U̍ku̍rɔ̍ yī Alɛrɔ̄ 10
10
Ipi̍ta ba̍la Ikɔnɛ̍līyusi
1Ɔngrɔ̄ɔ ɔha̍ re̍ka Ikɔnɛ̍līyusi hɔ̄ la ipwo̍gra yī Isi̍sari̍ya. Anu̍ - ɔlɛhu̍ yī ribi yī āchɛ ɔkplɛ̍wu̍ yī Aliro̍om ɔha̍ nīi re̍ka “Ribi yī Ali̍tāli” ma̍ a̍nɛ. 2Ikɔnɛ̍līyusi - ɔ̄chɛ ɔya̍ ɔpɔ̄pū yī lɛlā nīi hi Ɔwɔ ɔtū ma̍ nɛ. Anu̍ ba̍la alwɔlɛ̍ yī nū wa̍a̍ ē ya̍ otūlichō yī Ɔwɔ. O̍ ē kɔ̄ ɔjā de āchɛ yī Iju̍u nīi - alyeklo̍ ma̍. O̍ ē jɔhā de Ɔwɔ myɛ̄grāa-myɛ̄grāa. 3I̍chi̍chɛ ɔha̍ la yɛnɔ bāa yɛ̄grāa yī oje ɛta̍ ma̍, o̍ myɛ̍ma̍ ɔlɛbɛ̍bi̍ ita yī ɔha̍ bāa wɔ̄na ma̍. O̍ ma̍ ɔyɛ̍ɛ̄chɛ̄rɔ̄ yī Ɔwɔ gēdēgēdē nīi o̍ chɛ̄ wā dikpo̍ba̍ ɔ̄ ge̍ē da ɔ̍ hīka ɔ̍lɔ ge̍, “Ikɔnɛ̍līyusi!”
4Ikɔnɛ̍līyusi ma̍ ɔ̄ chi̍i̍ la uhwi la uhwi, da Ɔyɛ̍ɛ̄chɛ̄rɔ̄ yī Ɔwɔ ka ɔ̍lɔ - oji̍ nɛ, ādā?
Ɔyɛ̍ɛ̄chɛ̄rɔ̄ yī Ɔwɔ ka de ɔ̍ bɛ̍ɛ̄nɛ̄ hīka, “Ikɔnɛ̍līyusi! Ɔhā yī wɔ ba̍la lɛhi ɔyɔ̍ɔ̄ya̍ yī wɔ. Ɔwɔ nāa hwɔhi hwɔhi, lɛ ɔbɔ̄bla tū wɔ mɛ̍. 5De āchɛ tɛ̄rɔ̄ ga ipwo̍gra yī Ijɔ̍pa ge̍ hī ɔngrɔ̄ɔ nīi re̍ka Isa̍yi̍mɔ̄ɔn Ipi̍ta ma̍ ɛra̍ wā. 6O̍ tū wɔga abɔ̍ɔ la wɔlɛ̍ yī ɔngrɔ̄ɔ ɔha̍ nīi re̍ka Isa̍yi̍mɔ̄ɔn ɔgwɔ̍kpa̍ nīi hɔ̄ bla̍a oko̍o yī li̍hu ma̍.” 7Ɔyɛ̍ɛ̄chɛ̄rɔ̄ yī Ɔwɔ nīi yɛ ē kɛlā ma̍ ku̍ pīya bɛ̍ɛ̄nɛ̄. Ikɔnɛ̍līyusi wā ge̍ de a̍chɛ̍ yī nū āchɛ ɛpa hī ɛra̍, ba̍la ɔha̍ nīi ē gbō ɔ̄ ma̍. Ɔ̄chɛ ɔkplɛ̍wu̍ ɔla̍ā - ɔ̄chɛ ɔya̍ ɔpɔ̄pū yī lɛlā nīi hi Ɔwɔ ɔtū ma̍ nɛ. 8Ikɔnɛ̍līyusi koko̍o yī lɛlā nīi ya̍ ma̍ wa̍a̍ de wa̍. O̍ wā ge̍ de wa̍ tɛ̄rɔ̄ pīya ga Ijɔ̍pa bɛ̍ɛ̄nɛ̄.
9Ɔ̄chī ɔmɛpa nīi e̍ yɛ la ɔpɔ̄pū ma̍, e̍ wā ge̍ tu̍ bla̍a ipwo̍gra yī Ijɔ̍pa bɛ̍ɛ̄nɛ̄. Ipi̍ta nyɔ̄ abɔ̍ɔ la u̍nu̍ ɔla̍ā ga ichō yī nū ge̍ē jɔhā yɛ̄grāa yī yɛnɔ oche la yakpalɛ̄hu̍. 10Lɛmiyɛ ya̍ ɔ̄ nīi o̍ yɛ ē chikpo̍ ge̍ē re̍ ojōre̍; e̍ chī e̍e yɛ abɔ̍ɔ ē he ojōre̍. Ɔjā ɔha̍ bāa wɔ̄na ma̍ wā la anu̍ ɔpɔ̄ɔpɛ̄. 11O̍ ma̍ akpɔ̍ɔwɔ nīi lwāa ta̍ hwōō ɔpɔ̄ɔpɛ̄; ɔjā ɔha̍ lɛ bāa ukuru yī ɔ̄pa̍ ma̍, tū orī lɛhu̍ ɛnɛnɛ yɛ ē wā la ajɛ dikpo̍ ē ba̍ ɔ̄. 12Abɔ̍ɔ lipu̍ yī ɔjā ɔla̍ā, ɛjāajɛ ita yī ɔha̍lɔha̍ wa̍a̍ tū abɔ̍ɔ: ɛbɛ̍, a̍gba̍ana ba̍la ɛjā wa̍a̍ nīi pōpi ma̍. 13Ɔkɔlɛ̄lā ɔha̍ ka bɛ̍ɛ̄nɛ̄ ka ɔ̍lɔ ge̍, “Ipi̍ta be̍e! Nīichō nīi a ā ngmo̍ re̍ gɛ!”
14Ipi̍ta ka ɔ̍lɔ ge̍, “Īchāha̍ īchāha̍, Ādā! Ami i̍ de oko̍o tū ɔjā oli̍hi̍hi̍ya̍ ba̍la ɔjā yī lɛbi̍ i̍ngɔ̍ɔ je̍ ni̍ oo!”
15Ɔkɔlɛ̄lā ɔla̍ā gba̍a da ɔ̍ hīka, “Ɔjā nīi Ɔwɔ ya̍ nīi o̍ de lɛ cha̍ri̍cha̍ri̍ ma̍, a ā ka hīka, o̍ li̍hi̍hi̍ya̍ ni̍!” 16Lɛlā nūma̍ ya̍ i̍ngi̍ngɔ̍ɔ igbɛta̍, o̍bū nīi e̍ ku̍chē la anu̍ pīya yī ichō.
17Ipi̍ta kū abɔ̍ɔ ē gbɛri̍ya̍; oji̍ kpa̍a ɔ̍lɔ - ochi̍chi̍ yī yɛ̍ma̍ ɔlɛbɛ̍bi̍ nūma̍ nīi anɔ̍lɔ ma̍ ma̍? Yɛ̄grāa ɔla̍ā pi̍i̍, āchɛ nīi Ikɔnɛ̍līyusi de tɛ̄rɔ̄ ma̍ chikpo̍ yī wɔlɛ̍ yī Isa̍yi̍mɔ̄ɔn de ɛbɛ je̍ mɛ̍. E̍ wā gblāa abɔ̍ɔ la oko̍prīinu mɛ̍. 18E̍ hī ɛra̍ chikpo̍ gāa ka Isa̍yi̍mɔ̄ɔn nīi - ɔ̍lɔ re̍ka Ipi̍ta ma̍ ɔ̍lɔ tū wɔga amu?
19Ipi̍ta e̍e kū abɔ̍ɔ ē gbɛri̍ya̍ yī ochi̍chi̍ yī yɛ̍ma̍ ɔlɛbɛ̍bi̍ ɔla̍ā we̍. Uhu yī Ɔwɔ ka de Ipi̍ta bɛ̍ɛ̄nɛ̄ hīka, “Ma̍ ko̍ō Ipi̍ta! Āchɛ ɛta̍ gblāa abɔ̍ɔ ē gāla̍ wɔ. 20Tībi̍īyē nīi a ā hrāajɛ gāa dikpo̍ba̍ wā. A ā ta̍ahu̍ yī lɛlɛ̄lā ni̍; pīya ba̍la aa̍; ma̍a ami ya̍ nīi e̍ wā a̍nɛ.” 21Ipi̍ta hrāajɛ bɛ̍ɛ̄nɛ̄ gāa dikpo̍ba̍ alɛrɔ̄ yī Ikɔnɛ̍līyusi. O̍ ka de wa̍ hīka ɔ̍lɔ - anu̍ nīi ɛ̍lɛ ē gāla̍ a̍nɛ. O̍ che wa̍ ikpo̍ ka oji̍ nīi ɛ̍lɛ chī yɛ i̍ngɔ̍ɔ ma̍?
22E̍ ka de ɔ̍ bɛ̍ɛ̄nɛ̄ hīka, “Ɔlɛhu̍ yī āchɛ ɔkplɛ̍wu̍ nīi re̍ka Ikɔnɛ̍līyusi ma̍ tū alɔ ɛrɔ̄ a̍nɛ. Ɔ̄chɛ ɔya̍ ɔpɔ̄pū yī lɛlā nīi hi Ɔwɔ ɔtū ma̍ nɛ. O̍ ē ya̍ otūlichō yī Ɔwɔ. Iju̍u wa̍a̍ ē tū ɔ̄ lichō. Ɔyɛ̍ɛ̄chɛ̄rɔ̄ yī Ɔwɔ wā ge̍ ka de ɔ̍ ka ɔ̍lɔ ge̍ hī aɔ̍lɔ ɛra̍ wā la wɔlɛ̍, hɛ̄ɛbɛ nīi ɔ̍lɔ ge̍ plɛ̍ɛ̄lā nīi aɔ̍lɔ ge̍ē ka ma̍.” 23Bɛ̍ɛ̄nɛ̄, Ipi̍ta de wa̍ bī pīya ga ipu̍nu̍. E̍ chɔ̄chā abɔ̍ɔ ba̍la anu̍ i̍chi̍chɛ ɔla̍ā.
Ɔ̄chī ɔmɛpa, o̍ tībi̍īyē pīya ba̍la aa̍ bɛ̍ɛ̄nɛ̄. Aɛ̍nɛ̍ yī nū, āchɛ yī Ikra̍yisi nīi gblāa la Ijɔ̍pa ma̍, ɛha̍ yī wā yɛ ba̍la anu̍. 24Ɔ̄chī ɔmɛpa, e̍ gbajɛ ga Isi̍sari̍ya. Ikɔnɛ̍līyusi hɔ̄ abɔ̍ɔ ē gbēyī yī Ipi̍ta. O̍ hī aɛ̍nɛ̍ yī nū ba̍la aɛ̍ɛya anu̍ ɛra̍ wa̍a̍ ge̍ grēeyī abɔ̍ɔ. 25Ipi̍ta yɛ ge̍ē chɛ̄ ga u̍nu̍ ɔpɔ̄ɔpɛ̄ ma̍, Ikɔnɛ̍līyusi yɛ grāa anu̍, ngma̍ ta̍gbo la ajɛ la apli̍kpo̍ yī Ipi̍ta, ya̍ otūlichō de ɔ̍. 26Ipi̍ta nāa anu̍ nīichō da ɔ̍ ka ɔ̍lɔ ge̍, “Nīichō! Ma̍a ami - ɔ̄chɛ̄ɛchɛ ɔlamu ji nɛ.” 27Ipi̍ta ba̍la anu̍ kā wɔ̄kā i̍ngɔ̍ɔ wa̍a̍ ge̍ chɛ̄ la ipu̍nu̍. Ipi̍ta ma̍ nīi āchɛ grēeyī gblāa abɔ̍ɔ kpɛ̍ɛji ma̍, 28o̍ koko̍o de āchɛ ɛla̍ā bɛ̍ɛ̄nɛ̄ hīka, “Ala̍ ɛlɛjā jo̍ōkū wa̍a̍ hīka Iju̍u ɔha̍lɔha̍ i̍ ē chɛ̄ gāa ogrēeyī yī Ɛchɛkɔcha, kɛ̄ɛ ē ya̍ lɛlɛ̄lā ba̍la aa̍ ni̍. Ɔla̍ā - lihɔ nɛ. Ɔwɔ chī chabɔ̄ hu̍ u mɛ̍, hīka amɔ̍lɔ ge̍ e̍e gbɛri̍ya̍ ka ɔ̄chɛ ɔha̍ ɔ̍lɔ li̍hi̍hi̍ya̍ kɛ̄ɛ ɔ̍lɔ bri̍īnyī ni̍. 29Wu̍chē yī ɔla̍ā, ala̍ tɛ̄rɔ̄ hu u ma̍, n i̍ ta̍ ni̍; n wā. N ge̍ē chikpo̍ bɛ̍ɛ̄nɛ̄ hīka, oji̍ - ohu̍ nīi ala̍ tɛ̄rɔ̄ hu u ma̍?”
30Ikɔnɛ̍līyusi ka bɛ̍ɛ̄nɛ̄ hīka, “I̍chɛ - ɔ̄chī ɛnɛ, bāa yɛ̄grāa nūma̍ ma̍, n yɛ ē jɔhā abɔ̍ɔ la u̍nu̍ yī u la oje ɛta̍. Ɔpɔ̄ɔpɛ̄, n ma̍ ɔ̄chɛ ɔha̍ nīi tū ɔjā ɔnɛ̄rɛ̍ɛ̄rɛ̍ fre̍te̍te̍ wā ge̍ rɛ abɔ̍ɔ la iyɔ̄bū yī u. 31O̍ ka ɔ̍lɔ ge̍ Ikɔnɛ̍līyusi be̍e! Ɔwɔ ɔ̍lɔ po̍ ɔhā yī amɔ̍lɔ, ɔ̍lɔ lɛ ɔbɔ̄bla tū lɛhi ɔyɔ̍ɔ̄ya̍ yī amɔ̍lɔ mɛ̍. 32Amɔ̍lɔ ge̍ de ɔ̄chɛ tɛ̄rɔ̄ ga Ijɔ̍pa ge̍ hī Isa̍yi̍mɔ̄ɔn nīi - ɔ̍lɔ re̍ka Ipi̍ta ma̍ ɛra̍ wā. Ɔ̍lɔ tū wɔga abɔ̍ɔ la wɔlɛ̍ yī Isa̍yi̍mɔ̄ɔn ɔgwɔ̍kpa̍ nīi - ɔ̍lɔ hɔ̄ bla̍a oko̍o yī li̍hu ma̍! 33N wā ge̍ tɛ̄rɔ̄ hu wɔ ɔpɔ̄ɔpɛ̄. Aa̍ nīi a chī wā hwɔhi hwɔhi i̍ngɔ̍ɔ ke̍e̍ hɔ̄ ma̍ a̍nɛ. Alɔ wa̍a̍ gblāa ma̍ la iyɔ̄bū yī Ɔwɔ ɔlɔjā mɛ̍. Alɔ yɛ ē gbēyī yī ɔjā nīi Ādā ɔlɔjā ka hīka aɔ̍lɔ ge̍ ka ma̍ bɛ̍ɛ̄nɛ̄.”
Lɛlā nīi Ipi̍ta ka la wɔlɛ̍ yī Ikɔnɛ̍līyusi ma̍
34Ipi̍ta kū la lɛlā ɔkɔ̄ka bɛ̍ɛ̄nɛ̄ hīka, “U̍ma̍ama, n jo̍ōkū mɛ̍ hīka lēchi̍ lēchi̍ nɛ; Ɔwɔ nāa āchɛ̄ɛchɛ wa̍a̍ jɔ̄ɔ̄jɛ̄. 35Ɔ̄chɛ nīi ge̍ ya̍ otūlichō yī nū, yɛ̍ɛ̄lā nīi lɛ kpakpa ma̍, o̍ ē nāa lɛlā yī nū. O̍ ge̍ bōbū la ɔcha ɔha̍lɔha̍ oo, i̍ngi̍ngɔ̍ɔ nɛ. 36Je̍ka aa̍ ala̍ jo̍ōkū yī ɛrɔ̄ nīi o̍ tū hu Ali̍sɛ̄rɛli ma̍! Wɔ̄kā Ɔlwɔnyɛ yī ogbodɔ̍dɔ̍ nīi hɔ̄ gala abɔ̄ yī Iji̍sɔ̄ɔsi Ikra̍yisi nīi - Ādādā yī āchɛ̄ɛchɛ wa̍a̍ ma̍ nɛ. 37Je̍ka aa̍ ala̍ jo̍ōkū yī lɛlā ɔnɔ̄kɔ̄kū ɔla̍ā nīi ya̍ wa̍a̍ ta̍ ajajɛ yī I̍sɛ̄rɛli ta̍ ma̍! O̍ wu̍tu bū la Iga̍līli la okwi̍ihi yī lɛlā yī yenyi ohōhu nīi Ijɔ̍ɔn ka de āchɛ ma̍. 38Je̍ka aa̍ ala̍ jo̍ōkū hīka, Iji̍sɔ̄ɔsi yī Ina̍jārɛ̄ɛti, Ɔwɔ hu ɔ̍ ohōhu, de Uhu Ɔnɛ̄ɛhɛhi yī nū ba̍la wɔhu̍ mu ɔ̍ iyē. O̍ ē ga ɛbɛha̍-ɛbɛha̍ wa̍a̍ ge̍ē yɛ̍ɛ̄lā ɔnɛ̄ɛhɛhi, ē nyiya āchɛ nīi Ɔngūwɛ̄gā ku̍ wā tū orī ma̍. Wu̍chē oji̍ nɛ, Ɔwɔ hɔ̄ ba̍la anu̍. 39Alɔ re̍ka itɛ̍ɛhi̍yɛ̍ yī lɛlā ɛla̍ā nīi o̍ ya̍ wa̍a̍ abɔ̍ɔ la ajɛ yī Iju̍u wa̍a̍ ba̍la Ijɛru̍sālɛm ma̍ a̍nɛ. E̍ wā ge̍ de ɔ̍ gwōba̍ la ɔchi̍ ɔhrɛ̍ɛpa, de ɔ̍ ngma̍. 40Ɔwɔ chī de ɔ̍ hye̍ēyī la okū la ɔ̄chī ɔmɛta̍ ya̍ nīi o̍ ngmɛ̍ɛchɛ wā nīi āchɛ ma̍ ɔ̄. 41I̍ āchɛ wa̍a̍ ma̍ ɔ̄ a̍ni̍; alɔ nīi - itɛ̍ɛhi̍yɛ̍ nīi Ɔwɔ hōhu lɔ̄lā ma̍ ma̍ ɔ̄ a̍nɛ. O̍ hye̍ēyī la okū ma̍, alɔ re̍ ojōre̍, gwa̍ ɔjā ba̍la anu̍. 42O̍ koko̍o de alɔ ka aɛ̍lɛ ge̍ kā Wɔ̄kā Ɔlwɔnyɛ ɔla̍ā de āchɛ; aɛ̍lɛ ge̍ koko̍o de āchɛ hīka anu̍ nīi Ɔwɔ ɔ̍lɔ hōhu ge̍ē hlɛ̍ɛ̄pɔ̄ yī āchɛ ɔhɔ̄leyī ba̍la āchɛ oko̍ōku̍ a̍nɛ. 43Āchɛ ɔkɛrɔ̄ yī Ɔwɔ mɔri̍mɔri̍ kɛlā ku̍ ɔ̄ cha̍cha̍. E̍ ka ɔ̄chɛ nīi - ɔ̍lɔ ge̍ chɛ̄ku Iji̍sɔ̄ɔsi, lɛlā ɔdwɔ̄bi̍ yī ɔlɔjā ɔ̍lɔ ge̍ē ngmo̍nyi̍ bū la wɔhu̍ yī riyī yī ɔ̍lɔ.”
Ɛchɛkɔcha titi nāa Uhu Ɔnɛ̄ɛhɛhi yī Ɔwɔ
44Yɛ̄grāa nīi Ipi̍ta e̍e rɛ ma̍ ē kɛlā ma̍, Uhu Ɔnɛ̄ɛhɛhi yī Ɔwɔ wā dikpo̍ba̍ āchɛ ɛla̍ā wa̍a̍ nīi yɛ ē po̍ ɛrɔ̄ yī nū ma̍ ɔpɔ̄ɔpɛ̄. 45Āchɛ yī Ikra̍yisi, Iju̍u nīi wā ba̍la Ipi̍ta bū la Ijɔ̍pa ma̍ de kpo̍ hɛ̍ɛgbɛgba gblāa abɔ̍ɔ. O̍ lɛ wa̍ lɛbɛ̍bi̍ nīi ē ma̍ nīi Ɔwɔ kɔ̄ Uhu Ɔnɛ̄ɛhɛhi yī nū de Ɛchɛkɔcha i̍ngi̍ngɔ̍ɔ ma̍. 46Wu̍chē oji̍ nɛ, e̍e ma̍ nīi āchɛ ɛla̍ā gblāa abɔ̍ɔ ē ka ɛcha ɛha̍, gba̍a yɛ ē kā Ɔwɔ ɔkɔ̄kā. Ipi̍ta hu oko̍o kpa̍ ka bɛ̍ɛ̄nɛ̄ ka, 47“Je̍ka āchɛ nūma̍ wa̍a̍ nāa Uhu Ɔnɛ̄ɛhɛhi yī Ɔwɔ bāa alɔ ma̍ mɛ̍! Ɔ̄chɛ ɔha̍ ge̍ē howu̍ u̍ma̍ama ka ɛ̍lɛ ge̍ e̍e hu yenyi la yenyi ɔlamu ni̍?” 48Bū la ɛbɛ ɔla̍ā, Ipi̍ta ka ɔpɔ̄ɔpɛ̄ ka ɛ̍lɛ ge̍ hu yenyi la riyī yī Iji̍sɔ̄ɔsi Ikra̍yisi. Āchɛ ɛla̍ā wa̍a̍ ra̍ābɔ̄ de ɔ̍ ka ɔ̍lɔ ge̍ jī hɔ̄ amu tāa aa̍ ɔ̄chī ɛha̍ pi̍nyɛ̍ o̍bū.
Nu markerat:
U̍ku̍rɔ̍ yī Alɛrɔ̄ 10: YBASR
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
© 2020 Bible Society of Nigeria (second edition)
U̍ku̍rɔ̍ yī Alɛrɔ̄ 10
10
Ipi̍ta ba̍la Ikɔnɛ̍līyusi
1Ɔngrɔ̄ɔ ɔha̍ re̍ka Ikɔnɛ̍līyusi hɔ̄ la ipwo̍gra yī Isi̍sari̍ya. Anu̍ - ɔlɛhu̍ yī ribi yī āchɛ ɔkplɛ̍wu̍ yī Aliro̍om ɔha̍ nīi re̍ka “Ribi yī Ali̍tāli” ma̍ a̍nɛ. 2Ikɔnɛ̍līyusi - ɔ̄chɛ ɔya̍ ɔpɔ̄pū yī lɛlā nīi hi Ɔwɔ ɔtū ma̍ nɛ. Anu̍ ba̍la alwɔlɛ̍ yī nū wa̍a̍ ē ya̍ otūlichō yī Ɔwɔ. O̍ ē kɔ̄ ɔjā de āchɛ yī Iju̍u nīi - alyeklo̍ ma̍. O̍ ē jɔhā de Ɔwɔ myɛ̄grāa-myɛ̄grāa. 3I̍chi̍chɛ ɔha̍ la yɛnɔ bāa yɛ̄grāa yī oje ɛta̍ ma̍, o̍ myɛ̍ma̍ ɔlɛbɛ̍bi̍ ita yī ɔha̍ bāa wɔ̄na ma̍. O̍ ma̍ ɔyɛ̍ɛ̄chɛ̄rɔ̄ yī Ɔwɔ gēdēgēdē nīi o̍ chɛ̄ wā dikpo̍ba̍ ɔ̄ ge̍ē da ɔ̍ hīka ɔ̍lɔ ge̍, “Ikɔnɛ̍līyusi!”
4Ikɔnɛ̍līyusi ma̍ ɔ̄ chi̍i̍ la uhwi la uhwi, da Ɔyɛ̍ɛ̄chɛ̄rɔ̄ yī Ɔwɔ ka ɔ̍lɔ - oji̍ nɛ, ādā?
Ɔyɛ̍ɛ̄chɛ̄rɔ̄ yī Ɔwɔ ka de ɔ̍ bɛ̍ɛ̄nɛ̄ hīka, “Ikɔnɛ̍līyusi! Ɔhā yī wɔ ba̍la lɛhi ɔyɔ̍ɔ̄ya̍ yī wɔ. Ɔwɔ nāa hwɔhi hwɔhi, lɛ ɔbɔ̄bla tū wɔ mɛ̍. 5De āchɛ tɛ̄rɔ̄ ga ipwo̍gra yī Ijɔ̍pa ge̍ hī ɔngrɔ̄ɔ nīi re̍ka Isa̍yi̍mɔ̄ɔn Ipi̍ta ma̍ ɛra̍ wā. 6O̍ tū wɔga abɔ̍ɔ la wɔlɛ̍ yī ɔngrɔ̄ɔ ɔha̍ nīi re̍ka Isa̍yi̍mɔ̄ɔn ɔgwɔ̍kpa̍ nīi hɔ̄ bla̍a oko̍o yī li̍hu ma̍.” 7Ɔyɛ̍ɛ̄chɛ̄rɔ̄ yī Ɔwɔ nīi yɛ ē kɛlā ma̍ ku̍ pīya bɛ̍ɛ̄nɛ̄. Ikɔnɛ̍līyusi wā ge̍ de a̍chɛ̍ yī nū āchɛ ɛpa hī ɛra̍, ba̍la ɔha̍ nīi ē gbō ɔ̄ ma̍. Ɔ̄chɛ ɔkplɛ̍wu̍ ɔla̍ā - ɔ̄chɛ ɔya̍ ɔpɔ̄pū yī lɛlā nīi hi Ɔwɔ ɔtū ma̍ nɛ. 8Ikɔnɛ̍līyusi koko̍o yī lɛlā nīi ya̍ ma̍ wa̍a̍ de wa̍. O̍ wā ge̍ de wa̍ tɛ̄rɔ̄ pīya ga Ijɔ̍pa bɛ̍ɛ̄nɛ̄.
9Ɔ̄chī ɔmɛpa nīi e̍ yɛ la ɔpɔ̄pū ma̍, e̍ wā ge̍ tu̍ bla̍a ipwo̍gra yī Ijɔ̍pa bɛ̍ɛ̄nɛ̄. Ipi̍ta nyɔ̄ abɔ̍ɔ la u̍nu̍ ɔla̍ā ga ichō yī nū ge̍ē jɔhā yɛ̄grāa yī yɛnɔ oche la yakpalɛ̄hu̍. 10Lɛmiyɛ ya̍ ɔ̄ nīi o̍ yɛ ē chikpo̍ ge̍ē re̍ ojōre̍; e̍ chī e̍e yɛ abɔ̍ɔ ē he ojōre̍. Ɔjā ɔha̍ bāa wɔ̄na ma̍ wā la anu̍ ɔpɔ̄ɔpɛ̄. 11O̍ ma̍ akpɔ̍ɔwɔ nīi lwāa ta̍ hwōō ɔpɔ̄ɔpɛ̄; ɔjā ɔha̍ lɛ bāa ukuru yī ɔ̄pa̍ ma̍, tū orī lɛhu̍ ɛnɛnɛ yɛ ē wā la ajɛ dikpo̍ ē ba̍ ɔ̄. 12Abɔ̍ɔ lipu̍ yī ɔjā ɔla̍ā, ɛjāajɛ ita yī ɔha̍lɔha̍ wa̍a̍ tū abɔ̍ɔ: ɛbɛ̍, a̍gba̍ana ba̍la ɛjā wa̍a̍ nīi pōpi ma̍. 13Ɔkɔlɛ̄lā ɔha̍ ka bɛ̍ɛ̄nɛ̄ ka ɔ̍lɔ ge̍, “Ipi̍ta be̍e! Nīichō nīi a ā ngmo̍ re̍ gɛ!”
14Ipi̍ta ka ɔ̍lɔ ge̍, “Īchāha̍ īchāha̍, Ādā! Ami i̍ de oko̍o tū ɔjā oli̍hi̍hi̍ya̍ ba̍la ɔjā yī lɛbi̍ i̍ngɔ̍ɔ je̍ ni̍ oo!”
15Ɔkɔlɛ̄lā ɔla̍ā gba̍a da ɔ̍ hīka, “Ɔjā nīi Ɔwɔ ya̍ nīi o̍ de lɛ cha̍ri̍cha̍ri̍ ma̍, a ā ka hīka, o̍ li̍hi̍hi̍ya̍ ni̍!” 16Lɛlā nūma̍ ya̍ i̍ngi̍ngɔ̍ɔ igbɛta̍, o̍bū nīi e̍ ku̍chē la anu̍ pīya yī ichō.
17Ipi̍ta kū abɔ̍ɔ ē gbɛri̍ya̍; oji̍ kpa̍a ɔ̍lɔ - ochi̍chi̍ yī yɛ̍ma̍ ɔlɛbɛ̍bi̍ nūma̍ nīi anɔ̍lɔ ma̍ ma̍? Yɛ̄grāa ɔla̍ā pi̍i̍, āchɛ nīi Ikɔnɛ̍līyusi de tɛ̄rɔ̄ ma̍ chikpo̍ yī wɔlɛ̍ yī Isa̍yi̍mɔ̄ɔn de ɛbɛ je̍ mɛ̍. E̍ wā gblāa abɔ̍ɔ la oko̍prīinu mɛ̍. 18E̍ hī ɛra̍ chikpo̍ gāa ka Isa̍yi̍mɔ̄ɔn nīi - ɔ̍lɔ re̍ka Ipi̍ta ma̍ ɔ̍lɔ tū wɔga amu?
19Ipi̍ta e̍e kū abɔ̍ɔ ē gbɛri̍ya̍ yī ochi̍chi̍ yī yɛ̍ma̍ ɔlɛbɛ̍bi̍ ɔla̍ā we̍. Uhu yī Ɔwɔ ka de Ipi̍ta bɛ̍ɛ̄nɛ̄ hīka, “Ma̍ ko̍ō Ipi̍ta! Āchɛ ɛta̍ gblāa abɔ̍ɔ ē gāla̍ wɔ. 20Tībi̍īyē nīi a ā hrāajɛ gāa dikpo̍ba̍ wā. A ā ta̍ahu̍ yī lɛlɛ̄lā ni̍; pīya ba̍la aa̍; ma̍a ami ya̍ nīi e̍ wā a̍nɛ.” 21Ipi̍ta hrāajɛ bɛ̍ɛ̄nɛ̄ gāa dikpo̍ba̍ alɛrɔ̄ yī Ikɔnɛ̍līyusi. O̍ ka de wa̍ hīka ɔ̍lɔ - anu̍ nīi ɛ̍lɛ ē gāla̍ a̍nɛ. O̍ che wa̍ ikpo̍ ka oji̍ nīi ɛ̍lɛ chī yɛ i̍ngɔ̍ɔ ma̍?
22E̍ ka de ɔ̍ bɛ̍ɛ̄nɛ̄ hīka, “Ɔlɛhu̍ yī āchɛ ɔkplɛ̍wu̍ nīi re̍ka Ikɔnɛ̍līyusi ma̍ tū alɔ ɛrɔ̄ a̍nɛ. Ɔ̄chɛ ɔya̍ ɔpɔ̄pū yī lɛlā nīi hi Ɔwɔ ɔtū ma̍ nɛ. O̍ ē ya̍ otūlichō yī Ɔwɔ. Iju̍u wa̍a̍ ē tū ɔ̄ lichō. Ɔyɛ̍ɛ̄chɛ̄rɔ̄ yī Ɔwɔ wā ge̍ ka de ɔ̍ ka ɔ̍lɔ ge̍ hī aɔ̍lɔ ɛra̍ wā la wɔlɛ̍, hɛ̄ɛbɛ nīi ɔ̍lɔ ge̍ plɛ̍ɛ̄lā nīi aɔ̍lɔ ge̍ē ka ma̍.” 23Bɛ̍ɛ̄nɛ̄, Ipi̍ta de wa̍ bī pīya ga ipu̍nu̍. E̍ chɔ̄chā abɔ̍ɔ ba̍la anu̍ i̍chi̍chɛ ɔla̍ā.
Ɔ̄chī ɔmɛpa, o̍ tībi̍īyē pīya ba̍la aa̍ bɛ̍ɛ̄nɛ̄. Aɛ̍nɛ̍ yī nū, āchɛ yī Ikra̍yisi nīi gblāa la Ijɔ̍pa ma̍, ɛha̍ yī wā yɛ ba̍la anu̍. 24Ɔ̄chī ɔmɛpa, e̍ gbajɛ ga Isi̍sari̍ya. Ikɔnɛ̍līyusi hɔ̄ abɔ̍ɔ ē gbēyī yī Ipi̍ta. O̍ hī aɛ̍nɛ̍ yī nū ba̍la aɛ̍ɛya anu̍ ɛra̍ wa̍a̍ ge̍ grēeyī abɔ̍ɔ. 25Ipi̍ta yɛ ge̍ē chɛ̄ ga u̍nu̍ ɔpɔ̄ɔpɛ̄ ma̍, Ikɔnɛ̍līyusi yɛ grāa anu̍, ngma̍ ta̍gbo la ajɛ la apli̍kpo̍ yī Ipi̍ta, ya̍ otūlichō de ɔ̍. 26Ipi̍ta nāa anu̍ nīichō da ɔ̍ ka ɔ̍lɔ ge̍, “Nīichō! Ma̍a ami - ɔ̄chɛ̄ɛchɛ ɔlamu ji nɛ.” 27Ipi̍ta ba̍la anu̍ kā wɔ̄kā i̍ngɔ̍ɔ wa̍a̍ ge̍ chɛ̄ la ipu̍nu̍. Ipi̍ta ma̍ nīi āchɛ grēeyī gblāa abɔ̍ɔ kpɛ̍ɛji ma̍, 28o̍ koko̍o de āchɛ ɛla̍ā bɛ̍ɛ̄nɛ̄ hīka, “Ala̍ ɛlɛjā jo̍ōkū wa̍a̍ hīka Iju̍u ɔha̍lɔha̍ i̍ ē chɛ̄ gāa ogrēeyī yī Ɛchɛkɔcha, kɛ̄ɛ ē ya̍ lɛlɛ̄lā ba̍la aa̍ ni̍. Ɔla̍ā - lihɔ nɛ. Ɔwɔ chī chabɔ̄ hu̍ u mɛ̍, hīka amɔ̍lɔ ge̍ e̍e gbɛri̍ya̍ ka ɔ̄chɛ ɔha̍ ɔ̍lɔ li̍hi̍hi̍ya̍ kɛ̄ɛ ɔ̍lɔ bri̍īnyī ni̍. 29Wu̍chē yī ɔla̍ā, ala̍ tɛ̄rɔ̄ hu u ma̍, n i̍ ta̍ ni̍; n wā. N ge̍ē chikpo̍ bɛ̍ɛ̄nɛ̄ hīka, oji̍ - ohu̍ nīi ala̍ tɛ̄rɔ̄ hu u ma̍?”
30Ikɔnɛ̍līyusi ka bɛ̍ɛ̄nɛ̄ hīka, “I̍chɛ - ɔ̄chī ɛnɛ, bāa yɛ̄grāa nūma̍ ma̍, n yɛ ē jɔhā abɔ̍ɔ la u̍nu̍ yī u la oje ɛta̍. Ɔpɔ̄ɔpɛ̄, n ma̍ ɔ̄chɛ ɔha̍ nīi tū ɔjā ɔnɛ̄rɛ̍ɛ̄rɛ̍ fre̍te̍te̍ wā ge̍ rɛ abɔ̍ɔ la iyɔ̄bū yī u. 31O̍ ka ɔ̍lɔ ge̍ Ikɔnɛ̍līyusi be̍e! Ɔwɔ ɔ̍lɔ po̍ ɔhā yī amɔ̍lɔ, ɔ̍lɔ lɛ ɔbɔ̄bla tū lɛhi ɔyɔ̍ɔ̄ya̍ yī amɔ̍lɔ mɛ̍. 32Amɔ̍lɔ ge̍ de ɔ̄chɛ tɛ̄rɔ̄ ga Ijɔ̍pa ge̍ hī Isa̍yi̍mɔ̄ɔn nīi - ɔ̍lɔ re̍ka Ipi̍ta ma̍ ɛra̍ wā. Ɔ̍lɔ tū wɔga abɔ̍ɔ la wɔlɛ̍ yī Isa̍yi̍mɔ̄ɔn ɔgwɔ̍kpa̍ nīi - ɔ̍lɔ hɔ̄ bla̍a oko̍o yī li̍hu ma̍! 33N wā ge̍ tɛ̄rɔ̄ hu wɔ ɔpɔ̄ɔpɛ̄. Aa̍ nīi a chī wā hwɔhi hwɔhi i̍ngɔ̍ɔ ke̍e̍ hɔ̄ ma̍ a̍nɛ. Alɔ wa̍a̍ gblāa ma̍ la iyɔ̄bū yī Ɔwɔ ɔlɔjā mɛ̍. Alɔ yɛ ē gbēyī yī ɔjā nīi Ādā ɔlɔjā ka hīka aɔ̍lɔ ge̍ ka ma̍ bɛ̍ɛ̄nɛ̄.”
Lɛlā nīi Ipi̍ta ka la wɔlɛ̍ yī Ikɔnɛ̍līyusi ma̍
34Ipi̍ta kū la lɛlā ɔkɔ̄ka bɛ̍ɛ̄nɛ̄ hīka, “U̍ma̍ama, n jo̍ōkū mɛ̍ hīka lēchi̍ lēchi̍ nɛ; Ɔwɔ nāa āchɛ̄ɛchɛ wa̍a̍ jɔ̄ɔ̄jɛ̄. 35Ɔ̄chɛ nīi ge̍ ya̍ otūlichō yī nū, yɛ̍ɛ̄lā nīi lɛ kpakpa ma̍, o̍ ē nāa lɛlā yī nū. O̍ ge̍ bōbū la ɔcha ɔha̍lɔha̍ oo, i̍ngi̍ngɔ̍ɔ nɛ. 36Je̍ka aa̍ ala̍ jo̍ōkū yī ɛrɔ̄ nīi o̍ tū hu Ali̍sɛ̄rɛli ma̍! Wɔ̄kā Ɔlwɔnyɛ yī ogbodɔ̍dɔ̍ nīi hɔ̄ gala abɔ̄ yī Iji̍sɔ̄ɔsi Ikra̍yisi nīi - Ādādā yī āchɛ̄ɛchɛ wa̍a̍ ma̍ nɛ. 37Je̍ka aa̍ ala̍ jo̍ōkū yī lɛlā ɔnɔ̄kɔ̄kū ɔla̍ā nīi ya̍ wa̍a̍ ta̍ ajajɛ yī I̍sɛ̄rɛli ta̍ ma̍! O̍ wu̍tu bū la Iga̍līli la okwi̍ihi yī lɛlā yī yenyi ohōhu nīi Ijɔ̍ɔn ka de āchɛ ma̍. 38Je̍ka aa̍ ala̍ jo̍ōkū hīka, Iji̍sɔ̄ɔsi yī Ina̍jārɛ̄ɛti, Ɔwɔ hu ɔ̍ ohōhu, de Uhu Ɔnɛ̄ɛhɛhi yī nū ba̍la wɔhu̍ mu ɔ̍ iyē. O̍ ē ga ɛbɛha̍-ɛbɛha̍ wa̍a̍ ge̍ē yɛ̍ɛ̄lā ɔnɛ̄ɛhɛhi, ē nyiya āchɛ nīi Ɔngūwɛ̄gā ku̍ wā tū orī ma̍. Wu̍chē oji̍ nɛ, Ɔwɔ hɔ̄ ba̍la anu̍. 39Alɔ re̍ka itɛ̍ɛhi̍yɛ̍ yī lɛlā ɛla̍ā nīi o̍ ya̍ wa̍a̍ abɔ̍ɔ la ajɛ yī Iju̍u wa̍a̍ ba̍la Ijɛru̍sālɛm ma̍ a̍nɛ. E̍ wā ge̍ de ɔ̍ gwōba̍ la ɔchi̍ ɔhrɛ̍ɛpa, de ɔ̍ ngma̍. 40Ɔwɔ chī de ɔ̍ hye̍ēyī la okū la ɔ̄chī ɔmɛta̍ ya̍ nīi o̍ ngmɛ̍ɛchɛ wā nīi āchɛ ma̍ ɔ̄. 41I̍ āchɛ wa̍a̍ ma̍ ɔ̄ a̍ni̍; alɔ nīi - itɛ̍ɛhi̍yɛ̍ nīi Ɔwɔ hōhu lɔ̄lā ma̍ ma̍ ɔ̄ a̍nɛ. O̍ hye̍ēyī la okū ma̍, alɔ re̍ ojōre̍, gwa̍ ɔjā ba̍la anu̍. 42O̍ koko̍o de alɔ ka aɛ̍lɛ ge̍ kā Wɔ̄kā Ɔlwɔnyɛ ɔla̍ā de āchɛ; aɛ̍lɛ ge̍ koko̍o de āchɛ hīka anu̍ nīi Ɔwɔ ɔ̍lɔ hōhu ge̍ē hlɛ̍ɛ̄pɔ̄ yī āchɛ ɔhɔ̄leyī ba̍la āchɛ oko̍ōku̍ a̍nɛ. 43Āchɛ ɔkɛrɔ̄ yī Ɔwɔ mɔri̍mɔri̍ kɛlā ku̍ ɔ̄ cha̍cha̍. E̍ ka ɔ̄chɛ nīi - ɔ̍lɔ ge̍ chɛ̄ku Iji̍sɔ̄ɔsi, lɛlā ɔdwɔ̄bi̍ yī ɔlɔjā ɔ̍lɔ ge̍ē ngmo̍nyi̍ bū la wɔhu̍ yī riyī yī ɔ̍lɔ.”
Ɛchɛkɔcha titi nāa Uhu Ɔnɛ̄ɛhɛhi yī Ɔwɔ
44Yɛ̄grāa nīi Ipi̍ta e̍e rɛ ma̍ ē kɛlā ma̍, Uhu Ɔnɛ̄ɛhɛhi yī Ɔwɔ wā dikpo̍ba̍ āchɛ ɛla̍ā wa̍a̍ nīi yɛ ē po̍ ɛrɔ̄ yī nū ma̍ ɔpɔ̄ɔpɛ̄. 45Āchɛ yī Ikra̍yisi, Iju̍u nīi wā ba̍la Ipi̍ta bū la Ijɔ̍pa ma̍ de kpo̍ hɛ̍ɛgbɛgba gblāa abɔ̍ɔ. O̍ lɛ wa̍ lɛbɛ̍bi̍ nīi ē ma̍ nīi Ɔwɔ kɔ̄ Uhu Ɔnɛ̄ɛhɛhi yī nū de Ɛchɛkɔcha i̍ngi̍ngɔ̍ɔ ma̍. 46Wu̍chē oji̍ nɛ, e̍e ma̍ nīi āchɛ ɛla̍ā gblāa abɔ̍ɔ ē ka ɛcha ɛha̍, gba̍a yɛ ē kā Ɔwɔ ɔkɔ̄kā. Ipi̍ta hu oko̍o kpa̍ ka bɛ̍ɛ̄nɛ̄ ka, 47“Je̍ka āchɛ nūma̍ wa̍a̍ nāa Uhu Ɔnɛ̄ɛhɛhi yī Ɔwɔ bāa alɔ ma̍ mɛ̍! Ɔ̄chɛ ɔha̍ ge̍ē howu̍ u̍ma̍ama ka ɛ̍lɛ ge̍ e̍e hu yenyi la yenyi ɔlamu ni̍?” 48Bū la ɛbɛ ɔla̍ā, Ipi̍ta ka ɔpɔ̄ɔpɛ̄ ka ɛ̍lɛ ge̍ hu yenyi la riyī yī Iji̍sɔ̄ɔsi Ikra̍yisi. Āchɛ ɛla̍ā wa̍a̍ ra̍ābɔ̄ de ɔ̍ ka ɔ̍lɔ ge̍ jī hɔ̄ amu tāa aa̍ ɔ̄chī ɛha̍ pi̍nyɛ̍ o̍bū.
Nu markerat:
:
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
© 2020 Bible Society of Nigeria (second edition)