Populära bibelverser från Yoane 16

Dela

Ajo ni jihatai erre huna jo iwanata adi itai iko nelik tajya toni. Lifau ana inyurana adi itai ettigemyo, ati itagoloto atajya hatai nyo agalik ni erre hutta fau.

Ati al attu Oloyiri alya olo nelahode, ittiyenio adi inyi itai nerre daŋ hun arai ahode, nyo obeŋ adi inyi ikyana ta ahwan honyi hama, ati ikyana adi inyi jihatai nerre hun itayiru inyi bwo fe iramak adi inyi jihatai nerre hun ofwonni adi lihalu.

Many iko ahana ibyaŋata tai ifiyete obo ariŋ ta afure hoŋ. Ifiyete bwo isyori adi jihatai jo oŋida amuno hatai ifut.

Ati eramak ni itai ahode, oyyu jihatai luŋa jo oŋida ani alo addi. Al abeŋ ni alo, obeŋ adi Etalwahani ottu jihatai. Al alo ni efahu adi ni inyi jihatai. Al attu inyi ituruk adi inyi laati ta neram ono neyyauna, iko ono nalibori ojo bwo fe naŋoco hiram.

Ati ihwania ijiriŋati tai, ati attu adi ni itai mijo attati atajya hatai muno, bwo obeŋ obo atulo ohororo amuno hatai jihatai. Ati jyo oloŋ ania ibyaŋata adi itai ifiyete ani omuk erre. Eramak ni itai ahode ahode erre daŋ hun ifiyete tai jyo Monyoŋ ta afure hoŋ isyo adi inyi jihatai.

Ahode ahode ajo ni jihatai, Iyyoti adi itai bwo fe iyihitati, ati laati asai omunoi adi. Ijiriŋati adi itai, ati ottu adi nejiriŋa hatai rahan amuno.