John 14
14
Chapter 14.
1GUM lth gudung-ung lthkwīdadang-ū; Shanung-itlagadas dalung yetdang, di ishin lth yetdū.
2Di Aung gia nai ā tlījan islthing-e kwongung; gum wai ging-an edang-asdlu, dalung ga lth shudalthing-āgun; dalung un tliga ēlthgīdie un lth kaidungkasas altha.
3Waigien lth kaids gien, tliga dalung un lth ēlthgīdasdlu, housen lth katlāashang, waigien āgang dalung lth isdāashang, tlījan lth isis gu dalung ishin itsgai una.
4Waigien gyā ā lth kaids keu-e un dalung ūnshidung, hin Jesus shouon.
5Shalana, gyā ā dung is gum un itil ūnshidang-gung; gushinū keu-e un itil ūnshit-tljoulthing-agung? hin Thomas il shudaian.
6Keu-e isgien, yenki gin et ishin, hēnung-gai ishin di ijung. Di ādan, gum nung Aung-as un nung katlagung-ung-gung.
7Di un dalung ūnshidasdlu, di Aung un ishin dalung ūnshit-lthing-āgung; adshi sta la un dalung ūnshidulths gien la dalung keng-gung, hin Jesus il shudaian.
8Shalana, nung Aung-as lth itil kendi, waigien alth itil gudung-ai lāashang, hin Philip il shudaian.
9Jesus hin il shudaian, Tlāa dalung kwulth lth ijun kianan gu gum di un dung ūnshidang-ūsh, Philip? di nung kens ū nung Aung-as keng-gung; Nung Aung-as lth itil kendi, gushintlou hin dung shugung?
10Nung Aung-as ā lth is gien, nung Aung-as ishin di ā is gu, gum dung yetdang-ūsh? gūshou dalung ga lth shudas ū gum ltha kodan shudang-gung; nung Aung-as di ā is ū gyang lthong-gwilie isdagung-gung.
11Nung Aung-as ā lth is gien, nung Aung-as di ā is ishin lth yetdi; gum ging-an dung edansdlu, lthong-gwilie agunan lth di yetdi.
12Yentien, yenhien dalung ga lth shugung, Di nung yetdasdlu, lthong-gwila lth isdas la ishin isdāashang; waigien ashgai telg lthong-gwila euonda il isdāashang; nung Aung-as ā lth kaidungkasas altha.
13Waigien di kyē agunan gin da dalung kiānunsdlu, ging-an lth wau-ashang, nung Aung-as un il Git alth yāgūdung-gai una.
14Waigien di kyē agunan gin da hun di alth dalung kiānunsdlu, ging-an lth wau-ashang.
15Di dalung kwōyādasdlu, king-gogung-ai duman dīna dalung keng-ashang.
16Waigien nung Aung-as ā lth gūshū-ashang, waigien tl gudung-ai wau shashgadālē āda dalung ga il isdāashang, dalung kwulth il is-swonung-ai una,
17Hants yenki ets-a; althunis gum hēttligai isdalthing-ang-gung, gum la tl kenguns gien, gum la un tl ūnshidans altha; dalung ū la un ūnshidung, dalung kwulth il isis gien, ishin dalung ā il isises altha.
18Gudung-ai wau shāatishga ādan gum dalung lth dabastlang-ashang; dalung un lth katlāashang.
19Gum jīng-ang-gundān hēt-tligai tlan di keng-ashang; dalūng tlou di keng-gung; di hēnung-as alth ū dalung ishin hēnung-āashang.
20Aung-ung ā lth is gien, dalung ishin di ā is gien, ltha ishin dalung ā is althji shantlanai gut un dalung ūnshidulthshang.
21Giagun king-gogung-ai nung dāas gien, duman il kensdlu, la ū di kwōyādagung-gung; di nung kwōyādasdlu, la ishin di Aung kwōyādāashang, waigien ltha ishin il kwōyādāashang, waigien agung la lth kendāashang, hin Jesus il shudaian.
22Shalana, gushintlou agung itil dung kendas gien, hēt-tligai tl gum agung dung kendang-ashang? hin Judas il shudaian. (Althunis gum Judas Iscariot isang-an.)
23Waigien hin Jesus hanglthang il shudaian, Nung haada di kwōyādasdlu, di kil duman il keng-ashang; waigien di Aung il kwōyādā-ashang, waigien la un talung istlas gien, la kwulth talung isisang.
24Gum di nung kwōyādansdlu, gum di kil duman il keng-gung-ung-gung; waigien gushou dalung guduns gum giagun isang-gung; nung Aung-as di kilkaidun gia ū ijung, hin il shouon.
25 Hin ishin tla il shudaian, Hawun dalung kwulth lth is talth ashgai dalung ga lth shudagun.
26Waigien tl gudung-ai wau gin-shosh-gītlē, Hants Las isis, di kyē ā nung Aung-as kilkaidses, la ū gin wautliwon dalung shkotadas gien, gin dalung ga lth shudagun wautliwon ishin ai dalung il ging-kēidshang.
27Gudung-ai dlai-a dalung kwulth lth inang; dalung ga gudung-ai dlai-e ung-a lth isdang; hēt-tligai tla ga gin isdagung-us ging-an gin et ū gum dalung ga lth isdang-gung. Gum lth gudung-ung lthkwīdadang-ū, ishin gum lth lthwaugang-ū.
28Lth kaidungkashang waigien housen dalung un lth katlāashang, hin dalung lth shudagun dalung gudung-gun. Di dalung kwōyādai-asdlu, dalung gudung-ai lālthingāgun, nung Aung-as ā lth isangkasas altha; nung Aung-as di telg ets altha.
29Waigien wēt, itsgai kōnast, dalung ga lth shudagun, tlistleuon isisdlu, dalung yetdie una.
30Gum housen kwūnan dalung ā lth gushu-ung-ashang, hēt-tligai un nung ītlagadasi katla-ungkasas altha, waigien gum di ā gin il da-ang-gung;
31Nung Aung-as lth kwōyādas un tlou hēt-tligai ūnshidai una, waigien nung Aung-as di king-gogung-gun ging-an ū lth ēdung. Tljūgiā-ūltha, adshi sta talung istīidsun, hin Jesus shouon.
Nu markerat:
John 14: HAIDA
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
First published by the British and Foreign Bible Society 1891-1899.
