ᒪᕐᒃ 14
14
ᒋᓴᔅ ᑲ ᐎ ᐎᔭᔅᑐᑐᐛᑭᓄᐅᑦ
ᒪᑎᔪᐤ 26.1-5; ᓗᒃ 22.1,2; ᒠᓐ 11.45-53
Mark 14.1-15.47 (Palm Sunday Year B)
1ᓂᓱ ᒋᓯᑲᐛ ᒋ ᐃᔅᐱᓯᓇᑯᓐ ᒐ ᐎᒪᔅᑲᒐᐅ-ᒥᑯᓴᓄᐅᒡ ᑭᔭ ᒐ ᒋᒋᐱᔨᒡ ᐸᒂᓯᑭᓐ ᐊᑲ ᐅᐱᔨᑦ ᑲᒋ ᒧᐛᑭᓄᐅᑦ᙮ ᐊᓐᒡ ᒪᒃ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᒋ ᓇᓂᑐᐤ ᒥᔅᑭᒧᒡ ᑕᓐᑕ ᒐᒋ ᐅᒋ ᒋᒧᑦ ᒪᑯᓇᒡ ᒋᓴᓴ ᒐᒋ ᓂᐸᐊᒡ᙮ 2ᒋ ᐃᑎᑐᒡ ᒪᒃ, “ᓇᒪ ᐎ ᒪᒂᒡ ᒥᑯᓴᓄᒐ ᒋᑭ ᒋ ᒪᑯᓇᓄᐤ, ᒋᑭ ᒥᒋᐱᔨᐃᑯᓄᐅᒡ ᐊᓐᒡ ᐃᔪᒡ ᒋᔄᐃᒂᐛ᙮”
ᑲ ᓂᑲᓐ ᑐᒥᔅᑯᓇᑭᓄᐅᑦ ᒋᓴᔅ
ᒪᑎᔪᐤ 26.6-13; ᒠᓐ 12.1-8
3ᐸᑕᓂᒡ ᒪᒂᒡ ᑲ ᑕᑦ ᒋᓴᔅ, ᓴᐃᒥᓇ ᑲ ᐅᒥᒋᐛᔅᐱᓇᔨᒋ ᐊᓐᑕ ᐎᒋᔨᒡ ᐊᑯᑕ ᑲ ᑕᑦ᙮ ᒥᒋᓱᐛᑭᓇᑎᑯᒡ ᒪᒂᒡ ᒋ ᐊᐳᐅᒡ ᐊ ᒥᒋᓱᒡ ᑲ ᐅᒋ ᐱᒐᔨᒋ ᐃᔎᐛ ᐊ ᑕᐧᑯᓂᒥᔨᒋ ᓇᔅᒡ ᐊ ᒥᔽᓯᔨᒡ ᐳᑕᔪᐤ ᐊᓯᓂᐅᐎᔨᒡ᙮ ᐊ ᒥᔅᑎ ᓱᓇᔭᐎᔨᒡ ᑐᒥᓂᑭᓂᔪᐤ ᐊ ᐎᒋᒪᑯᓯᔨᒡ ᐊᓐᑕ ᒋ ᐱᒋᑎᓂᔪᐤ᙮ ᒋ ᒧᔅᑕᑭᒥᔪᐤ ᒪᒃ ᐅᔭ ᑐᒥᓂᑭᓂᔪᐤ, ᓇᕐᑦ ᒋ ᐃᓯᓂᐧᑲᑕᔪᐤ᙮ ᒋ ᐱᑯᓂᒻ ᐊᓂᔭ ᐳᑕᔪᐤ, ᐊᑯ ᒂ ᑯᑎᐱᓇᐧᒃ ᐊᓂᔭ ᑐᒥᓂᑭᓂᔪᐤ ᐊᓐᑕ ᒋᓴᓴ ᐅᔅᑎᒂᓂᔨᒡ᙮
4ᐱᔅᒐ ᐊᓐᒡ ᐊᐛᓐᒋ ᐊᓐᑕ ᑲ ᑕᒡ ᒋ ᒋᔄᐃᑯᐅᒡ ᐅᔭ ᐊ ᐃᑎᔨᒋ ᐊᑯ ᒂ ᐃᔅᒋᔄᒡ, “ᒐᒂᔪᐤ ᐛᒋ ᐃᔭᔪᑕᑦ ᐅᔭ ᑲ ᐎᒋᒪᑯᓯᔨᒡ ᑐᒥᓂᑭᓂᔪᐤ ? 5ᐛᔅ ᒋ ᐸᒋ ᐊᑕᐛᒐᓄᐎᐱᓐ ᐅ ᑐᒥᓂᑭᓐ ᐅᔅᑕ ᓂᔅᑐ ᒥᑕᓯᒥᑎᓄᐤ ᓱᓇᔭᐱᔎ ᐃᔅᐱᔅ᙮ ᐊᓐ ᒪᒃ ᓱᓇᔭᐤ ᑲ ᒋᔅᑎᒪᑎᓯᒡ ᐊᐛᓐᒋ ᒋᐸ ᒋ ᒥᔭᑭᓄᐎᐱᓐᒡ᙮” ᐊᑯ ᒂ ᐊᓏᔨᒪᒡ ᐊᓂᔭᔪᐛ ᐃᔎᐛ᙮
6ᒋᓴᔅ ᒪᒃ ᒋ ᐃᑕᐤ, “ᐊᑲ ᐃᑐᑕᐛᐧᒄ᙮ ᑕᓇᒡ ᐛᒋ ᒥᑯᔅᑲᒐᐊᒄ ? ᒥᔽᓯᔪᐤ ᐊᓂᔭ ᒐᒂᔪᐤ ᑲ ᐃᑐᑐᐅᑦ᙮ 7ᒧᔅ ᒋᑭ ᑕᐅᒡ ᑲ ᒋᔅᑎᒪᑎᓯᒡ ᐅᑕ ᐊ ᑕᔭᒄ, ᒋᑭ ᒋ ᒥᔪᑐᑐᐛᐛᐅᒡ ᑕᓐᑕ ᒥᒄ ᒐ ᓇᐃᐱᔨᒂ ᒐᒋ ᒥᔪᑐᑐᐛᑯᒡ, ᓂᔾ ᒪᒃ ᓇᒪ ᒧᔅ ᓂᑭ ᐅᒋ ᑕᓐ ᐅᑕ ᐊ ᑕᔭᒄ᙮ 8ᐅ ᐃᔎᐤ ᒋ ᐃᑐᑎᒻ ᐎᔾ ᐃᔅᐱᔅ ᐊ ᑭᔅᒋᑕᑦ᙮ ᓂᑲᓐ ᒋ ᑐᒥᓂᒻ ᐊᓂᔭᔪᐤ ᐊ ᐊᔭᔅᑯᐎᐧᑲᐧᒃ ᒐᒋ ᓇᐃᐧᑲᑭᓄᐎᒡ᙮ 9ᑕᑈ ᒋᑦ ᐃᑎᓇᐛᐤ, ᑕᓐᑕ ᒥᒄ ᒐ ᑭᒐᔅᒋᒧᓇᓄᐅᒂ ᐊ ᐛᐎᑕᑭᓄᐅᒡ ᒥᔽᒋᒧᐅᓐ ᒥᓯᐛ ᐊ ᐃᔅᐱᑎᔅᑭᒥᑲᒡ ᐅ ᐊᔅᒋᔾ ᐊᑯᑕ ᑭᔭ ᐅ ᐃᔎᐤ ᑲ ᐃᑐᑕᐧᒃ ᒐ ᐊᔨᒧᑕᑭᓄᐎᒡ ᒐᒋ ᒋᔅᒋᓯᑐᐛᑭᓄᐅᑦ᙮”
ᒍᑎᔅ ᑲ ᓂᔅᑯᒧᑦ ᒐᒋ ᐎᔭᓯᐱᔅᑎᓇᑦ ᒋᓴᓴ
ᒪᑎᔪᐤ 26.14-16; ᓗᒃ 22.3-6
10ᐸᐃᒄ ᐊᓐ ᑲ ᓂᓱᓴᐳᒡ ᒋᔅᒋᓄᐊᒧᐛᑭᓐᒡ ᒍᑎᔅ ᐃᔅᑲᕆᔭᑦ ᑲ ᐃᓯᓂᐧᑲᓱᑦ, ᒋ ᓂᑐᐛᐱᒪᐤ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᒐᒋ ᐎᔭᓯᐱᔅᑎᓂᒧᐛᑦ ᒋᓴᓴ᙮ 11ᐃᔅᐱ ᒪᒃ ᐱᔭᑐᐛᒡ ᐊᔭᒥᐊᐅᒋᒪᐅᒡ ᒋ ᓯᒋᔭᐃᑯᐅᒡ ᐅᔭ ᐊ ᐃᔅᒋᔄᔨᒋ ᒋ ᐊᓱᑎᒧᐛᐅᒡ ᒐᒋ ᒥᔭᒡ ᓱᓇᔭᔪᐤ᙮ ᐊᑯ ᒍᑎᔅ ᒂ ᓂᓇᑭᑐᐛᔨᑕᐧᒃ ᑕᓐᑕ ᒐ ᓇᐃᐱᔨᒂ ᒐᒋ ᐎᔭᓯᐱᔅᑎᓇᑦ ᒋᓴᓴ᙮
ᑲ ᐊᔭᔅᑯᔅᑕᑭᓄᐅᒡ ᐎᒪᔅᑲᒐᐅ-ᒥᑯᓴᓐ
ᒪᑎᔪᐤ 26.17-25; ᓗᒃ 22.7-14,21-23; ᒠᓐ 13.21-30
12ᐊᓐ ᒪᒃ ᓂᔅᑎᒻ ᐊ ᒋᓯᑲᒡ ᐊᑲ ᐅᐱᔨᑦ ᐸᒂᓯᑭᓐ ᐊᐱᒋᐊᑭᓄᐅᑦ, ᐃᔅᐱ ᒪᒃ ᑲ ᓂᐸᐊᒡ ᐎᒪᔅᑲᒐᐤ ᒪᔭᑕᓂᓴ ᒋᓴᔅ ᒋ ᐃᑎᑯᐤ ᐅᒋᔅᒋᓄᐊᒧᐛᑭᓇ, “ᑕᓐᑕ ᓇᑐᐛᔨᒥᔭᒡ ᒐᒋ ᐊᔭᔅᑯᔅᑎᒪᑕᒡ ᒐᒋ ᒥᒋᔨᓐ ᐎᒪᔅᑲᒐᐅ-ᒥᑯᓴᓐ ?”
13ᒋ ᐃᑎᓴᐛᐤ ᒪᒃ ᓂᓱ ᐅᒋᔅᒋᓄᐊᒧᐛᑭᓇ ᐊ ᐃᑕᑦ, “ᐃᑐᑕᐧᒃ ᐅᑕᓇᒡ᙮ ᐊᑯᑕ ᒐ ᓂᒋᔅᑯᐛᒄ ᓇᐸᐤ ᐊ ᐱᒧᐅᑕᑦ ᒂᐱᒂᑭᓂᔪᐤ ᐊ ᓴᑭᔅᒋᓇᐸᔨᒡ ᓂᐱᔪᐤ᙮ ᐊᐅᒄ ᒐ ᓇᓴᐛᒄ᙮ 14ᑕᓐᑕ ᒥᒄ ᒐ ᐱᒐᒂ ᒐ ᑯᒂᒋᒪᒄ ᐊᓐ ᑕᐱᔨᐛᐅᓯᑦ ᐊᓂᔭ ᒥᒋᐛᐱᔪᐤ, ‘ᐃᔅᒋᔄᐤ ᒋᔅᑯᑎᒪᒐᓱᐤ, ᑕᓐᑕ ᐊ ᑎᒂᒡ ᐊᓐ ᐊ ᐱᔅᒋᒐᔭᒡ ᐊᓐᑕ ᒐ ᒥᒋᔭᓐ ᐎᒪᔅᑲᒐᐅ-ᒥᑯᓴᐅᓐ ᑭᔭ ᓂᒋᔅᒋᓄᐊᒧᐛᑭᓐᒡ ?’ 15ᒋᑭ ᐛᐸᑎᔨᑯᐛᐤ ᒪᒃ ᐊᓐᑕ ᐃᔅᐱᒥᑎᑯᒡ ᐊ ᒥᓴᔨᒡ ᐊ ᐱᔅᒋᒐᔭᔨᒡ ᓇᔅᒡ ᐊ ᐃᓯ ᐊᔭᔅᑯᔅᑕᔨᒡ, ᓴᔅ ᒥᓯᐛ ᒐᒂᔪᐤ ᐊ ᑎᑯᓂᔨᒡ ᐊᓐᑕ ᒐ ᐃᓯ ᓂᑐᐛᔨᑕᑯᓂᔨᒡ᙮ ᐊᑯᑕ ᒪᒃ ᒐ ᐊᔭᔅᑯᔅᑕᔭᒄ ᐅ ᒥᑯᓴᓐ᙮”
16ᒋᔅᒋᓄᐊᒧᐛᑭᓐᒡ ᒪᒃ ᒋ ᔅᑐᑕᐅᒡ ᐊᓐᑕ ᐅᑕᓇᒡ ᒋ ᐃᑐᑕᐅᒡ᙮ ᓇᐊᐤ ᒪᒃ ᑕᓐ ᑲ ᐃᓯ ᐎᑎᒪᑯᒡ ᐊᐅᑯᓐ ᑲ ᐃᔅᐱᔨᒡ᙮ ᐊᑯ ᒂ ᐊᔭᔅᑯᔅᑕᒡ ᐊᓂᔭ ᐎᒪᔅᑲᒐᐅ-ᒥᑯᓴᓂᔪᐤ᙮
17ᐃᔅᐱ ᒪᒃ ᐛᑕᑯᓯᔨᒡ ᒋ ᑎᑯᓯᓐ ᒋᓴᔅ ᐊ ᐎᒐᐅᑯᑦ ᐊᓂᔭ ᓂᓱᓴᑉ ᐅᒋᔅᒋᓄᐊᒧᐛᑭᓇ᙮ 18ᒪᒂᒡ ᒪᒃ ᐊᐱᒡ ᐊ ᒥᒋᓱᒡ ᒋᓴᔅ ᒋ ᐃᔅᒋᔄᐤ, “ᑕᑈ ᒋᑦ ᐃᑎᓇᐛᐤ, ᐸᐃᒄ ᐅᑕ ᐊ ᑎᓯᔭᒄ ᑲ ᐎᒋᒥᒋᓱᒥᔭᒄ ᓂᑭ ᐎᔭᓯᐱᔅᑎᓂᒄ᙮”
19ᐊᑯ ᒥᓯᐛ ᐊᓐᒡ ᒋᔅᒋᓄᐊᒧᐛᑭᓐᒡ ᒋ ᒥᓯᒪᔨᑎᒥᐃᑯᐅᒡ ᐅᔭ ᑲ ᐃᔅᒋᔄᔨᒋ ᐊᑯ ᐸᐸᐃᒄ ᒂ ᑯᒂᒋᒪᒡ, “ᓂᔾ ᐊ ᐊᓐ ᐊᐛᓐ ?” 20ᒋᓴᔅ ᒪᒃ ᒋ ᐃᑕᐤ, “ᐊᐅᑯᐤ ᐸᐃᒄ ᐊ ᓂᓱᓴᐳᔭᒄ᙮ ᑲ ᑯᒋᒪᑦ ᐅᐸᒂᓯᑭᓂᒪ ᐊᓯᒡ ᓂᔾ᙮ 21ᒋᑭ ᓂᐸᐊᑭᓄᐤ ᐃᔪᐤ ᐅᑯᓯᓴᓐ ᐊᓂᔭ ᐊᓐᑕ ᐅᑕᒡ ᑕᓐ ᑲ ᐃᓯ ᐸᒋ ᒥᓯᓇᐃᑭᓄᐎᒡ ᒥᓯᓇᐃᑭᓂᒡ᙮ ᒥᒄ ᒪᒃ ᑕᑈ ᒋᑭ ᐊᒂᒡ ᒥᒋᐱᔪᐤ ᐊᓐ ᐊᐛᓐ ᒐ ᐎᔭᓯᐱᔅᑎᓇᑦ ᐃᔪᐤ ᐅᑯᓯᓴᓇ᙮ ᐃᐛᒃ ᒋᐸ ᒥᔽᓯᐱᓐ ᐊᓐ ᐊᐛᓐ ᐊᑲ ᐛᐛᒡ ᐅᒋ ᐱᒪᑎᓯᑕᒂ᙮”
ᒋᓴᔅ ᒪᔅᑕᔾ ᑲ ᐎᒋᒥᒋᓱᒪᑦ ᐅᒋᔅᒋᓄᐊᒧᐛᑭᓇ
ᒪᑎᔪᐤ 26.26-30; ᓗᒃ 22.14-20; 1 ᑯᕆᓐᑎᔭᓇ 11.23-25
22ᒪᒂᒡ ᒪᒃ ᐊ ᒥᒋᓱᒡ, ᒋᓴᔅ ᒋ ᐅᑎᓇᐤ ᐸᒂᓯᑭᓇ ᐊᑯ ᒂ ᓂᓇᔅᑯᒪᑦ ᒋᓴᒪᓂᑐᐛ᙮ ᐃᔅᐱ ᑲ ᓂᓇᔅᑯᒧᑦ ᒂ ᐸᒂᓇᑦ, ᐊᑯ ᒂ ᒥᔭᑦ ᒥᓯᐛ ᐅᒋᔅᒋᓄᐊᒧᐛᑭᓇ ᐊ ᐃᑕᑦ, “ᐅᑎᓂᐧᒄ, ᒧᐛᐧᒄ, ᐊᐅᒄ ᐅ ᓂᔪᐤ᙮”
23ᐊᑯ ᐛᑎᓇᐧᒃ ᒥᓂᒂᑭᓂᔪᐤ, ᒂ ᓂᓇᔅᑯᒪᑦ ᒋᓴᒪᓂᑐᐛ, ᐊᑯ ᒪᔭᑦ ᐅᒋᔅᒋᓄᐊᒧᐛᑭᓐ᙮ ᒥᓯᐛ ᐊ ᑎᓯᒡ ᒪᒃ ᒋ ᒥᓄᐅᒡ᙮
24ᒋ ᐃᑕᐤ ᒪᒃ, “ᐊᐅᒄ ᐅ ᓂᒥᐧᒄ, ᐊᓐᑕ ᐛᒋᐱᔨᒡ ᐅᔅᒋ ᓂᔅᑯᒥᑐᐅᓐ, ᒥᒐᑦ ᑲ ᐅᒋ ᐅᒋᑯᐎᑕᑭᓄᐎᒡ᙮ 25ᑕᑈ ᒋᑦ ᐃᑎᓇᐛᐤ, ᓇᒪ ᒥᓐ ᓂᑭ ᐅᒋ ᒥᓐ ᓱᒥᓇᐳᔾ ᐸᑐᔅ ᐅᔅᒋ ᓱᒥᓇᐳᔾ ᒥᓂᔭᓇ ᐊᓐᑕ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ᙮”
26ᐃᔅᐱ ᒪᒃ ᑲᒋ ᓂᑭᒧᒡ ᐊᔭᒥᐊᐅ-ᓂᑭᒧᐅᓂᔪᐤ, ᐊᑯ ᐊᓐᑕ ᐊᓕᐱᔅ ᐱᔅᑯᑎᓇᔪᐤ ᑲ ᐃᓯᓂᐧᑲᑕᔨᒡ ᐊ ᑐᑕᒡ᙮
ᒋᓴᔅ ᑲ ᓂᑲᓐ ᐎᑕᐧᒃ ᒐ ᐃᔅᒋᔄᔨᒋ ᐱᑕᕋ ᐊᑲ ᒋᔅᒐᔨᒥᑯᑦ
ᒪᑎᔪᐤ 26.31-35; ᓗᒃ 22.31-34; ᒠᓐ 13.36-38
27ᐊᑯ ᒋᓴᔅ ᐊᑕᑦ ᐅᒋᔅᒋᓄᐊᒧᐛᑭᓇ, “ᐊᓄᒡ ᒐ ᑎᐱᔅᑲᒡ ᒥᓯᐛ ᐊ ᑎᓯᔭᒄ ᒋᑭ ᓇᑭᓯᓇᐛᐤ, ᐊᓐ ᒐ ᐃᑐᑕᑯᐅᔭᓐ ᐅᒋ, ᐛᔅ ᐃᑎᔅᑕᔪᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
ᓂᑭ ᓂᑕᐛᐤ ᐊᓐ ᒪᔭᑕᓂᓯᐅ-ᐃᔪᐤ, ᐊᑯ ᐊᓐᒡ ᒪᔭᑕᓂᓯᒡ ᒐ ᐃᒐᔭᒧᒐᓄᐎᒡ᙮
28ᐃᔅᐱ ᒪᒃ ᒋ ᐅᓂᔅᑲᓂᑯᐅᔭᓇ ᓂᐳᐅᓂᒡ ᐅᒡ ᑲᓕᓕᒡ ᐊᓐᑕ ᓂᑭ ᐃᑐᑕᓐ᙮ ᐊᑯᑕ ᐊᓐᑕ ᒐ ᐊᓱᐛᐱᒥᑎᑯᒡ᙮” 29ᐱᑕᕐ ᒪᒃ ᒋ ᐃᑕᐤ, “ᓇᒪ ᓂᑕ ᓂᔾ ᒋᑭ ᐅᒋ ᓂᑭᑎᑎᓐ ᐊᑎ ᒥᓯᐛ ᓂᑭᑎᔎᐛ᙮”
30ᐊᑯ ᒋᓴᔅ ᐊᑕᑦ, “ᑕᑈ ᒋᑦ ᐃᑎᓐ, ᐊᔅᒄ ᐊᑲ ᐛᐛᒡ ᓂᔄᐤ ᐸᑕᑯᓯᑦ ᓇᐸ ᐱᑲᒂᓐ ᒐ ᐅᑕᑯᓯᒡ ᓂᔍᐤ ᒋᑭ ᐊᓏᑕᓐ ᐊ ᒋᔅᒐᔨᒥᔨᓐ᙮”
31ᐱᑕᕐ ᓇᔅᒡ ᒋ ᐎ ᑕᑈᐤ ᐊ ᐃᑕᑦ, “ᐊᑎ ᐎᒋ ᓂᐱᒥᑕᓇ, ᓇᒪ ᓂᑕ ᓂᑭ ᐅᒋ ᐊᓏᑕᓐ ᐊ ᒋᔅᒐᔨᒥᑕᓐ᙮” ᐊᐅᑯᓐ ᑭᔭ ᑲ ᐃᔅᒋᔄᒡ ᐊᓐᒡ ᑯᑎᑭᒡ ᒋᔅᒋᓄᐊᒧᐛᑭᓐᒡ᙮
ᒋᓴᔅ ᑲ ᐊᔭᒥᐊᑦ ᑲᑦᓴᒪᓂᒡ
ᒪᑎᔪᐤ 26.36-46; ᓗᒃ 22.39-46
32ᒋ ᐸᒋ ᐃᑐᑕᐅᒡ ᒪᒃ ᐊᓐᑕ ᑲᑦᓴᒪᓂ ᑲ ᐃᓯᓂᐧᑲᑕᔨᒡ ᓂᑕᐅᒋᑕᑭᓐ ᐊᔅᒋᔪᐤ᙮ ᐊᑯ ᒋᓴᔅ ᐊᑕᑦ ᐅᒋᔅᒋᓄᐊᒧᐛᑭᓇ, “ᐊᐱᒄ ᐅᑕ ᒋᔨᐛᐤ, ᒪᒂᒡ ᓂᑭ ᐊᔭᒥᐊᓐ᙮” 33ᐱᑕᕋ, ᒋᒥᓴ ᑭᔭ ᒠᓇ ᒪᒃ ᒋ ᔅᑐᑕᐊᐤ, ᓇᔅᒡ ᒪᒃ ᒋ ᒥᓯᒥᔅᑲᑯᐤ ᒥᓯᒪᔨᑎᒧᐅᓂᔪᐤ ᑭᔭ ᓇᔅᒡ ᒋ ᑯᓯᑯᒪᒋᐅᐤ᙮ 34ᐊᑯ ᐊᑕᑦ, “ᓇᔅᒡ ᑕᑈ ᒥᓯᒪᔨᑎᒻ ᓂᑦ ᐊᒐᐧᒄ, ᒧᔭᒻ ᐊ ᓂᐱᔭᓐ ᓂᑦ ᐃᑎᒪᒋᔪᐅᓐ, ᑕᒄ ᐅᑕ, ᐊᓱᐛᐱᒄ ᒪᒃ᙮”
35ᐛᔪᐎᔅ ᒪᒃ ᒋ ᐃᑐᑕᐤ ᒋᓴᔅ, ᐊᔅᒋᒡ ᒂ ᐃᓯ ᐅᒋᒋᐧᑯᓂᐱᔪᐅᑦ᙮ ᒋ ᐊᔭᒥᐊᐤ ᒪᒃ ᐊ ᓂᑐᑎᒪᑦ ᒐᒋ ᓇᐃᐱᔨᒡ ᐊᑯᔅ ᒐ ᐊᑲ ᒋ ᓂᒋᔅᑲᐧᒃ ᑕᓐ ᒋᐸ ᐃᓯ ᓂᒋᔅᑭᒻ ᒪᒂᒡ ᐊᓂᔭ ᑎᐸᐃᑭᓂᔪᐤ᙮ 36ᒋ ᐃᔅᒋᔄᐤ ᒪᒃ, “ᓄᑕ, ᓄᑕᐎᔾ, ᒥᓯᐛ ᒐᒂᓐ ᒋ ᑭᔅᒋᑕᓐ, ᐃᒐᓂᒧᐎ ᐅᒪ ᒥᓂᒂᑭᓐ, ᐊᔪᐛᒃ ᒪᒃ, ᓇᒪᐎᔾ ᓂᔾ ᐊ ᐃᑕᔨᑎᒪᓐ, ᒥᒄ ᒋᔾ ᐊ ᐃᑕᔨᑎᒥᓐ᙮”
37ᑲᐤ ᒪᒃ ᒋ ᓂᑐᐛᐱᒪᐤ ᐅᒋᔅᒋᓄᐊᒧᐛᑭᓇ, ᒋ ᒥᔅᑯᐛᐤ ᒪᒃ ᐊ ᓂᐸᔨᒋ᙮ ᒋ ᐃᑕᐤ ᐊᓂᔭ ᐱᑕᕋ, “ᓴᐃᒥᓐ, ᒋ ᓂᐸᓐ ᐊ ? ᓇᒪ ᒋ ᑭᔅᒋᑕᓐ ᐊ ᐸᐃᒄ ᑎᐸᐃᑭᓇ ᐃᔅᐱᔅ ᐱᓯᒧᐧᑲᓂᒡ ᒐᒋ ᐊᓱᐛᐱᔨᓐ ? 38ᐊᓱᐛᐱᒄ ᑭᔭ ᐊᔭᒥᐊᒄ ᒐ ᐊᑲ ᒋ ᐃᓯ ᐸᒋᓯᓂᔭᒄ ᑯᒂᒋᐃᐛᐅᓂᒡ᙮ ᐛᔅ ᐊᒐᐧᒄ ᒥᔅᑯᐛᔨᑎᒻ ᒪᒃ ᐎᔭᔅ ᐃᔨᔨᒥᓯᒥᑭᓐ᙮”
39ᐊᑯ ᒥᓐ ᓇᑭᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ᙮ ᐸᐃᑯᑕᐤ ᑲ ᐃᓯ ᐊᔭᒥᐊᑦ ᒥᓐ ᒋᓴᒪᓂᑐᐛ, ᐊᐅᑯᓐ ᐃᔭᐱᒡ ᒂ ᐃᓯ ᐊᔭᒥᐊᑦ ᐊᓂᔭ ᓂᔅᑎᒻ ᑕᓐ ᑲ ᐃᓯ ᐊᔭᒥᐊᑦ᙮ 40ᐃᔅᐱ ᒪᒃ ᓂᔭᑕᑦ ᐅᒋᔅᒋᓄᐊᒧᐛᑭᓇ ᒥᓐ ᒋ ᒥᔅᑯᐛᐤ ᐊ ᓂᐸᔨᒋ᙮ ᐛᔅ ᒋ ᑯᓯᑯᒪᒋᑕᐅᒡ ᐅᔅᒋᓯᑯᐛᐛ᙮ ᓇᒪ ᐅᒋ ᒋᔅᒐᔨᑎᒧᒡ ᑕᓐ ᒐ ᐃᑕᒡ ᒋᓴᓴ᙮
41ᐃᔅᐱ ᒪᒃ ᓂᔍᐤ ᓂᔭᑕᑦ ᐊᑯ ᐊᑕᑦ, “ᐊᔅᒄ ᐊ ᒋ ᓂᐸᓇᐛᐤ ? ᐊᔅᒄ ᐊ ᒋᑦ ᐊᔅᑕᔭᔅᑯᓯᓇᐛᐤ ? ᐊᑯᓐ ᐊᑯ, ᓴᔅ ᐅᑎᒋᐱᔪᐤ ᐊᓐ ᑎᐸᐃᑭᓐ ᐃᔪᐤ ᐅᑯᓯᓴᓐ ᒐ ᐎᔭᓯᐱᔅᑎᓇᑭᓄᐅᑦ ᐅᒥᒋᑥᐛ ᐅᑎᒋᔨᒡ᙮ 42ᐅᓂᒄ᙮ ᔅᑐᑕᑕᐤ᙮ ᐊᓐ ᒐ ᐎᔭᓯᐱᔅᑎᓂᑦ ᓴᔅ ᐸᓱᓇᑯᓱᐤ᙮”
ᒋᓴᔅ ᑲ ᒪᑯᓇᑭᓄᐅᑦ
ᒪᑎᔪᐤ 26.47-56; ᓗᒃ 22.47-53; ᒠᓐ 18.3-12
43ᑎᐛᒡ ᒪᒃ, ᐊᔅᒄ ᒪᒂᒡ ᐊ ᐃᔨᒥᑦ ᒋᓴᔅ, ᒍᑎᔅ ᒋ ᑎᑯᓯᓐ, ᐸᐃᒄ ᐊᓂᔭ ᑲ ᓂᓱᓴᐳᔨᒋ ᐅᒋᔅᒋᓄᐊᒧᐛᑭᓇ᙮ ᐊ ᐎᒐᐅᑯᑦ ᒥᒐᑦ ᐊᐛᔪᐛ, ᓂᑐᐱᔪᐅ-ᒧᐧᑯᒪᓇ ᑭᔭ ᐅᑕᒥᐃᑭᓇᑎᒂ ᐊ ᑕᐧᑯᓂᒥᔨᒋ, ᑲ ᐸᒋ ᐃᑎᓴᐅᑯᔨᒋ ᑲ ᓂᑲᓂᔅᑯᐛᔨᒋ ᐊᔭᒥᐊᐅᒋᒪᐛ ᑭᔭ ᐎᓱᐛᐅᓂᔪᐤ ᑲ ᒋᔅᑯᑎᒪᒐᔨᒋ ᑭᔭ ᐊᓂᔭ ᑲ ᓂᑲᓂᔨᑕᑯᓯᔨᒋ᙮ 44ᐊᓐ ᒐ ᐎᔭᓯᐱᔅᑎᓇᑦ ᒋᓴᓴ ᓂᑲᓐ ᒋ ᐎᑎᒧᐛᓯᐱᓐ ᐊᓂᔭᔪᐛ ᑲ ᐎᒐᐅᑯᑦ ᑕᓐ ᒐ ᐃᑎᑦ᙮ ᐊ ᐃᔅᒋᔄᑦ, “ᐊᓐ ᒐ ᓱᐛᔨᒥᒃ ᐊᐅᑯᓐ ᐊᓐ ᓇᐸᐤ ᓇᑐᐛᔨᒪᒄ᙮ ᐊᐅᑯᓐ ᐊᓐ ᒐ ᒪᑯᓇᒄ, ᒐ ᔅᑐᑕᐊᒄ᙮”
45ᐃᔅᐱ ᒪᒃ ᑲ ᑎᑯᓯᐧᒃ ᒍᑎᔅ, ᑎᐛᒡ ᒋ ᓇᑕᐤ ᒋᓴᓴ ᐊᑯ ᐊᑕᑦ, “ᒋᔅᑯᑎᒪᒐᓱᐤ᙮” ᐊᑯ ᓴᐛᔨᒪᑦ᙮ 46ᐊᑯ ᒥᔭᑯᓇᒡ ᒋᓴᓴ ᑭᔭ ᓱᒃ ᒥᔭᒪᒋᑯᓇᒡ᙮ 47ᐸᐃᒄ ᒪᒃ ᐊᓐ ᒥᒋᒪ ᑲ ᓂᐳᐅᒡ ᒋᔭᔨᔅᒋᐱᑎᒻ ᐅᓂᑐᐱᔪᐅ-ᒧᐧᑯᒪᓐ, ᒋ ᐅᑕᒪᐅᒺᐤ ᒪᒃ ᐊᓂᔭᔪᐛ ᒋᓴᐊᔭᒥᐊᐅᒋᒪᐛ ᐅᑦ ᐊᐱᒋᐊᑭᓂᔪᐛ ᑭᔭ ᒋ ᒋᒥᑐᑭᔭᔄᐤ ᒪᒃ᙮
48ᒋᓴᔅ ᒪᒃ ᒋ ᐃᔨᒧᐤ, ᒋ ᐃᑕᐤ ᐊᓂᔭᔪᐛ ᑲ ᐸᒋ ᓂᑐᐛᐱᒥᑯᑦ, “ᒋ ᐸᒋ ᐃᑐᑕᓇᐛᐤ ᐊ ᑕᐱᔅᑯᓐ ᐊ ᓇᑎᒄ ᑲᓂᑕᐅᒋᒧᑎᑦ ᐊ ᑕᐧᑯᓂᒪᒄ ᓂᑐᐱᔪᐅ-ᒧᐧᑯᒪᓇ ᑭᔭ ᐅᑕᒪᐃᑭᓇᑎᒂ ᐊ ᐎ ᐅᑎᓂᔭᒄ᙮ 49ᑕᑥᐤ ᑲ ᒋᓯᑲᒋ ᓂᒋ ᑕᓐ ᐊᓐᑕ ᐊ ᑕᔭᒄ ᐊ ᒋᔅᑯᑎᒪᒐᔭᓐ ᒋᓴᐊᔭᒥᐊᐅᒋᐛᐱᒡ, ᓇᒪ ᒪᒃ ᒋ ᐅᒋ ᐅᑎᓇᐛᐤ᙮ ᒥᒄ ᒪᒃ ᒋᒋᒥᓯᓇᐃᒐᐅᓇ ᒋᑭ ᑎᐱᐱᔪᐛ᙮”
50ᐊᑯ ᒥᓯᐛ ᒋᔅᒋᓄᐊᒧᐛᑭᓐᒡ ᓇᑭᑕᒡ ᑭᔭ ᒐᑎᓯᒧᒡ᙮
51ᒋ ᑕᐤ ᐅᔅᒋᓂᒋᓱᐤ ᐊᓇᓴᐛᑦ ᒋᓴᓴ᙮ ᐊ ᑎᑎᐸᔭᒋᑦ ᐱᒍᐎᔭᓇᒋᔪᐤ ᐊ ᐳᓴᐅᔅᑲᐧᒃ᙮ ᐊᑯ ᐱᔅᒐ ᓇᐸᐛ ᐊᓐᑕ ᑲ ᑕᔨᒋ ᒂ ᒪᑯᓂᑯᑦ, 52ᒥᒄ ᒪᒃ ᒋ ᑎᒋᔅᒋᐱᔪᐤ ᐊᑯ ᒂ ᒋᑎᓯᒧᑦ ᐊᓐ ᓇᐸᔅ ᐊ ᐊᑎ ᒧᓴᔅᑭᑕᐸᑕᑦ ᐊᒋ ᒥᓂᐱᑕᑭᓄᐎᒡ ᐊᓂᔭ ᑲ ᑎᑎᐸᔭᒋᔅᑲᐧᒃ ᐱᒍᐎᔭᓂᓯᔪᐤ᙮
ᒋᓴᔅ ᑲ ᐅᑎᔅᑯᑲᐳᔅᑐᐛᑦ ᒋᓴᐊᔭᒥᐊᐅᒋᒪᐛ
ᒪᑎᔪᐤ 26.57-68; ᓗᒃ 22.54,55,63-71; ᒠᓐ 18.13,14,19-24
53ᐊᑯ ᒂ ᐃᑐᑕᐊᒡ ᒋᓴᓴ ᐊᓐᑕ ᒋᓴᐊᔭᒥᐊᐅᒋᒪᐛ ᐊ ᑕᔨᒋ᙮ ᐊᑯᑕ ᒪᒃ ᑲ ᒪᒧᐎᒡ ᒥᓯᐛ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᑲ ᓂᑲᓇᔨᑕᑯᓯᒡ ᑭᔭ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ᙮ 54ᐱᑕᕐ ᒪᒃ ᐛᔪᐎᔅ ᐊᓐᑕ ᒋ ᐅᒋ ᐱᒧᑕᐤ᙮ ᑲ ᐊᑎ ᐃᑐᑕᑦ ᐊᓐᑕ ᒋᓴᐊᔭᒥᐊᐅᒋᒪᐛ ᐎᒋᔪᐤ ᐊ ᑎᑯᓂᔨᒡ᙮ ᒋ ᐎᑎᐱᒪᐤ ᐊᐱᒋᐊᑭᓇ ᑭᔭ ᒋ ᑎᐅᓱᐤ ᐃᔅᑯᑕᒡ᙮
55ᑲ ᓂᑲᓇᔨᑕᑯᓯᒡ ᐊᔭᒥᐊᐅᒋᒪᐅᒡ ᒪᒃ ᒥᓯᐛ ᐊᓂᔭ ᑲ ᐎᑎᐱᒥᑯᒡ ᑲ ᐎᔭᔨᑎᒥᔨᒋ ᒐᒂᔪᐤ ᒋ ᓇᓂᑐᐤ ᒥᔅᑭᒧᒡ ᒐ ᐃᓯ ᒪᒥᓯᒪᒡ ᒋᓴᓴ ᒐᒋ ᓂᐸᐊᑭᓄᔨᒋ᙮ ᒥᒄ ᒪᒃ ᓇᒪ ᐅᒋ ᒥᔅᑭᒧᒡ᙮ 56ᐛᔅ ᒥᒐᑦ ᒋ ᒥᒋ ᑎᐸᒋᒪᐅᒡ ᒥᒄ ᒪᒃ ᐅᑎᐸᒋᒧᐅᓄᐛᐛ ᓇᒪ ᐅᒋ ᓇᐊᔨᐱᔪᐛ᙮
57ᐊᑯ ᐱᔅᒐ ᒂ ᐅᒋ ᐱᓯᑯᒡ ᑭᔭ ᒋ ᑭᑭᒋᔭᐛᑕᒋᒪᐅᒡ ᐊ ᐃᔅᒋᔄᒡ, 58“ᓂᒋ ᐸᑐᐛᓇᓐ ᐊ ᐃᔅᒋᔄᑦ, ‘ᓂᑭ ᐃᔭᔪᐎᑕᓐ ᐅ ᒋᓴᐊᔭᒥᐊᐅᒋᐛᑉ ᐃᔪᐤ ᑲ ᐅᓯᑕᑦ, ᒋ ᓂᔅᑐ ᒋᓯᑲᒐ ᒪᒃ ᐃᔅᐱᔅ, ᒥᓐ ᑯᑎᒡ ᓂᑭ ᒋᒥᑕᓐ ᐊᑲ ᐃᔪᐤ ᐅᒋ ᐅᓯᑕᑦ᙮’ ” 59ᓇᒪ ᐛᐛᒡ ᑭᔭ ᐎᔨᐛᐤ ᐅᒋ ᓇᐊᔨᐱᔪᐛ ᐅᑎᐸᒋᒧᐅᓄᐛᐛ᙮
60ᐊᑯ ᐊᓐ ᒋᓴᐊᔭᒥᐊᐅᒋᒪᐤ ᒂ ᐅᒋ ᐱᓯᑯᑦ ᐊ ᐅᑎᔅᑯᑲᐳᔅᑐᐛᑦ ᐊᓂᔭ ᐊᓐᑕ ᑲ ᑕᔨᒋ, ᐊᑯ ᒂ ᑯᒂᒋᒪᑦ ᒋᓴᓴ ᐊ ᐃᑕᑦ, “ᓇᒪ ᑎᑯᓐ ᐊ ᒐᒂᓐ ᐊ ᐎ ᐃᔅᒋᔄᔨᓐ ᐅᔭ ᐊ ᐃᑕᒋᒥᔅᒡ ᐅᒡ ?” 61ᒥᒄ ᓇᒪ ᐅᒋ ᒋᔅᑐᐤ ᒋᓴᔅ, ᓇᒪ ᒐᒂᔪᐤ ᐅᒋ ᐃᔅᒋᔄᐤ᙮ ᒥᓐ ᒂ ᑯᒂᒋᒥᑯᑦ ᒋᓴᐊᔭᒥᐊᐅᒋᒪᐛ, “ᒋᔾ ᐊ ᙭, ᑲ ᓱᐛᔨᑕᑯᓯᑦ ᒋᓴᒪᓂᑐᐤ ᐅᑯᓴ ?” 62ᒋᓴᔅ ᒪᒃ ᒋ ᐃᑕᐤ, “ᓂᐦᐃ, ᐊᐅᒄ ᓂᔾ᙮ ᒋᑭ ᐛᐱᒪᐛᐤ ᒪᒃ ᐃᔪᐤ ᐅᑯᓯᓴᓐ ᐊ ᐊᐱᑦ ᐅᒥᔪᓂᔨᒡ ᐃᑕᒐ ᑲ ᓱᐧᑲᑎᓯᔨᒋ ᑭᔭ ᒋᑭ ᐛᐱᒪᐛᐤ ᒋᒋᒋᓯᒄ ᑭᔅᑯᐅᓂᔅᑯᒡ ᐸᒋ ᑎᑯᓯᓐᒐ᙮”
63ᐊᑯ ᒋᓴᐊᔭᒥᐊᐅᒋᒪᐤ ᒋ ᐱᑯᐱᑎᒻ ᐅᑦ ᐊᐱᒋᑕᐅᓇ ᐊ ᐃᔅᒋᔄᑦ, “ᒐᒂᓐ ᒪᒃ ᐛᒋ ᓂᑐᐛᔨᒪᐧᑯᒡ ᑯᑎᑭᒡ ᒐ ᑎᐸᒋᒧᒡ ? 64ᔅᒋ ᐸᑎᒺᓇᓄᐤ ᐅᐸᔅᑕᒧᐅᓐ᙮ ᑕᓐ ᒪᒃ ᐊᑕᔨᑎᒪᒄ ?” ᒥᓯᐛ ᒪᒃ ᐊ ᑎᓯᒡ ᒋ ᓂᓱᐅᓇᒋᒪᐅᒡ ᐊᓯᓇᑯᓂᔨᒡ ᒐᒋ ᓂᐸᐊᑭᓄᔨᒋ᙮
65ᐱᔅᒐ ᒪᒃ ᒋ ᓯᔅᑎᒂᑕᐅᒡ ᑭᔭ ᒋ ᐊᑯᓇᒂᐛᐅᒡ ᐊᑯ ᐛᑕᒪᐛᒡ ᐊ ᐃᑕᒡ, “ᐎ ᒋᔅᒐᔨᒻ ᐊᐛᓐ ᐛᑕᒧᐅᔅᒃ᙮” ᑲᒪᑯᓄᐛᓯᒡ ᑲ ᓇᑭᑐᐛᔨᑕᒡ ᐊᓂᔭ ᒥᒋᐛᐱᔪᐤ ᐛᑎᓇᒡ ᒋᓴᓴ ᑭᔭ ᐛᑎᑕᒥᒂᐛᒡ᙮
ᐱᑕᕐ ᑲ ᐃᔅᒋᔄᑦ ᐊᑲ ᒋᔅᒐᔨᒪᑦ ᒋᓴᓴ
ᒪᑎᔪᐤ 26.69-75; ᓗᒃ 22.56-62; ᒠᓐ 18.15-18,25-27
66ᒪᒂᒡ ᐱᑕᕐ ᐊ ᑕᑦ ᐊᓐᑕ ᐎᐎᑎᒥᒡ, ᒂ ᐅᒋ ᐱᒧᑕᔨᒋ ᐸᐃᒄ ᐊᓂᔭ ᒋᓴᐊᔭᒥᐊᐅᒋᒪᐤ ᐅᑯᐸᓇᔎᒪ᙮ 67ᐃᔅᐱ ᒪᒃ ᐎᔭᐱᒪᑦ ᐱᑕᕋ ᑎᐅᓱᔨᒋ, ᑯᐃᔅᒄ ᒋ ᑭᓄᐛᐱᒪᐤ ᐊᑯ ᐊᑕᑦ, “ᒋᔾ ᑭᔭ ᔅᒋ ᐎᒐᐛᐤ ᒋᓴᔅ, ᓇᓴᕆᑎᒡ ᑲ ᐅᒋᑦ᙮”
68ᐱᑕᕐ ᒪᒃ ᒋ ᐊᓏᑎᒻ, ᐊ ᐃᔅᒋᔄᑦ, “ᓇᒪ ᓂ ᒋᔅᒐᔨᑕᓐ ᑭᔭ ᓇᒪ ᓂᔅᑐᑕᓐ ᒐᒂᓐ ᐃᔭᔨᒧᑎᒥᓐ᙮” ᐊᑯ ᐸᓯᑯᑦ, ᐊᑯ ᐊᓐᑕ ᐊ ᒋᐱᔎᐎᒡ ᐊᓂᔭ ᒥᒋᐛᐱᔪᐤ ᐊᑐᑕᑦ᙮ ᐛᒋ ᐸᑕᑯᓯᔨᒋ ᓇᐸ ᐱᑲᒂᓇ᙮
69ᑯᐸᓇᔎᐤ ᒪᒃ ᒥᓐ ᒋ ᐛᐱᒪᐤ ᐱᑕᕋ ᐊᑯ ᐊᑕᑦ ᐊᓂᔭ ᐊᐛᔪᐛ ᐊᓐᑕ ᑲ ᓇᓂᐳᔨᒋ, “ᐊᐅᑯᐤ ᐅ ᐸᐃᒄ ᐊᑎᓯᒡ᙮”
70ᒥᒄ ᒪᒃ ᐱᑕᕐ ᒋ ᐊᓏᑎᒻ᙮ ᓇᓇᒐ ᒪᒃ ᐊᓐᒡ ᐊᓐᑕ ᑲ ᓇᓂᐳᐅᒡ ᒥᓐ ᒋ ᐃᑕᐅᒡ ᐱᑕᕋ, “ᓇᒪ ᒋᑭ ᒋ ᐃᔅᒋᔄᓐ ᐊᑲ ᐅᒋ ᐛᐎᒐᐅᑦ, ᐛᔅ ᒋ ᓂᔅᑐᑕᑯᓯᓐ ᑲᓕᓕᒡ ᐊ ᐅᒋᔨᓐ᙮”
71ᐊᑯ ᐱᑕᕐ ᐊᑕᑦ, “ᐊᑯᔅ ᓂᑭ ᐛᐛᓯᐃᒄ ᒋᓴᒪᓂᑐᐤ ᐎ ᑭᑭᒋᔭᔭᓇ,” ᑭᔭ ᓇᔅᒡ ᒋ ᐎ ᑕᑈᐤ ᐊ ᐃᔅᒋᔄᑦ, “ᓇᒪ ᓂ ᒋᔅᒐᔨᒪᐤ ᐅ ᓇᐸᐤ ᐃᔭᔨᒧᒪᒄ᙮”
72ᑎᐛᒡ ᒪᒃ ᒥᓐ ᒋ ᐅᒋ ᐸᑕᑯᓱᐤ ᓇᐸ ᐱᑲᒂᓐ, ᐊᑯ ᐱᑕᕐ ᒂ ᒋᔅᒋᑦ ᑲ ᐃᑎᑯᑦ ᒋᓴᓴ, “ᐊᒺᔭ ᓂᔄᐤ ᐸᑕᑯᓯᑦ ᓇᐸ ᐱᑲᒂᓐ ᓂᔍᐤ ᒋᑭ ᐊᓏᑕᓐ ᐊ ᒋᔅᒐᔨᒥᔨᓐ᙮” ᐃᔅᐱ ᒪᒃ ᒥᔭᒥᑐᓇᔨᑕᐧᒃ ᐅᔭ, ᐊᑯ ᒥᔭᑦ ᐊ ᓂᓇᐧᑲᒋᒧᑦ᙮
Nu markerat:
ᒪᕐᒃ 14: ᓇᔅᑲᐱ
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
ᒪᕐᒃ 14
14
ᒋᓴᔅ ᑲ ᐎ ᐎᔭᔅᑐᑐᐛᑭᓄᐅᑦ
ᒪᑎᔪᐤ 26.1-5; ᓗᒃ 22.1,2; ᒠᓐ 11.45-53
Mark 14.1-15.47 (Palm Sunday Year B)
1ᓂᓱ ᒋᓯᑲᐛ ᒋ ᐃᔅᐱᓯᓇᑯᓐ ᒐ ᐎᒪᔅᑲᒐᐅ-ᒥᑯᓴᓄᐅᒡ ᑭᔭ ᒐ ᒋᒋᐱᔨᒡ ᐸᒂᓯᑭᓐ ᐊᑲ ᐅᐱᔨᑦ ᑲᒋ ᒧᐛᑭᓄᐅᑦ᙮ ᐊᓐᒡ ᒪᒃ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᒋ ᓇᓂᑐᐤ ᒥᔅᑭᒧᒡ ᑕᓐᑕ ᒐᒋ ᐅᒋ ᒋᒧᑦ ᒪᑯᓇᒡ ᒋᓴᓴ ᒐᒋ ᓂᐸᐊᒡ᙮ 2ᒋ ᐃᑎᑐᒡ ᒪᒃ, “ᓇᒪ ᐎ ᒪᒂᒡ ᒥᑯᓴᓄᒐ ᒋᑭ ᒋ ᒪᑯᓇᓄᐤ, ᒋᑭ ᒥᒋᐱᔨᐃᑯᓄᐅᒡ ᐊᓐᒡ ᐃᔪᒡ ᒋᔄᐃᒂᐛ᙮”
ᑲ ᓂᑲᓐ ᑐᒥᔅᑯᓇᑭᓄᐅᑦ ᒋᓴᔅ
ᒪᑎᔪᐤ 26.6-13; ᒠᓐ 12.1-8
3ᐸᑕᓂᒡ ᒪᒂᒡ ᑲ ᑕᑦ ᒋᓴᔅ, ᓴᐃᒥᓇ ᑲ ᐅᒥᒋᐛᔅᐱᓇᔨᒋ ᐊᓐᑕ ᐎᒋᔨᒡ ᐊᑯᑕ ᑲ ᑕᑦ᙮ ᒥᒋᓱᐛᑭᓇᑎᑯᒡ ᒪᒂᒡ ᒋ ᐊᐳᐅᒡ ᐊ ᒥᒋᓱᒡ ᑲ ᐅᒋ ᐱᒐᔨᒋ ᐃᔎᐛ ᐊ ᑕᐧᑯᓂᒥᔨᒋ ᓇᔅᒡ ᐊ ᒥᔽᓯᔨᒡ ᐳᑕᔪᐤ ᐊᓯᓂᐅᐎᔨᒡ᙮ ᐊ ᒥᔅᑎ ᓱᓇᔭᐎᔨᒡ ᑐᒥᓂᑭᓂᔪᐤ ᐊ ᐎᒋᒪᑯᓯᔨᒡ ᐊᓐᑕ ᒋ ᐱᒋᑎᓂᔪᐤ᙮ ᒋ ᒧᔅᑕᑭᒥᔪᐤ ᒪᒃ ᐅᔭ ᑐᒥᓂᑭᓂᔪᐤ, ᓇᕐᑦ ᒋ ᐃᓯᓂᐧᑲᑕᔪᐤ᙮ ᒋ ᐱᑯᓂᒻ ᐊᓂᔭ ᐳᑕᔪᐤ, ᐊᑯ ᒂ ᑯᑎᐱᓇᐧᒃ ᐊᓂᔭ ᑐᒥᓂᑭᓂᔪᐤ ᐊᓐᑕ ᒋᓴᓴ ᐅᔅᑎᒂᓂᔨᒡ᙮
4ᐱᔅᒐ ᐊᓐᒡ ᐊᐛᓐᒋ ᐊᓐᑕ ᑲ ᑕᒡ ᒋ ᒋᔄᐃᑯᐅᒡ ᐅᔭ ᐊ ᐃᑎᔨᒋ ᐊᑯ ᒂ ᐃᔅᒋᔄᒡ, “ᒐᒂᔪᐤ ᐛᒋ ᐃᔭᔪᑕᑦ ᐅᔭ ᑲ ᐎᒋᒪᑯᓯᔨᒡ ᑐᒥᓂᑭᓂᔪᐤ ? 5ᐛᔅ ᒋ ᐸᒋ ᐊᑕᐛᒐᓄᐎᐱᓐ ᐅ ᑐᒥᓂᑭᓐ ᐅᔅᑕ ᓂᔅᑐ ᒥᑕᓯᒥᑎᓄᐤ ᓱᓇᔭᐱᔎ ᐃᔅᐱᔅ᙮ ᐊᓐ ᒪᒃ ᓱᓇᔭᐤ ᑲ ᒋᔅᑎᒪᑎᓯᒡ ᐊᐛᓐᒋ ᒋᐸ ᒋ ᒥᔭᑭᓄᐎᐱᓐᒡ᙮” ᐊᑯ ᒂ ᐊᓏᔨᒪᒡ ᐊᓂᔭᔪᐛ ᐃᔎᐛ᙮
6ᒋᓴᔅ ᒪᒃ ᒋ ᐃᑕᐤ, “ᐊᑲ ᐃᑐᑕᐛᐧᒄ᙮ ᑕᓇᒡ ᐛᒋ ᒥᑯᔅᑲᒐᐊᒄ ? ᒥᔽᓯᔪᐤ ᐊᓂᔭ ᒐᒂᔪᐤ ᑲ ᐃᑐᑐᐅᑦ᙮ 7ᒧᔅ ᒋᑭ ᑕᐅᒡ ᑲ ᒋᔅᑎᒪᑎᓯᒡ ᐅᑕ ᐊ ᑕᔭᒄ, ᒋᑭ ᒋ ᒥᔪᑐᑐᐛᐛᐅᒡ ᑕᓐᑕ ᒥᒄ ᒐ ᓇᐃᐱᔨᒂ ᒐᒋ ᒥᔪᑐᑐᐛᑯᒡ, ᓂᔾ ᒪᒃ ᓇᒪ ᒧᔅ ᓂᑭ ᐅᒋ ᑕᓐ ᐅᑕ ᐊ ᑕᔭᒄ᙮ 8ᐅ ᐃᔎᐤ ᒋ ᐃᑐᑎᒻ ᐎᔾ ᐃᔅᐱᔅ ᐊ ᑭᔅᒋᑕᑦ᙮ ᓂᑲᓐ ᒋ ᑐᒥᓂᒻ ᐊᓂᔭᔪᐤ ᐊ ᐊᔭᔅᑯᐎᐧᑲᐧᒃ ᒐᒋ ᓇᐃᐧᑲᑭᓄᐎᒡ᙮ 9ᑕᑈ ᒋᑦ ᐃᑎᓇᐛᐤ, ᑕᓐᑕ ᒥᒄ ᒐ ᑭᒐᔅᒋᒧᓇᓄᐅᒂ ᐊ ᐛᐎᑕᑭᓄᐅᒡ ᒥᔽᒋᒧᐅᓐ ᒥᓯᐛ ᐊ ᐃᔅᐱᑎᔅᑭᒥᑲᒡ ᐅ ᐊᔅᒋᔾ ᐊᑯᑕ ᑭᔭ ᐅ ᐃᔎᐤ ᑲ ᐃᑐᑕᐧᒃ ᒐ ᐊᔨᒧᑕᑭᓄᐎᒡ ᒐᒋ ᒋᔅᒋᓯᑐᐛᑭᓄᐅᑦ᙮”
ᒍᑎᔅ ᑲ ᓂᔅᑯᒧᑦ ᒐᒋ ᐎᔭᓯᐱᔅᑎᓇᑦ ᒋᓴᓴ
ᒪᑎᔪᐤ 26.14-16; ᓗᒃ 22.3-6
10ᐸᐃᒄ ᐊᓐ ᑲ ᓂᓱᓴᐳᒡ ᒋᔅᒋᓄᐊᒧᐛᑭᓐᒡ ᒍᑎᔅ ᐃᔅᑲᕆᔭᑦ ᑲ ᐃᓯᓂᐧᑲᓱᑦ, ᒋ ᓂᑐᐛᐱᒪᐤ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᒐᒋ ᐎᔭᓯᐱᔅᑎᓂᒧᐛᑦ ᒋᓴᓴ᙮ 11ᐃᔅᐱ ᒪᒃ ᐱᔭᑐᐛᒡ ᐊᔭᒥᐊᐅᒋᒪᐅᒡ ᒋ ᓯᒋᔭᐃᑯᐅᒡ ᐅᔭ ᐊ ᐃᔅᒋᔄᔨᒋ ᒋ ᐊᓱᑎᒧᐛᐅᒡ ᒐᒋ ᒥᔭᒡ ᓱᓇᔭᔪᐤ᙮ ᐊᑯ ᒍᑎᔅ ᒂ ᓂᓇᑭᑐᐛᔨᑕᐧᒃ ᑕᓐᑕ ᒐ ᓇᐃᐱᔨᒂ ᒐᒋ ᐎᔭᓯᐱᔅᑎᓇᑦ ᒋᓴᓴ᙮
ᑲ ᐊᔭᔅᑯᔅᑕᑭᓄᐅᒡ ᐎᒪᔅᑲᒐᐅ-ᒥᑯᓴᓐ
ᒪᑎᔪᐤ 26.17-25; ᓗᒃ 22.7-14,21-23; ᒠᓐ 13.21-30
12ᐊᓐ ᒪᒃ ᓂᔅᑎᒻ ᐊ ᒋᓯᑲᒡ ᐊᑲ ᐅᐱᔨᑦ ᐸᒂᓯᑭᓐ ᐊᐱᒋᐊᑭᓄᐅᑦ, ᐃᔅᐱ ᒪᒃ ᑲ ᓂᐸᐊᒡ ᐎᒪᔅᑲᒐᐤ ᒪᔭᑕᓂᓴ ᒋᓴᔅ ᒋ ᐃᑎᑯᐤ ᐅᒋᔅᒋᓄᐊᒧᐛᑭᓇ, “ᑕᓐᑕ ᓇᑐᐛᔨᒥᔭᒡ ᒐᒋ ᐊᔭᔅᑯᔅᑎᒪᑕᒡ ᒐᒋ ᒥᒋᔨᓐ ᐎᒪᔅᑲᒐᐅ-ᒥᑯᓴᓐ ?”
13ᒋ ᐃᑎᓴᐛᐤ ᒪᒃ ᓂᓱ ᐅᒋᔅᒋᓄᐊᒧᐛᑭᓇ ᐊ ᐃᑕᑦ, “ᐃᑐᑕᐧᒃ ᐅᑕᓇᒡ᙮ ᐊᑯᑕ ᒐ ᓂᒋᔅᑯᐛᒄ ᓇᐸᐤ ᐊ ᐱᒧᐅᑕᑦ ᒂᐱᒂᑭᓂᔪᐤ ᐊ ᓴᑭᔅᒋᓇᐸᔨᒡ ᓂᐱᔪᐤ᙮ ᐊᐅᒄ ᒐ ᓇᓴᐛᒄ᙮ 14ᑕᓐᑕ ᒥᒄ ᒐ ᐱᒐᒂ ᒐ ᑯᒂᒋᒪᒄ ᐊᓐ ᑕᐱᔨᐛᐅᓯᑦ ᐊᓂᔭ ᒥᒋᐛᐱᔪᐤ, ‘ᐃᔅᒋᔄᐤ ᒋᔅᑯᑎᒪᒐᓱᐤ, ᑕᓐᑕ ᐊ ᑎᒂᒡ ᐊᓐ ᐊ ᐱᔅᒋᒐᔭᒡ ᐊᓐᑕ ᒐ ᒥᒋᔭᓐ ᐎᒪᔅᑲᒐᐅ-ᒥᑯᓴᐅᓐ ᑭᔭ ᓂᒋᔅᒋᓄᐊᒧᐛᑭᓐᒡ ?’ 15ᒋᑭ ᐛᐸᑎᔨᑯᐛᐤ ᒪᒃ ᐊᓐᑕ ᐃᔅᐱᒥᑎᑯᒡ ᐊ ᒥᓴᔨᒡ ᐊ ᐱᔅᒋᒐᔭᔨᒡ ᓇᔅᒡ ᐊ ᐃᓯ ᐊᔭᔅᑯᔅᑕᔨᒡ, ᓴᔅ ᒥᓯᐛ ᒐᒂᔪᐤ ᐊ ᑎᑯᓂᔨᒡ ᐊᓐᑕ ᒐ ᐃᓯ ᓂᑐᐛᔨᑕᑯᓂᔨᒡ᙮ ᐊᑯᑕ ᒪᒃ ᒐ ᐊᔭᔅᑯᔅᑕᔭᒄ ᐅ ᒥᑯᓴᓐ᙮”
16ᒋᔅᒋᓄᐊᒧᐛᑭᓐᒡ ᒪᒃ ᒋ ᔅᑐᑕᐅᒡ ᐊᓐᑕ ᐅᑕᓇᒡ ᒋ ᐃᑐᑕᐅᒡ᙮ ᓇᐊᐤ ᒪᒃ ᑕᓐ ᑲ ᐃᓯ ᐎᑎᒪᑯᒡ ᐊᐅᑯᓐ ᑲ ᐃᔅᐱᔨᒡ᙮ ᐊᑯ ᒂ ᐊᔭᔅᑯᔅᑕᒡ ᐊᓂᔭ ᐎᒪᔅᑲᒐᐅ-ᒥᑯᓴᓂᔪᐤ᙮
17ᐃᔅᐱ ᒪᒃ ᐛᑕᑯᓯᔨᒡ ᒋ ᑎᑯᓯᓐ ᒋᓴᔅ ᐊ ᐎᒐᐅᑯᑦ ᐊᓂᔭ ᓂᓱᓴᑉ ᐅᒋᔅᒋᓄᐊᒧᐛᑭᓇ᙮ 18ᒪᒂᒡ ᒪᒃ ᐊᐱᒡ ᐊ ᒥᒋᓱᒡ ᒋᓴᔅ ᒋ ᐃᔅᒋᔄᐤ, “ᑕᑈ ᒋᑦ ᐃᑎᓇᐛᐤ, ᐸᐃᒄ ᐅᑕ ᐊ ᑎᓯᔭᒄ ᑲ ᐎᒋᒥᒋᓱᒥᔭᒄ ᓂᑭ ᐎᔭᓯᐱᔅᑎᓂᒄ᙮”
19ᐊᑯ ᒥᓯᐛ ᐊᓐᒡ ᒋᔅᒋᓄᐊᒧᐛᑭᓐᒡ ᒋ ᒥᓯᒪᔨᑎᒥᐃᑯᐅᒡ ᐅᔭ ᑲ ᐃᔅᒋᔄᔨᒋ ᐊᑯ ᐸᐸᐃᒄ ᒂ ᑯᒂᒋᒪᒡ, “ᓂᔾ ᐊ ᐊᓐ ᐊᐛᓐ ?” 20ᒋᓴᔅ ᒪᒃ ᒋ ᐃᑕᐤ, “ᐊᐅᑯᐤ ᐸᐃᒄ ᐊ ᓂᓱᓴᐳᔭᒄ᙮ ᑲ ᑯᒋᒪᑦ ᐅᐸᒂᓯᑭᓂᒪ ᐊᓯᒡ ᓂᔾ᙮ 21ᒋᑭ ᓂᐸᐊᑭᓄᐤ ᐃᔪᐤ ᐅᑯᓯᓴᓐ ᐊᓂᔭ ᐊᓐᑕ ᐅᑕᒡ ᑕᓐ ᑲ ᐃᓯ ᐸᒋ ᒥᓯᓇᐃᑭᓄᐎᒡ ᒥᓯᓇᐃᑭᓂᒡ᙮ ᒥᒄ ᒪᒃ ᑕᑈ ᒋᑭ ᐊᒂᒡ ᒥᒋᐱᔪᐤ ᐊᓐ ᐊᐛᓐ ᒐ ᐎᔭᓯᐱᔅᑎᓇᑦ ᐃᔪᐤ ᐅᑯᓯᓴᓇ᙮ ᐃᐛᒃ ᒋᐸ ᒥᔽᓯᐱᓐ ᐊᓐ ᐊᐛᓐ ᐊᑲ ᐛᐛᒡ ᐅᒋ ᐱᒪᑎᓯᑕᒂ᙮”
ᒋᓴᔅ ᒪᔅᑕᔾ ᑲ ᐎᒋᒥᒋᓱᒪᑦ ᐅᒋᔅᒋᓄᐊᒧᐛᑭᓇ
ᒪᑎᔪᐤ 26.26-30; ᓗᒃ 22.14-20; 1 ᑯᕆᓐᑎᔭᓇ 11.23-25
22ᒪᒂᒡ ᒪᒃ ᐊ ᒥᒋᓱᒡ, ᒋᓴᔅ ᒋ ᐅᑎᓇᐤ ᐸᒂᓯᑭᓇ ᐊᑯ ᒂ ᓂᓇᔅᑯᒪᑦ ᒋᓴᒪᓂᑐᐛ᙮ ᐃᔅᐱ ᑲ ᓂᓇᔅᑯᒧᑦ ᒂ ᐸᒂᓇᑦ, ᐊᑯ ᒂ ᒥᔭᑦ ᒥᓯᐛ ᐅᒋᔅᒋᓄᐊᒧᐛᑭᓇ ᐊ ᐃᑕᑦ, “ᐅᑎᓂᐧᒄ, ᒧᐛᐧᒄ, ᐊᐅᒄ ᐅ ᓂᔪᐤ᙮”
23ᐊᑯ ᐛᑎᓇᐧᒃ ᒥᓂᒂᑭᓂᔪᐤ, ᒂ ᓂᓇᔅᑯᒪᑦ ᒋᓴᒪᓂᑐᐛ, ᐊᑯ ᒪᔭᑦ ᐅᒋᔅᒋᓄᐊᒧᐛᑭᓐ᙮ ᒥᓯᐛ ᐊ ᑎᓯᒡ ᒪᒃ ᒋ ᒥᓄᐅᒡ᙮
24ᒋ ᐃᑕᐤ ᒪᒃ, “ᐊᐅᒄ ᐅ ᓂᒥᐧᒄ, ᐊᓐᑕ ᐛᒋᐱᔨᒡ ᐅᔅᒋ ᓂᔅᑯᒥᑐᐅᓐ, ᒥᒐᑦ ᑲ ᐅᒋ ᐅᒋᑯᐎᑕᑭᓄᐎᒡ᙮ 25ᑕᑈ ᒋᑦ ᐃᑎᓇᐛᐤ, ᓇᒪ ᒥᓐ ᓂᑭ ᐅᒋ ᒥᓐ ᓱᒥᓇᐳᔾ ᐸᑐᔅ ᐅᔅᒋ ᓱᒥᓇᐳᔾ ᒥᓂᔭᓇ ᐊᓐᑕ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ᙮”
26ᐃᔅᐱ ᒪᒃ ᑲᒋ ᓂᑭᒧᒡ ᐊᔭᒥᐊᐅ-ᓂᑭᒧᐅᓂᔪᐤ, ᐊᑯ ᐊᓐᑕ ᐊᓕᐱᔅ ᐱᔅᑯᑎᓇᔪᐤ ᑲ ᐃᓯᓂᐧᑲᑕᔨᒡ ᐊ ᑐᑕᒡ᙮
ᒋᓴᔅ ᑲ ᓂᑲᓐ ᐎᑕᐧᒃ ᒐ ᐃᔅᒋᔄᔨᒋ ᐱᑕᕋ ᐊᑲ ᒋᔅᒐᔨᒥᑯᑦ
ᒪᑎᔪᐤ 26.31-35; ᓗᒃ 22.31-34; ᒠᓐ 13.36-38
27ᐊᑯ ᒋᓴᔅ ᐊᑕᑦ ᐅᒋᔅᒋᓄᐊᒧᐛᑭᓇ, “ᐊᓄᒡ ᒐ ᑎᐱᔅᑲᒡ ᒥᓯᐛ ᐊ ᑎᓯᔭᒄ ᒋᑭ ᓇᑭᓯᓇᐛᐤ, ᐊᓐ ᒐ ᐃᑐᑕᑯᐅᔭᓐ ᐅᒋ, ᐛᔅ ᐃᑎᔅᑕᔪᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
ᓂᑭ ᓂᑕᐛᐤ ᐊᓐ ᒪᔭᑕᓂᓯᐅ-ᐃᔪᐤ, ᐊᑯ ᐊᓐᒡ ᒪᔭᑕᓂᓯᒡ ᒐ ᐃᒐᔭᒧᒐᓄᐎᒡ᙮
28ᐃᔅᐱ ᒪᒃ ᒋ ᐅᓂᔅᑲᓂᑯᐅᔭᓇ ᓂᐳᐅᓂᒡ ᐅᒡ ᑲᓕᓕᒡ ᐊᓐᑕ ᓂᑭ ᐃᑐᑕᓐ᙮ ᐊᑯᑕ ᐊᓐᑕ ᒐ ᐊᓱᐛᐱᒥᑎᑯᒡ᙮” 29ᐱᑕᕐ ᒪᒃ ᒋ ᐃᑕᐤ, “ᓇᒪ ᓂᑕ ᓂᔾ ᒋᑭ ᐅᒋ ᓂᑭᑎᑎᓐ ᐊᑎ ᒥᓯᐛ ᓂᑭᑎᔎᐛ᙮”
30ᐊᑯ ᒋᓴᔅ ᐊᑕᑦ, “ᑕᑈ ᒋᑦ ᐃᑎᓐ, ᐊᔅᒄ ᐊᑲ ᐛᐛᒡ ᓂᔄᐤ ᐸᑕᑯᓯᑦ ᓇᐸ ᐱᑲᒂᓐ ᒐ ᐅᑕᑯᓯᒡ ᓂᔍᐤ ᒋᑭ ᐊᓏᑕᓐ ᐊ ᒋᔅᒐᔨᒥᔨᓐ᙮”
31ᐱᑕᕐ ᓇᔅᒡ ᒋ ᐎ ᑕᑈᐤ ᐊ ᐃᑕᑦ, “ᐊᑎ ᐎᒋ ᓂᐱᒥᑕᓇ, ᓇᒪ ᓂᑕ ᓂᑭ ᐅᒋ ᐊᓏᑕᓐ ᐊ ᒋᔅᒐᔨᒥᑕᓐ᙮” ᐊᐅᑯᓐ ᑭᔭ ᑲ ᐃᔅᒋᔄᒡ ᐊᓐᒡ ᑯᑎᑭᒡ ᒋᔅᒋᓄᐊᒧᐛᑭᓐᒡ᙮
ᒋᓴᔅ ᑲ ᐊᔭᒥᐊᑦ ᑲᑦᓴᒪᓂᒡ
ᒪᑎᔪᐤ 26.36-46; ᓗᒃ 22.39-46
32ᒋ ᐸᒋ ᐃᑐᑕᐅᒡ ᒪᒃ ᐊᓐᑕ ᑲᑦᓴᒪᓂ ᑲ ᐃᓯᓂᐧᑲᑕᔨᒡ ᓂᑕᐅᒋᑕᑭᓐ ᐊᔅᒋᔪᐤ᙮ ᐊᑯ ᒋᓴᔅ ᐊᑕᑦ ᐅᒋᔅᒋᓄᐊᒧᐛᑭᓇ, “ᐊᐱᒄ ᐅᑕ ᒋᔨᐛᐤ, ᒪᒂᒡ ᓂᑭ ᐊᔭᒥᐊᓐ᙮” 33ᐱᑕᕋ, ᒋᒥᓴ ᑭᔭ ᒠᓇ ᒪᒃ ᒋ ᔅᑐᑕᐊᐤ, ᓇᔅᒡ ᒪᒃ ᒋ ᒥᓯᒥᔅᑲᑯᐤ ᒥᓯᒪᔨᑎᒧᐅᓂᔪᐤ ᑭᔭ ᓇᔅᒡ ᒋ ᑯᓯᑯᒪᒋᐅᐤ᙮ 34ᐊᑯ ᐊᑕᑦ, “ᓇᔅᒡ ᑕᑈ ᒥᓯᒪᔨᑎᒻ ᓂᑦ ᐊᒐᐧᒄ, ᒧᔭᒻ ᐊ ᓂᐱᔭᓐ ᓂᑦ ᐃᑎᒪᒋᔪᐅᓐ, ᑕᒄ ᐅᑕ, ᐊᓱᐛᐱᒄ ᒪᒃ᙮”
35ᐛᔪᐎᔅ ᒪᒃ ᒋ ᐃᑐᑕᐤ ᒋᓴᔅ, ᐊᔅᒋᒡ ᒂ ᐃᓯ ᐅᒋᒋᐧᑯᓂᐱᔪᐅᑦ᙮ ᒋ ᐊᔭᒥᐊᐤ ᒪᒃ ᐊ ᓂᑐᑎᒪᑦ ᒐᒋ ᓇᐃᐱᔨᒡ ᐊᑯᔅ ᒐ ᐊᑲ ᒋ ᓂᒋᔅᑲᐧᒃ ᑕᓐ ᒋᐸ ᐃᓯ ᓂᒋᔅᑭᒻ ᒪᒂᒡ ᐊᓂᔭ ᑎᐸᐃᑭᓂᔪᐤ᙮ 36ᒋ ᐃᔅᒋᔄᐤ ᒪᒃ, “ᓄᑕ, ᓄᑕᐎᔾ, ᒥᓯᐛ ᒐᒂᓐ ᒋ ᑭᔅᒋᑕᓐ, ᐃᒐᓂᒧᐎ ᐅᒪ ᒥᓂᒂᑭᓐ, ᐊᔪᐛᒃ ᒪᒃ, ᓇᒪᐎᔾ ᓂᔾ ᐊ ᐃᑕᔨᑎᒪᓐ, ᒥᒄ ᒋᔾ ᐊ ᐃᑕᔨᑎᒥᓐ᙮”
37ᑲᐤ ᒪᒃ ᒋ ᓂᑐᐛᐱᒪᐤ ᐅᒋᔅᒋᓄᐊᒧᐛᑭᓇ, ᒋ ᒥᔅᑯᐛᐤ ᒪᒃ ᐊ ᓂᐸᔨᒋ᙮ ᒋ ᐃᑕᐤ ᐊᓂᔭ ᐱᑕᕋ, “ᓴᐃᒥᓐ, ᒋ ᓂᐸᓐ ᐊ ? ᓇᒪ ᒋ ᑭᔅᒋᑕᓐ ᐊ ᐸᐃᒄ ᑎᐸᐃᑭᓇ ᐃᔅᐱᔅ ᐱᓯᒧᐧᑲᓂᒡ ᒐᒋ ᐊᓱᐛᐱᔨᓐ ? 38ᐊᓱᐛᐱᒄ ᑭᔭ ᐊᔭᒥᐊᒄ ᒐ ᐊᑲ ᒋ ᐃᓯ ᐸᒋᓯᓂᔭᒄ ᑯᒂᒋᐃᐛᐅᓂᒡ᙮ ᐛᔅ ᐊᒐᐧᒄ ᒥᔅᑯᐛᔨᑎᒻ ᒪᒃ ᐎᔭᔅ ᐃᔨᔨᒥᓯᒥᑭᓐ᙮”
39ᐊᑯ ᒥᓐ ᓇᑭᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ᙮ ᐸᐃᑯᑕᐤ ᑲ ᐃᓯ ᐊᔭᒥᐊᑦ ᒥᓐ ᒋᓴᒪᓂᑐᐛ, ᐊᐅᑯᓐ ᐃᔭᐱᒡ ᒂ ᐃᓯ ᐊᔭᒥᐊᑦ ᐊᓂᔭ ᓂᔅᑎᒻ ᑕᓐ ᑲ ᐃᓯ ᐊᔭᒥᐊᑦ᙮ 40ᐃᔅᐱ ᒪᒃ ᓂᔭᑕᑦ ᐅᒋᔅᒋᓄᐊᒧᐛᑭᓇ ᒥᓐ ᒋ ᒥᔅᑯᐛᐤ ᐊ ᓂᐸᔨᒋ᙮ ᐛᔅ ᒋ ᑯᓯᑯᒪᒋᑕᐅᒡ ᐅᔅᒋᓯᑯᐛᐛ᙮ ᓇᒪ ᐅᒋ ᒋᔅᒐᔨᑎᒧᒡ ᑕᓐ ᒐ ᐃᑕᒡ ᒋᓴᓴ᙮
41ᐃᔅᐱ ᒪᒃ ᓂᔍᐤ ᓂᔭᑕᑦ ᐊᑯ ᐊᑕᑦ, “ᐊᔅᒄ ᐊ ᒋ ᓂᐸᓇᐛᐤ ? ᐊᔅᒄ ᐊ ᒋᑦ ᐊᔅᑕᔭᔅᑯᓯᓇᐛᐤ ? ᐊᑯᓐ ᐊᑯ, ᓴᔅ ᐅᑎᒋᐱᔪᐤ ᐊᓐ ᑎᐸᐃᑭᓐ ᐃᔪᐤ ᐅᑯᓯᓴᓐ ᒐ ᐎᔭᓯᐱᔅᑎᓇᑭᓄᐅᑦ ᐅᒥᒋᑥᐛ ᐅᑎᒋᔨᒡ᙮ 42ᐅᓂᒄ᙮ ᔅᑐᑕᑕᐤ᙮ ᐊᓐ ᒐ ᐎᔭᓯᐱᔅᑎᓂᑦ ᓴᔅ ᐸᓱᓇᑯᓱᐤ᙮”
ᒋᓴᔅ ᑲ ᒪᑯᓇᑭᓄᐅᑦ
ᒪᑎᔪᐤ 26.47-56; ᓗᒃ 22.47-53; ᒠᓐ 18.3-12
43ᑎᐛᒡ ᒪᒃ, ᐊᔅᒄ ᒪᒂᒡ ᐊ ᐃᔨᒥᑦ ᒋᓴᔅ, ᒍᑎᔅ ᒋ ᑎᑯᓯᓐ, ᐸᐃᒄ ᐊᓂᔭ ᑲ ᓂᓱᓴᐳᔨᒋ ᐅᒋᔅᒋᓄᐊᒧᐛᑭᓇ᙮ ᐊ ᐎᒐᐅᑯᑦ ᒥᒐᑦ ᐊᐛᔪᐛ, ᓂᑐᐱᔪᐅ-ᒧᐧᑯᒪᓇ ᑭᔭ ᐅᑕᒥᐃᑭᓇᑎᒂ ᐊ ᑕᐧᑯᓂᒥᔨᒋ, ᑲ ᐸᒋ ᐃᑎᓴᐅᑯᔨᒋ ᑲ ᓂᑲᓂᔅᑯᐛᔨᒋ ᐊᔭᒥᐊᐅᒋᒪᐛ ᑭᔭ ᐎᓱᐛᐅᓂᔪᐤ ᑲ ᒋᔅᑯᑎᒪᒐᔨᒋ ᑭᔭ ᐊᓂᔭ ᑲ ᓂᑲᓂᔨᑕᑯᓯᔨᒋ᙮ 44ᐊᓐ ᒐ ᐎᔭᓯᐱᔅᑎᓇᑦ ᒋᓴᓴ ᓂᑲᓐ ᒋ ᐎᑎᒧᐛᓯᐱᓐ ᐊᓂᔭᔪᐛ ᑲ ᐎᒐᐅᑯᑦ ᑕᓐ ᒐ ᐃᑎᑦ᙮ ᐊ ᐃᔅᒋᔄᑦ, “ᐊᓐ ᒐ ᓱᐛᔨᒥᒃ ᐊᐅᑯᓐ ᐊᓐ ᓇᐸᐤ ᓇᑐᐛᔨᒪᒄ᙮ ᐊᐅᑯᓐ ᐊᓐ ᒐ ᒪᑯᓇᒄ, ᒐ ᔅᑐᑕᐊᒄ᙮”
45ᐃᔅᐱ ᒪᒃ ᑲ ᑎᑯᓯᐧᒃ ᒍᑎᔅ, ᑎᐛᒡ ᒋ ᓇᑕᐤ ᒋᓴᓴ ᐊᑯ ᐊᑕᑦ, “ᒋᔅᑯᑎᒪᒐᓱᐤ᙮” ᐊᑯ ᓴᐛᔨᒪᑦ᙮ 46ᐊᑯ ᒥᔭᑯᓇᒡ ᒋᓴᓴ ᑭᔭ ᓱᒃ ᒥᔭᒪᒋᑯᓇᒡ᙮ 47ᐸᐃᒄ ᒪᒃ ᐊᓐ ᒥᒋᒪ ᑲ ᓂᐳᐅᒡ ᒋᔭᔨᔅᒋᐱᑎᒻ ᐅᓂᑐᐱᔪᐅ-ᒧᐧᑯᒪᓐ, ᒋ ᐅᑕᒪᐅᒺᐤ ᒪᒃ ᐊᓂᔭᔪᐛ ᒋᓴᐊᔭᒥᐊᐅᒋᒪᐛ ᐅᑦ ᐊᐱᒋᐊᑭᓂᔪᐛ ᑭᔭ ᒋ ᒋᒥᑐᑭᔭᔄᐤ ᒪᒃ᙮
48ᒋᓴᔅ ᒪᒃ ᒋ ᐃᔨᒧᐤ, ᒋ ᐃᑕᐤ ᐊᓂᔭᔪᐛ ᑲ ᐸᒋ ᓂᑐᐛᐱᒥᑯᑦ, “ᒋ ᐸᒋ ᐃᑐᑕᓇᐛᐤ ᐊ ᑕᐱᔅᑯᓐ ᐊ ᓇᑎᒄ ᑲᓂᑕᐅᒋᒧᑎᑦ ᐊ ᑕᐧᑯᓂᒪᒄ ᓂᑐᐱᔪᐅ-ᒧᐧᑯᒪᓇ ᑭᔭ ᐅᑕᒪᐃᑭᓇᑎᒂ ᐊ ᐎ ᐅᑎᓂᔭᒄ᙮ 49ᑕᑥᐤ ᑲ ᒋᓯᑲᒋ ᓂᒋ ᑕᓐ ᐊᓐᑕ ᐊ ᑕᔭᒄ ᐊ ᒋᔅᑯᑎᒪᒐᔭᓐ ᒋᓴᐊᔭᒥᐊᐅᒋᐛᐱᒡ, ᓇᒪ ᒪᒃ ᒋ ᐅᒋ ᐅᑎᓇᐛᐤ᙮ ᒥᒄ ᒪᒃ ᒋᒋᒥᓯᓇᐃᒐᐅᓇ ᒋᑭ ᑎᐱᐱᔪᐛ᙮”
50ᐊᑯ ᒥᓯᐛ ᒋᔅᒋᓄᐊᒧᐛᑭᓐᒡ ᓇᑭᑕᒡ ᑭᔭ ᒐᑎᓯᒧᒡ᙮
51ᒋ ᑕᐤ ᐅᔅᒋᓂᒋᓱᐤ ᐊᓇᓴᐛᑦ ᒋᓴᓴ᙮ ᐊ ᑎᑎᐸᔭᒋᑦ ᐱᒍᐎᔭᓇᒋᔪᐤ ᐊ ᐳᓴᐅᔅᑲᐧᒃ᙮ ᐊᑯ ᐱᔅᒐ ᓇᐸᐛ ᐊᓐᑕ ᑲ ᑕᔨᒋ ᒂ ᒪᑯᓂᑯᑦ, 52ᒥᒄ ᒪᒃ ᒋ ᑎᒋᔅᒋᐱᔪᐤ ᐊᑯ ᒂ ᒋᑎᓯᒧᑦ ᐊᓐ ᓇᐸᔅ ᐊ ᐊᑎ ᒧᓴᔅᑭᑕᐸᑕᑦ ᐊᒋ ᒥᓂᐱᑕᑭᓄᐎᒡ ᐊᓂᔭ ᑲ ᑎᑎᐸᔭᒋᔅᑲᐧᒃ ᐱᒍᐎᔭᓂᓯᔪᐤ᙮
ᒋᓴᔅ ᑲ ᐅᑎᔅᑯᑲᐳᔅᑐᐛᑦ ᒋᓴᐊᔭᒥᐊᐅᒋᒪᐛ
ᒪᑎᔪᐤ 26.57-68; ᓗᒃ 22.54,55,63-71; ᒠᓐ 18.13,14,19-24
53ᐊᑯ ᒂ ᐃᑐᑕᐊᒡ ᒋᓴᓴ ᐊᓐᑕ ᒋᓴᐊᔭᒥᐊᐅᒋᒪᐛ ᐊ ᑕᔨᒋ᙮ ᐊᑯᑕ ᒪᒃ ᑲ ᒪᒧᐎᒡ ᒥᓯᐛ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᑲ ᓂᑲᓇᔨᑕᑯᓯᒡ ᑭᔭ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ᙮ 54ᐱᑕᕐ ᒪᒃ ᐛᔪᐎᔅ ᐊᓐᑕ ᒋ ᐅᒋ ᐱᒧᑕᐤ᙮ ᑲ ᐊᑎ ᐃᑐᑕᑦ ᐊᓐᑕ ᒋᓴᐊᔭᒥᐊᐅᒋᒪᐛ ᐎᒋᔪᐤ ᐊ ᑎᑯᓂᔨᒡ᙮ ᒋ ᐎᑎᐱᒪᐤ ᐊᐱᒋᐊᑭᓇ ᑭᔭ ᒋ ᑎᐅᓱᐤ ᐃᔅᑯᑕᒡ᙮
55ᑲ ᓂᑲᓇᔨᑕᑯᓯᒡ ᐊᔭᒥᐊᐅᒋᒪᐅᒡ ᒪᒃ ᒥᓯᐛ ᐊᓂᔭ ᑲ ᐎᑎᐱᒥᑯᒡ ᑲ ᐎᔭᔨᑎᒥᔨᒋ ᒐᒂᔪᐤ ᒋ ᓇᓂᑐᐤ ᒥᔅᑭᒧᒡ ᒐ ᐃᓯ ᒪᒥᓯᒪᒡ ᒋᓴᓴ ᒐᒋ ᓂᐸᐊᑭᓄᔨᒋ᙮ ᒥᒄ ᒪᒃ ᓇᒪ ᐅᒋ ᒥᔅᑭᒧᒡ᙮ 56ᐛᔅ ᒥᒐᑦ ᒋ ᒥᒋ ᑎᐸᒋᒪᐅᒡ ᒥᒄ ᒪᒃ ᐅᑎᐸᒋᒧᐅᓄᐛᐛ ᓇᒪ ᐅᒋ ᓇᐊᔨᐱᔪᐛ᙮
57ᐊᑯ ᐱᔅᒐ ᒂ ᐅᒋ ᐱᓯᑯᒡ ᑭᔭ ᒋ ᑭᑭᒋᔭᐛᑕᒋᒪᐅᒡ ᐊ ᐃᔅᒋᔄᒡ, 58“ᓂᒋ ᐸᑐᐛᓇᓐ ᐊ ᐃᔅᒋᔄᑦ, ‘ᓂᑭ ᐃᔭᔪᐎᑕᓐ ᐅ ᒋᓴᐊᔭᒥᐊᐅᒋᐛᑉ ᐃᔪᐤ ᑲ ᐅᓯᑕᑦ, ᒋ ᓂᔅᑐ ᒋᓯᑲᒐ ᒪᒃ ᐃᔅᐱᔅ, ᒥᓐ ᑯᑎᒡ ᓂᑭ ᒋᒥᑕᓐ ᐊᑲ ᐃᔪᐤ ᐅᒋ ᐅᓯᑕᑦ᙮’ ” 59ᓇᒪ ᐛᐛᒡ ᑭᔭ ᐎᔨᐛᐤ ᐅᒋ ᓇᐊᔨᐱᔪᐛ ᐅᑎᐸᒋᒧᐅᓄᐛᐛ᙮
60ᐊᑯ ᐊᓐ ᒋᓴᐊᔭᒥᐊᐅᒋᒪᐤ ᒂ ᐅᒋ ᐱᓯᑯᑦ ᐊ ᐅᑎᔅᑯᑲᐳᔅᑐᐛᑦ ᐊᓂᔭ ᐊᓐᑕ ᑲ ᑕᔨᒋ, ᐊᑯ ᒂ ᑯᒂᒋᒪᑦ ᒋᓴᓴ ᐊ ᐃᑕᑦ, “ᓇᒪ ᑎᑯᓐ ᐊ ᒐᒂᓐ ᐊ ᐎ ᐃᔅᒋᔄᔨᓐ ᐅᔭ ᐊ ᐃᑕᒋᒥᔅᒡ ᐅᒡ ?” 61ᒥᒄ ᓇᒪ ᐅᒋ ᒋᔅᑐᐤ ᒋᓴᔅ, ᓇᒪ ᒐᒂᔪᐤ ᐅᒋ ᐃᔅᒋᔄᐤ᙮ ᒥᓐ ᒂ ᑯᒂᒋᒥᑯᑦ ᒋᓴᐊᔭᒥᐊᐅᒋᒪᐛ, “ᒋᔾ ᐊ ᙭, ᑲ ᓱᐛᔨᑕᑯᓯᑦ ᒋᓴᒪᓂᑐᐤ ᐅᑯᓴ ?” 62ᒋᓴᔅ ᒪᒃ ᒋ ᐃᑕᐤ, “ᓂᐦᐃ, ᐊᐅᒄ ᓂᔾ᙮ ᒋᑭ ᐛᐱᒪᐛᐤ ᒪᒃ ᐃᔪᐤ ᐅᑯᓯᓴᓐ ᐊ ᐊᐱᑦ ᐅᒥᔪᓂᔨᒡ ᐃᑕᒐ ᑲ ᓱᐧᑲᑎᓯᔨᒋ ᑭᔭ ᒋᑭ ᐛᐱᒪᐛᐤ ᒋᒋᒋᓯᒄ ᑭᔅᑯᐅᓂᔅᑯᒡ ᐸᒋ ᑎᑯᓯᓐᒐ᙮”
63ᐊᑯ ᒋᓴᐊᔭᒥᐊᐅᒋᒪᐤ ᒋ ᐱᑯᐱᑎᒻ ᐅᑦ ᐊᐱᒋᑕᐅᓇ ᐊ ᐃᔅᒋᔄᑦ, “ᒐᒂᓐ ᒪᒃ ᐛᒋ ᓂᑐᐛᔨᒪᐧᑯᒡ ᑯᑎᑭᒡ ᒐ ᑎᐸᒋᒧᒡ ? 64ᔅᒋ ᐸᑎᒺᓇᓄᐤ ᐅᐸᔅᑕᒧᐅᓐ᙮ ᑕᓐ ᒪᒃ ᐊᑕᔨᑎᒪᒄ ?” ᒥᓯᐛ ᒪᒃ ᐊ ᑎᓯᒡ ᒋ ᓂᓱᐅᓇᒋᒪᐅᒡ ᐊᓯᓇᑯᓂᔨᒡ ᒐᒋ ᓂᐸᐊᑭᓄᔨᒋ᙮
65ᐱᔅᒐ ᒪᒃ ᒋ ᓯᔅᑎᒂᑕᐅᒡ ᑭᔭ ᒋ ᐊᑯᓇᒂᐛᐅᒡ ᐊᑯ ᐛᑕᒪᐛᒡ ᐊ ᐃᑕᒡ, “ᐎ ᒋᔅᒐᔨᒻ ᐊᐛᓐ ᐛᑕᒧᐅᔅᒃ᙮” ᑲᒪᑯᓄᐛᓯᒡ ᑲ ᓇᑭᑐᐛᔨᑕᒡ ᐊᓂᔭ ᒥᒋᐛᐱᔪᐤ ᐛᑎᓇᒡ ᒋᓴᓴ ᑭᔭ ᐛᑎᑕᒥᒂᐛᒡ᙮
ᐱᑕᕐ ᑲ ᐃᔅᒋᔄᑦ ᐊᑲ ᒋᔅᒐᔨᒪᑦ ᒋᓴᓴ
ᒪᑎᔪᐤ 26.69-75; ᓗᒃ 22.56-62; ᒠᓐ 18.15-18,25-27
66ᒪᒂᒡ ᐱᑕᕐ ᐊ ᑕᑦ ᐊᓐᑕ ᐎᐎᑎᒥᒡ, ᒂ ᐅᒋ ᐱᒧᑕᔨᒋ ᐸᐃᒄ ᐊᓂᔭ ᒋᓴᐊᔭᒥᐊᐅᒋᒪᐤ ᐅᑯᐸᓇᔎᒪ᙮ 67ᐃᔅᐱ ᒪᒃ ᐎᔭᐱᒪᑦ ᐱᑕᕋ ᑎᐅᓱᔨᒋ, ᑯᐃᔅᒄ ᒋ ᑭᓄᐛᐱᒪᐤ ᐊᑯ ᐊᑕᑦ, “ᒋᔾ ᑭᔭ ᔅᒋ ᐎᒐᐛᐤ ᒋᓴᔅ, ᓇᓴᕆᑎᒡ ᑲ ᐅᒋᑦ᙮”
68ᐱᑕᕐ ᒪᒃ ᒋ ᐊᓏᑎᒻ, ᐊ ᐃᔅᒋᔄᑦ, “ᓇᒪ ᓂ ᒋᔅᒐᔨᑕᓐ ᑭᔭ ᓇᒪ ᓂᔅᑐᑕᓐ ᒐᒂᓐ ᐃᔭᔨᒧᑎᒥᓐ᙮” ᐊᑯ ᐸᓯᑯᑦ, ᐊᑯ ᐊᓐᑕ ᐊ ᒋᐱᔎᐎᒡ ᐊᓂᔭ ᒥᒋᐛᐱᔪᐤ ᐊᑐᑕᑦ᙮ ᐛᒋ ᐸᑕᑯᓯᔨᒋ ᓇᐸ ᐱᑲᒂᓇ᙮
69ᑯᐸᓇᔎᐤ ᒪᒃ ᒥᓐ ᒋ ᐛᐱᒪᐤ ᐱᑕᕋ ᐊᑯ ᐊᑕᑦ ᐊᓂᔭ ᐊᐛᔪᐛ ᐊᓐᑕ ᑲ ᓇᓂᐳᔨᒋ, “ᐊᐅᑯᐤ ᐅ ᐸᐃᒄ ᐊᑎᓯᒡ᙮”
70ᒥᒄ ᒪᒃ ᐱᑕᕐ ᒋ ᐊᓏᑎᒻ᙮ ᓇᓇᒐ ᒪᒃ ᐊᓐᒡ ᐊᓐᑕ ᑲ ᓇᓂᐳᐅᒡ ᒥᓐ ᒋ ᐃᑕᐅᒡ ᐱᑕᕋ, “ᓇᒪ ᒋᑭ ᒋ ᐃᔅᒋᔄᓐ ᐊᑲ ᐅᒋ ᐛᐎᒐᐅᑦ, ᐛᔅ ᒋ ᓂᔅᑐᑕᑯᓯᓐ ᑲᓕᓕᒡ ᐊ ᐅᒋᔨᓐ᙮”
71ᐊᑯ ᐱᑕᕐ ᐊᑕᑦ, “ᐊᑯᔅ ᓂᑭ ᐛᐛᓯᐃᒄ ᒋᓴᒪᓂᑐᐤ ᐎ ᑭᑭᒋᔭᔭᓇ,” ᑭᔭ ᓇᔅᒡ ᒋ ᐎ ᑕᑈᐤ ᐊ ᐃᔅᒋᔄᑦ, “ᓇᒪ ᓂ ᒋᔅᒐᔨᒪᐤ ᐅ ᓇᐸᐤ ᐃᔭᔨᒧᒪᒄ᙮”
72ᑎᐛᒡ ᒪᒃ ᒥᓐ ᒋ ᐅᒋ ᐸᑕᑯᓱᐤ ᓇᐸ ᐱᑲᒂᓐ, ᐊᑯ ᐱᑕᕐ ᒂ ᒋᔅᒋᑦ ᑲ ᐃᑎᑯᑦ ᒋᓴᓴ, “ᐊᒺᔭ ᓂᔄᐤ ᐸᑕᑯᓯᑦ ᓇᐸ ᐱᑲᒂᓐ ᓂᔍᐤ ᒋᑭ ᐊᓏᑕᓐ ᐊ ᒋᔅᒐᔨᒥᔨᓐ᙮” ᐃᔅᐱ ᒪᒃ ᒥᔭᒥᑐᓇᔨᑕᐧᒃ ᐅᔭ, ᐊᑯ ᒥᔭᑦ ᐊ ᓂᓇᐧᑲᒋᒧᑦ᙮
Nu markerat:
:
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada