MI CILIMA 17
17
1Abalama n den pia piiyia n bina yia yaa yogunu, Li Miali Diedo den doagidi Abalama kani ki yedi o: «N tie U Tienu U Paaciamu Kuli Daano. Ŋan yaa cuoni n nintuali ki tiegi, 2n baa kuani n *ŋantaado mini leni fini yaa siiga. N baa pa ŋa ti madi hali boncianla.» 3Abalama den gbaani ki pugi. U Tienu den maadi leni o ki yedi o: 4«Diidi n ŋantaado, min kuani apo yua: A baa tua i nibuoli boncianla yaa baa. 5Bi kan go yini a Abalama moala, dinla liiga a yeli baa tie Abalahama kelima n teni ke a tua i nibuoli boncianla yaa baa.#Lom 4.17 6N baa teni ŋan baa maa yaa puoliŋuani n yabidi ki tua nibuoli. A baa maa baa bi badiba moko. 7N baa kuani n ŋantaado leni fini leni a puoliŋuani nifiima nni kuli. Li baa yaa tie yaa ŋantaado kan gbeni. Laa ŋantaado yaa niinni, n baa yaa tie a Tienu leni a puoliŋuani yaa Tienu.#Luk 1.55 8N baa pa fini leni a puoliŋuani yaaba n ŋua a puoli ŋan ye yaa diema nni moala ki tie o caano, Kanana diema kuli yeni ke man yaa tie bi yaa diema yaa yogunu kuli po. N baa tie bi Tienu.»#JTT 7.5
9U Tienu den yedi Abalahama: «Fini, a baa kubi n ŋantaado fini leni a yaa yaabila, yaaba n baa ŋua a puoli bi nifiima kuli nni. 10Diidi yin baa yaa kubi min kuani yaa ŋantaado leni yi maama nna, fini leni a puoliŋuani siiga bonjaga kuli baa kua ku koanciagu.#JTT 7.8; Lom 4.11 11Yi baa kua ku koanciagu ke li baa tie o ŋantaado yaa maalima mini leni yinba siiga. 12Yi siiga nni bonjaga kuli yaa pundi dana nii yin kuani o ku koanciagu nani yi yaa nifiima n baa tie maama. 13Baa o yonbo ban mali yua a diegu nni leni ŋan da yua leni a ligi kuli baa kua ku koanciagu. Lani n baa tie n ŋantaado maalima yi gbanandi nni hali yaa yogunu n kan gbeni. 14Yaa bonjaga n tie jifolo ki naa kua koanciagu o gbanandi nni, bi baa bolini o ki ñani o o niba siiga, kelima o miidi n ŋantaado.»
15U Tienu go den yedi Abalahama: «Ŋan da go yini a pua Salai. 16Moala o yeli baa yaa tie Sala. N baa seligi o ki teni wan maa apo bonjaga. N baa seligi o hali yaala ke o baa maa i nibuoli, o puoliŋuani siiga bi badiba moko baa yaa ye.»
17Abalahama den gbaani ki pugi. O den laa ki yedi o pali nni: «Yaa ja n pia bina kobiga baa fidi ki maa ki biga lede? Sala wani n nan pia bina piiyia yeni o go baa fidii maa?» 18Abalahama den yedi U Tienu: «Min mia ŋa yaala tie ke Isimayeli n yaa ye leni li miali.» U Tienu go den yedi o:
19«Mini ka yedi a te, a pua Sala baa maa apo bonjaga. A baa yini o yeli Isaaka n baa kuani o ŋantaado leni wani. Lani n tie yaa ŋantaado n kan gbeni ki baa ye leni o puoliŋuani. 20Isimayeli yaa po, n gbadi a miabu. Diidi n baa seligi o ki teni wan maa boncianla. N baa pa o ti madi hali bonŋanla. O baa maa piiga n badijaba lie n baa teni wan tua yaa nibuolu n yaba. 21Ama n baa kuani o ŋantaado leni Isaaka, Sala n baa maa apo yua yaa binli n kpendi u naa yogunu po.»
22Wan den maadi yeni ki gbeni, U Tienu den fii Abalahama kani ki doni tanpoli. 23Abalahama den taa o bijua Isimayeli leni yaaba n den mali o diegu nni kuli leni wan den da yaaba kuli leni o ligi, laa daali yaaba n tie bonjala kuli ki ye o diegu nni, o den kuani ba ku koanciagu nani U Tienu n den bili opo li ñoabonli maama yeni. 24Abalahama den pia piiyia n bina yia wan den kua ku koanciagu yaa yogunu. 25O bijua Isimayeli den kua ku koanciagu ki pia piiga n bina taa. 26Landaale ke Abalahama leni o bijua kuli den taani ki kua ku koanciagu. 27Yaa niba n den ye o diegu nni kuli yaaba n den mali o diegu nni leni ban den da yaaba leni i ligi bi nilanba kani bikuli den taani leni o ki kua ku koanciagu.
Isaaka madi laabaalo
Nu markerat:
MI CILIMA 17: GUX03
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
Gulmancema Bible © Bible Society of Burkina Faso, 2003.