Genesis Kanontonkwáh꞉tha
Kanontonkwáh꞉tha
Kí꞉ken kahshénna ne Genesis né꞉ne kén꞉tons “tiotahsawáhkwen.” Kí kahiatónhsera ne watroriáhtha tsi ní꞉ioht ne Rawenni꞉io tsi thotáhsawen tsi raonhontsón꞉ni ó꞉ni ne tsi karonhiá꞉te, tánon ó꞉ni tsi nahoténhshons rohsaʼánion ó꞉ni tsi nihshakoiatíson nonkweʼshón꞉ʼa, tánon ó꞉ni tsi ní꞉ioht tsi tiotáhsawe ne karihwané꞉ren ó꞉ni ne karonniakénhseras ne tsi ionwenhtsá꞉te. Tànon tsi ní꞉ioht nʼethó Rawenni꞉io tsi nihshakonorónhkhwa nonkweʼshón꞉ʼa. Kí꞉ken Genesis iotón꞉ʼon ne teioríhwake tsi ní꞉oht tsi takakáhshionke.
1) Ne tiotierénhton tekakáhshion (1—11) niateioterihwahshonteráhkwen. Ne tsi ni tiotonhonhtiatáhsawen, tánon ne tsi nitiotáhsawen tsi ní꞉ioht tsi ronwatiká꞉ratons nonwkeʼshón꞉ʼa ken niiawén꞉ʼen ne Á꞉ton tanon ne Eve niiatatá꞉ke, tsi nokwá ne Cain tánon ne Abel, ó꞉ni ne Noah, ne nen né꞉ʼe tsi niiawehnó꞉tonhkwe, tánon ne kaʼnikatótahkwe ne Babylon nón꞉we.
2) Ne tekeníhaton tekakáhsion (12—50) niateioterihwashonteráhkwen. Tsi takakaratátie ne thotihén꞉ton ne Israerʼró꞉nons raotishóhtsheras, ne thohén꞉ton né꞉ne Abraham tsi niká꞉ien ne kwáh é꞉neken raohetstáhkwen tsi nithawehtáhkwen tánon tsi nihowennaráhkwahkwe ne Rawenni꞉io. Ó꞉nen ne ieiotahshóntere né꞉ne roién꞉ʼa Isaac tánon ne roteré꞉ʼa Jacob (ne ó꞉ni ne Israel ronwá꞉iatskwe), tánon ne Jacob tékeni iawén꞉re nihá꞉ti ne shakoienʼokón꞉ʼa, ne rotitiokwíson ne tékeni iawén꞉re nihotitá꞉rake ne Israerronónhke. Shaiá꞉ta ne roién꞉ʼa kwáh tsi ísiʼ nón꞉we sénha tsi nihoié꞉ren, né꞉ne Só꞉se, tánon tsi ne ionkwahró꞉ris tsi ne nihoié꞉ren ne Jacob, skátne ne ronátiaʼke ne shakoioʼokón꞉ʼa, ó꞉ni raotihwá꞉tsire tsi nieshakoiatenha ne Egypt nón꞉we iaonsahatiteróntake. Tsi kí꞉ken kahiatónhsera ne iakotharáhkwen nónkweʼshón꞉ʼa nok kiʼ né kwáh tiotserenhtáhkwen ó꞉ni ne kwáh kaiaʼtakweʼní꞉io né꞉ne tsi niiaweʼtowá꞉nen tsi nihoieránion ne Rawenni꞉io. Tsi tiotáhsawen ne karihwahní꞉raʼts ne Rawenni꞉io sehraonhontsíson ó꞉ni ne tsi karonhiá꞉te tánon ne tsi ieiotéhshon ne wahraráhtstha ne Rawenni꞉io tsi tió꞉konte enrehnésthaʼke tsi natehshakorihwasniéʼse nonkweʼshón꞉ʼa. Kwáh kiʼ tsi nikahiatónhsera Rawenni꞉io rotharáhkwen ne tshiaonhá꞉ʼa tiorihowá꞉nen, raónha tenshakoiatórehte ó꞉ni enhshakoré꞉wahte ónhka teionterientawénrieʼs, nok kiʼ ó꞉ni shakohenténhse ó꞉ni shakoiaʼtakéhnas ne raonkweʼtaʼshon꞉ʼa, tánon rarihwakwatákwaʼs ne raotirihwaʼshón꞉ʼa. Kí꞉ken kahiatonhseraká꞉ion ne aorí꞉wa kahiatónhkwen né꞉ne aonteweientónhake, nonkweʼshón꞉ʼa akorihwaʼshón꞉ʼa, ó꞉ni nakawetaʼkwáhtshera, ó꞉ni naiakoié꞉nawaʼse nahatihá꞉wake ne tewehtáhkwen.
Tsi Nikahentenhstánion
Tsi nitiotáhsawen ne tsi ionhwentsá꞉te tánon ne tsi karonhiá꞉te ó꞉ni tsi nihshakoiaʼtón꞉ni nonkweʼshón꞉ʼas (1.1—2.25)
Tsi nitiotáhsawen ne karihwané꞉ren tánon ne karoniakénhsera (3.1-24)
Tsi nithawé꞉non ne Á꞉ton tsi niió꞉re ne Noah (4.1—5.32)
Noah tánon tsi niiawehnó꞉ton (6.1—10.32)
Ne kaʼnikató꞉tahkwe ne Babylon (11.1-9)
Tsi nithawé꞉non ne Shem tsi niió꞉re ne Abraham (11.10-32)
Ne kaʼshótsheras: Abraham, Isaac, Jacob (12.1—35.29)
Tsi wahawatsiratátie ne Esau (36.1-43)
Só꞉se tánon ne rontatekenʼokón꞉ʼas (37.1—45.28)
Ne Israerʼró꞉nons tsi niehatinákere ne Egypt (46.1—50.26)
Nu markerat:
Genesis Kanontonkwáh꞉tha: MHK
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.