Baɗitari 10
10
Kəkayeri Ar Maɗashilər Nuhu
(1 Lab Wac 1:5-23)
1Nggədza thləma kəkayeri ar maɗa' Nuhu, na an Shem, ka Ham, ka Yafeth, natə aghəla yimər avava ni da ka kəra ɗa tsuwa ku wutə maɗashili.
Kəkayeri Ar Yafeth
2Kəkayeri ar Yafeth an,
mjir Gomer, Magog, Madai, Yavan, Tebal, Meshek, ka Tiras.
3Kəkayeri ar Gomer an
mjir Ashkenaz, ka Rifath, ka Togarma.
4Kəkayeri ar Yavan an,
mjir Elisha, ka Tarshish, ka Kittim, ka Dodanim.
5Atar kəkayeri ngəni antə mji na ana ndzi ata mnya yimi ku səɓəla ka titiləmtadzi akwa kəlara bwa, kəlara mji ka mnyar ɗa.
Kəkayeri ar Ham
6Kəkayeri ar Ham an,
mjir Kush, ka Masar, ka Put, ka Kanana.
7Kəkayeri ar Kush an,
mjir Seba, ka Havila, Sabta, ka Raama, ka Sabteka.
Kəkayeri ar Raama an,
mjir Sheba ka Dedan.
8Kush ku yaɓəla Nimrod. Tsuwa Nimrod an mdə na ntangkəma akwa duniya na ndzi masəkur mpa. 9Tsa an muzəmaku na mulmulari akəma MTHLAKU. An su na hara tə mda ana pəla, “Tsa apa Nimrod na muzəmaku na mulmulari akəma MTHLAKU.” 10Tsa baɗitə nci kuthlikur arni akwa Babila, ka Erek, ka Akkad, tsuwa shanga ɗa ni akwa tsəɗi Shinar. 11Sakatə tsa zhar tsəɗi ndaga, antə mwari ahar Assiriya, ka nthləi Nineva, ka Rehoboth Ir, ka Kala, 12ka Resen na akwa daɓwa Nineva ka bərni na ola tə mda ana kəga thləmari Kala ni.
13Antə Masar an kəkar mjir Lud, ka mjir Anam, ka mjir Lehab, ka mjir Naftu, 14ka mjir Pathrus, ka mjir Kaslu, vəi tə mjir Filistiya ku səɓəla, ka tsuwa mjir Kaftor.
15Antə Kanana ku yaɓəla Sidon natə tsa an ɓzər sal na yarakəmarni, kambəla tsa ya Heth. 16Tsuwa Kanana an kəkar mjir Yebusi, ka mjir Amor, ka mjir Girgashi, 17ka mjir Hivi, ka mjir Arki, ka mjir Sini, 18ka mjir Arvad, ka mjir Zemari, ka mjir Hamath. Aghəla nda antə mjir kutakəyir Kanana ni ku titilidzi akwa kəlara bwa. 19Antə tsəɗi mjir Kanana baɗita ahar Sidon təbwar Gerar, har ka kudzəhə ka Gaza, ka mwari təbwar Sodom, ka Gomora, ka Adma, ka Zeboyim, har ka mwanta adzə Lasha. 20Mji nayeri ni an kəkayeri na maɗashili ar Ham, na akwa ndzəndzi akwa tsəɗiyayeri arɗa, kutakəi kutakəi, kəga dura ɗa, waskəi ka mnyar ɗa.
Kəkayeri Ar Shem
21Shem natə tsa an ɓzərma' Yafeth na olari, ku yaɓəla maɗashili, antə tsa an kəkar shanga mjir nyarmbwar Eber.
22Kəkayeri na maɗashilər ar Shem an,
Elam, ka Asshur, ka Arpakshad, ka Lud, ka Aram.
23Kəkayeri na maɗashili ar Aram an,
Uz, ka Hul, ka Gethler, ka Mash.
24Arpakshad ku yaɓəla Shela,
antə Shela ku yaɓəla Eber.
25Eber ku yaɓəla maɗashili suɗa.
Thləma ɓzərni na yarakəma an Peleg, kamnyar akwa sakarni antə mdə ndəkəi duniya. Tsuwa thləma ɓzərma'ni an Yoktan.
26Antə Yoktan ku yaɓəla
Almodad, ka Shelef, ka Hazarmaveth, ka Yera, 27ka Hadoram, ka Uzal, ka Dikla, 28ka Obal, ka Abimayel, ka Sheba, 29ka Ofir, ka Havila, ka Yobab. Shanga mji nayeri ni kəkayeri ar Yoktan.
30Kəla tsəɗi natə da andzəndzi akwa ni an baɗita adzə Mesha har ka mwanta ahar Sefar akwa tsəɗi garayeri na abwar raghəi. 31Mji nayeri ni an kəkayeri na maɗashili ar Shem, na akwa ndzəndzi akwa tsəɗiyayeri arɗa, kutakəi kutakəi, kəga dura ɗa, waskəi ka mnyar ɗa.
32Tsuwa shanga mji nayeri ni an mjir nyarmbwar Nuhu, apatə mdə jikatə ɗa ata nyarmbwa ata nyarmbwa, kəga dura ɗa. Tsuwa akwa nca mji ngəni antə mdə wutə mji na titiləmtadzi ata kəra duniya akwa kəlara bwa, aghəla yimər avava ni.
Nu markerat:
Baɗitari 10: KNB
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.