ᒪᕐᒃ 15
15
ᒋᓴᔅ ᑲ ᐅᑎᔅᑯᑲᐳᔅᑐᐛᑦ ᑈᓚᑕ
ᒪᑎᔪᐤ 27.1,2,11-14; ᓗᒃ 23.1-5; ᒠᓐ 18.28-38
1ᑎᐛᒡ ᒪᒃ ᒋᔭᒋᓴᐸᔭᔨᒡ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᒋ ᓂᔅᑐᐅᓇᐅᒡ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐃᔪᐛ ᑭᔭ ᐊᓂᔭᔪᐛ ᐎᓱᐛᐅᓂᔪᐤ ᑲ ᒋᔅᑯᑎᒪᒐᔨᒋ ᑭᔭ ᒥᓯᐛ ᐊᓂᔭ ᑲ ᒪᒧᐱᔅᑎᒥᔨᒋ ᐊ ᐎᔭᔨᑕᑭᓄᐎᒡ ᒐᒂᔪᐤ, ᐊᑯ ᒂ ᐎᔭᔨᑕᒡ ᑕᓐ ᒐ ᐃᑎᒡ᙮ ᒋ ᒪᑯᐱᑕᐅᒡ ᒋᓴᓴ ᑭᔭ ᒋ ᔅᑐᑕᐅᒡ᙮ ᑈᓚᑕ ᒪᒃ ᒋ ᐱᔅᑎᓂᒧᐛᐅᒡ᙮
2ᐊᑯ ᑈᓚᑦ ᒂ ᑯᒂᒋᒪᑦ ᒋᓴᓴ, “ᒋᔾ ᐊ ᒍᐤ ᐃᔪᒡ ᐅᒋᓴᐅᒋᒪᒧᐛᐛ ?” ᒋᓴᔅ ᒋ ᐃᑕᐤ, “ᐊᐅᑯᓐ ᐊᔅᒋᔄᔨᓐ᙮”
3ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᒪᒃ ᒥᒐᑦ ᒐᒂᔪᐤ ᒋ ᐊᑕᒪᔨᒪᐅᒡ ᒋᓴᓴ᙮ 4ᐊᑯ ᑈᓚᑦ ᒥᓐ ᒂ ᑯᒂᒋᒪᑦ ᒋᓴᓴ ᐊ ᐃᑕᑦ, “ᓇᒪ ᓇ ᐎᔭᔅ ᒋᑭ ᐃᑕᐅᒡ ? ᓂᑐᑐᐅᒡ ᒪ ᐊ ᐃᓯ ᓂᓇᐧᑯᐤ ᒐᒂᔪᐤ ᐊᑕᒪᔨᒥᔅᒡ᙮” 5ᒥᒄ ᒋᓴᔅ ᐃᔭᐱᒡ ᓇᒪ ᐅᒋ ᐃᔅᒋᔄᐤ ᒐᒂᔪᐤ᙮ ᒋ ᒥᔅᑲᑕᔨᑎᒻ ᒪᒃ ᑈᓚᑦ᙮
ᒋᓴᔅ ᒐ ᓂᐸᐊᑭᓄᐅᑦ
ᒪᑎᔪᐤ 27.15-26; ᓗᒃ 23.13-25; ᒠᓐ 18.39-19.16
6ᐊᐅᑯᓐ ᑲ ᐃᑎᓇᓄᐅᒡ ᒪᓐ ᑕᑥᐤ ᐛᑎᒋᐱᔨᒋ ᒐ ᒥᒋᓇᓄᐅᒡ ᐎᒪᔅᑲᒐᐅ-ᒥᑯᓴᐅᓐ, ᑈᓚᑦ ᒋ ᐱᔅᑎᓇᐤ ᐸᐃᒄ ᑲ ᒪᑯᓇᑭᓄᓯᔨᒋ ᒥᒄ ᑕᓐ ᐊᓂᔭᔪᐛ ᓇᑐᐛᔨᒪᔨᒋ ᐃᔪᐛ ᒐᒋ ᐱᔅᑎᓂᒧᐛᑭᓄᔨᒋ᙮ 7ᒋ ᑕᐤ ᒪᒃ ᓇᐸᐤ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐸᕋᐸᔅ ᐊ ᐃᓯᓂᐧᑲᓱᑦ᙮ ᐊᓯᒡ ᐊᓂᔭ ᑲ ᐎᒋᐃᑯᑦ ᐊ ᒥᒋᐱᔨᐧᑲᑐᐛᑦ ᒋᓴᐅᒋᒪᐛ, ᐊᒋ ᓂᐸᐊᑦ ᐊᐛᔪᐛ ᒪᒂᒡ ᐅᔭ ᑲ ᐃᑎᒡ᙮ 8ᐊᑯ ᐊᓐᒡ ᑲ ᒥᒐᑎᒡ ᐃᔪᒡ ᒋ ᓇᑕᐅᒡ ᑈᓚᑕ ᐊᑯ ᐊᑕᒡ ᒐᒋ ᐃᑐᑎᒪᑯᒡ ᐊᓂᔭ ᑲᒋ ᐃᑐᑎᒪᑯᒡ ᐊᓯᑯᒻ ᐱᐳᓇ ᐎᒪᔅᑲᒐᐤ ᒪᑯᓴᓄᔨᒋ᙮
9ᐊᑯ ᑈᓚᑦ ᐊᑕᑦ, “ᒋ ᓂᑐᐛᔨᒥᓇᐛᐤ ᐊ ᒐᒋ ᐱᔅᑎᓂᒪᑎᑯᒡ ᒍᐤ ᐃᔪᒡ ᐅᒋᓴᐅᒋᒪᒧᐛᐛ ?” 10ᐛᔅ ᒋ ᒋᔅᒐᔨᒪᐤ ᐊᓂᔭᔪᐛ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᐊᒋ ᐅᑕᔨᒪᔨᒋ ᒋᓴᓴ ᐛᒋ ᒋ ᐱᔅᑎᓂᒪᑯᑦ᙮
11ᒥᒄ ᐊᓐᒡ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᒋ ᓯᒋᒪᐅᒡ ᐃᔪᐛ ᒐᒋ ᐃᑕᔨᒋ ᑈᓚᑕ ᒐᒋ ᐱᔅᑎᓂᒪᑯᒡ ᐸᕋᐸᓴ᙮ 12ᐊᑯ ᑈᓚᑦ ᒥᓐ ᒂ ᑯᒂᒋᒪᑦ ᐃᔪᐛ, “ᒐᒂᓐ ᒪᒃ ᓇᑐᐛᔨᒥᔭᒄ ᒐᒋ ᐃᑐᑐᐅᒃ ᐊᓐ ᒍᐤ ᐃᔪᒡ ᐅᒋᓴᐅᒋᒪᒧᐛᐛ ᑲ ᐃᓯᓂᐧᑲᑕᒄ ?” 13ᒥᓐ ᒪᒃ ᒋ ᑕᑈᐅᒡ, “ᒋᔅᑕᔎᐤ ᒋᐱᔭᑎᑯᒡ᙮”
14ᐊᑯ ᑈᓚᑦ ᐊᑕᑦ, “ᒐᒂᔪᐤ ᒪᒃ, ᑕᓐ ᑲ ᐃᓯ ᒥᒋᑐᑕᐧᒃ ?” ᐊᑎᑐᐤ ᒪᒃ ᒋ ᒋᐧᑲᐛᐅᒡ ᐊ ᑕᑈᒡ ᐃᔪᒡ, “ᒋᔅᑕᔎᑕᐧᒄ ᒋᐱᔭᑎᑯᒡ᙮”
15ᐊᑯ ᒪᒃ ᑈᓚᑦ ᐊ ᐎ ᒥᔽᔨᑎᒪᐊᑦ ᐃᔪᐛ, ᐸᕋᐸᓴ ᒋ ᐱᔅᑎᓂᒧᐛᐤ᙮ ᐃᔅᐱ ᒪᒃ ᑲᒋ ᐃᑎᓱᐛᑦ ᒐᒋ ᐱᓯᔅᑕᐛᑭᓄᔨᒋ ᒋᓴᓴ᙮ ᐊᑯ ᒂ ᐱᔅᑎᓂᒧᐛᑦ ᓂᑐᐱᔪᐅ-ᐃᔪᐛ ᒐᒋ ᒋᔅᑕᔎᐛᔨᒋ ᒋᐱᔭᑎᑯᒡ᙮
ᐊᓯᒪᑭᓂᓯᒡ ᑲ ᒪᔭᔨᒪᒡ ᒋᓴᓴ
ᒪᑎᔪᐤ 27.27-31; ᒠᓐ 19.2,3
16ᐊᓯᒪᑭᓂᓯᒡ ᒪᒃ ᒋ ᐃᑐᑕᐅᒡ ᒋᓴᓴ ᐊᓐᑕ ᒋᓴᐅᒋᒪᐅᒋᐛᐱᒡ᙮ ᐊᑯ ᐛᓴᒪᒡ ᒥᓯᐛ ᑯᑎᑲ ᐊᓯᒪᑭᓂᓴ᙮ 17ᐊᑯ ᒂ ᐳᔅᑎᔅᑭᒧᑎᔭᒡ ᒥᒂᒋᓂᔪᐤ ᑭᔭ ᒋ ᐅᓯᑕᐅᒡ ᒋᓴᐅᒋᒪᐅᑯᓂᔎᐅᓂᔪᐤ ᒥᓯᑲᐎᒥᓇᑯᓯᔭ ᐅᒡ᙮ ᐊᐅᒄ ᐅᔭ ᑲ ᐳᔅᑎᑯᓂᔎᐅᓇᐊᒡ᙮ 18ᒋ ᒥᒋ ᐊᑎᒥᔅᑯᐛᐅᒡ ᒪᒃ, “ᐊᐅᒄ ᒋᔾ ᒍᐤ ᐃᔪᒡ ᐅᒋᓴᐅᒋᒪᒧᐛᐛ !” 19ᒥᔅᑎᑯᔪᐤ ᒋ ᐅᑎᑕᒥᔅᑎᒂᓇᐛᐅᒡ, ᒋ ᓯᔅᑎᒂᑕᐅᒡ ᑭᔭ ᒋ ᐅᒋᒋᐧᑯᓂᐱᔅᑐᐛᐅᒡ ᒧᔭᒻ ᐊ ᒋᔅᑕᔨᒪᒡ ᒋ ᐃᑐᑐᐛᐅᒡ᙮ 20ᐃᔅᐱ ᒪᒃ ᑲᒋ ᐃᓯ ᒪᔭᔨᒪᒡ ᒂ ᒥᓂᒺᒡ ᒥᒂᒋᓂᔪᐤ, ᑎᐱᔨᐛ ᒪᒃ ᐅᑦ ᐊᐱᒋᑕᐅᓂᔪᐛ ᑈᔅᑭᒧᑎᔭᒡ᙮ ᐊᑯ ᒪᒃ ᒐ ᑐᑕᐊᒡ ᒐᒋ ᒋᔅᑕᔎᑕᒡ᙮
ᒋᓴᔅ ᑲ ᒋᔅᑕᔎᑕᑭᓄᐅᑦ ᒋᐱᔭᑎᑯᒡ
ᒪᑎᔪᐤ 27.32-44; ᓗᒃ 23.26-43; ᒠᓐ 19.17-27
21ᒋ ᐸᒋ ᐱᒧᑕᐤ ᒪᒃ ᓴᐃᒥᓐ ᓴᐃᕆᓐ ᐊᔅᒋᒡ ᐊ ᐅᒋᑦ, ᐎᐎᑎᒥᒡ ᐊᓐᑕ ᐊᓂᔭ ᐅᑕᓇᔪᐤ ᐊ ᐅᑐᑕᑦ᙮ ᐊᓕᒃᓴᓐᑕᕐ ᑭᔭ ᕈᐸᔅ ᐅᑕᐎᐛᐛ᙮ ᐊᓯᒪᑭᓂᓯᒡ ᒪᒃ ᒋ ᓯᒋᒪᐅᒡ ᐅᔭ ᓇᐸᐛ ᒐᒋ ᐱᒧᑕᐊᔨᒋ ᒋᓴᓴ ᐅᒋᐱᔭᑎᑯᒥᔪᐛ᙮ 22ᑯᓪᑯᑕ ᑲ ᐃᓯᓂᐧᑲᑕᔨᒡ ᐊᑯᑕ ᑲ ᐃᑐᑕᐊᒡ ᒋᓴᓴ᙮ ᐅ ᑯᓪᑯᑕ ᑲ ᐃᓇᓄᐅᒡ, ᐊᓐᑕ ᐊ ᑎᒂᒡ ᒋᐱᔅᑎᒂᓐ ᐃᓯ ᐃᔅᒋᔄᒥᑭᓐ᙮ 23ᒋ ᐎ ᒥᓇᐊᐅᒡ ᒪᒃ ᓱᒥᓇᐳᔪᐤ ᑐᒥᓂᑭᓂᔪᐤ ᑲᐎᒋᒪᑯᓯᔨᒡ ᐊᒋ ᒪᒧᐱᑕᑭᓄᐎᒡ ᐊᓐᑕ᙮ ᒥᒄ ᒪᒃ ᓇᒪ ᐅᒋ ᐎ ᒥᓄᐤ ᒋᓴᔅ ᐅᔭ᙮ 24ᐃᔅᐱ ᒪᒃ ᑲᒋ ᒋᔅᑕᔎᑕᒡ ᒋᐱᔭᑎᑯᒡ᙮ ᒋ ᒪᑎᓂᒪᑐᐛᐅᒡ ᐅᑦ ᐊᐱᒋᑕᐅᓂᔪᐛ, ᒋ ᒪᐃᑭᓇᑎᑯᒐᐅᒡ ᒐᒂᔪᐤ ᐊᐛᓐ ᒐ ᐅᑎᓂᒧᒂ᙮
25ᐸᐃᑯᔅᑕᐤ ᒋ ᐃᔅᐱᔪᐤ ᐊ ᒐᒋᓴᐸᔭᔨᒡ ᑲ ᒋᔅᑕᔎᑕᒡ ᒋᓴᓴ ᒋᐱᔭᑎᑯᒡ᙮ 26ᒋ ᒥᓯᓇᑕᔪᐤ ᒪᒃ ᐊᓐᑕ ᐃᔅᐱᒥᓯᔅ ᐅᒋᐱᔭᑎᑯᒥᒡ ᑕᓐ ᑲ ᐃᓯ ᐊᑕᒪᔨᒪᒡ᙮ ᐊ ᐃᑎᔅᑕᔨᒡ, “ᒍᐤ ᐃᔪᒡ ᐅᒋᓴᐅᒋᒪᒧᐛᐛ᙮” 27ᑭᔭ ᓂᓱ ᑲᓂᑕᐅᒋᒧᑎᔨᒋ ᒋ ᒋᔅᑕᔎᑕᐅᒡ, ᐸᐃᒄ ᐊᓐᑕ ᒋᓴᓴ ᐅᒥᔪᓂᔨᒡ ᐃᑕᒐ ᒋ ᐊᑯᒋᓄᐤ, ᐊᑯ ᑯᑎᒃ ᐅᓂᔅᐸᒋᐅᓂᔨᒡ ᐃᑕᒐ᙮ 28ᒋ ᑎᐱᐱᔪᐤ ᒪᒃ ᐊᓐ ᒋᒋᒥᓯᓇᐃᒐᐅᓐ,
ᒋ ᐊᔅᑎᓇᑭᓄᐤ ᐊᓐᑕ ᐊᐛᔪᐛ ᑲ ᐱᑯᓂᒥᔨᒋ ᐎᓱᐛᐅᓇ᙮
29ᐊᓂᔭ ᒪᒃ ᐊᐛᔪᐛ ᑲ ᐸᒋ ᐱᒧᑕᔨᒋ ᐊᓐᑕ ᐊ ᑕᑦ ᒋ ᒪᔭᔨᒥᑯᐤ᙮ ᒋ ᐛᐛᐱᔎᔪᐛ, ᐊ ᐃᔅᒋᔄᔨᒋ, “ᑕᑈ ᑭᑈ᙮ ᒋᔾ ᑲ ᐃᔅᒋᔄᔨᓐ ᒐᒋ ᓂᓱᐅᓇᒋᑕᔨᓐ ᒋᓴᐊᔭᒥᐊᐅᒋᐛᑉ ᑭᔭ ᒋ ᓂᔅᑐ ᒋᓯᑲᒐ ᐃᔅᐱᔅ ᑲᐤ ᒐ ᐎᑲᐳᐅᑕᔨᓐ, 30ᐱᒪᒋᐃᓱᐤ ᒪᒃ, ᐸᒋ ᓂᑎᒋᐛ ᒋᐱᔭᑎᑯᒡ ᐅᒡ᙮” 31ᐊᑯ ᑭᔭ ᐎᔨᐛᐤ ᐊᓐᒡ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᒋ ᒪᔭᔨᒪᐅᒡ ᐊ ᐃᔨᒥᐃᑐᒡ ᐊ ᐃᔅᒋᔄᒡ, “ᒋ ᐱᒪᒋᐊᐤ ᐊᐛᔪᐛ, ᐎᔾ ᐛᐛᒡ ᓇᒪ ᒋ ᐱᒪᒋᐃᑎᓱᐤ᙮ 32ᐅ ᙭, ᐃᔅᕋᐃᓪ ᐃᔪᒡ ᐅᒋᓴᐅᒋᒪᒧᐛᐛ, ᒋᐸ ᓂᑎᒋᐛᐤ ᒋᐱᔭᑎᒂ ᐅᒋ ᒐᒋ ᐛᐱᑎᒪᐧᒄ, ᑭᔭ ᑕᑈᑎᒪᐧᒄ᙮” ᐊᓐᒡ ᒪᒃ ᑯᑎᑭᒡ ᑲ ᒋᔅᑕᔎᑕᑭᓄᐎᒡ ᒋ ᒪᔭᔨᒪᐅᒡ ᑭᔭ ᐎᔨᐛᐤ ᒋᓴᓴ᙮
ᒋᓴᔅ ᑲ ᓂᐱᑦ
ᒪᑎᔪᐤ 27.45-56; ᓗᒃ 23.44-49; ᒠᓐ 19.28-30
33ᐃᔅᐱ ᒪᒃ ᐊ ᐊᐱᑕᒋᓯᑲᒡ ᐊᑯᑕ ᓇᔅᒡ ᑲ ᑭᔅᒋᑎᐱᔅᑲᒡ ᒥᓯᐛ ᐊ ᐃᔅᐱᓴᒡ ᐊᔅᒋᔾ ᐃᔅᐱᔅ ᓂᔅᑐ ᑎᐸᐃᑭᓐ ᐊᔅᐱᔨᑦ᙮ 34ᓂᔅᑐ ᒪᒃ ᐊ ᐃᔅᐱᔨᒡ ᒋᓴᔅ ᒋ ᐅᒋ ᑕᑈᐤ ᐊ ᐃᔅᒋᔄᑦ,
“ᐃᐧᓚᐃ, ᐃᐧᓚᐃ, ᓚᒪ ᓴᐸᒃᑕᓂ ?” ᒪᐅ ᐊ ᐃᓯ ᐱᔭᑭᔅᒋᑕᑯᓯᓇᓄᐅᒡ ᐅ, “ᓂᒋᓴᒪᓂᑐᒻ, ᓂᒋᓴᒪᓂᑐᒻ, ᑕᓇᒡ ᐛᒋ ᐛᐱᓂᔨᓐ ?”
35ᐱᔅᒐ ᒪᒃ ᐊᓐᒡ ᐊᓐᑕ ᒥᒋᒪ ᑲ ᓇᓂᐳᐅᒡ ᐃᔅᐱ ᐱᔭᑐᐛᒡ ᐅᔭ ᐊ ᐃᔅᒋᔄᔨᒋ ᒋ ᐃᔅᒋᔄᐅᒡ, “ᓂᑐᑐᐛᐧᒄ ᒪ, ᐃᓚᐃᒐᔨᒋ ᐊᓂᔭ ᑕᑈᑕᐤ᙮” 36ᐊᑯ ᐸᐃᒄ ᐊᓐ ᒋ ᐃᔅᐸᑕᐤ ᒐᒋ ᐊᑯᑕᑦ ᐅᐱᓂᓯᔪᐤ ᓯᐎᐧᑲᐳᒡ, ᐊᑯ ᒥᔅᑎᑯᒡ ᒂ ᐊᒂᐱᐧᑲᑕᐧᒃ, ᐊᑯ ᒪᔭᑦ ᒐᒋ ᒥᓂᔨᒋ᙮ ᒋ ᐃᑕᐤ ᒪᒃ, “ᐊᓱᐛᐸᑕᑕᐤ, ᓂᓇᑭᑐᐛᔨᒪᑕᐤ ᐊᓐ ᑕᑈ ᒐ ᐸᒋ ᓂᑎᓂᑯᒂ ᐃᓚᐃᒐᔨᒋ᙮”
37ᒋᓴᔅ ᒪᒃ ᒋ ᑕᑈᐤ ᐊ ᒋᔄᐛᑦ, ᐊᑯ ᓇᐱᑦ᙮
38ᐊᑯ ᐊᓐ ᐊᑯᐛᑲᐃᑭᓐ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑲ ᑎᒂᒡ ᓇᔅᒡ ᑕᑕᐅᒡ ᒋ ᑕᔅᒋᐱᔪᐤ᙮ 39ᐊᓐ ᒪᒃ ᐊᓯᒪᑭᓂᓯᐤ ᐅᒋᒪᐤ ᑲ ᐅᑎᔅᑯᑲᐳᔅᑐᐛᑦ ᒋᓴᓴ ᐃᔅᐱ ᐎᔭᐱᒪᑦ ᓴᔅ ᓇᐱᔨᒋ, ᒋ ᐃᔅᒋᔄᐤ, “ᐊᔪᐅᒄ ᐅᔭ ᑕᑈ ᒋᓴᒪᓂᑐᐤ ᐅᑯᓴ᙮”
40ᒋ ᑕᐅᒡ ᑭᔭ ᐃᔎᐅᒡ ᓇᑕ ᐛᔪᐎᔅ ᐊ ᐅᒋ ᑭᓄᐛᐱᒡ᙮ ᐊᐅᑯᓐᒡ ᐅᒡ ᒪᕆ ᒪᒃᑕᓕᓐ, ᑭᔭ ᒪᕆ, ᒋᒥᔅ ᑲ ᐊᐛᓯᐅᑦ ᑭᔭ ᒍᓯᔅ ᐅᑲᐎᐛᐛ, ᑭᔭ ᓴᓗᒥ᙮ 41ᐊᐅᑯᓐᒡ ᐅᒡ ᐃᔎᐅᒡ ᑲ ᓇᓴᐛᒡ ᒋᓴᓴ ᒪᒂᒡ ᐊᔅᒄ ᑲᓕᓕᒡ ᐊᒋ ᑕᔨᒋ ᑭᔭ ᑲ ᐛᐎᒋᐊᒡ᙮ ᒥᒐᑦ ᑭᔭ ᑯᑎᑭᒡ ᐃᔎᐅᒡ ᒋ ᑕᐅᒡ ᐊᓐᑕ ᐊᓐᒡ ᑲ ᐎᒐᐛᒡ ᒋᓴᓴ ᒋᕈᓯᓕᒥᒡ ᑲ ᐃᑐᑕᔨᒋ᙮
ᒋᓴᔅ ᐎᔪᐤ ᑲ ᓇᐃᐧᑲᑭᓄᐎᒡ
42ᓴᔅ ᒋ ᐅᑕᑯᓯᔪᐤ ᑲ ᑎᑯᓯᐧᒃ ᓇᐸᐤ ᒍᓯᑉ ᐊ ᐃᓯᓂᐧᑲᓱᑦ᙮ ᐊᕆᒪᑎᔭ ᒋ ᐃᓯᓂᐧᑲᑕᔪᐤ ᐊᓐᑕ ᑲ ᐅᒋᑦ᙮ ᓇᔅᒡ ᒋ ᒋᔅᑕᔨᒥᑯᐤ ᐎᒋ ᐅᒋᒪᐛ ᑲ ᒪᒧᐱᔨᒋ᙮ ᑭᔭ ᐎᔾ ᒋ ᓇᓂᑐᐛᐸᑎᒺᐤ ᒋᓴᒪᓂᑐᐛ ᐅᒋᒪᐅᓂᔪᐤ᙮ 43ᐊᓂᔭ ᒪᒃ ᐊ ᒋᓯᑲᔨᒡ ᐊᑯᑕ ᑲᒋ ᐊᔭᔅᑯᐎᔅᑕᑭᓄᐅᒡ ᐎᒪᔅᑲᒐᐅ-ᒥᑯᓴᐅᓐ ᐊᑯ ᐊᓐ ᒥᓐ ᐊ ᒋᓯᑲᒡ ᐊᐅᒄ ᐊᓂᔭ ᐅᑦ ᐊᔭᒥᐊᐅᒋᓯᑲᒧᐛᐤ ᒍᐤ ᐃᔪᒡ᙮ ᐊᑯ ᒍᓯᑉ, ᐊᕆᒪᑎᔭᒡ ᑲ ᐅᒋᑦ, ᐊᓐ ᓇᐸᐤ ᑲ ᐊᓯᓄᐛᑕᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ, ᒂ ᐊᑎ ᓂᑐᐛᐱᒪᑦ ᑈᓚᑕ ᐊᑲ ᓇᔅᒡ ᑯᔅᑕᒋᑦ, ᒂ ᑯᒂᒋᒪᑦ ᒐᒋ ᒥᔭᑭᓄᐅᑦ ᒋᓴᓴ ᐎᔭᔪᐤ᙮ 44ᑈᓚᑦ ᒪᒃ ᒋ ᒥᔅᑲᑕᔨᑎᒡ ᐊ ᐸᑕᐧᒃ ᓴᔅ ᐊᒋ ᓂᐱᔨᒋ ᒋᓴᓴ᙮ ᒋ ᐎᓴᒪᐤ ᐊᓂᔭ ᐊᓯᒪᑭᓂᓯᐤ ᐅᒋᒪᐛ ᐊᑯ ᒂ ᑯᒂᒋᒪᑦ ᓴᔅ ᑲ ᓂᐱᒂᓂ ᒋᓴᓴ᙮ 45ᐃᔅᐱ ᒪᒃ ᐛᑎᒪᑯᑦ ᐊᓂᔭ ᐊᓯᒪᑭᓂᓯᐤ ᐅᒋᒪᐛ ᓴᔅ ᐊᒋ ᓂᐱᔨᒋ ᒋᓴᓴ, ᐊᑯ ᑈᓚᑦ ᒂ ᓂᔅᑯᒪᑦ ᒍᓯᐸ ᒐᒋ ᐅᑎᓂᒥᔨᒋ ᒋᓴᓴ ᐎᔭᔪᐤ᙮ 46ᐊᑯ ᒍᓯᑉ ᒂ ᐃᔭᑦ ᐊ ᒥᔪᐛᑭᓯᔨᒡ ᐱᒍᐎᔭᓂᓯᔪᐤ ᐊ ᐛᐸᑭᓂᔨᒡ, ᐊᑯ ᒂ ᓂᑎᓂᒺᑦ ᒋᓴᓴ ᐎᔭᔪᐤ᙮ ᐊᑯᑕ ᐊᓐᑕ ᐱᒍᐎᔭᓂᒡ ᒂ ᑎᑎᐱᔭᑎᓂᒺᑦ ᐊᓂᔭ ᐎᔭᔪᐤ, ᐊᑯ ᒋᐱᐃᒋᐛᐱᒡ ᒂ ᓇᐅᔅᑕᑦ᙮ ᐊᑯ ᒂ ᑎᑎᐱᓇᑦ ᐊᓯᓂᔭ ᐊᓐᑕ ᐊ ᐱᑯᓇᔭᔨᒡ ᐊᓂᔭ ᒋᐱᐃᒋᐛᐱᔪᐤ, ᐊᑯᑕ ᑲ ᒋᐱᓯᒪᑦ᙮ 47ᒪᕆ ᒪᒃᑕᓕᓐ ᑭᔭ ᒪᕆ, ᒍᓯᔅ ᐅᑲᐎᔭ ᐊᑯᑕ ᑲ ᑕᒡ, ᒋ ᐛᐸᑎᒺᐅᒡ ᑕᓐᑕ ᑲ ᐱᒥᓯᒪᑭᓄᔨᒋ ᒋᓴᓴ᙮
Nu markerat:
ᒪᕐᒃ 15: ᓇᔅᑲᐱ
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
ᒪᕐᒃ 15
15
ᒋᓴᔅ ᑲ ᐅᑎᔅᑯᑲᐳᔅᑐᐛᑦ ᑈᓚᑕ
ᒪᑎᔪᐤ 27.1,2,11-14; ᓗᒃ 23.1-5; ᒠᓐ 18.28-38
1ᑎᐛᒡ ᒪᒃ ᒋᔭᒋᓴᐸᔭᔨᒡ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᒋ ᓂᔅᑐᐅᓇᐅᒡ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐃᔪᐛ ᑭᔭ ᐊᓂᔭᔪᐛ ᐎᓱᐛᐅᓂᔪᐤ ᑲ ᒋᔅᑯᑎᒪᒐᔨᒋ ᑭᔭ ᒥᓯᐛ ᐊᓂᔭ ᑲ ᒪᒧᐱᔅᑎᒥᔨᒋ ᐊ ᐎᔭᔨᑕᑭᓄᐎᒡ ᒐᒂᔪᐤ, ᐊᑯ ᒂ ᐎᔭᔨᑕᒡ ᑕᓐ ᒐ ᐃᑎᒡ᙮ ᒋ ᒪᑯᐱᑕᐅᒡ ᒋᓴᓴ ᑭᔭ ᒋ ᔅᑐᑕᐅᒡ᙮ ᑈᓚᑕ ᒪᒃ ᒋ ᐱᔅᑎᓂᒧᐛᐅᒡ᙮
2ᐊᑯ ᑈᓚᑦ ᒂ ᑯᒂᒋᒪᑦ ᒋᓴᓴ, “ᒋᔾ ᐊ ᒍᐤ ᐃᔪᒡ ᐅᒋᓴᐅᒋᒪᒧᐛᐛ ?” ᒋᓴᔅ ᒋ ᐃᑕᐤ, “ᐊᐅᑯᓐ ᐊᔅᒋᔄᔨᓐ᙮”
3ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᒪᒃ ᒥᒐᑦ ᒐᒂᔪᐤ ᒋ ᐊᑕᒪᔨᒪᐅᒡ ᒋᓴᓴ᙮ 4ᐊᑯ ᑈᓚᑦ ᒥᓐ ᒂ ᑯᒂᒋᒪᑦ ᒋᓴᓴ ᐊ ᐃᑕᑦ, “ᓇᒪ ᓇ ᐎᔭᔅ ᒋᑭ ᐃᑕᐅᒡ ? ᓂᑐᑐᐅᒡ ᒪ ᐊ ᐃᓯ ᓂᓇᐧᑯᐤ ᒐᒂᔪᐤ ᐊᑕᒪᔨᒥᔅᒡ᙮” 5ᒥᒄ ᒋᓴᔅ ᐃᔭᐱᒡ ᓇᒪ ᐅᒋ ᐃᔅᒋᔄᐤ ᒐᒂᔪᐤ᙮ ᒋ ᒥᔅᑲᑕᔨᑎᒻ ᒪᒃ ᑈᓚᑦ᙮
ᒋᓴᔅ ᒐ ᓂᐸᐊᑭᓄᐅᑦ
ᒪᑎᔪᐤ 27.15-26; ᓗᒃ 23.13-25; ᒠᓐ 18.39-19.16
6ᐊᐅᑯᓐ ᑲ ᐃᑎᓇᓄᐅᒡ ᒪᓐ ᑕᑥᐤ ᐛᑎᒋᐱᔨᒋ ᒐ ᒥᒋᓇᓄᐅᒡ ᐎᒪᔅᑲᒐᐅ-ᒥᑯᓴᐅᓐ, ᑈᓚᑦ ᒋ ᐱᔅᑎᓇᐤ ᐸᐃᒄ ᑲ ᒪᑯᓇᑭᓄᓯᔨᒋ ᒥᒄ ᑕᓐ ᐊᓂᔭᔪᐛ ᓇᑐᐛᔨᒪᔨᒋ ᐃᔪᐛ ᒐᒋ ᐱᔅᑎᓂᒧᐛᑭᓄᔨᒋ᙮ 7ᒋ ᑕᐤ ᒪᒃ ᓇᐸᐤ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐸᕋᐸᔅ ᐊ ᐃᓯᓂᐧᑲᓱᑦ᙮ ᐊᓯᒡ ᐊᓂᔭ ᑲ ᐎᒋᐃᑯᑦ ᐊ ᒥᒋᐱᔨᐧᑲᑐᐛᑦ ᒋᓴᐅᒋᒪᐛ, ᐊᒋ ᓂᐸᐊᑦ ᐊᐛᔪᐛ ᒪᒂᒡ ᐅᔭ ᑲ ᐃᑎᒡ᙮ 8ᐊᑯ ᐊᓐᒡ ᑲ ᒥᒐᑎᒡ ᐃᔪᒡ ᒋ ᓇᑕᐅᒡ ᑈᓚᑕ ᐊᑯ ᐊᑕᒡ ᒐᒋ ᐃᑐᑎᒪᑯᒡ ᐊᓂᔭ ᑲᒋ ᐃᑐᑎᒪᑯᒡ ᐊᓯᑯᒻ ᐱᐳᓇ ᐎᒪᔅᑲᒐᐤ ᒪᑯᓴᓄᔨᒋ᙮
9ᐊᑯ ᑈᓚᑦ ᐊᑕᑦ, “ᒋ ᓂᑐᐛᔨᒥᓇᐛᐤ ᐊ ᒐᒋ ᐱᔅᑎᓂᒪᑎᑯᒡ ᒍᐤ ᐃᔪᒡ ᐅᒋᓴᐅᒋᒪᒧᐛᐛ ?” 10ᐛᔅ ᒋ ᒋᔅᒐᔨᒪᐤ ᐊᓂᔭᔪᐛ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᐊᒋ ᐅᑕᔨᒪᔨᒋ ᒋᓴᓴ ᐛᒋ ᒋ ᐱᔅᑎᓂᒪᑯᑦ᙮
11ᒥᒄ ᐊᓐᒡ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᒋ ᓯᒋᒪᐅᒡ ᐃᔪᐛ ᒐᒋ ᐃᑕᔨᒋ ᑈᓚᑕ ᒐᒋ ᐱᔅᑎᓂᒪᑯᒡ ᐸᕋᐸᓴ᙮ 12ᐊᑯ ᑈᓚᑦ ᒥᓐ ᒂ ᑯᒂᒋᒪᑦ ᐃᔪᐛ, “ᒐᒂᓐ ᒪᒃ ᓇᑐᐛᔨᒥᔭᒄ ᒐᒋ ᐃᑐᑐᐅᒃ ᐊᓐ ᒍᐤ ᐃᔪᒡ ᐅᒋᓴᐅᒋᒪᒧᐛᐛ ᑲ ᐃᓯᓂᐧᑲᑕᒄ ?” 13ᒥᓐ ᒪᒃ ᒋ ᑕᑈᐅᒡ, “ᒋᔅᑕᔎᐤ ᒋᐱᔭᑎᑯᒡ᙮”
14ᐊᑯ ᑈᓚᑦ ᐊᑕᑦ, “ᒐᒂᔪᐤ ᒪᒃ, ᑕᓐ ᑲ ᐃᓯ ᒥᒋᑐᑕᐧᒃ ?” ᐊᑎᑐᐤ ᒪᒃ ᒋ ᒋᐧᑲᐛᐅᒡ ᐊ ᑕᑈᒡ ᐃᔪᒡ, “ᒋᔅᑕᔎᑕᐧᒄ ᒋᐱᔭᑎᑯᒡ᙮”
15ᐊᑯ ᒪᒃ ᑈᓚᑦ ᐊ ᐎ ᒥᔽᔨᑎᒪᐊᑦ ᐃᔪᐛ, ᐸᕋᐸᓴ ᒋ ᐱᔅᑎᓂᒧᐛᐤ᙮ ᐃᔅᐱ ᒪᒃ ᑲᒋ ᐃᑎᓱᐛᑦ ᒐᒋ ᐱᓯᔅᑕᐛᑭᓄᔨᒋ ᒋᓴᓴ᙮ ᐊᑯ ᒂ ᐱᔅᑎᓂᒧᐛᑦ ᓂᑐᐱᔪᐅ-ᐃᔪᐛ ᒐᒋ ᒋᔅᑕᔎᐛᔨᒋ ᒋᐱᔭᑎᑯᒡ᙮
ᐊᓯᒪᑭᓂᓯᒡ ᑲ ᒪᔭᔨᒪᒡ ᒋᓴᓴ
ᒪᑎᔪᐤ 27.27-31; ᒠᓐ 19.2,3
16ᐊᓯᒪᑭᓂᓯᒡ ᒪᒃ ᒋ ᐃᑐᑕᐅᒡ ᒋᓴᓴ ᐊᓐᑕ ᒋᓴᐅᒋᒪᐅᒋᐛᐱᒡ᙮ ᐊᑯ ᐛᓴᒪᒡ ᒥᓯᐛ ᑯᑎᑲ ᐊᓯᒪᑭᓂᓴ᙮ 17ᐊᑯ ᒂ ᐳᔅᑎᔅᑭᒧᑎᔭᒡ ᒥᒂᒋᓂᔪᐤ ᑭᔭ ᒋ ᐅᓯᑕᐅᒡ ᒋᓴᐅᒋᒪᐅᑯᓂᔎᐅᓂᔪᐤ ᒥᓯᑲᐎᒥᓇᑯᓯᔭ ᐅᒡ᙮ ᐊᐅᒄ ᐅᔭ ᑲ ᐳᔅᑎᑯᓂᔎᐅᓇᐊᒡ᙮ 18ᒋ ᒥᒋ ᐊᑎᒥᔅᑯᐛᐅᒡ ᒪᒃ, “ᐊᐅᒄ ᒋᔾ ᒍᐤ ᐃᔪᒡ ᐅᒋᓴᐅᒋᒪᒧᐛᐛ !” 19ᒥᔅᑎᑯᔪᐤ ᒋ ᐅᑎᑕᒥᔅᑎᒂᓇᐛᐅᒡ, ᒋ ᓯᔅᑎᒂᑕᐅᒡ ᑭᔭ ᒋ ᐅᒋᒋᐧᑯᓂᐱᔅᑐᐛᐅᒡ ᒧᔭᒻ ᐊ ᒋᔅᑕᔨᒪᒡ ᒋ ᐃᑐᑐᐛᐅᒡ᙮ 20ᐃᔅᐱ ᒪᒃ ᑲᒋ ᐃᓯ ᒪᔭᔨᒪᒡ ᒂ ᒥᓂᒺᒡ ᒥᒂᒋᓂᔪᐤ, ᑎᐱᔨᐛ ᒪᒃ ᐅᑦ ᐊᐱᒋᑕᐅᓂᔪᐛ ᑈᔅᑭᒧᑎᔭᒡ᙮ ᐊᑯ ᒪᒃ ᒐ ᑐᑕᐊᒡ ᒐᒋ ᒋᔅᑕᔎᑕᒡ᙮
ᒋᓴᔅ ᑲ ᒋᔅᑕᔎᑕᑭᓄᐅᑦ ᒋᐱᔭᑎᑯᒡ
ᒪᑎᔪᐤ 27.32-44; ᓗᒃ 23.26-43; ᒠᓐ 19.17-27
21ᒋ ᐸᒋ ᐱᒧᑕᐤ ᒪᒃ ᓴᐃᒥᓐ ᓴᐃᕆᓐ ᐊᔅᒋᒡ ᐊ ᐅᒋᑦ, ᐎᐎᑎᒥᒡ ᐊᓐᑕ ᐊᓂᔭ ᐅᑕᓇᔪᐤ ᐊ ᐅᑐᑕᑦ᙮ ᐊᓕᒃᓴᓐᑕᕐ ᑭᔭ ᕈᐸᔅ ᐅᑕᐎᐛᐛ᙮ ᐊᓯᒪᑭᓂᓯᒡ ᒪᒃ ᒋ ᓯᒋᒪᐅᒡ ᐅᔭ ᓇᐸᐛ ᒐᒋ ᐱᒧᑕᐊᔨᒋ ᒋᓴᓴ ᐅᒋᐱᔭᑎᑯᒥᔪᐛ᙮ 22ᑯᓪᑯᑕ ᑲ ᐃᓯᓂᐧᑲᑕᔨᒡ ᐊᑯᑕ ᑲ ᐃᑐᑕᐊᒡ ᒋᓴᓴ᙮ ᐅ ᑯᓪᑯᑕ ᑲ ᐃᓇᓄᐅᒡ, ᐊᓐᑕ ᐊ ᑎᒂᒡ ᒋᐱᔅᑎᒂᓐ ᐃᓯ ᐃᔅᒋᔄᒥᑭᓐ᙮ 23ᒋ ᐎ ᒥᓇᐊᐅᒡ ᒪᒃ ᓱᒥᓇᐳᔪᐤ ᑐᒥᓂᑭᓂᔪᐤ ᑲᐎᒋᒪᑯᓯᔨᒡ ᐊᒋ ᒪᒧᐱᑕᑭᓄᐎᒡ ᐊᓐᑕ᙮ ᒥᒄ ᒪᒃ ᓇᒪ ᐅᒋ ᐎ ᒥᓄᐤ ᒋᓴᔅ ᐅᔭ᙮ 24ᐃᔅᐱ ᒪᒃ ᑲᒋ ᒋᔅᑕᔎᑕᒡ ᒋᐱᔭᑎᑯᒡ᙮ ᒋ ᒪᑎᓂᒪᑐᐛᐅᒡ ᐅᑦ ᐊᐱᒋᑕᐅᓂᔪᐛ, ᒋ ᒪᐃᑭᓇᑎᑯᒐᐅᒡ ᒐᒂᔪᐤ ᐊᐛᓐ ᒐ ᐅᑎᓂᒧᒂ᙮
25ᐸᐃᑯᔅᑕᐤ ᒋ ᐃᔅᐱᔪᐤ ᐊ ᒐᒋᓴᐸᔭᔨᒡ ᑲ ᒋᔅᑕᔎᑕᒡ ᒋᓴᓴ ᒋᐱᔭᑎᑯᒡ᙮ 26ᒋ ᒥᓯᓇᑕᔪᐤ ᒪᒃ ᐊᓐᑕ ᐃᔅᐱᒥᓯᔅ ᐅᒋᐱᔭᑎᑯᒥᒡ ᑕᓐ ᑲ ᐃᓯ ᐊᑕᒪᔨᒪᒡ᙮ ᐊ ᐃᑎᔅᑕᔨᒡ, “ᒍᐤ ᐃᔪᒡ ᐅᒋᓴᐅᒋᒪᒧᐛᐛ᙮” 27ᑭᔭ ᓂᓱ ᑲᓂᑕᐅᒋᒧᑎᔨᒋ ᒋ ᒋᔅᑕᔎᑕᐅᒡ, ᐸᐃᒄ ᐊᓐᑕ ᒋᓴᓴ ᐅᒥᔪᓂᔨᒡ ᐃᑕᒐ ᒋ ᐊᑯᒋᓄᐤ, ᐊᑯ ᑯᑎᒃ ᐅᓂᔅᐸᒋᐅᓂᔨᒡ ᐃᑕᒐ᙮ 28ᒋ ᑎᐱᐱᔪᐤ ᒪᒃ ᐊᓐ ᒋᒋᒥᓯᓇᐃᒐᐅᓐ,
ᒋ ᐊᔅᑎᓇᑭᓄᐤ ᐊᓐᑕ ᐊᐛᔪᐛ ᑲ ᐱᑯᓂᒥᔨᒋ ᐎᓱᐛᐅᓇ᙮
29ᐊᓂᔭ ᒪᒃ ᐊᐛᔪᐛ ᑲ ᐸᒋ ᐱᒧᑕᔨᒋ ᐊᓐᑕ ᐊ ᑕᑦ ᒋ ᒪᔭᔨᒥᑯᐤ᙮ ᒋ ᐛᐛᐱᔎᔪᐛ, ᐊ ᐃᔅᒋᔄᔨᒋ, “ᑕᑈ ᑭᑈ᙮ ᒋᔾ ᑲ ᐃᔅᒋᔄᔨᓐ ᒐᒋ ᓂᓱᐅᓇᒋᑕᔨᓐ ᒋᓴᐊᔭᒥᐊᐅᒋᐛᑉ ᑭᔭ ᒋ ᓂᔅᑐ ᒋᓯᑲᒐ ᐃᔅᐱᔅ ᑲᐤ ᒐ ᐎᑲᐳᐅᑕᔨᓐ, 30ᐱᒪᒋᐃᓱᐤ ᒪᒃ, ᐸᒋ ᓂᑎᒋᐛ ᒋᐱᔭᑎᑯᒡ ᐅᒡ᙮” 31ᐊᑯ ᑭᔭ ᐎᔨᐛᐤ ᐊᓐᒡ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᒋ ᒪᔭᔨᒪᐅᒡ ᐊ ᐃᔨᒥᐃᑐᒡ ᐊ ᐃᔅᒋᔄᒡ, “ᒋ ᐱᒪᒋᐊᐤ ᐊᐛᔪᐛ, ᐎᔾ ᐛᐛᒡ ᓇᒪ ᒋ ᐱᒪᒋᐃᑎᓱᐤ᙮ 32ᐅ ᙭, ᐃᔅᕋᐃᓪ ᐃᔪᒡ ᐅᒋᓴᐅᒋᒪᒧᐛᐛ, ᒋᐸ ᓂᑎᒋᐛᐤ ᒋᐱᔭᑎᒂ ᐅᒋ ᒐᒋ ᐛᐱᑎᒪᐧᒄ, ᑭᔭ ᑕᑈᑎᒪᐧᒄ᙮” ᐊᓐᒡ ᒪᒃ ᑯᑎᑭᒡ ᑲ ᒋᔅᑕᔎᑕᑭᓄᐎᒡ ᒋ ᒪᔭᔨᒪᐅᒡ ᑭᔭ ᐎᔨᐛᐤ ᒋᓴᓴ᙮
ᒋᓴᔅ ᑲ ᓂᐱᑦ
ᒪᑎᔪᐤ 27.45-56; ᓗᒃ 23.44-49; ᒠᓐ 19.28-30
33ᐃᔅᐱ ᒪᒃ ᐊ ᐊᐱᑕᒋᓯᑲᒡ ᐊᑯᑕ ᓇᔅᒡ ᑲ ᑭᔅᒋᑎᐱᔅᑲᒡ ᒥᓯᐛ ᐊ ᐃᔅᐱᓴᒡ ᐊᔅᒋᔾ ᐃᔅᐱᔅ ᓂᔅᑐ ᑎᐸᐃᑭᓐ ᐊᔅᐱᔨᑦ᙮ 34ᓂᔅᑐ ᒪᒃ ᐊ ᐃᔅᐱᔨᒡ ᒋᓴᔅ ᒋ ᐅᒋ ᑕᑈᐤ ᐊ ᐃᔅᒋᔄᑦ,
“ᐃᐧᓚᐃ, ᐃᐧᓚᐃ, ᓚᒪ ᓴᐸᒃᑕᓂ ?” ᒪᐅ ᐊ ᐃᓯ ᐱᔭᑭᔅᒋᑕᑯᓯᓇᓄᐅᒡ ᐅ, “ᓂᒋᓴᒪᓂᑐᒻ, ᓂᒋᓴᒪᓂᑐᒻ, ᑕᓇᒡ ᐛᒋ ᐛᐱᓂᔨᓐ ?”
35ᐱᔅᒐ ᒪᒃ ᐊᓐᒡ ᐊᓐᑕ ᒥᒋᒪ ᑲ ᓇᓂᐳᐅᒡ ᐃᔅᐱ ᐱᔭᑐᐛᒡ ᐅᔭ ᐊ ᐃᔅᒋᔄᔨᒋ ᒋ ᐃᔅᒋᔄᐅᒡ, “ᓂᑐᑐᐛᐧᒄ ᒪ, ᐃᓚᐃᒐᔨᒋ ᐊᓂᔭ ᑕᑈᑕᐤ᙮” 36ᐊᑯ ᐸᐃᒄ ᐊᓐ ᒋ ᐃᔅᐸᑕᐤ ᒐᒋ ᐊᑯᑕᑦ ᐅᐱᓂᓯᔪᐤ ᓯᐎᐧᑲᐳᒡ, ᐊᑯ ᒥᔅᑎᑯᒡ ᒂ ᐊᒂᐱᐧᑲᑕᐧᒃ, ᐊᑯ ᒪᔭᑦ ᒐᒋ ᒥᓂᔨᒋ᙮ ᒋ ᐃᑕᐤ ᒪᒃ, “ᐊᓱᐛᐸᑕᑕᐤ, ᓂᓇᑭᑐᐛᔨᒪᑕᐤ ᐊᓐ ᑕᑈ ᒐ ᐸᒋ ᓂᑎᓂᑯᒂ ᐃᓚᐃᒐᔨᒋ᙮”
37ᒋᓴᔅ ᒪᒃ ᒋ ᑕᑈᐤ ᐊ ᒋᔄᐛᑦ, ᐊᑯ ᓇᐱᑦ᙮
38ᐊᑯ ᐊᓐ ᐊᑯᐛᑲᐃᑭᓐ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑲ ᑎᒂᒡ ᓇᔅᒡ ᑕᑕᐅᒡ ᒋ ᑕᔅᒋᐱᔪᐤ᙮ 39ᐊᓐ ᒪᒃ ᐊᓯᒪᑭᓂᓯᐤ ᐅᒋᒪᐤ ᑲ ᐅᑎᔅᑯᑲᐳᔅᑐᐛᑦ ᒋᓴᓴ ᐃᔅᐱ ᐎᔭᐱᒪᑦ ᓴᔅ ᓇᐱᔨᒋ, ᒋ ᐃᔅᒋᔄᐤ, “ᐊᔪᐅᒄ ᐅᔭ ᑕᑈ ᒋᓴᒪᓂᑐᐤ ᐅᑯᓴ᙮”
40ᒋ ᑕᐅᒡ ᑭᔭ ᐃᔎᐅᒡ ᓇᑕ ᐛᔪᐎᔅ ᐊ ᐅᒋ ᑭᓄᐛᐱᒡ᙮ ᐊᐅᑯᓐᒡ ᐅᒡ ᒪᕆ ᒪᒃᑕᓕᓐ, ᑭᔭ ᒪᕆ, ᒋᒥᔅ ᑲ ᐊᐛᓯᐅᑦ ᑭᔭ ᒍᓯᔅ ᐅᑲᐎᐛᐛ, ᑭᔭ ᓴᓗᒥ᙮ 41ᐊᐅᑯᓐᒡ ᐅᒡ ᐃᔎᐅᒡ ᑲ ᓇᓴᐛᒡ ᒋᓴᓴ ᒪᒂᒡ ᐊᔅᒄ ᑲᓕᓕᒡ ᐊᒋ ᑕᔨᒋ ᑭᔭ ᑲ ᐛᐎᒋᐊᒡ᙮ ᒥᒐᑦ ᑭᔭ ᑯᑎᑭᒡ ᐃᔎᐅᒡ ᒋ ᑕᐅᒡ ᐊᓐᑕ ᐊᓐᒡ ᑲ ᐎᒐᐛᒡ ᒋᓴᓴ ᒋᕈᓯᓕᒥᒡ ᑲ ᐃᑐᑕᔨᒋ᙮
ᒋᓴᔅ ᐎᔪᐤ ᑲ ᓇᐃᐧᑲᑭᓄᐎᒡ
42ᓴᔅ ᒋ ᐅᑕᑯᓯᔪᐤ ᑲ ᑎᑯᓯᐧᒃ ᓇᐸᐤ ᒍᓯᑉ ᐊ ᐃᓯᓂᐧᑲᓱᑦ᙮ ᐊᕆᒪᑎᔭ ᒋ ᐃᓯᓂᐧᑲᑕᔪᐤ ᐊᓐᑕ ᑲ ᐅᒋᑦ᙮ ᓇᔅᒡ ᒋ ᒋᔅᑕᔨᒥᑯᐤ ᐎᒋ ᐅᒋᒪᐛ ᑲ ᒪᒧᐱᔨᒋ᙮ ᑭᔭ ᐎᔾ ᒋ ᓇᓂᑐᐛᐸᑎᒺᐤ ᒋᓴᒪᓂᑐᐛ ᐅᒋᒪᐅᓂᔪᐤ᙮ 43ᐊᓂᔭ ᒪᒃ ᐊ ᒋᓯᑲᔨᒡ ᐊᑯᑕ ᑲᒋ ᐊᔭᔅᑯᐎᔅᑕᑭᓄᐅᒡ ᐎᒪᔅᑲᒐᐅ-ᒥᑯᓴᐅᓐ ᐊᑯ ᐊᓐ ᒥᓐ ᐊ ᒋᓯᑲᒡ ᐊᐅᒄ ᐊᓂᔭ ᐅᑦ ᐊᔭᒥᐊᐅᒋᓯᑲᒧᐛᐤ ᒍᐤ ᐃᔪᒡ᙮ ᐊᑯ ᒍᓯᑉ, ᐊᕆᒪᑎᔭᒡ ᑲ ᐅᒋᑦ, ᐊᓐ ᓇᐸᐤ ᑲ ᐊᓯᓄᐛᑕᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ, ᒂ ᐊᑎ ᓂᑐᐛᐱᒪᑦ ᑈᓚᑕ ᐊᑲ ᓇᔅᒡ ᑯᔅᑕᒋᑦ, ᒂ ᑯᒂᒋᒪᑦ ᒐᒋ ᒥᔭᑭᓄᐅᑦ ᒋᓴᓴ ᐎᔭᔪᐤ᙮ 44ᑈᓚᑦ ᒪᒃ ᒋ ᒥᔅᑲᑕᔨᑎᒡ ᐊ ᐸᑕᐧᒃ ᓴᔅ ᐊᒋ ᓂᐱᔨᒋ ᒋᓴᓴ᙮ ᒋ ᐎᓴᒪᐤ ᐊᓂᔭ ᐊᓯᒪᑭᓂᓯᐤ ᐅᒋᒪᐛ ᐊᑯ ᒂ ᑯᒂᒋᒪᑦ ᓴᔅ ᑲ ᓂᐱᒂᓂ ᒋᓴᓴ᙮ 45ᐃᔅᐱ ᒪᒃ ᐛᑎᒪᑯᑦ ᐊᓂᔭ ᐊᓯᒪᑭᓂᓯᐤ ᐅᒋᒪᐛ ᓴᔅ ᐊᒋ ᓂᐱᔨᒋ ᒋᓴᓴ, ᐊᑯ ᑈᓚᑦ ᒂ ᓂᔅᑯᒪᑦ ᒍᓯᐸ ᒐᒋ ᐅᑎᓂᒥᔨᒋ ᒋᓴᓴ ᐎᔭᔪᐤ᙮ 46ᐊᑯ ᒍᓯᑉ ᒂ ᐃᔭᑦ ᐊ ᒥᔪᐛᑭᓯᔨᒡ ᐱᒍᐎᔭᓂᓯᔪᐤ ᐊ ᐛᐸᑭᓂᔨᒡ, ᐊᑯ ᒂ ᓂᑎᓂᒺᑦ ᒋᓴᓴ ᐎᔭᔪᐤ᙮ ᐊᑯᑕ ᐊᓐᑕ ᐱᒍᐎᔭᓂᒡ ᒂ ᑎᑎᐱᔭᑎᓂᒺᑦ ᐊᓂᔭ ᐎᔭᔪᐤ, ᐊᑯ ᒋᐱᐃᒋᐛᐱᒡ ᒂ ᓇᐅᔅᑕᑦ᙮ ᐊᑯ ᒂ ᑎᑎᐱᓇᑦ ᐊᓯᓂᔭ ᐊᓐᑕ ᐊ ᐱᑯᓇᔭᔨᒡ ᐊᓂᔭ ᒋᐱᐃᒋᐛᐱᔪᐤ, ᐊᑯᑕ ᑲ ᒋᐱᓯᒪᑦ᙮ 47ᒪᕆ ᒪᒃᑕᓕᓐ ᑭᔭ ᒪᕆ, ᒍᓯᔅ ᐅᑲᐎᔭ ᐊᑯᑕ ᑲ ᑕᒡ, ᒋ ᐛᐸᑎᒺᐅᒡ ᑕᓐᑕ ᑲ ᐱᒥᓯᒪᑭᓄᔨᒋ ᒋᓴᓴ᙮
Nu markerat:
:
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada