Populära bibelverser från Yone 15

Dela

Meme ndi muonshi munene, nuenu nudi matamba; wikala munda muanyi, meme muikale munda muandi, yeye neakuame mamuma a bungi; binuikala kanui nʼanyi, kanuena bamanye mua kuenza bualu.

Nuenu nuikale munda muanyi, meme nengikale munda muenu. Bu mudi ditamba kadi dimanye mua kudikuamina mamuma, anu hikaladi ku muonshi mimene; nunku nuenu kabidi kanuena bamanye mua kukuama mamuma, binuikala kanui nushala munda muanyi.

Binuikala munda muanyi, bikala mei anyi munda muenu, nulombe tshionso tshinuasua, nebanuenzeletshi.

Nuenu kanuakunsungula, nakunusungula, nakunujadika bua nuenu kuya kukuama mamuma ne bua mamuma enu ikale tshiendelele, bua tshintu tshionso tshinualomba Tatu mu dina dianyi yeye anuhetshi.

Kakuena muntu udi ne dinanga didi ditambe edi, dia muntu udi ufuila balunda bandi.

Ditamba dianyi dionso didi kadî dikuama mamuma, yeye neadiumushe, kadi ditamba dionso didi dikuama mamuma yeye neadilengeshe bua kukuamadi mamuma makuabo.

Eu udi mukenshi wanyi ne, Nusuangane bu munakunusua.

Tatu wanyi udi utumbishibua mu bualu ebu ne, Nudi nukuama mamuma a bungi; nunku nenuikale bayidi banyi.

Meme ndi muonshi mimene mulelela wa mamuma a nvinyo, Tatu wanyi udi mulami wau.

Bikala muntu kai ushala munda muanyi, nebamumushe bu ditamba, neafube; badi bunguisha matamba, baêla mu kahia, adi ahla.

Nakunuambila malu â bua disanka dianyi kuikaladi munda muenu, ne bua disanka dienu kukumbanadi.

Binuatumikila mikenshi yanyi, nenushale mu dinanga dianyi, bu munakutumikila mikenshi ya Tatu wanyi, ne mundi nshala mu dinanga diandi.

Nakunuambila malu â bua nuenu kusuangana.

Bu nuenu bikale ba ha buloba, ba ha buloba bakadi kusua bantu babo; kadi bualu bua nuenu kanuena ba ha buloba, nakunusungulula mu ba ha buloba, nunku ba ha buloba badi nʼenu lukuna.