Luka 9
9
Yesu Ku Thlentə Mjir thlipa Na Kumnya Suɗa
(Mat 10:5-15; Mar 6:7-13)
1Antə Yesu kəgatə mjirthlipərni na kumnya suɗə ni ata vəi duku, ka hamta ala ɗa duna ka kuthlikur ar kədləɓəla shatanayeri, ka tsuwa ka da kuri shilkayeri. 2An tsa thlentə ɗa ka da mwari kara ngkər labar ar kuthlikurər Hyel, ka tsuwa ka da mbantə mji na nggawa nggawa. 3Antə tsa pəla ala ɗa, “Giri aɗiya kəl su kamnyar lənggur giri wa, wala zwal, wala thləvu, wala susəma, wala kwaba, wala ləptu damwa wa.#Luk 10:4-11; Kəth Apos 13:51 4Kəlara sakatə giri ku ləkwa kəi laga, ka giri ndzi tsu akwa kəi ndaga, tar ma sakatə giri ata zhar di nda. 5Tsuwa ma mji na aɗi dlu giri wa, ma sakatə giri akwa zhar vəi nda, ka giri ɓumta bərbər na ata səla giri, ka ndzi seɗa ata kəra ɗa.”
6Antə da ku təra ka mwari akwa shanga kauyayeri, ata ngkər labar na msəra, da akwa mbantə mji akwa kəlara vəi madi.
Hirudus Ku Ndəndatədzi Ata Kəra Yesu
(Mat 14:1-12; Mar 6:14-29)
7Sakatə Kuthli Hirudus nggata ata kəra shanga suayeri na akwa hara ni, antə tsa ndatədzi. Kamnyar mji laga akwa pəla abbər Yahwana tə mdə nthləmta kərari ni an thlata akwa mtəmta, #Mat 16:14; Mar 8:28; Luk 9:19 8amma mji laga pəla Iliya an wutədzi ka damwa. Tsuwa mji laga akwa pəla pal akwa nca naɓiyayeri na waci an thlatə ka mpika. 9Antə Hirudus pəla, “I ku nthləmta kəra Yahwana diya. Ka ngəni wa tsu ri, tə I akwa nggatə suayeri ngəni ata kərari ni?” Antə tsa ku bara ka tsa wutə Yesu.
Yesu Ku Ndlantə Mji Dəpu Ntəfu
(Mat 14:13-21; Mar 6:30-44; Yah 6:1-4)
10Sakatə aposəlayeri ku ngka, antə da jikata aka Yesu su tə da hara. Antə tsa fatə ɗa ka mwari ka da akwa di laga ka thləmari Bethsaida. 11Sakatə dlamar mji ku nggata, antə da nutə ni. Antə tsa ku dlu ɗa ka ngkər ala ɗa su ata kəra kuthlikurər Hyel, ka mbantə mji na akwa tur mbantədzi.
12Sakatə pci abaka təri, antə mjirthlipərni na kumnya suɗə ni si adzə ni ka pəla alari, “Kuji gə salamtə mji ni ka da təra ləkwa kauyayeri kəga hildiyayeri na kalaktə mburu ni, kamnyar ka da wutə susəma ka vəi fəli, kamnyar azi ni mburu ku hara ciju ta kuta di.”
13Amma Yesu pəla ala ɗa, “Na giri ala ɗa su tə ka da səm bu.” Antə da pəla, “Shanga su na akəla yeru aɗi təramta kər buradi ntəfu ka kəlfa suɗə wa. Tar ma yeru an ata mwari ra mastə susəma aka shanga mji ngəni.” 14Kamnyar mji shili na anda ni ku mwanta apa dəpu ntəfu. Antə Yesu pəla aka mjirthlipərni, “Pəla giri aka mji ni ka da ndzəndzi zara zara ntəfkumari ntəfkumari.”
15Antə mjirthlipərni ku hara apani, tə shanga ɗa ku ndzəndzi. 16Antə Yesu kətə kər buradi na ntəfu ka kəlfa suɗə ni, ka haptə ncari amta, ka usar Hyel, antə tsa ɓəgəlwa buradi ni, ka hamta aka mjirthlipərni ka da ndəkəmta aka mji. 17Antə shanga ɗa ku səma ka ndli. Antə mjirthlipərni tsaptə na ɓushirəmtadzi ata di, har ka nghyantə thlambəl kumnya suɗa.
Bitrəs Pəla Yesu An Almasihu Ni
(Mat 16:13-19; Mar 8:27-29)
18Vir laga sakatə Yesu akwa hara adduwa shini, antə mjirthlipərni ku si adzə ni, antə tsa yu ɗa abbər, “Mji ana pəla I an wa ri?”
19Antə da shinau alari ka pəla, “Mji laga ana pəla abbər ga an Yahwana na mdər hara baptizma. Mji laga ana pəla, ga an Iliya, mji laga tsuwa akwa pəla pal akwa nca naɓiyayeri na waci an thlatə ka mpika.” #Mat 14:1-2; Mar 6:14-15; Luk 9:7-8
20Antə tsa pəla ala ɗa, “Amma ar giri, giri ana pəla I an wa ri?” Antə Bitrəs shinau ka pəla, “Ga an Kristi ar Hyel.” #Yah 6:68-69
Yesu Ku Ngkər Bwani Ka Mta Na Ata Wutə Ni
(Mat 16:20-28; Mar 8:30—9:1)
21Antə Yesu tsaktə ɗa ka duna abbər da aɗiya pəla su ngəni aka wama wa. 22Antə tsa pəla, “Dwali ka Ɓzər Mdə ɗar bwaniyir suayeri hang, ka mji na ol'ola, ka pristayeri na ol'ola, ka maləmayeri ar thlipə tsawur Musa, sə nggəlar ni, har ka da tsi ni, ka mdə thlentə ni akwa vir na makərkur.”
23Antə tsa pəla aka shanga ɗa abbər, “Kəlara mdə na ata bara nu ra, tar ka tsa nggəlar kərni, ka tsa kətə udzəm kadləkadla arni tədək viri, ka tsa nu ra. #Mat 10:38; Luk 14:27 24Kamnyar kəlara mdə na akwa bara mbantə mpikari, mpikari ata sha. Amma kəlara mdə na akwa shamta mpikari kamnyar na, tsa ata mbantə mpikari. #Mat 10:39; Luk 17:33; Yah 12:25 25Kamnyar man ampaniyari ri, ma mda ata ndzi mthlakər shanga duniya ni, amma tsa ata ni ka mpikari? 26Kamnyar kəlara mdə na ata səli kamnyar na, ka kamnyar ndərərna, antə Ɓzər ata sə səli kamnyar ni tsuwa sakatə tsa ata sə si ka səliyirni kəga səliyir Tədda ka ar mjirthlentərhyel na ɓɗakkarkara. 27I akwa pəla ala giri jirkur, mji laga aɗi athləthlata azi na aɗi ata mtə kambəla da wutə kuthlikurər Hyel wa.”
Palidzər Kəma Yesu
(Mat 17:1-8; Mar 9:2-8)
28Abaka aghəla vir ncisu ka pəla gari ngəni, antə Yesu kətə Bitrəs, ka Yahwana, ka Yakub, tə da mwari ata kəra gar kamnyar hara adduwa. #2 Bit 1:17-18 29Sakatə tsa akwa hara adduwa ni, antə kəmari palidzi, tə ləptərni tsuwa akwa mbəlmbəla shalak mwapu. 30Təkəma təng nggədza mji suɗa si akwa gari ka tsa. Mji ngəni suɗə ni an Musa ka Iliya, 31na si akwa səli na ola ka gari ka Yesu ata kəra laku tə tsa ata nghyaɓəla nufiyir Hyel atar mtərni ahar Urushalima. 32Amma Bitrəs ka mji na adzə ni antə da akwa heni, sakatə da ku thlata antə da ku wutə səliyir Yesu ka mji suɗa athləthlata adzə ni. 33Amma sakatə mji nayeri ni akwa təra kazhar Yesu, antə Bitrəs pəla aka Yesu, “Mdərkəi, ku hara ɓɗaku tə mburu azi ni. Ndzi ka yeru namtə tentayeri makər, pal kamnyar nga, pal kamnyar Musa, ka palari tsuwa kamnyar Iliya.” Tsa aɗi səndə su tə tsa akwa pəlari wa.
34Sakatə tsa tsu akwa gari ni, təng təkəma dlamba laga səghəi ka hartə ɗa akwa ləmbəku, antə mjir thlipə ni ku thlivəra.
35Təkəma təng kuraku laga səɓəla akwa dlamba ni akwa pəla, “Ngəni an Ɓzərna natə I ku carɓəla. Psi gir thləm alari!” #Mat 3:17; 12:18; Mar 1:11; Luk 3:22
36Sakatə kurakə ni ku kuri, təng da wutə Yesu tsu shini. Amma mjirthlipərni ku dləɓa ata kər, da aɗi pəla aka wama su tə da wuta ata saka nda wa.
Yesu Ku Mbantə Ɓzər Laga Na Ka Shatan Akwa Dzari
(Mat 17:14-18; Mar 9:14-27)
37Səɓəla ɗəpari Yesu ka mjirthlipərni na makər ni ku səghəi kazhar kəra gar ni, antə dlamar mji mwari adzə ni. 38Antə mdə laga akwa nca dlamar mji ni haptə kuraku ka duna, ka pəla, “Maləm, I akwa kiɗə nga ka gə wulha ali ɓzərna ni, kamnyar tsan ɓzər duku akəli. 39Shatan laga andər ngkəi ni, ka vu ni akwa hara kuraku kula suari aɗi. Tsa ana tsa ni, ka dzari ləkwa ɓathla, har ka mnyari mbwa. Shatan ni aɗi ana zhar ni wa tar ma tsa ku dəkəi ni katagu. 40I ku kiɗə mjirthlipər nga abbər ka da kədləɓəla ni, amma da aɗi mzhi wa.”
41Antə Yesu pəla, “Giri na mjir zaman ngəni, giri hilhilari, kula hamta jiri. Kəi fəi adzə giri apa madə ri? Har ka vədza aka saka madi antə I ata ləkəma ka mbwi ɗəffi ka giri ri? Səntə ɓzər ngə ni azi.”
42Wala sakatə ɓzər ni akwa si, tar tə shatan ni ngka ni ata di, tə dzari ləkwa kədza. Amma Yesu ku mpa aka shatan ni, ka mbantə ɓzər ni, ka jaktə hamta ni aka baba'ni. 43Antə shanga mji ku ndatədzi ata kəra dunar Hyel na olta shang.
Yesu Ku Jaktə Gari Ata Kəra Mtərni
(Mat 17:22-23; Mar 9:30-32)
44 “Giri aɗiya fwari su tə I akwa pəla ala giri ni wa. Mda ata hamta Ɓzər Mda aka mji.” 45Amma da aɗi nggaɓəla karapur gari ngəni wa, kamnyar ku ɗuwamtadzi ala ɗa, antə da aɗi mzhi nggaɓəlari wa. Tsuwa da akwa thlivər yu ni ata kəra gari ngəni.
Wan Olta Shang Ri?
(Mat 18:1-5; Mar 9:33-37)
46Antə beɗi ku thlata akwa daɓwa mjirthlipərni ni abbər, wan olta shang akwa nca ɗa ri. #Luk 22:24 47Yesu ku kurtə səndə su na akwa ɗəffa ɗa, antə tsa kətə ɓzəngkyar laga raka, ka vu ni tə tsa thləthlata athlimbəlari. 48Antə tsa pəla ala ɗa, “Kəlara mdə na ku dlu ɓzəngkyar na raka apa ngəni akwa thləmi, tsa ku dlu ra. Tsuwa kəlara mdə na ku dlu ra, tsa ku dlu mdə na ku thlentə ra. Kamnyar mdə na raka ta shang akwa nca giri, an olta shang.” #Mat 10:40; Luk 10:16; Yah 13:20
Mdə Na Aɗi Dawar Giri Wa Tsa Pazhir giri
(Mar 9:38-40)
49Antə Yahwana shinau ka pəla, “Mthlaku, yeru ku wutə mdə laga ata kədləɓəla shatanayeri akwa thləma ga, antə yeru ku pəla alari ka tsa zhari, kamnyar tsa aɗi akwa nca yeru wa.”
50Amma Yesu pəla alari, “Giri aɗiya ngkatə ni wa, kamnyar kəlara mdə na aɗi nggəlar giri wa, tsa ar giri.”
Mjir Samariya Ku Nggəlar Ta Dlu Yesu
51Sakatə virayeri ku ntsəhədzi tə mda ata sə dlu Yesu amtazi, antə tsa vu akwa ɗəffari ka duna abbər ka tsa mwari ahar Urushalima. 52Antə tsa ku thlentə mjir thlenta akəmari, tə da ku mwari akwa di laga akwa tsəɗiyir Samariya kamnyar ka da ɗəmhə shanga su alari. 53Amma mji na anda aɗi hir dlu ni wa, kamnyar tə tsa ku thlentə kəmari abwar Urushalima. 54Sakatə mjirthlipərni, Yakub ka Yahwana ku wuta apani, antə da pəla, “Mthlaku, ga hir ka yeru tsawa ka u'u səghəi akwar amtazi ka mbamta ɗa ya?”
55Amma Yesu ku shinardzi ka mpa ala ɗa.#9:55 Bwadukwa kakaɗayeri na waci tə mdə rəbutə ka tsi ku jakəngkər ka pəla, “Giri aɗi səndə jili mambəl tə giri kəgari wa, kamnyar Ɓzər mda aɗi si kamnyar ka tsa kəl mpika mji wa, amma ka tsa mbantə ɗa.” 56Antə Yesu ka mjirthlipərni ku təra mwari akwa di damwa.
Mjir Pəla Abbər Da Ata Nu Yesu
(Mat 8:19-22)
57Sakatə da akwa ləkəma ka mwar ɗa akwa laku, antə mdə laga pəla aka Yesu, “I ata nu nga akwa kəlara vəi tə ga ata mwari akwa.”
58Antə Yesu pəla alari, “Pwaghayeri ka kur ɗa, ɗikayeri tsuwa ka mbwar ɗa, amma Ɓzər Mda aɗi ka vəi tə ka tsa pəpəi ata wa.”
59Antə tsa pəla aka mdə laga, “Ka gə nu ra.”
Amma mdə ni pəla, “Mthlaku, ndzi kəi ra harəmta baba'na katagu.”
60Amma Yesu pəla alari, “Zhar ka mji na mtəmta harəmta mdər ɗa na mtəmtari. Amma ar nga, mwari, ka gə psəmnya kuthlikurər Hyel.” 61Antə mdə laga pəla, “I ata nu nga, Mthlaku, amma ndzi kəi mwari ka yeru salamtədzi kəga mjir kutakəyirna katagu.”
62Amma Yesu pəla alari, “Kəlara mdə na ku baɗitə tsuhwa ka garma, ma tsa akwa jaktə wul bwahilari, tsa aɗi ata mzhi ləkwa kuthlikurər Hyel wa.”
Nu markerat:
Luka 9: KNB
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.
Luka 9
9
Yesu Ku Thlentə Mjir thlipa Na Kumnya Suɗa
(Mat 10:5-15; Mar 6:7-13)
1Antə Yesu kəgatə mjirthlipərni na kumnya suɗə ni ata vəi duku, ka hamta ala ɗa duna ka kuthlikur ar kədləɓəla shatanayeri, ka tsuwa ka da kuri shilkayeri. 2An tsa thlentə ɗa ka da mwari kara ngkər labar ar kuthlikurər Hyel, ka tsuwa ka da mbantə mji na nggawa nggawa. 3Antə tsa pəla ala ɗa, “Giri aɗiya kəl su kamnyar lənggur giri wa, wala zwal, wala thləvu, wala susəma, wala kwaba, wala ləptu damwa wa.#Luk 10:4-11; Kəth Apos 13:51 4Kəlara sakatə giri ku ləkwa kəi laga, ka giri ndzi tsu akwa kəi ndaga, tar ma sakatə giri ata zhar di nda. 5Tsuwa ma mji na aɗi dlu giri wa, ma sakatə giri akwa zhar vəi nda, ka giri ɓumta bərbər na ata səla giri, ka ndzi seɗa ata kəra ɗa.”
6Antə da ku təra ka mwari akwa shanga kauyayeri, ata ngkər labar na msəra, da akwa mbantə mji akwa kəlara vəi madi.
Hirudus Ku Ndəndatədzi Ata Kəra Yesu
(Mat 14:1-12; Mar 6:14-29)
7Sakatə Kuthli Hirudus nggata ata kəra shanga suayeri na akwa hara ni, antə tsa ndatədzi. Kamnyar mji laga akwa pəla abbər Yahwana tə mdə nthləmta kərari ni an thlata akwa mtəmta, #Mat 16:14; Mar 8:28; Luk 9:19 8amma mji laga pəla Iliya an wutədzi ka damwa. Tsuwa mji laga akwa pəla pal akwa nca naɓiyayeri na waci an thlatə ka mpika. 9Antə Hirudus pəla, “I ku nthləmta kəra Yahwana diya. Ka ngəni wa tsu ri, tə I akwa nggatə suayeri ngəni ata kərari ni?” Antə tsa ku bara ka tsa wutə Yesu.
Yesu Ku Ndlantə Mji Dəpu Ntəfu
(Mat 14:13-21; Mar 6:30-44; Yah 6:1-4)
10Sakatə aposəlayeri ku ngka, antə da jikata aka Yesu su tə da hara. Antə tsa fatə ɗa ka mwari ka da akwa di laga ka thləmari Bethsaida. 11Sakatə dlamar mji ku nggata, antə da nutə ni. Antə tsa ku dlu ɗa ka ngkər ala ɗa su ata kəra kuthlikurər Hyel, ka mbantə mji na akwa tur mbantədzi.
12Sakatə pci abaka təri, antə mjirthlipərni na kumnya suɗə ni si adzə ni ka pəla alari, “Kuji gə salamtə mji ni ka da təra ləkwa kauyayeri kəga hildiyayeri na kalaktə mburu ni, kamnyar ka da wutə susəma ka vəi fəli, kamnyar azi ni mburu ku hara ciju ta kuta di.”
13Amma Yesu pəla ala ɗa, “Na giri ala ɗa su tə ka da səm bu.” Antə da pəla, “Shanga su na akəla yeru aɗi təramta kər buradi ntəfu ka kəlfa suɗə wa. Tar ma yeru an ata mwari ra mastə susəma aka shanga mji ngəni.” 14Kamnyar mji shili na anda ni ku mwanta apa dəpu ntəfu. Antə Yesu pəla aka mjirthlipərni, “Pəla giri aka mji ni ka da ndzəndzi zara zara ntəfkumari ntəfkumari.”
15Antə mjirthlipərni ku hara apani, tə shanga ɗa ku ndzəndzi. 16Antə Yesu kətə kər buradi na ntəfu ka kəlfa suɗə ni, ka haptə ncari amta, ka usar Hyel, antə tsa ɓəgəlwa buradi ni, ka hamta aka mjirthlipərni ka da ndəkəmta aka mji. 17Antə shanga ɗa ku səma ka ndli. Antə mjirthlipərni tsaptə na ɓushirəmtadzi ata di, har ka nghyantə thlambəl kumnya suɗa.
Bitrəs Pəla Yesu An Almasihu Ni
(Mat 16:13-19; Mar 8:27-29)
18Vir laga sakatə Yesu akwa hara adduwa shini, antə mjirthlipərni ku si adzə ni, antə tsa yu ɗa abbər, “Mji ana pəla I an wa ri?”
19Antə da shinau alari ka pəla, “Mji laga ana pəla abbər ga an Yahwana na mdər hara baptizma. Mji laga ana pəla, ga an Iliya, mji laga tsuwa akwa pəla pal akwa nca naɓiyayeri na waci an thlatə ka mpika.” #Mat 14:1-2; Mar 6:14-15; Luk 9:7-8
20Antə tsa pəla ala ɗa, “Amma ar giri, giri ana pəla I an wa ri?” Antə Bitrəs shinau ka pəla, “Ga an Kristi ar Hyel.” #Yah 6:68-69
Yesu Ku Ngkər Bwani Ka Mta Na Ata Wutə Ni
(Mat 16:20-28; Mar 8:30—9:1)
21Antə Yesu tsaktə ɗa ka duna abbər da aɗiya pəla su ngəni aka wama wa. 22Antə tsa pəla, “Dwali ka Ɓzər Mdə ɗar bwaniyir suayeri hang, ka mji na ol'ola, ka pristayeri na ol'ola, ka maləmayeri ar thlipə tsawur Musa, sə nggəlar ni, har ka da tsi ni, ka mdə thlentə ni akwa vir na makərkur.”
23Antə tsa pəla aka shanga ɗa abbər, “Kəlara mdə na ata bara nu ra, tar ka tsa nggəlar kərni, ka tsa kətə udzəm kadləkadla arni tədək viri, ka tsa nu ra. #Mat 10:38; Luk 14:27 24Kamnyar kəlara mdə na akwa bara mbantə mpikari, mpikari ata sha. Amma kəlara mdə na akwa shamta mpikari kamnyar na, tsa ata mbantə mpikari. #Mat 10:39; Luk 17:33; Yah 12:25 25Kamnyar man ampaniyari ri, ma mda ata ndzi mthlakər shanga duniya ni, amma tsa ata ni ka mpikari? 26Kamnyar kəlara mdə na ata səli kamnyar na, ka kamnyar ndərərna, antə Ɓzər ata sə səli kamnyar ni tsuwa sakatə tsa ata sə si ka səliyirni kəga səliyir Tədda ka ar mjirthlentərhyel na ɓɗakkarkara. 27I akwa pəla ala giri jirkur, mji laga aɗi athləthlata azi na aɗi ata mtə kambəla da wutə kuthlikurər Hyel wa.”
Palidzər Kəma Yesu
(Mat 17:1-8; Mar 9:2-8)
28Abaka aghəla vir ncisu ka pəla gari ngəni, antə Yesu kətə Bitrəs, ka Yahwana, ka Yakub, tə da mwari ata kəra gar kamnyar hara adduwa. #2 Bit 1:17-18 29Sakatə tsa akwa hara adduwa ni, antə kəmari palidzi, tə ləptərni tsuwa akwa mbəlmbəla shalak mwapu. 30Təkəma təng nggədza mji suɗa si akwa gari ka tsa. Mji ngəni suɗə ni an Musa ka Iliya, 31na si akwa səli na ola ka gari ka Yesu ata kəra laku tə tsa ata nghyaɓəla nufiyir Hyel atar mtərni ahar Urushalima. 32Amma Bitrəs ka mji na adzə ni antə da akwa heni, sakatə da ku thlata antə da ku wutə səliyir Yesu ka mji suɗa athləthlata adzə ni. 33Amma sakatə mji nayeri ni akwa təra kazhar Yesu, antə Bitrəs pəla aka Yesu, “Mdərkəi, ku hara ɓɗaku tə mburu azi ni. Ndzi ka yeru namtə tentayeri makər, pal kamnyar nga, pal kamnyar Musa, ka palari tsuwa kamnyar Iliya.” Tsa aɗi səndə su tə tsa akwa pəlari wa.
34Sakatə tsa tsu akwa gari ni, təng təkəma dlamba laga səghəi ka hartə ɗa akwa ləmbəku, antə mjir thlipə ni ku thlivəra.
35Təkəma təng kuraku laga səɓəla akwa dlamba ni akwa pəla, “Ngəni an Ɓzərna natə I ku carɓəla. Psi gir thləm alari!” #Mat 3:17; 12:18; Mar 1:11; Luk 3:22
36Sakatə kurakə ni ku kuri, təng da wutə Yesu tsu shini. Amma mjirthlipərni ku dləɓa ata kər, da aɗi pəla aka wama su tə da wuta ata saka nda wa.
Yesu Ku Mbantə Ɓzər Laga Na Ka Shatan Akwa Dzari
(Mat 17:14-18; Mar 9:14-27)
37Səɓəla ɗəpari Yesu ka mjirthlipərni na makər ni ku səghəi kazhar kəra gar ni, antə dlamar mji mwari adzə ni. 38Antə mdə laga akwa nca dlamar mji ni haptə kuraku ka duna, ka pəla, “Maləm, I akwa kiɗə nga ka gə wulha ali ɓzərna ni, kamnyar tsan ɓzər duku akəli. 39Shatan laga andər ngkəi ni, ka vu ni akwa hara kuraku kula suari aɗi. Tsa ana tsa ni, ka dzari ləkwa ɓathla, har ka mnyari mbwa. Shatan ni aɗi ana zhar ni wa tar ma tsa ku dəkəi ni katagu. 40I ku kiɗə mjirthlipər nga abbər ka da kədləɓəla ni, amma da aɗi mzhi wa.”
41Antə Yesu pəla, “Giri na mjir zaman ngəni, giri hilhilari, kula hamta jiri. Kəi fəi adzə giri apa madə ri? Har ka vədza aka saka madi antə I ata ləkəma ka mbwi ɗəffi ka giri ri? Səntə ɓzər ngə ni azi.”
42Wala sakatə ɓzər ni akwa si, tar tə shatan ni ngka ni ata di, tə dzari ləkwa kədza. Amma Yesu ku mpa aka shatan ni, ka mbantə ɓzər ni, ka jaktə hamta ni aka baba'ni. 43Antə shanga mji ku ndatədzi ata kəra dunar Hyel na olta shang.
Yesu Ku Jaktə Gari Ata Kəra Mtərni
(Mat 17:22-23; Mar 9:30-32)
44 “Giri aɗiya fwari su tə I akwa pəla ala giri ni wa. Mda ata hamta Ɓzər Mda aka mji.” 45Amma da aɗi nggaɓəla karapur gari ngəni wa, kamnyar ku ɗuwamtadzi ala ɗa, antə da aɗi mzhi nggaɓəlari wa. Tsuwa da akwa thlivər yu ni ata kəra gari ngəni.
Wan Olta Shang Ri?
(Mat 18:1-5; Mar 9:33-37)
46Antə beɗi ku thlata akwa daɓwa mjirthlipərni ni abbər, wan olta shang akwa nca ɗa ri. #Luk 22:24 47Yesu ku kurtə səndə su na akwa ɗəffa ɗa, antə tsa kətə ɓzəngkyar laga raka, ka vu ni tə tsa thləthlata athlimbəlari. 48Antə tsa pəla ala ɗa, “Kəlara mdə na ku dlu ɓzəngkyar na raka apa ngəni akwa thləmi, tsa ku dlu ra. Tsuwa kəlara mdə na ku dlu ra, tsa ku dlu mdə na ku thlentə ra. Kamnyar mdə na raka ta shang akwa nca giri, an olta shang.” #Mat 10:40; Luk 10:16; Yah 13:20
Mdə Na Aɗi Dawar Giri Wa Tsa Pazhir giri
(Mar 9:38-40)
49Antə Yahwana shinau ka pəla, “Mthlaku, yeru ku wutə mdə laga ata kədləɓəla shatanayeri akwa thləma ga, antə yeru ku pəla alari ka tsa zhari, kamnyar tsa aɗi akwa nca yeru wa.”
50Amma Yesu pəla alari, “Giri aɗiya ngkatə ni wa, kamnyar kəlara mdə na aɗi nggəlar giri wa, tsa ar giri.”
Mjir Samariya Ku Nggəlar Ta Dlu Yesu
51Sakatə virayeri ku ntsəhədzi tə mda ata sə dlu Yesu amtazi, antə tsa vu akwa ɗəffari ka duna abbər ka tsa mwari ahar Urushalima. 52Antə tsa ku thlentə mjir thlenta akəmari, tə da ku mwari akwa di laga akwa tsəɗiyir Samariya kamnyar ka da ɗəmhə shanga su alari. 53Amma mji na anda aɗi hir dlu ni wa, kamnyar tə tsa ku thlentə kəmari abwar Urushalima. 54Sakatə mjirthlipərni, Yakub ka Yahwana ku wuta apani, antə da pəla, “Mthlaku, ga hir ka yeru tsawa ka u'u səghəi akwar amtazi ka mbamta ɗa ya?”
55Amma Yesu ku shinardzi ka mpa ala ɗa.#9:55 Bwadukwa kakaɗayeri na waci tə mdə rəbutə ka tsi ku jakəngkər ka pəla, “Giri aɗi səndə jili mambəl tə giri kəgari wa, kamnyar Ɓzər mda aɗi si kamnyar ka tsa kəl mpika mji wa, amma ka tsa mbantə ɗa.” 56Antə Yesu ka mjirthlipərni ku təra mwari akwa di damwa.
Mjir Pəla Abbər Da Ata Nu Yesu
(Mat 8:19-22)
57Sakatə da akwa ləkəma ka mwar ɗa akwa laku, antə mdə laga pəla aka Yesu, “I ata nu nga akwa kəlara vəi tə ga ata mwari akwa.”
58Antə Yesu pəla alari, “Pwaghayeri ka kur ɗa, ɗikayeri tsuwa ka mbwar ɗa, amma Ɓzər Mda aɗi ka vəi tə ka tsa pəpəi ata wa.”
59Antə tsa pəla aka mdə laga, “Ka gə nu ra.”
Amma mdə ni pəla, “Mthlaku, ndzi kəi ra harəmta baba'na katagu.”
60Amma Yesu pəla alari, “Zhar ka mji na mtəmta harəmta mdər ɗa na mtəmtari. Amma ar nga, mwari, ka gə psəmnya kuthlikurər Hyel.” 61Antə mdə laga pəla, “I ata nu nga, Mthlaku, amma ndzi kəi mwari ka yeru salamtədzi kəga mjir kutakəyirna katagu.”
62Amma Yesu pəla alari, “Kəlara mdə na ku baɗitə tsuhwa ka garma, ma tsa akwa jaktə wul bwahilari, tsa aɗi ata mzhi ləkwa kuthlikurər Hyel wa.”
Nu markerat:
:
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.