Luka 8
8
Mwanki Laga Ku Nu Yesu
1Təkəma aghəla nda antə Yesu mwari akwa bərniyayeri kəga kauyayeri akwa ngkər labar na msəra ata kəra kuthlikurər Hyel. Tsuwa mjirthlipərni na kumnya suɗə ni ata vəi duku ka tsa, 2ka mwanki laga tsuwa tə mdə ndəkəmta daɓwa ɗa shatanayeri, ka mbantə ɗa akwa shilkayeri damwa. Akwa nca ɗa an Maryamu natə mda ana kəga ni Magdalin, natə shatanayeri murfa ku ləɓəla akwa dzari ni, #Mat 27:55-56; Mar 15:40-41; Luk 23:49 3ka Yuwana na mwalar Kuza na wakil ar Hirudus, ka Suzanna, ka mwanki damwa hang tsuwa, na hara kəthlər ka kariyir ɗa kamnyar dlar Yesu ka mjir thlipərni.
Karapu Ata Kəra Mdər Ɓucə Hwulfa
(Mat 13:1-9; Mar 4:1-9)
4Sakatə mji hang akwa thlata akwa diyayeri zumzum, akwa tsaptədzi adzə Yesu, antə tsa ngkər ala ɗa karapu ngəni.
5 “Mdər tsuhwa laga aɗi na ku ləɓəla kamnyar ɓucə hwulfərni. Antə hwulfə laga ku təri akwa kuta laku, tə mdə ku ntsarəmta ka səl, antə ɗikayeri ku si ka ntəntwakəmnya ɗa. 6Laga tsuwa ku təri ata pirakthlya. Apani sakatə tsa ptsa, antə tsa tətəɓumtadzi kamnyar tsa aɗi ka ləsu wa. 7Tsuwa hwulfayeri laga ku təri akwa nca mtəhərayeri, antə mtəhərayeri ni ku kələngkərdzi ala ɗa ka ngkatə ɗa kəla. 8Amma hwulfayeri laga ku təri akwa həi na ɓɗaku, antə da ku kəla, ka ya munya, aru aru.”
Aghəla tə tsa kuri gari ni, antə tsa haptə kuraku ka pəla, “Mdə na ka thləmər nggatə su, ka tsa nggata.”
Karapur Karapwayeri Ni
(Mat 13:10-17; Mar 4:10-12)
9Antə mjirthlipər Yesu ku yu ni ata kəra karapur karapwayeri ni. 10Antə tsa pəla, “Ar giri mdə ku hamta ala giri səndər ashira kuthlikurər Hyel. Amma aka mji damwa, tar kəi gari ala ɗa ka karapu, kamnyar
“ ‘wala ma da an wul ka wula,
da aɗi ata wulɓəlari wa,
tsuwa wala ma da an ngga ka ngga,
da aɗi ata nggaɓəlari wa.’ ”
Yesu Ku Ngkərɓəla Karapur Mdər Ɓucə Hwulfa
(Mat 13:18-23; Mar 4:13-20)
11 “Nggədza karapur karapu ngəni ni. Hwulfə ni an ndərər Hyel. 12Antə hwulfə na təri ata mnya laku ni an mji na ku nggatə ndərər ni. Amma Shatan ku si ka kəɓəla ndər ni akwa ɗəffa ɗa, kamnyar ta da asə hamta jiri ka wutə mbantədzi. 13Tsuwa hwulfə na təri akwa vəyayeri na ka pirakthlya ni, an mji na ku nggatə ndər ni ka dlu ka kucali, amma aɗi ka nggilang wa. Da ku hamta jiri akwa saka laga raka daci, kamnyar sakatə ngkərtədzi ku wutə ɗa, təng da ngka ka bwahili. 14Hwulfə na ku təri akwa nca mtəhərayeri ni an mji na ku nggatə ndərər Hyel ni, amma da aɗi da aɗi, təng damitədzayeri, ka bara gəna, ka bara ngga msərakur, ləkwa ɗəffa ɗa ka ngkatə ɗa ta da akəla, antə da ku ndzi kula ampani. 15Amma hwulfə na ku təri akwa həi na ɓɗaku ni an mji na ku nggatə ndər ni, ka dluwa ka ɗəffa ɗa duku, ka kəsi, ka nggitə bwani, ka hara kəthlər kəgari har ka wutə riɓari.”
Karapu Ata Kəra Pitəla
(Mar 4:21-25)
16 “Mda aɗi ana njiu u'u akwa pitəla ka bungkər alari tughum wa, wala hangkir ni akira dəkəl wa. Amma tsa ana vəi ni ata vəi vətə ni, kamnyar ka mji na akwa səmbwa wutə parakari. #Mat 5:15; Luk 11:33
17 “Kamnyar su aɗi na harharari na kula ata sə kəlardzi wa, wala na ɗuwarɗuwarari na kula mda ata sə səndari wa, wala səɓəla ka tsa ata bəbal wa. #Mat 10:26; Luk 12:2
18 “Psi gir thləma giri ɓɗaku, kamnyar kəlara mdə na ka su antə mda ata jakəngkər alari damwa. Amma kəlara mdə na kula su, wala su tə tsa akwa dzama abbər suari arni, mda ata dluɓəlari.” #Mat 25:29; Luk 19:26
Mama' Yesu Ka Maɗama' Yesu
(Mat 12:46-50; Mar 3:31-35)
19Antə mama' Yesu kəga maɗama'ni ku si adzə ni, amma da aɗi mzhi mzhitə vəi tə tsa ata wa, kamnyar dlamar mji. 20Antə mdə laga ku pəla aka Yesu abbər, “Mama' nga kəga maɗama' nga na shili athləthlata aɓəla akwa bara wutə nga.” 21Amma Yesu pəla ala ɗa, “Mama'na kəga maɗama'na, an mji na ata nggatə ndərər Hyel ka hara kəthlər kəgari.”
Yesu Ku Thləthlatə Ka Shambar Yimi
(Mat 8:23-27; Mar 4:35-41)
22Vir laga Yesu ka mjirthlipərni ləkwa sharər yimi laga, antə tsa pəla ala ɗa, “Mbura ləɓəla bwanda manda ni.” Antə da baɗitə mwa. 23Amma sakatə da akwa mwa, antə heni kəli Yesu. Təkəma təng shambar yimi laga na mwavər thlata akwa si ata kəra manda ni, har tə yimi ni baɗitə nghyantə shar ni, tə da ləkwa bwani ka duna. 24Antə mjirthlipərni mwari ka thlentə ni, akwa pəla, “Mdərkəi, Mdərkəi, mburu ata kurəmtadzi diya!”
Antə Yesu thlata, ka mpa aka shambar ni ka aka mpar yimi ni. Antə shambar ni ku thləthlata, tə shanga su ku pəpəi. 25Antə Yesu pəla aka mjirthlipərni abbər, “Hamta jirər giri ni ama ri?”
Amma da ku thlivər ka ndatədzi, ka ləkwa yu nvwa ɗa abbər, “Wa ngəni ri, na ata tsawa aka shambar ka yimi, har ka da kələngkər alari ni?”
Yesu Ku Mbantə Mdə Laga Na Ka Shatanayeri Akwa Dzari
(Mat 8:28-34; Mar 5:1-20)
26Apani Yesu ka mjirthlipərni ku si akwa tsəɗiyir mjir Gerasin, aɓəla bwanda Mandar Galili. 27Sakatə Yesu səɓəla ata mnya maghəm, antə tsa kəɓa ka mdə laga ka shatanayeri akwa dzari, tsa thlata akwa kuta di. Ku fəi tə mdə ngəni zhar ha ləptu, ka zhar pi avi. Tsa ana ndzi akwa vəi kula. 28Sakatə tsa wutə Yesu, antə tsa hara kuraku ka ndla akəma Yesu adzə səlari, ka haptə kurakari akwa pəla, “Man tə ga akwa barari akəli ri, Yesu, gə na Ɓzər Hyel na Amta ta shang? I akwa kiɗa akəla, ga aɗiya hara bwani ali wa!” 29Tsa pəla apani, kamnyar Yesu ku tsawa aka shatan ni abbər ka tsa səɓəla akwa dza mdə ni. Kamnyar mambəl na ɗimi ku kəɗar ngka mdə ni, tə mda ana mbwi ni ka məsəsal ka məsəsal ar liya mənggəl, tsiyari kəga səlari, ka ndzi ata kərari, amma tsa ana nthləgəmta. Antə shatan ni ana kədluwa ni akwa mtaku.
30Antə Yesu yu mdə ni, “Thləma ga mə ri?” Antə mdə ni pəla, “Thləmi Dlama,” kamnyar shatanayeri ni hang akwa dzari. 31Antə mambəlayeri na ɗimi ɗimi ni ku kiɗə ka kiɗə kəra Yesu abbər, tsa aɗiya tsawa ala ɗa ka da pudzi akwa ku na zurang nə wa. 32Tsuwa bəri laga aɗi na ola ar gaduwayeri na akwa ɓəla ata dzər gar nda. Antə shatanayeri ni kiɗə Yesu abbər ka tsa zhar ɗa ka da ləkwa gaduwayeri ni. Antə tsa ku na ɗa laku. 33Sakatə shatanayeri ni ku səɓəla akwa dza mdə ni, antə da ləkwa kuta gaduwayeri ni. Antə gaduwayeri ni ku hwi ləghəi ata gar ni, ka pudzi akwa manda ni, ka satə yimi ka mtəgəmtadzi.
34Sakatə mjir ɓəla gaduwayeri ni ku wutə su na hara, antə da hwi ka ra jikatə labar ni akwa kuta di, ka aka mji na ata hildi. 35Antə mji ku ləɓəla kamnyar ka da wutə su na hara ni. Sakatə da si adzə Yesu, antə da wutə mdə tə shatanayeri ləɓəla akwa dzari ni, andzəndzi adzə səla Yesu, ka ləptərni hahari ata dzari, tsuwa tsa akwa hangkalari, antə shanga ɗa ku thlivəra. 36Antə mji na ku wutə su na ku hara ni, ngkərɓəla aka mji laku tə mdə na ka shatanayeri ni wutə mbantədzi ni. 37Antə shanga mji na akwa bwar tsəɗiyir Gerasin ni kiɗə kəra Yesu abbər ka tsa təra kazhar ala ɗa tsəɗiyir ɗa, kamnyar da ku thlivər ka duna. Antə Yesu ku ləkwa shar ka təra. 38Antə mdə natə shatanayeri ku ləɓəla akwa dzari ni ku kiɗə Yesu abbər, “Zhar ra bu ka mwa təra ka ga.” Amma Yesu salamtə ni ka pəla, 39“Ngka aviyar ngkiri, ka gə pəla olkur su tə Hyel hara ala ga.” Antə mdə ni dlarhə shanga kuta di akwa ngkər olkur su tə Yesu hara alari ni.
Ngkwar Yayirus Ka Mwala Na Tsəkwar Mnya Ləptər Yesu
(Mat 9:18-26; Mar 5:21-43)
40Sakatə Yesu ku ngka, antə mji hang hara ali alari, kamnyar shanga ɗa akwa səkə ni. 41Antə mdə laga ka thləmari Yayirus, na olər mbwar vəngkər səli, ku si ka zuzuri adzə səla Yesu akwa kiɗə ni abbər ka tsa si aharngkiɗa, 42kamnyar ngkwarni na duku ɗeng akəlari, ka məvari kumnya suɗa, akwa mta. Sakatə Yesu akwa mwari, antə dlamar mji ləkwa nu ni akwa ɓiɓihə ni. 43Tsuwa mwala laga aɗi anda na ku hara məva kumnya suɗa ka mamshi akwa pumtadzi adzə ni, amma mda aɗi na mzhi mbantə ni wa.
44Antə mwala ni si təbwahila Yesu ka tsəkwar mnya ləptərni, təkəma təng mamshi na akwa hwi ni thləthlata. 45Antə Yesu pəla, “Wan tsəkwar ra nə ri?” Sakatə shanga mji ku beɗimta, antə Bitrəs pəla, “Mthlaku, ai ga akwa wul hangkur mji na kalaktə nga akwa ɓiɓihə ngə ni.”
46Amma Yesu pəla, “Mdə laga ku tsəkwar ra, kamnyar I ku nggatə duna ku ləɓəla akwa dzi.” 47Sakatə mwala ni ku wuta abbər tsa aɗi ata mzhi ɗuwardzi wa, antə tsa si ka dzari akwa kədza, ka zuzuri akəma Yesu. Antə tsa ngkərɓəla alari akəma shanga mji su na hara tə tsa tsəkwar Yesu, ka laku tə tsa wutə mbantədzi ni təkəma ni. 48Antə Yesu pəla alari, “Ngkwarna, hamta jirər nga ku mbantə nga. Ka Hyel mwantə ngə lapiya.”
49Yesu tsu akwa gari ni, təng mdə laga thlata aviyar olər mbwar vəngkər səli ni, ka si ka pəla, “Ngkwar nga ku kurtə mti, antə ga aɗiya jaktə ghərantə maləm ni wa.”
50Amma sakatə Yesu ku nggata apani, antə tsa pəla aka Yayirus, “Ga aɗiya thlivər wa. Ar ngə hamta jiri, tsa ata mbantədzi.”
51Sakatə Yesu ku mzhitə kəyir Yayirus ni, tsa aɗi hir ka mji damwa ləmbwa wa, tar Bitrəs, ka Yahwana, ka Yakub, ka baba' ngkwa ni, ka mama'ni. 52Tsuwa saka nda shanga mji akwa tuwa ngkwa ni ka kuraku. Antə Yesu pəla, “Zhar giri tuwa ni, kamnyar tsa aɗi mtə wa, amma tsa akwa heni.”
53Antə da ku kumshi ni, kamnyar da ku sənda abbər tsa ku kurtə mti. 54Amma Yesu ku tamtə ngkwa ni ata tsiyari, ka pəla, “Ngkwarna, thlata!” 55Antə mpikari ku jaktə ngka, tə tsa ku thlatə təkəma. Antə Yesu ku pəla ala ɗa abbər ka mdə na susəma aka ngkwa ni. 56Antə mji na ya ni ku ndatədzi. Amma Yesu tsaktə ɗa abbər da aɗiya pəla aka wama ata kəra su na hara ni wa.
Nu markerat:
Luka 8: KNB
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.
Luka 8
8
Mwanki Laga Ku Nu Yesu
1Təkəma aghəla nda antə Yesu mwari akwa bərniyayeri kəga kauyayeri akwa ngkər labar na msəra ata kəra kuthlikurər Hyel. Tsuwa mjirthlipərni na kumnya suɗə ni ata vəi duku ka tsa, 2ka mwanki laga tsuwa tə mdə ndəkəmta daɓwa ɗa shatanayeri, ka mbantə ɗa akwa shilkayeri damwa. Akwa nca ɗa an Maryamu natə mda ana kəga ni Magdalin, natə shatanayeri murfa ku ləɓəla akwa dzari ni, #Mat 27:55-56; Mar 15:40-41; Luk 23:49 3ka Yuwana na mwalar Kuza na wakil ar Hirudus, ka Suzanna, ka mwanki damwa hang tsuwa, na hara kəthlər ka kariyir ɗa kamnyar dlar Yesu ka mjir thlipərni.
Karapu Ata Kəra Mdər Ɓucə Hwulfa
(Mat 13:1-9; Mar 4:1-9)
4Sakatə mji hang akwa thlata akwa diyayeri zumzum, akwa tsaptədzi adzə Yesu, antə tsa ngkər ala ɗa karapu ngəni.
5 “Mdər tsuhwa laga aɗi na ku ləɓəla kamnyar ɓucə hwulfərni. Antə hwulfə laga ku təri akwa kuta laku, tə mdə ku ntsarəmta ka səl, antə ɗikayeri ku si ka ntəntwakəmnya ɗa. 6Laga tsuwa ku təri ata pirakthlya. Apani sakatə tsa ptsa, antə tsa tətəɓumtadzi kamnyar tsa aɗi ka ləsu wa. 7Tsuwa hwulfayeri laga ku təri akwa nca mtəhərayeri, antə mtəhərayeri ni ku kələngkərdzi ala ɗa ka ngkatə ɗa kəla. 8Amma hwulfayeri laga ku təri akwa həi na ɓɗaku, antə da ku kəla, ka ya munya, aru aru.”
Aghəla tə tsa kuri gari ni, antə tsa haptə kuraku ka pəla, “Mdə na ka thləmər nggatə su, ka tsa nggata.”
Karapur Karapwayeri Ni
(Mat 13:10-17; Mar 4:10-12)
9Antə mjirthlipər Yesu ku yu ni ata kəra karapur karapwayeri ni. 10Antə tsa pəla, “Ar giri mdə ku hamta ala giri səndər ashira kuthlikurər Hyel. Amma aka mji damwa, tar kəi gari ala ɗa ka karapu, kamnyar
“ ‘wala ma da an wul ka wula,
da aɗi ata wulɓəlari wa,
tsuwa wala ma da an ngga ka ngga,
da aɗi ata nggaɓəlari wa.’ ”
Yesu Ku Ngkərɓəla Karapur Mdər Ɓucə Hwulfa
(Mat 13:18-23; Mar 4:13-20)
11 “Nggədza karapur karapu ngəni ni. Hwulfə ni an ndərər Hyel. 12Antə hwulfə na təri ata mnya laku ni an mji na ku nggatə ndərər ni. Amma Shatan ku si ka kəɓəla ndər ni akwa ɗəffa ɗa, kamnyar ta da asə hamta jiri ka wutə mbantədzi. 13Tsuwa hwulfə na təri akwa vəyayeri na ka pirakthlya ni, an mji na ku nggatə ndər ni ka dlu ka kucali, amma aɗi ka nggilang wa. Da ku hamta jiri akwa saka laga raka daci, kamnyar sakatə ngkərtədzi ku wutə ɗa, təng da ngka ka bwahili. 14Hwulfə na ku təri akwa nca mtəhərayeri ni an mji na ku nggatə ndərər Hyel ni, amma da aɗi da aɗi, təng damitədzayeri, ka bara gəna, ka bara ngga msərakur, ləkwa ɗəffa ɗa ka ngkatə ɗa ta da akəla, antə da ku ndzi kula ampani. 15Amma hwulfə na ku təri akwa həi na ɓɗaku ni an mji na ku nggatə ndər ni, ka dluwa ka ɗəffa ɗa duku, ka kəsi, ka nggitə bwani, ka hara kəthlər kəgari har ka wutə riɓari.”
Karapu Ata Kəra Pitəla
(Mar 4:21-25)
16 “Mda aɗi ana njiu u'u akwa pitəla ka bungkər alari tughum wa, wala hangkir ni akira dəkəl wa. Amma tsa ana vəi ni ata vəi vətə ni, kamnyar ka mji na akwa səmbwa wutə parakari. #Mat 5:15; Luk 11:33
17 “Kamnyar su aɗi na harharari na kula ata sə kəlardzi wa, wala na ɗuwarɗuwarari na kula mda ata sə səndari wa, wala səɓəla ka tsa ata bəbal wa. #Mat 10:26; Luk 12:2
18 “Psi gir thləma giri ɓɗaku, kamnyar kəlara mdə na ka su antə mda ata jakəngkər alari damwa. Amma kəlara mdə na kula su, wala su tə tsa akwa dzama abbər suari arni, mda ata dluɓəlari.” #Mat 25:29; Luk 19:26
Mama' Yesu Ka Maɗama' Yesu
(Mat 12:46-50; Mar 3:31-35)
19Antə mama' Yesu kəga maɗama'ni ku si adzə ni, amma da aɗi mzhi mzhitə vəi tə tsa ata wa, kamnyar dlamar mji. 20Antə mdə laga ku pəla aka Yesu abbər, “Mama' nga kəga maɗama' nga na shili athləthlata aɓəla akwa bara wutə nga.” 21Amma Yesu pəla ala ɗa, “Mama'na kəga maɗama'na, an mji na ata nggatə ndərər Hyel ka hara kəthlər kəgari.”
Yesu Ku Thləthlatə Ka Shambar Yimi
(Mat 8:23-27; Mar 4:35-41)
22Vir laga Yesu ka mjirthlipərni ləkwa sharər yimi laga, antə tsa pəla ala ɗa, “Mbura ləɓəla bwanda manda ni.” Antə da baɗitə mwa. 23Amma sakatə da akwa mwa, antə heni kəli Yesu. Təkəma təng shambar yimi laga na mwavər thlata akwa si ata kəra manda ni, har tə yimi ni baɗitə nghyantə shar ni, tə da ləkwa bwani ka duna. 24Antə mjirthlipərni mwari ka thlentə ni, akwa pəla, “Mdərkəi, Mdərkəi, mburu ata kurəmtadzi diya!”
Antə Yesu thlata, ka mpa aka shambar ni ka aka mpar yimi ni. Antə shambar ni ku thləthlata, tə shanga su ku pəpəi. 25Antə Yesu pəla aka mjirthlipərni abbər, “Hamta jirər giri ni ama ri?”
Amma da ku thlivər ka ndatədzi, ka ləkwa yu nvwa ɗa abbər, “Wa ngəni ri, na ata tsawa aka shambar ka yimi, har ka da kələngkər alari ni?”
Yesu Ku Mbantə Mdə Laga Na Ka Shatanayeri Akwa Dzari
(Mat 8:28-34; Mar 5:1-20)
26Apani Yesu ka mjirthlipərni ku si akwa tsəɗiyir mjir Gerasin, aɓəla bwanda Mandar Galili. 27Sakatə Yesu səɓəla ata mnya maghəm, antə tsa kəɓa ka mdə laga ka shatanayeri akwa dzari, tsa thlata akwa kuta di. Ku fəi tə mdə ngəni zhar ha ləptu, ka zhar pi avi. Tsa ana ndzi akwa vəi kula. 28Sakatə tsa wutə Yesu, antə tsa hara kuraku ka ndla akəma Yesu adzə səlari, ka haptə kurakari akwa pəla, “Man tə ga akwa barari akəli ri, Yesu, gə na Ɓzər Hyel na Amta ta shang? I akwa kiɗa akəla, ga aɗiya hara bwani ali wa!” 29Tsa pəla apani, kamnyar Yesu ku tsawa aka shatan ni abbər ka tsa səɓəla akwa dza mdə ni. Kamnyar mambəl na ɗimi ku kəɗar ngka mdə ni, tə mda ana mbwi ni ka məsəsal ka məsəsal ar liya mənggəl, tsiyari kəga səlari, ka ndzi ata kərari, amma tsa ana nthləgəmta. Antə shatan ni ana kədluwa ni akwa mtaku.
30Antə Yesu yu mdə ni, “Thləma ga mə ri?” Antə mdə ni pəla, “Thləmi Dlama,” kamnyar shatanayeri ni hang akwa dzari. 31Antə mambəlayeri na ɗimi ɗimi ni ku kiɗə ka kiɗə kəra Yesu abbər, tsa aɗiya tsawa ala ɗa ka da pudzi akwa ku na zurang nə wa. 32Tsuwa bəri laga aɗi na ola ar gaduwayeri na akwa ɓəla ata dzər gar nda. Antə shatanayeri ni kiɗə Yesu abbər ka tsa zhar ɗa ka da ləkwa gaduwayeri ni. Antə tsa ku na ɗa laku. 33Sakatə shatanayeri ni ku səɓəla akwa dza mdə ni, antə da ləkwa kuta gaduwayeri ni. Antə gaduwayeri ni ku hwi ləghəi ata gar ni, ka pudzi akwa manda ni, ka satə yimi ka mtəgəmtadzi.
34Sakatə mjir ɓəla gaduwayeri ni ku wutə su na hara, antə da hwi ka ra jikatə labar ni akwa kuta di, ka aka mji na ata hildi. 35Antə mji ku ləɓəla kamnyar ka da wutə su na hara ni. Sakatə da si adzə Yesu, antə da wutə mdə tə shatanayeri ləɓəla akwa dzari ni, andzəndzi adzə səla Yesu, ka ləptərni hahari ata dzari, tsuwa tsa akwa hangkalari, antə shanga ɗa ku thlivəra. 36Antə mji na ku wutə su na ku hara ni, ngkərɓəla aka mji laku tə mdə na ka shatanayeri ni wutə mbantədzi ni. 37Antə shanga mji na akwa bwar tsəɗiyir Gerasin ni kiɗə kəra Yesu abbər ka tsa təra kazhar ala ɗa tsəɗiyir ɗa, kamnyar da ku thlivər ka duna. Antə Yesu ku ləkwa shar ka təra. 38Antə mdə natə shatanayeri ku ləɓəla akwa dzari ni ku kiɗə Yesu abbər, “Zhar ra bu ka mwa təra ka ga.” Amma Yesu salamtə ni ka pəla, 39“Ngka aviyar ngkiri, ka gə pəla olkur su tə Hyel hara ala ga.” Antə mdə ni dlarhə shanga kuta di akwa ngkər olkur su tə Yesu hara alari ni.
Ngkwar Yayirus Ka Mwala Na Tsəkwar Mnya Ləptər Yesu
(Mat 9:18-26; Mar 5:21-43)
40Sakatə Yesu ku ngka, antə mji hang hara ali alari, kamnyar shanga ɗa akwa səkə ni. 41Antə mdə laga ka thləmari Yayirus, na olər mbwar vəngkər səli, ku si ka zuzuri adzə səla Yesu akwa kiɗə ni abbər ka tsa si aharngkiɗa, 42kamnyar ngkwarni na duku ɗeng akəlari, ka məvari kumnya suɗa, akwa mta. Sakatə Yesu akwa mwari, antə dlamar mji ləkwa nu ni akwa ɓiɓihə ni. 43Tsuwa mwala laga aɗi anda na ku hara məva kumnya suɗa ka mamshi akwa pumtadzi adzə ni, amma mda aɗi na mzhi mbantə ni wa.
44Antə mwala ni si təbwahila Yesu ka tsəkwar mnya ləptərni, təkəma təng mamshi na akwa hwi ni thləthlata. 45Antə Yesu pəla, “Wan tsəkwar ra nə ri?” Sakatə shanga mji ku beɗimta, antə Bitrəs pəla, “Mthlaku, ai ga akwa wul hangkur mji na kalaktə nga akwa ɓiɓihə ngə ni.”
46Amma Yesu pəla, “Mdə laga ku tsəkwar ra, kamnyar I ku nggatə duna ku ləɓəla akwa dzi.” 47Sakatə mwala ni ku wuta abbər tsa aɗi ata mzhi ɗuwardzi wa, antə tsa si ka dzari akwa kədza, ka zuzuri akəma Yesu. Antə tsa ngkərɓəla alari akəma shanga mji su na hara tə tsa tsəkwar Yesu, ka laku tə tsa wutə mbantədzi ni təkəma ni. 48Antə Yesu pəla alari, “Ngkwarna, hamta jirər nga ku mbantə nga. Ka Hyel mwantə ngə lapiya.”
49Yesu tsu akwa gari ni, təng mdə laga thlata aviyar olər mbwar vəngkər səli ni, ka si ka pəla, “Ngkwar nga ku kurtə mti, antə ga aɗiya jaktə ghərantə maləm ni wa.”
50Amma sakatə Yesu ku nggata apani, antə tsa pəla aka Yayirus, “Ga aɗiya thlivər wa. Ar ngə hamta jiri, tsa ata mbantədzi.”
51Sakatə Yesu ku mzhitə kəyir Yayirus ni, tsa aɗi hir ka mji damwa ləmbwa wa, tar Bitrəs, ka Yahwana, ka Yakub, ka baba' ngkwa ni, ka mama'ni. 52Tsuwa saka nda shanga mji akwa tuwa ngkwa ni ka kuraku. Antə Yesu pəla, “Zhar giri tuwa ni, kamnyar tsa aɗi mtə wa, amma tsa akwa heni.”
53Antə da ku kumshi ni, kamnyar da ku sənda abbər tsa ku kurtə mti. 54Amma Yesu ku tamtə ngkwa ni ata tsiyari, ka pəla, “Ngkwarna, thlata!” 55Antə mpikari ku jaktə ngka, tə tsa ku thlatə təkəma. Antə Yesu ku pəla ala ɗa abbər ka mdə na susəma aka ngkwa ni. 56Antə mji na ya ni ku ndatədzi. Amma Yesu tsaktə ɗa abbər da aɗiya pəla aka wama ata kəra su na hara ni wa.
Nu markerat:
:
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.