Populära bibelverser från yuḥanna 13

Dela

imma ġilad rad‑awn‑fkġ yat luṣit l‑ljdid. tḥnnwat i‑ngratun. ġmklli gigun tḥnnuġ, ġmkan a‑fllawn‑illan ula kunni a‑ttḥnnum i‑ngratun. ġmkad a‑s‑rad‑issann kullu mddn izd imḥḍarn‑inu a‑tgam, iġ‑a‑ttḥnnum i‑ngratun.»

walaynni iġ‑sirdġ iḍarn‑nnun, nkki lli‑igan siditun d‑umslmd‑nnun, yili fllawn ula kunni a‑tsiridm iḍarn n‑ingratun. mliġ‑awn lmɛna‑yad baš a‑tskarm ġmklli‑awn‑skrġ.

yini‑as yasuɛ: «ur‑tssint mayd skarġ ġilad, walaynni ra‑tissant tigira.»

lḥqq ayad, lḥqq a‑rad‑awn‑iniġ. ah̬ddam ur‑yugʷr sidis. arqqas ur‑yugʷr ġwalli‑t‑yuznn.

imma ġilad iġ‑tssnm tiġawsiwin‑ad, imbarkin a‑ra‑tgm iġ‑a‑srsnti‑tskarm.

inkr ilmma zġ‑imnsi ikkis aslham‑ns ibkis s‑yat lfuṭa. iffi aman ġ‑waṭṭaṣ ibdu ar‑isirid iḍarn i‑imḥḍarn‑ns, ar‑tn‑isfaḍ s‑lfuṭa lli‑s‑ibkis.