Yahwana Labar Ata Kəra Kakaɗər Yahwana
Labar Ata Kəra Kakaɗər Yahwana
Mdə na rəbutə kakaɗə ngəni aɗi pəla thləmari wa. Amma mdə ku hamta jiri abbər Yahwana “natə Yesu hir ni” ni an rəbutə kakaɗə ni (wul 13:23; 19:26; 20:2; 21:7,20). Tsuwa mda akwa dzama abbər mdə rəbutə kakaɗə ngəni aghəla məva nciskumari ka ntəfu ka yaɓəladzər Yesu.
Su na hara tə mdə rəbutə kakaɗə ngəni ni an kamnyar ka mdə ncanta abbər Yesu na Ndərər Hyel, na aɗi ka baɗitari wala tsikərari wa ni, ku ndzi mda ka namtə vəi ndzəndziyirni akwa ɗəffa mburu. Tsa an Mdər Mbantə natə mdə hara alkawalari ni, tsuwa tsa an Almasihu, na ɓzər Hyel ni. Tsuwa atar ni antə mji ata wutə mpikə na har ba saka madi (20:31).
Kakaɗə ngəni akwa jaktə gari ata kəra cauta ar mpikə na akur wa natə mda ana wuta atar hamta jiri aka Yesu. Mji na ku hamta jiri abbər Yesu an laku ni, ka jirkur ni, ka mpikə ni, ata wutə cautə ngəni təng tsu kulini. Suayeri na ol'ola akwa kakaɗə ngəni an laku tə mdər rəbutə ni hara kəthlər ka suayeri tə mda ana wuta tədəku kamnyar ngkərɓəla suayeri na abwar mambəla. Suayeri ngəni an yimi, ka buradi, ka parakəu, ka mdər ɓəla kə təmarni, ka tsuwa su apa nfur anap ka yar ni.
Suayeri Na Akwa Kakaɗə Ni
Gari tə mdə kəlar kəgari - 1:1-18
Yahwana na Mdər hara Baptizma ka mjirthlipər Yesu na ntangkəma - 1:19-51
Kəthlərər Yesu akwa nca mji - 2:1-12:50
Yesu ku ɗəmhədzi kamnyar mtərni 13:1-17:26
Mtər Yesu 18:1-19:42
Thlatər Yesu akwa mtəmta - 20:1-21:25
Nu markerat:
Yahwana Labar Ata Kəra Kakaɗər Yahwana: KNB
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.