Populära bibelverser från यूहन्‍ना 6

Dela

बल्ति ईशु ने वानु केहले, “मैं ही जीवन ची रोटी छै। जको माये गोढु आवे ऊं कङी भुक्‍के नी रिही, ते जको माये उपर विश्‍वास राखी ऊं कङी तरसेले आले नी रिही।

नरीकारा ची आत्मा छै जको जीवन ङिये, शरीरा चे कामा लारे कुई फायदा कोनी। वचन जको मैं तम्हानु केहले, वे आत्मिक जीवन ङी।

ओ खाणे वास्ते मेहनत ना करा जको सड़ती जाये, बल्कि ओ खाणे वास्ते जत्तन करा जको सदा वास्ते बणला रिही ते अनन्त जीवन ङिही, ते जानु मैं इन्सान चा पूत ङिही। कांकि ब़ा नरीकारा ने आपणी छाप माये उपर लाली।”

कांकि हाओ माये ब़ा नरीकारा ची मर्जी छै हर हेक बन्दे जको पूता नु ङेखे ते विश्‍वास करी ते ओनु अनन्त जीवन मिली, ते अन्त चा ङिहां मां मैं ओनु जीते करती ङिही।”

ईशु ने वानु केहले, “नरीकार जको चाहवे, ऊं काम ईं छै, कि ओचे उपर विश्‍वास करा जानु नरीकारा ने भेज़ले।”

हर हेक बन्दे जको नरीकारा ने मनु सोंपले वे माये गोढु आवे, जको माये गोढु आवे मैं वानु कङी वी नी काढ़ी।

शमौन पतरस ने उत्तर ङिला, “हे प्रभु, अम्ही काये गोढु जऊं? वे वचन तां दुधे कनु छी जको अनन्त जीवन ङिही।

मैं ही वा जीती रोटी छै जको स्वर्ग़ा कनु उतरली। अगर ये रोटी नु कुई खाये ते ऊं सदा जीते रिही। ते वा रोटी जानु मैं ङिही माये शरीर छै, ऐची वजह कनु संसार जीता रिही।”

माये गोढु तब तक कुई ना आ सग़ी जब तक मनु भेज़णे आला माया ब़ा नरीकार ओनु माये गोढु गेहती ना आवी। बल्ति मैं ओनु अन्त चे समय उपर जीते करती ङिही।

कांकि ब़ा नरीकारा ची रोटी वा छै जको स्वर्ग़ा कनु उतरती संसारा नु जीवन ङिये।”

मैं ही जीवन ची रोटी छै।

बल्ति ईशु ने वे रोटीया चलीया ते नरीकारा चा धन्यवाद करती कर ब़ेसणे आला नु बांटती ङिलीया। ते यूंही माछलीया महु जितनीया वे चाहते बांटती ङिलीया। जिसे बेले सब खाती कर रज़ती गेले, तां ओणे चैला नु केहले, “बचलीया आलीया रोटीया नु भेले करती गिहा। कि कहीं भुकाले ना जाओ।”

जिसे बेले वे ब़ेड़ी चलाते-चलाते तीन चार मील चे लगभग निकलती गेले, तां वाणे ईशु नु झीली चे उपर टुरते ते ब़ेड़ी चे गोढु आते ङेखले, ते ङरती गेले। पर ईशु ने वानु केहले, “मैं छै, ङरा ना!”