Populära bibelverser från yuḥanna 14

Dela

imma ġilad flġ‑awn sslamt. sslamt‑inu ayd‑awn‑fkiġ. ur‑ra‑tiẓḍar ddunit ad‑awn‑tti‑tfk ġmklli‑awn‑tt‑fkiġ nkki. a‑ur‑tiksaḍm ula tudjm taġuft a‑tkšm s‑uwlawn‑nnun.

isawl yasuɛ yini‑as: «nkki a‑igan aġaras ula lḥqq ula tudrt. ur‑ra‑n‑iruḥ yan dar rbbi baba, abla iġ‑t‑ssruḥġ nkki.

yini‑asn yasuɛ: «ad‑ur‑tadjm taġuft a‑tkšm s‑uwlawn‑nnun. amnat s‑rbbi, tamnm ula sri.

imma aɛwin a‑t‑igan d‑rruḥ lqudus lli‑rad‑awn‑d‑yazn baba s‑ism‑inu, nttan a‑ra‑kʷn‑isslmad f‑kraygatt kra isskti‑awn‑d kullu mad‑awn‑nniġ.

wanna isflidn s‑luṣiyat‑inu ar‑srsnt‑iskar, nttan a‑yyi‑ittirin. d‑wanna‑yyi‑ittirin, ra‑t‑yiri baba. ra‑t‑iriġ ula nkki, ssbayynġ‑as ih̬f‑inu.»

rad‑ḍalbġ zġ‑baba, ifk‑awn‑d aɛwin yaḍni lli‑rad‑bdda‑didun‑iqama, a‑t‑igan d‑rruḥ l‑lḥqq. ur‑ẓḍarn ayt‑ddunit‑ad a‑t‑qbln ašku ur‑jju‑t‑ẓrin ula ssnn‑t. imma kunni tssnm‑t ašku illa ġ‑gratun, ra‑sul‑ikšm s‑ugʷns‑nnun.

aynna tḍalbm s‑ism‑inu, ra‑t‑skrġ. ġmkad a‑ra‑d‑iban lmjd n‑baba ġ‑yus. iġ‑tḍalbm kra s‑ism‑inu, ra‑t‑skrġ.

«iġ‑a‑yyi‑ttirim, ra‑tskarm s‑luṣiyat‑inu.

ggutnt‑tḥuna ġ‑tgmmi n‑baba. mrad is‑ur‑igi ġmkad ur‑rad‑awn‑t‑iniġ, ašku rad‑dduġ ad‑awn‑in‑jjujadġ adġar.

iġ‑ddiġ jjujadġ‑awn adġar rad‑d‑wrriġ awiġ‑kʷn didi, tilim ula kunni ġ‑illiġ rad‑iliġ nkki.

isawl‑d tuma yini‑as: «ur‑nssin manis ra‑tddut, a‑sidi. mamnk a‑s‑ra‑nissan aġaras?»