Populära bibelverser från Yone 6

Dela

Yesu wakabambila ne, Ndi bianyi bidia bia muoyo; walua kundi kena wikala ne nsala, wangitabusha kena wikala ne nyota.

Nyuma ngudi uha muoyo, mubidi kawena wenza bualu; mei anakunuambila adi nyuma ne muoyo.

Kanukuatshi mudimu bua bia kudia bitu biafua, kadi nûkuate bua bidi bishala tô ne ku muoyo wa tshiendelele, bianuha Muana wa muntu; bualu bua Tatu, Nzambi mene, wakamuteka tshimanyishilu.

Tatu wanyi udi musue muntu yonso udi utangila Muana, udi umuitabusha, ikale ne muoyo wa tshiendelele; ne meme nemubishe dituku dia kunshikidilu.

Yesu wakabandamuna ne, Mudimu wa Nzambi udi nunku: nuitabushe wakatumeye.

Bonso badi Tatu umpa nebalue kundi; tshiena ngihata walua kundi.

Simona Petelo wakamukudimuna ne, Mukelenge, netuye kudi nganyi? Wewe udi ne mei a muoyo wa tshiendelele.

Ndi bianyi bidia bidi ne muoyo biakafuma mu diulu; biadia muntu bidia ebi, neikale ne muoyo tshiendelele; bulelela, bidia binafila ku muoyo wa ba ha buloba nmubidi wanyi.

Kakuena muntu udi mumanye mua kudivuila kundi, hikala Tatu wakuntuma kai mumukoke; ne meme nemubishe dituku dia kunshikidilu.

Bua bidia bia Nzambi mbiobio bîdi bifuma mu diulu, bidi biha ba ha buloba muoyo.

Ndi bianyi bidia bia muoyo.

Yesu wakamema mitanda; hakatendeleleye Nzambi, wakayabanyina bakadi bashikame, ne mishiha kabidi bungi buakadibo basue. Hakûkutabo, wakambila bayidi ne, Angula! bihesa bia bidia bidi bishale, tshintu katshijiminyi.

Hakitabo bualu ntanta bu ya kilometa inai anyi itanu, bakatangila Yesu wenda ha mutu ha mai, ulua hehi ne bualu; bakatshina. Kadi yeye wakabambila ne, Nmeme, kanutshinyi.