Populära bibelverser från Lukas 5

Dela

Una wadoto daboloka, de asa wotemo o Simonka, “Nosihoru iluku-lukuko de o nao nasoma.”

De o Simon wotemo, “Baba Guru, o putu moi ngomi mimanara duma o nao moi lo miamakewa. Ngaroko komagena, sababu Ngona ngomi nomisuloka, so ngohi asa ai soma taumoli.” Kagena de manga soma yaumoka, de ato yanano, pei, o nao gena ka idala poli iwosa sidago manga soma yaliaye gena he iracaka.

So Una bilasu womatinga wahika o riho moika de o riho moi kali, la kagena asa Una wosumbayang.

Magena imatero maro Ngohi tahino gena, taasowa o nyawa la kanaga itemo manga sininga itotiai, duma ma ngale taaso o nyawa de manga dorouka, la ma ngale manga dorouno gena ona aku imatoba de imatoduba.”

Magena o Simon Petrus wakelelo, de gila-gila una wobukuku o Yesus Awi simaka de wotemo, “Jou, noidongosa ngohi! Sababu ngohi o nyawa ma dorou!”

Duma Una wogiise manga demo-demo magena de Una wosango wotemo, “O nyawa yapoputuru upa he ma dokterka yahino, cawali ka o nyawa yasisiri.

Dabolo de gila-gila ona manga deru yalia o dowongisa, de manga moi-moi ona yodongosa de ona yaruwange o Yesus iwimoteka.

Ma moiku de o Yesus kanaga o doku moika, de o nyawa moi wipapado, awi rohe yapasiku, una magena iwimakeka, de wobukuku wosuba de wotemo, “Baba, nako nomode, de igogou aku noisiloha.” Magena de o Yesus Awi gia watoa de una magena, ngaroko wipapado, duma awi roheka wapada, de wotemo, “Ngohi tomode, so nilohaka bato.” So o orasi magena dabolo de una wilohaka so he wipado kawa.

Duma o habari magena isihabari kiaka bato, so yogiise de o nyawa yadala icarawa asa yakahika Unaka, gena yodupa yoise Awi dodoto de yogolo manga panyake wosiloha.