesus nen, men yogokhikhe, “Hano ki hakene hagakhe dogosak iluk an yoknekhen iti, nikithogon nen. Hano hagakherek iti, at opakiat anek werek o. Hat iniluk motok dogogunmo etoma ukusak warlok halok he, wene Allah nen ninasuk wakhikhe wene iti hasuk holiluk mothogon hagakhe dogono o,” iluk yogokhikhemo

Itithogon yogeisasikhesik, at nen, “Wene iti mekeat yabokane dagakhogon yokhisak. Wam unta kok muluk iti meke, disu elo horlelekma kola'umo erlok lelokhogon ukusak mekeat he, it akhuni inameke doalegat meke iti Allah nen apma 'bisekherekma etoma ukusak motok erlok dek o,” iluk yogeisasikhe.

Halok he, wene ageikhe yi yokhisak. Ap tha nen age waganek meke ap ageikhe nen param ha'isigidekmaat he, lologo here'isalok he ninat meke ageikhe waganhe halok he, paramat hagasugun o,” iluk itithogon yogeisasikhemo

Lageikhemo at Yesus nen agarumi ane waganhe lagoukha meke emenogo men yogeisasikhe, “Akhuni inameke doalegat meke iti nopase kok pogot oba meke nen apma 'bisekherekma etoma nikithogon uku heat o, iluk eberogonat yokhisigi,” iluk yogeisasikhe.