Юхан 6
6
Иса беш бинъ адамны тойдура
1Бундан сонъ Иса Галилея голюнинъ (яни Тиберия голюнинъ) башкъа ялысына кетти. 2Онынъ пешинден чокъ адам юре эди. Олар Исанынъ хасталаргъа япкъан аджайип ишлерини корьмеге истей эдилер. 3Иса дагъгъа чыкъып, о ерде озь шегиртлеринен отурды. 4#Чыкъ 12.1-30; Текр 16.1, 16; Юх 2.13; 11.55Еудийлернинъ Песах Байрамы якъынлаша эди. 5#4 Пад 4.42-44; Юх 1.44Иса бакъып, чокъ халкъ топлашып, Онынъ тарафына келеяткъаныны корьди. О, Филиптен:
– Бу адамларны тойдурмакъ ичюн къайдан отьмек сатын алайыкъ? – деп сорады. 6Иса бу сёзлерни оны сынамакъ ичюн айтты, Озю исе не япаджагъыны биле эди.
7– Эки юз динаргъа#6.7 Эки юз динар – къ. юн. «200 денарион», 200 кунь чалышкъан адамнынъ къазанчы. отьмек сатын алсакъ биле, оларнынъ эр бирине бирер парча тиймейджек! – деп джевап берди Филип.
8 #
Юх 1.40, 44 О вакъыт шегиртлеринден бири, Симон Пётрнынъ къардашы Андрей Исагъа:
9– Бу ерде бир огъланда беш арпа отьмек ве эки балыкъ бар, лякин бу къадар адам ичюн о недир? – деди.
10– Адамларны ерге отуртынъыз, – деди Иса.
О ерде чокъ от бар эди. Адамлар ерге отурдылар. Анда акъайларнынъ сайысы беш бинъге якъын эди. 11#Мт 15.36Иса отьмеклерни алып, шукюр дувасыны окъуды да, отургъанларгъа, ким не къадар истесе, даркъатты. Балыкъларны да даркъатты.
12Адамлар ашап тойгъан сонъ, Иса Озь шегиртлерине:
– Къалгъан парчаларны джыйып алынъыз, ич бир шей ёкъ олмасын, – деди.
13Шегиртлер, адамлар ашагъан беш арпа отьмегинден къалгъан парчаларны джыйып, он эки сепет толдурдылар. 14#Мт 11.2-3; Юх 4.25; 11.27Адамлар, Иса косьтерген бельгини корип:
– Керчектен де, бу – дюньягъа келеяткъан Пейгъамбердир, – дедилер. 15Иса исе, адамлар келип, Оны тутмагъа ве падиша япмагъа истегенлерини билип, кене бир Озю дагъгъа котерильди.
Иса сув устюнде юре
16 #
Мт 14.22-27; Мк 6.45-52 Акъшам олгъан сонъ, Исанынъ шегиртлери голь боюна бардылар. 17Къайыкъкъа минип, гольнинъ о бир тарафындаки Къафарнаум шеэрине ёл алдылар. Энди къаранлыкъ тюшкен, Иса исе оларнынъ алдына даа кельмеген эди. 18Кучьлю ель котерилип, гольнинъ сувларыны далгъаландырды. 19Олар ялыдан беш-алты километр#6.19 Беш-алты километр – къ. юн. «25-30 стадиос». узакълашкъан сонъ, голь устюнден юрген, къайыкъкъа якъынлашкъан Исаны корьдилер ве пек къоркътылар.
20– Бу – Меним! Къоркъманъыз! – деди оларгъа Иса.
21Олар Исаны къайыкъкъа алмагъа истедилер, ве шу ань къайыкъ олар бараджакъ ялыгъа етти.
Иса – омюр отьмеги
22Эртеси куню гольнинъ башкъа тарафында къалгъан халкъ о ерде олгъан къайычыкътан гъайры къайыкъ олмагъаныны, Иса шегиртлеринен берабер къайыкъкъа минмегенини, шегиртлери ялынъыз озьлери кеткенлерини корьди. 23О вакъыт башкъа къайыкълар Тибериядан кетип, халкъ Рабби шукюр эткен отьмекни ашагъан ерге кельди. 24Халкъ не Исанынъ, не шегиртлерининъ о ерде олгъанларыны корип, къайыкъларгъа минип, Исаны къыдырып, Къафарнаумгъа кельдилер. 25Оны гольнинъ о бир тарафында тапып:
– Равви, Сен бу ерге не вакъыт кельдинъ? – деп сорадылар.
26Иса оларгъа шойле джевап берди:
– Сизге керчектен догърусыны айтам: сиз Мени бельгилеримни корьгенинъиз ичюн дегиль, отьмек тойгъандже ашагъанынъыз ичюн къыдырасыз. 27#Еш 55.2Сиз кечип-кетеджек аш ичюн дегиль, эбедий омюрге етеджек аш ичюн чалышынъыз. Оны сизге тек Инсан Огълу берип олур. Алла Баба Озь разылыкъ муурини Онъа басты.
28Халкъ Исадан:
– Алла ичюн насыл ишлер япып беджермек керекмиз? – деп сорады. Иса:
29 #
1 Юх 3.23
– Алла ичюн бойле иш япмакъ керек: Онынъ Ёллагъанына иман этмектир, – деди.
30 #
Мт 12.38; Юх 2.18; 4.48; 1 Кор 1.22 – Биз корейик ве иман этейик деп, насыл бельги косьтереджексинъ? Не иш беджереджексинъ? – деди халкъ. 31#Чыкъ 16.15; Сай 11.7-9; Нех 9.15; Збр 77.24– Язылгъаны киби, «оларгъа коктеки отьмекни берди», ве баба-деделеримиз сахрада маннаны ашай эдилер.
32Иса оларгъа:
– Сизге керчектен догърусыны айтам: сизге коктеки отьмекни берген киши Муса дегиль эди. Акъикъий коктеки отьмекни сизге Бабам бере. 33Алла берген отьмек коктен тюше ве дюньягъа омюр багъышлай, – деди.
34 #
Юх 4.15
Олар Исагъа:
– Эфенди, бойле отьмекни бизге эр вакъыт берип тур! – дедилер. 35#Юх 4.14; 7.37Иса исе оларгъа:
– Аят отьмеги – Мендирим. Манъа кельген адам ич бир вакъыт ач къалмаз, Манъа иман эткен адам ич бир вакъыт сувсамаз. 36Лякин Мен сизге айткъан олсам да, Мени корьген олсанъыз да, иманынъыз даа ёкъ. 37#Юх 17.6Бабам Манъа берген эр бир адам Манъа келеджек. Манъа келеджек адамны исе ич бир вакъыт къувып чыкъармам. 38#Мк 14.36; Юх 3.13; 5.30; 1 Кор 15.47Мен Озь истегимни дегиль, Мени ёллагъан Бабамнынъ истегини беджермек ичюн коктен тюштим. 39#Мт 18.14; Юх 10.28-29Мени Ёллагъаннынъ ирадеси исе – Онынъ Манъа берильген адамларындан ич бирини джоймамакъ ве сонъки кунюнде эр бирини тирильтмектир. 40#Юх 3.35; 5.24; 1 Юх 5.12-13Бабамнынъ ирадеси даа шунда ки, Онынъ Огълуны корьген ве Онъа иман эткен эр бир адам эбедий омюрни алсын. Мен оларны сонъки куньде тирильтеджем, – деди.
41Сонъ еудийлер Исагъа къаршы мырылдап башладылар, чюнки О: «Мен коктен тюшкен отьмек олам», – деген эди. Олар:
42 #
Мт 13.55
– Бу, Юсуфнынъ огълу Иса дегильми? Биз Онынъ бабасыны да, анасыны да танымаймызмы? Сонъ О: «Мен коктен тюштим», – деп насыл айта билир? – дей эдилер.
43– Озьара мырылдаманъыз! – деди оларгъа Иса. 44#Хош 11.4; Юх 12.32– Адамны Мени ёллагъан Бабам джельп этмесе, о, Манъа келип оламаз. Манъа кельген адамны исе сонъки куньде тирильтеджем. 45#Еш 54.13Пейгъамберлернинъ Языларында язылгъаны киби, Алла оларнынъ эписини огретеджек. Бабамны эшиткен ве Ондан огренген эр бир адам Манъа келе. 46#Чыкъ 33.20; Мт 11.27; Юх 1.18Алладан Кельгенден гъайры ич бир адам Бабаны корьмеди. Бабаны тек О, корьди.
47Сизге керчектен догърусыны айтам: Манъа иман эткен эр ким эбедий аяткъа саиптир.
48Мен – аят отьмеги олам. 49Бабаларынъыз сахрада маннаны ашаса да, ольдилер. 50Амма коктен кельген отьмек ойле дегиль: оны ашагъан адам ольмейджек. 51#Мт 26.26-28; Юх 3.13Мен – коктен кельген тири отьмек олам. Бу отьмекни ашагъан адам эбедий яшайджакъ. Мен береджек отьмек – беденимдир, оны дюньягъа аят багъышламакъ ичюн береджем.
52О вакъыт еудийлер:
– Бу адам Озь беденини бизге ашамагъа насыл этип бере билир? – деп озьара давалашып башладылар. 53#Мк 14.22-24; 1 Кор 10.16; 11.27Иса оларгъа шай деди:
– Сизге керчектен догърусыны айтам: эгер Инсан Огълунынъ беденини ашамасанъыз ве Онынъ къаныны ичмесенъиз, сизде аят олмаз. 54Меним беденимни ашагъан ве къанымны ичкен адамда эбедий аят бар. Мен оны сонъки куньде тирильтеджем. 55Меним беденим – акъикъий аш, къаным – акъикъий ичимликтир. 56#Юх 15.4-5; 1 Юх 3.24Беденимни ашагъан ве къанымны ичкен адам Менде яшай, онда Мен де яшайым. 57Мени тири Баба ёллады, ве Мен Бабамнынъ ярдымынен яшайым. Бойле де, Мени ашайджакъ адам да Меним ярдымымнен яшайджакъ. 58Коктен тюшкен отьмек будыр. О, бабаларынъыз ашагъан отьмекке ошамай. Олар оны ашаса да, ольдилер. Бу отьмекни ашайджакъ адам исе эбедий яшайджакъ.
Эбедий аятнынъ сёзлери
59Иса бу сёзлерни Къафарнаумдаки синагогада адамларны огреткен вакъытта айтты. 60Онынъ чокъ шегиртлери бу лафларны эшитип:
– Сёзлеринъ пек къыйындыр! Оларны ким динълейджек? – дедилер. 61Иса ичинде шегиртлерининъ мырылдагъаныны билип:
– Сёзлерим сизни ёлдан урамы? 62#Мк 16.19; Лк 24.51; Фаал 1.9Я Инсан Огълунынъ эвель олгъан ерине котерильгенини корьсенъиз, не оладжакъ? 63#2 Кор 3.6Рух аятны багъышлай, беден исе ич бир файда кетиралмай. Меним сизге айткъан сёзлерим – Рух ве аяттыр. 64#Юх 13.11Лякин аранъызда имансыз къалгъанлар да бар, – деди. Ким имансыз олгъанларыны ве ким Оны сатаджагъыны Иса башындан биле эди. 65– Шунынъ ичюн де Мен: «Бабам ёл бермесе, ич кимсе Манъа келип оламаз», – дегеним, – деди О.
66Бундан сонъ чокъ шегиртлери арткъа къайтты ве энди Исанынъ пешинден юрмей эдилер. 67Иса он эки шегиртинден:
– Сиз де кетмеге истейсизми? – деп сорады.
68– Рабби, – деди Симон Пётр. – Биз кимге барайыкъ? Сенде эбедий аятнынъ сёзлери бар. 69#Мк 1.24Биз инандыкъ ве бильдик ки, Сен – Алланынъ Азизи оласынъ.
70 #
Юх 13.2, 27 Иса оларгъа деди:
– Сизни он эки этип сайлагъан Озюм дегильми? Лякин аранъыздан бири – Шейтандыр.
71 #
Юх 18.2-3
Иса буны Симон Искариот огълу Иуда акъкъында айтты. О, он эки шегирттен бири олып, Исаны сатаджакъ эди.
Nu markerat:
Юхан 6: CTB
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
© Институт перевода Библии, 2016
