Populära bibelverser från ଯୋହାନ୍ 6

Dela

ୟୀଶୁ ଇନ୍‍କୁକେ କାଜିକେଃକୋୱାଏ, “ଜୀଦାନ୍ ରାଃ ହୋଲୋଙ୍ଗ୍ ଇଙ୍ଗ୍ ତାନିଙ୍ଗ୍। ଅକଏ ଇଙ୍ଗ୍‍ତାଃ ହିଜୁଃୱାଏ ଇନିଃ ଚିଉଲାଅ କାଏ ରେଙ୍ଗେଜୋୱା, ହାର୍ ଅକଏ ଇଙ୍ଗ୍ଆଃ ରେ ବିଶ୍ଵାସ୍ ତାନାଏ ଇନିଃ ଚିଉଲାଅ କାଏ ତେତାଙ୍ଗ୍ଅଃୱା।

ଆତ୍ମା ଦୋ ଜୀଦାନ୍ ଏହେମ୍ ନିଈ ତାନିଃ, ହୋଡ଼ମୋ ଏତେ ଜାହାନ୍ ଲାଭ ବାନୋଗା, ଅକନ୍ ବାକାଣ୍ ଇଙ୍ଗ୍ ଆପେକେ କାଜିକେଦାଇଙ୍ଗ୍ ଏନା ଆତ୍ମା ତାନାଃ, ହାର୍ ଜୀଦାନ୍ ହ ତାନାଃ।

ନାଶୋଃତେୟାଃ ଜୋଜୋମାଃ ଲାଗିନ୍ତେ ଆଲୋପେ କାମିୟା, ମେନ୍ଦୋ ଏନ୍ ଜୋଜୋମାଃ ଲାଗିନ୍ତେ କାମି ପେ ଅକନାଃ ଜାନାଓ ଜୀଦାନ୍ ସାନ୍ ତାଇନୋଃ ୱା, ଅକନାଃ କେ ଇଙ୍ଗ୍ ମାନ୍‍ୱା ରାଃ ହୋନ୍ ଆପେକେ ଏମାପେୟାଇଙ୍ଗ୍, ଚିୟାଃଚି ଆପୁ ମାନେ ପାର୍ମେଶ୍ଵାର୍ ଇଙ୍ଗ୍‍କେ ନେକା ଆଧିକାର୍ ଏମ୍ ନାଙ୍ଗ୍ ପୋକ୍ତା କାଦିଙ୍ଗ୍ଆଏ।

ଚିୟାଃଚି ଇଙ୍ଗ୍ଆଃ ଆପୁ ଆଃ ସାନାଙ୍ଗ୍ ନେୟା ତାନାଃ ଚି ଜେତାଏ ହ ଇଙ୍ଗ୍‍କେ ନେଲିଙ୍ଗ୍ ୟାଏ, ହାର୍ ଇଙ୍ଗ୍ଆଃ ରେ ବିଶ୍ଵାସ୍ ୟାଏ, ଇନିଃ ଜାନାଓ ଜୀଦାନ୍ ନାମେୟାଏ, ହାର୍ ଇଙ୍ଗ୍ ଇନିଃକେ ବିଚାର୍ ହୁଲାଙ୍ଗ୍ ରେ ଆଡୋଃଗି ଜୀହିଃ ବିରିଦିୟାଇଙ୍ଗ୍।”

ୟୀଶୁ ଇନ୍‍କୁକେ କାଜିରୁଆଡ଼୍ କେଃକୋୱାଏ, “ପାର୍ମେଶ୍ଵାର୍ ରାଃ କାମି ନେୟା ତାନାଃ ଚି ଆପେ ଇଙ୍ଗ୍‍କେ ବିଶ୍ଵାସ୍ ଏପେ, ଅକଏ ଆଏଃ କୁଲା କାଦିଙ୍ଗ୍ଆଏ।”

ଅକନ୍ କୋକେ ଆପୁ ଇଙ୍ଗ୍‍କେ ଏମାଇଙ୍ଗ୍ ତାନାଏ ଇନ୍‍କୁ ସବେନ୍ ଇଙ୍ଗ୍‍ତାଃ ହିଜୁଃୱାକୋ, ଅକଏ ଇଙ୍ଗ୍‍ତାଃ ହିଜୁଗାଏ ଇନିଃକେ ଇଙ୍ଗ୍ ଚିଉଲାଅ କାଇଙ୍ଗ୍ ଅଡୋଙ୍ଗିୟା।

ଶିମୋନ୍ ପାତ୍ରାସ୍ ଇନିଃକେ କାଜିରୁଆଡ଼୍ କିଜାଏ, “ହେ ପ୍ରାଭୁ, ଆଲେ ଅକଏ ତାଃ ସେନାଲେ? ଜାନାଓ ଜୀଦାନ୍ ରାଃ ବାକାଣ୍ ଦୋ ଆମ୍ ତାଃଗି ମେନାଃ

ଜୀଦାନ୍ ରାଃ ହୋଲୋଙ୍ଗ୍ ଅକନାଃ ସିର୍ମାଦିଶୁମ୍ ଏତେ ଆଡ଼୍‍ଗୁଜାନା, ଏନା ଇଙ୍ଗ୍ ତାନିଙ୍ଗ୍। ଆଗାର୍ ଜେତାଏ ନେ ହୋଲୋଙ୍ଗ୍ ଏତେ ଜୋମେୟାଏ, ଏଣ୍ଡେ ଜାନାଓ ଜୀହିଃ ତାଇନୋଗାଏ, ହାର୍ ଅକନ୍ ହୋଲୋଙ୍ଗ୍ ଇଙ୍ଗ୍ ଅତେଦିଶୁମ୍ ରାଃ ଜୀଦାନ୍ ଲାଗିନ୍ତେ ଏମେୟାଇଙ୍ଗ୍, ଏନା ଇଙ୍ଗ୍ଆଃ ହୋଡ଼ମୋ ତାନାଃ।”

ଜେତାଏ ଇଙ୍ଗ୍ଆଃ ଜାପାଃ କାଏ ହିଜୁଃ ଧାଡ଼ିୟା ଚିମିନ୍ ସାନ୍ତେ ଆପୁ, ଅକନିଃ ଇଙ୍ଗ୍‍କେ କୁଲ୍ କାଦିଙ୍ଗାଏ, ଇନିଃକେ କାଏ ଥାଉଜିୟାଏ, ହାର୍ ଇଙ୍ଗ୍ ଇନିଃକେ ଟୁଣ୍ଡୁ ହୁଲାଙ୍ଗ୍ ରେ ଆଡୋଃଗି ଜୀହିଃ ବିରିଦିୟାଇଙ୍ଗ୍।

ଚିୟାଃଚି ପାର୍ମେଶ୍ଵାର୍ ରାଃ ହୋଲୋଙ୍ଗ୍ ଇନିଃଗି ତାନିଃ, ଅକଏ ସିର୍ମାଦିଶୁମ୍ ଏତେ ଆଡ଼୍‍ଗୁକେତେ ଅତେଦିଶୁମ୍ କେ ଜୀଦାନ୍ ଏମ୍ ତାନାଏ।”

ଜୀଦାନ୍ ରାଃ ହୋଲୋଙ୍ଗ୍ ଇଙ୍ଗ୍ ତାନିଙ୍ଗ୍।

ଏନ୍ତେ ୟୀଶୁ ହୋଲୋଙ୍ଗ୍ ଇଦିକେଦାଏ, ହାର୍ ପାର୍ମେଶ୍ଵାର୍ କେ ଧାନ୍ୟାବାଦ୍ କେତେ ଦୁବାକାନ୍ କୋକେ ହାଟିଙ୍ଗ୍ ନାଙ୍ଗ୍ ଚେଲା କୋକେ ଏମ୍ କେଃକୋୱାଏ, ଏନ୍‍ଲେକାଗି ହାକୁ କୋକେ ହଗି ଇନ୍‍କୁକେ ଚିମିନାଙ୍ଗ୍ ଇନ୍‍କୁ ସାନାଙ୍ଗ୍ କେଦାକୋ ହାଟିଙ୍ଗ୍ ନାଙ୍ଗ୍ ଚେଲା କୋକେ ଏମ୍ କେଃକୋୱାଏ। ଚିମ୍ତାଙ୍ଗ୍ ଇନ୍‍କୁ ଜୋମ୍ କେତେ ବିଇ ଜାନାକୋ ଏଣ୍ଡେ ଇନିଃ ଆଜାଃ ଚେଲାକୋକେ କାଜିକେଃକୋୱାଏ, “କେଚାଃକାନ୍ ତେୟାଃ ହୋଲୋଙ୍ଗ୍ କୋଏତେ ବାଚାଓ କାନ୍ ଖାଣ୍ଡା କୋକେ ହୁଣ୍ଡିପେ, ଚି ଏନା ଆଲୋକା ଦୁଡ଼ିଙ୍ଗ୍ଅଃକା।”

ଏନ୍ତେ ଚିମ୍ତାଙ୍ଗ୍ ଇନ୍‍କୁ ଡୋଙ୍ଗା ଚାଲାଓ-ଚାଲାଓ ତିନ୍ ଚାଇର୍ ମିଲ୍ ଲାଗ୍-ଭାଗ୍ ଅଡୋଙ୍ଗ୍ ଜାନାକୋ, ଏଣ୍ଡେ ଇନ୍‍କୁ ୟୀଶୁ କେ ସାମୁଦାର୍ ରେ ସେସେନ୍ ତାନ୍ ହାର୍ ଡୋଙ୍ଗା ନାଡ଼େଏ ତାଃ ହିଜୁଃ ତାନ୍ ନେଲ୍‍କିଜାକୋ, ହାର୍ ବୋରୋ ଜାନାକୋ। ମେନ୍ଦୋ ଇନିଃ ଇନ୍‍କୁକେ କାଜିକେଦାଏ, “ଇଙ୍ଗ୍ ତାନିଙ୍ଗ୍! ଆଲୋପେ ବୋରୋୟା।”