U̍ku̍rɔ̍ yī Alɛrɔ̄ 9
9
Isɔ̍ɔli de pīya ɔ̄chɛ yī Ɔwɔ
1Yɛ̄grāa ɔla̍ā, Isɔ̍ɔli e̍e yɛ abɔ̍ɔ ē hwa a̍chi̍kpo̍ yī Ādā ɔhwɔ̄hwa dwɔ̄bi̍ dwɔ̄bi̍ ka anɔ̍lɔ ge̍ē ngmo̍ ɛ̍lɛ. O̍ ga ɛbɛ yī A̍dā Aligbe ge̍ ra̍ābɔ̄ de ɔ̍, 2ɔ̍lɔ ge̍ de īpū tɛ̄rɔ̄ hu alu̍nu̍ ogrēeyī yī Iju̍u nīi - ɔ̍lɔ hɔ̄ la Idama̍si̍kɔsi ma̍ chabɔ̄ yī anu̍. O̍ ya̍ hɛ̄ɛbɛ nīi o̍ ge̍ē ma̍ āchɛ ɛha̍ nīi chɛ̄ku Ɔpɔ̄pū yī Lɛlā yī Ādā ma̍ nīi o̍ ge̍ē lwɔhu̍ ē ku̍ wā. E̍ ge̍ - angrɔ̄ɔ kɛ̄ɛ anyā oo, hɛ̄ɛbɛ nīi o̍ ge̍ē wā āā orī, bī āā wā la Ijɛru̍sālɛm.
3O̍ nyɔ̄ pīya yɛ gānyɔ̄ bɛ̍ɛ̄nɛ̄ nīi o̍ wā ge̍ tu̍ bla̍a Idama̍si̍kɔsi ma̍, ɔla̍ ɔnɔ̄kɔ̄kū ɔha̍ wu̍ rɛ ɔ̍ bū abɔ̍ɔ la ichō ɔpɔ̄ɔpɛ̄. Ɔla̍ ɔ̍lɔma̍ hu̍ bāa ɔnyra̍nyra̍ ma̍ ta̍kakatū Isɔ̍ɔli. 4Isɔ̍ɔli wu̍ mla̍ajɛ ɔpɔ̄ɔpɛ̄. O̍ po̍ ɔkɔlɛ̄lā yī ɔ̄chɛ ɔha̍ bɛ̍ɛ̄nɛ̄ hīka, “Isɔ̍ɔli be̍e! Isɔ̍ɔli! Oji̍ - ohu̍ nīi a yɛ aa̍ ē ya̍ um ichi̍ dwɔ̄bi̍ dwɔ̄bi̍ ma̍/?”
5Isɔ̍ɔli chikpo̍ ka ɔ̍lɔ - ɔ̄nyɛ nɛ, Ādā?
O̍ ka de ɔ̍ hīka, “Ami - Iji̍sɔ̄ɔsi nīi a yɛ aa̍ ya̍ um ichi̍ dwɔ̄bi̍ dwɔ̄bi̍ a̍nɛ. 6Nīichō nīi a ā pīya ga ipwɔ̍ɔ̄lɛ̍ la Idama̍si̍kɔsi gɛ; ma̍a e̍ ge̍ē ka ē de wɔ abɔ̍ɔ lɔkɔ nīi a ge̍ē ya̍ ma̍!”
7Āchɛ nīi yɛ ba̍la Isɔ̍ɔli ma̍ de jī rɛ abɔ̍ɔ; e̍ i̍ kɛlɛ̄lā la oko̍o ni̍. E̍ po̍ ɔkɔlɛ̄lā ɔla̍ā, e̍ i̍ chī ma̍ ɔ̄chɔ̄chɛ ni̍. 8Isɔ̍ɔli nīichō la ajɛ, lwāa eyī; o̍ i̍ myɛ̍ma̍ mɛ gɛ ni̍ oo! E̍ wā ge̍ de abɔ̄ ku̍ ɔ̄, bī ɔ̄ pīya ga Idama̍si̍kɔsi. 9Lipu̍ yī ɔ̄chī ɛta̍, Isɔ̍ɔli i̍ myɛ̍ma̍ mɛ ni̍; o̍ i̍ de oko̍o tū ojōre̍ ni̍; o̍ i̍ chī gwa̍ yenyi yī ɔkpa̍ ni̍.
10A̍chi̍kpo̍ yī Iji̍sɔ̄ɔsi ɔha̍ re̍ka Anana̍yāasi hɔ̄ abɔ̍ɔ la Idama̍si̍kɔsi. Ɔwɔ wā dikpo̍ba̍ ɔ̄ la wɔ̄na ka ɔ̍lɔ ge̍ “Anana̍yāasi be̍e!”
Anana̍yāasi hīyɔkɔ bɛ̍ɛ̄nɛ̄ hīka, anɔ̍lɔ hɔ̄ ma̍ chɔ̍ɔ, Ādā! 11Ādā koko̍o de ɔ̍ bɛ̍ɛ̄nɛ̄ hīka, “Nīichō nīi a ā ga ogblo̍lo̍ nīi re̍ka ‘Ɔlɛdede’ ma̍, ga wɔlɛ̍ yī Iju̍dasi ge̍ chikpo̍ yī ɔngrɔ̄ɔ nīi re̍ka Isɔ̍ɔli, ɔyi̍ Olita̍susi ma̍. O̍ hɔ̄ abɔ̍ɔ ē jɔhā de Ɔwɔ. 12O̍ nā wɔ̄na ma̍ ɔ̄chɛ nīi re̍ka Anana̍yāasi ma̍ nīi o̍ wā ge̍ de abɔ̄ che ɔ̍ nīi o̍ de myɛ̍ma̍.”
13Anana̍yāasi hīyɔkɔ bɛ̍ɛ̄nɛ̄ hīka, “Ādā, n plɛ̍ɛ̄lā yī ɔ̄chɛ nūma̍ la oko̍o yī āchɛ yɛ̄mɛ̄mɛ̄. N po̍ wa̍a̍ lɔkɔ nīi o̍ ya̍ āchɛ yī wɔ lɛlā ɔdwɔ̄bi̍ yɛ̄mɛ̄mɛ̄ abɔ̍ɔ la Ijɛru̍sālɛm ma̍. 14U̍ma̍ama, o̍ nāa wɔhu̍ bū la abɔ̄ yī alɛhu̍ aligbe nīi o̍ wā la Idama̍si̍kɔsi ma̍. O̍ nāa wɔhu̍ ge̍ē ku̍ ɔ̄chaha̍ ɔ̄chaha̍ nīi ē hī riyī yī wɔ ma̍.”
15Ādā ka de Anana̍yāasi hīka, “Gānyɔ̄ ji. Wu̍chē oji̍ nɛ, n hu ɔ̍ ohōhu nīi o̍ ge̍ē chrāa ami ɛrɔ̄. Anu̍ ge̍ē bī riyī yī u ge̍ē ka ē de Ɛchɛkɔcha, ba̍la ɔchwɔ̄lɛ̍ yɛ̄mɛ̄mɛ̄ ba̍la Ali̍sɛ̄rɛli i̍ngi̍ngɔ̍ɔ a̍nɛ. 16Ami ɔlɔjā ge̍ē chabɔ̄ hu ɔ̍ lɔkɔ nīi o̍ ge̍ē mi̍chi̍ la lɛhu̍ yī u ma̍.”
17Bɛ̍ɛ̄nɛ̄, Anana̍yāasi wā ge̍ pīya gānyɔ̄. O̍ ga wɔlɛ̍ ɔ̍lɔma̍ ge̍ de abɔ̄ che Isɔ̍ɔli lɛhu̍, ka de ɔ̍ hīka, “Isɔ̍ɔli, ɔɔ̍nɛ̍ yī u! Ādā Iji̍sɔ̄ɔsi tū um ɛrɔ̄ hu wɔ. Anu̍ wā dikpo̍ba̍ wɔ i̍krɔ̍ɔ la ɔpɔ̄pū nīi a yɛ ē wā ma̍ a̍nɛ. O̍ tū um ɛrɔ̄ hɛ̄ɛbɛ nīi a ge̍ē de ē myɛ̍ma̍.” 18Ɔpɔ̄ɔpɛ̄, ɔjā ɔha̍ lɛ bāa āpū yī ɛbɛ̍yēenyi ma̍ hwō hī Isɔ̍ɔli īkprī. O̍ de myɛ̍ma̍ mɛ ɔpɔ̄ɔpɛ̄. O̍ nīichō ɔpɔ̄ɔpɛ̄ de yenyi hu. 19O̍ wā ge̍ de ojōre̍ re̍ ma̍, o̍ de lɛ kpra̍kpra̍ bɛ̍ɛ̄nɛ̄.
Isɔ̍ɔli ka Ɛrɔ̄ yī Ɔwɔ la Idama̍si̍kɔsi
Isɔ̍ɔli hɔ̄ abɔ̍ɔ la Idama̍si̍kɔsi ɔ̄chī ɛmɛ̍ɛmla̍a tāa a̍chi̍kpo̍ yī Iji̍sɔ̄ɔsi. 20O̍ pīya ɔpɔ̄ɔpɛ̄ ga u̍nu̍ ogrēeyī yī ɛbɛ ɔla̍ā wa̍a̍ ge̍ ka ɛrɔ̄ yī Iji̍sɔ̄ɔsi de āchɛ. O̍ ka de wa̍ hīka Iji̍sɔ̄ɔsi ɔ̍lɔ - Ɔyi̍ yī Ɔwɔ nɛ.
21Āchɛ wa̍a̍ nīi po̍ ma̍, o̍ de ya̍ wā lɛbɛ̍bi̍ ji bɛ̍ɛ̄nɛ̄. E̍ chikpo̍ bɛ̍ɛ̄nɛ̄ hīka, “I̍ ɔngrɔ̄ɔ nūma̍ ē ngmo̍ āchɛ nīi de ɔtū che riyī yī Iji̍sɔ̄ɔsi abɔ̍ɔ la Ijɛru̍sālɛm ma̍ a̍ni̍? I̍ ɔla̍ā - ohu̍ nīi o̍ wā amu hɛ̄ɛbɛ ge̍ē ku̍ wā wā orī pīya ge̍ē de alɛhu̍ aligbe a̍ni̍?”
22Isɔ̍ɔli kɛlā yī Ɔwɔ brii ga iyɔ̄bū iyɔ̄bū. O̍ chabɔ̄ tɛri̍tɛri̍ lɔkɔ nīi Iji̍sɔ̄ɔsi - Ɔhɔ̍ɔnyɛta̍ Nīi Ɔwɔ Hōhu a̍nɛ ma̍. O̍ ka tri̍di̍di̍, kpɛ̍ɛ nīi Iju̍u yī Idama̍si̍kɔsi wa̍a̍ i̍ ta̍ahu̍ tāa anu̍ mɛ ni̍.
23Ɔ̄chī ɛmɛ̍ɛmla̍a wā ge̍ ga ma̍, Iju̍u yɛ̄mɛ̄mɛ̄ miya ge̍ē de Isɔ̍ɔli ē ngmo̍. 24Isɔ̍ɔli de jo̍ōkū yī ɔmɔ̄miya ɔla̍ā nīi e̍ miya tū ɔ̄ ma̍. La otu̍ kɛ̄ɛ yɛnɔ oo, e̍ ē deyīrɛ abɔ̍ɔ la oko̍nɔ̄ɔpu hɛ̄ɛbɛ ge̍ē ngmo̍ ɔ̄. 25I̍chi̍chɛ ɔha̍ la otu̍, alikpɛ̍ɛ yī Isɔ̍ɔli nāa anu̍ tū la u̍kpa̍, bī ɔ̄ ga la a̍rɛ̍pa̍ yī ɔga̍ha̍ yī ipwo̍gra ɔla̍ā du̍mɔ̍ ga ajɛ.
Isɔ̍ɔli pīya ga Ijɛru̍sālɛm
26Isɔ̍ɔli wā la Ijɛru̍sālɛm ma̍, o̍ chikpo̍ ge̍ē tū tāa a̍chi̍kpo̍ yī Iji̍sɔ̄ɔsi; e̍ de kpo̍ tūuhwi yī nū. E̍ i̍ chɛ̄ hīka ɔ̍lɔ de pīya a̍chi̍kpo̍ yī Iji̍sɔ̄ɔsi lēchi̍ lēchi̍ ni̍. 27Iba̍nābasi wā bɛ̍ɛ̄nɛ̄ ge̍ de Isɔ̍ɔli bī ge̍ de alɛrɔ̄ yī Iji̍sɔ̄ɔsi. Iba̍nābasi ka de wa̍ wa̍a̍ lɔkɔ nīi Isɔ̍ɔli ma̍ Ādā Iji̍sɔ̄ɔsi la ɔpɔ̄pū ma̍, ba̍la ɔkɔ nīi Ādā kɛlā tāa anu̍ ma̍. O̍ gba̍a ka de wa̍ lɔkɔ nīi Isɔ̍ɔli kɛlā brii la riyī yī Iji̍sɔ̄ɔsi abɔ̍ɔ la Idama̍si̍kɔsi ma̍. 28Bū la ɛbɛ ɔla̍ā, Isɔ̍ɔli hɔ̄ abɔ̍ɔ ba̍la aa̍ bɛ̍ɛ̄nɛ̄. O̍ ē ga ɛbɛha̍ ɛbɛha̍ yī Ijɛru̍sālɛm wa̍a̍ ba̍la aa̍. O̍ ē kɛlā brii la riyī yī Ādā Iji̍sɔ̄ɔsi. 29O̍ ē kɛlā yī Ɔwɔ de Iju̍u ɛha̍ nīi ē ka Igri̍iki ma̍. O̍ ē ta̍ahu̍ titi ba̍la aa̍ ɔ̄kɔ̄kū ma̍, e̍ chikpo̍ ode ɔ̍ ngmo̍ōngmo̍. 30Aɛ̍nɛ̍ yī nū āchɛ yī Ikra̍yisi de po̍ i̍ngɔ̍ɔ ma̍, e̍ bī ɔ̄ pīya ga Isi̍sari̍ya, de ɔ̍ tɛ̄rɔ̄ bū abɔ̍ɔ pīya ga Ita̍susi bɛ̍ɛ̄nɛ̄.
31Ogrēeyī yī āchɛ yī Ɔwɔ la Ijudi̍ya ba̍la Iga̍līli ba̍la Isame̍riya wa̍a̍ gblāa la ogbodɔ̍dɔ̍ bɛ̍ɛ̄nɛ̄. E̍ jɛ̄ hwɔhi hwɔhi; āchɛ yɛ̄mɛ̄mɛ̄ ngma̍ tū wā bū la wɔbɔ̄ otōtū nīi Uhu Ɔnɛ̄ɛhɛhi yī Ɔwɔ yɛ ē tū wā ma̍. Wu̍chē oji̍ nɛ, e̍ hɔ̄ la otūlichō yī Ādā i̍ngɔ̍ɔ ke̍e̍.
Ipi̍ta ga Ili̍da ba̍la Ijɔ̍pa
32Ipi̍ta ti̍yaha ga ipwo̍gra yɛ̄mɛ̄mɛ̄, ga i̍ngɔ̍ɔ wa̍a̍ ga ɛbɛ yī āchɛ yī Ɔwɔ nīi gblāa la Ili̍da ma̍. 33O̍ ma̍ ɔngrɔ̄ɔ ɔha̍ abɔ̍ɔ nīi ya̍ oku̍ku gbo la u̍bwɔ̍ la lɛ̍yi̍ arāata̍ ma̍. Ɔngrɔ̄ɔ ɔla̍ā re̍ka Ene̍yāasi. 34Ipi̍ta da ɔ̍ hīka, “Ene̍yāasi! Iji̍sɔ̄ɔsi Ikra̍yisi ya̍ nīi a de lɛ cha̍cha̍ mɛ̍! Nīichō, nīi a ā de ɔjwɔ̄lā yī wɔ hā gɛ!” Ɔngrɔ̄ɔ ɔla̍ā nyɔ̄ gbru ɔpɔ̄ɔpɛ̄. 35Āchɛ wa̍a̍ nīi gblāa la Ili̍da ba̍la Isharɔ̍ɔn ma̍ ma̍ ɔ̄ ma̍, e̍ pīya ūkpɔ̄tū kɔ̍ Ɔwɔ cha̍cha̍.
36Yɛ̄grāa ɔla̍ā, ɔnyā ɔha̍ nīi - ɔ̄chɛ yī Ikra̍yisi hɔ̄ abɔ̍ɔ la Ijɔ̍pa ma̍ re̍ka Ita̍bita. O̍ gba̍a re̍ka Idɔ̍kāasi la oko̍o yī Igri̍iki. Ɔnyā nūma̍ ē lɛ̍ɛhi kpɛ̍ɛji. O̍ ē kɔ̄ ɔjā de alyeklo̍ kpɛ̍ɛji. 37O̍ wā ge̍ kwi̍īyē bɛ̍ɛ̄nɛ̄, pīyaku̍. E̍ de okū yī nū gwīyē ma̍, e̍ de ɔ̍ nāa gbo abɔ̍ɔ la ipu̍nu̍ yī ichō ɔha̍. 38A̍chi̍kpo̍ yī Iji̍sɔ̄ɔsi nīi gblāa la Ijɔ̍pa ma̍ po̍ hīka Ipi̍ta ɔ̍lɔ wā hɔ̄ abɔ̍ɔ la Ili̍da. Ijɔ̍pa lɛ kurɛkurɛ ga Ili̍da ma̍, e̍ de āchɛ ɛpa tɛ̄rɔ̄ hu Ipi̍ta. Ɔ̍lɔ ge̍ yewā pa̍pa̍pa̍! 39Ipi̍ta tībi̍īyē ɔpɔ̄ɔpɛ̄, pīya ba̍la aa̍. O̍ gbajɛ gāa ɔpɔ̄ɔpɛ̄ ma̍, e̍ bī ɔ̄ ga ipu̍nu̍ yī ichō ɔla̍ā nīi okū gbo ma̍. Anyā ɛha̍ nīi ɔbu̍wā pīyaku̍ mɛ̍ ma̍ gblāa abɔ̍ɔ ē drɛ̄ɛgba ē tū ɔ̄. E̍ chabɔ̄ yī ɛjā otūlibi̍īyē ɛha̍ ba̍la aru̍ wa̍a̍ nīi Idɔ̍kāasi gɔ̍ de wa̍ yɛ̄grāa nīi o̍ hɔ̄leyī ma̍ hu̍ Ipi̍ta. 40Ipi̍ta de anyā ɛla̍ā nū ngmɛ̍ɛchɛ wa̍a̍. O̍ pīya pīyēkū la ajɛ jɔhā de Ɔwɔ. O̍ pīyeyī kpa̍ta̍ ga ɛbɛ yī okū, da ɔ̍ hīka ɔ̍lɔ ge̍ “Ita̍bita! Nīichō!” Ɔnyā ɔla̍ā lwāa eyī pee ɔpɔ̄ɔpɛ̄. O̍ ma̍ Ipi̍ta ma̍, o̍ nīichō hyāhɔ̄. 41Ipi̍ta de abɔ̄ ku̍ ɔ̄, tū ɔ̄ wɔbɔ̄ nīi o̍ nīichō. Bɛ̍ɛ̄nɛ̄, o̍ hī āchɛ yī Ɔwɔ ba̍la anyōkū ɛla̍ā ɛra̍ gāa ge̍ chabɔ̄ yī nū hu̍ wā ka ɔ̍lɔ hɔ̄leyī mɛ̍. 42Ohu yī lɛlā nūma̍ mīyanya la Ijɔ̍pa cha̍cha̍. Āchɛ yɛ̄mɛ̄mɛ̄ chɛ̄ku Ɔwɔ. 43Ipi̍ta jī hɔ̄ abɔ̍ɔ la Ijɔ̍pa gbajɛ la ɔ̄chī ɛmɛ̍ɛmla̍a. O̍ tū wɔga la wɔlɛ̍ yī ɔngrɔ̄ɔ ɔha̍ nīi re̍ka Isa̍yi̍mɔ̄ɔn ɔgwɔ̍kpa̍ ma̍.
Nu markerat:
U̍ku̍rɔ̍ yī Alɛrɔ̄ 9: YBASR
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
© 2020 Bible Society of Nigeria (second edition)
U̍ku̍rɔ̍ yī Alɛrɔ̄ 9
9
Isɔ̍ɔli de pīya ɔ̄chɛ yī Ɔwɔ
1Yɛ̄grāa ɔla̍ā, Isɔ̍ɔli e̍e yɛ abɔ̍ɔ ē hwa a̍chi̍kpo̍ yī Ādā ɔhwɔ̄hwa dwɔ̄bi̍ dwɔ̄bi̍ ka anɔ̍lɔ ge̍ē ngmo̍ ɛ̍lɛ. O̍ ga ɛbɛ yī A̍dā Aligbe ge̍ ra̍ābɔ̄ de ɔ̍, 2ɔ̍lɔ ge̍ de īpū tɛ̄rɔ̄ hu alu̍nu̍ ogrēeyī yī Iju̍u nīi - ɔ̍lɔ hɔ̄ la Idama̍si̍kɔsi ma̍ chabɔ̄ yī anu̍. O̍ ya̍ hɛ̄ɛbɛ nīi o̍ ge̍ē ma̍ āchɛ ɛha̍ nīi chɛ̄ku Ɔpɔ̄pū yī Lɛlā yī Ādā ma̍ nīi o̍ ge̍ē lwɔhu̍ ē ku̍ wā. E̍ ge̍ - angrɔ̄ɔ kɛ̄ɛ anyā oo, hɛ̄ɛbɛ nīi o̍ ge̍ē wā āā orī, bī āā wā la Ijɛru̍sālɛm.
3O̍ nyɔ̄ pīya yɛ gānyɔ̄ bɛ̍ɛ̄nɛ̄ nīi o̍ wā ge̍ tu̍ bla̍a Idama̍si̍kɔsi ma̍, ɔla̍ ɔnɔ̄kɔ̄kū ɔha̍ wu̍ rɛ ɔ̍ bū abɔ̍ɔ la ichō ɔpɔ̄ɔpɛ̄. Ɔla̍ ɔ̍lɔma̍ hu̍ bāa ɔnyra̍nyra̍ ma̍ ta̍kakatū Isɔ̍ɔli. 4Isɔ̍ɔli wu̍ mla̍ajɛ ɔpɔ̄ɔpɛ̄. O̍ po̍ ɔkɔlɛ̄lā yī ɔ̄chɛ ɔha̍ bɛ̍ɛ̄nɛ̄ hīka, “Isɔ̍ɔli be̍e! Isɔ̍ɔli! Oji̍ - ohu̍ nīi a yɛ aa̍ ē ya̍ um ichi̍ dwɔ̄bi̍ dwɔ̄bi̍ ma̍/?”
5Isɔ̍ɔli chikpo̍ ka ɔ̍lɔ - ɔ̄nyɛ nɛ, Ādā?
O̍ ka de ɔ̍ hīka, “Ami - Iji̍sɔ̄ɔsi nīi a yɛ aa̍ ya̍ um ichi̍ dwɔ̄bi̍ dwɔ̄bi̍ a̍nɛ. 6Nīichō nīi a ā pīya ga ipwɔ̍ɔ̄lɛ̍ la Idama̍si̍kɔsi gɛ; ma̍a e̍ ge̍ē ka ē de wɔ abɔ̍ɔ lɔkɔ nīi a ge̍ē ya̍ ma̍!”
7Āchɛ nīi yɛ ba̍la Isɔ̍ɔli ma̍ de jī rɛ abɔ̍ɔ; e̍ i̍ kɛlɛ̄lā la oko̍o ni̍. E̍ po̍ ɔkɔlɛ̄lā ɔla̍ā, e̍ i̍ chī ma̍ ɔ̄chɔ̄chɛ ni̍. 8Isɔ̍ɔli nīichō la ajɛ, lwāa eyī; o̍ i̍ myɛ̍ma̍ mɛ gɛ ni̍ oo! E̍ wā ge̍ de abɔ̄ ku̍ ɔ̄, bī ɔ̄ pīya ga Idama̍si̍kɔsi. 9Lipu̍ yī ɔ̄chī ɛta̍, Isɔ̍ɔli i̍ myɛ̍ma̍ mɛ ni̍; o̍ i̍ de oko̍o tū ojōre̍ ni̍; o̍ i̍ chī gwa̍ yenyi yī ɔkpa̍ ni̍.
10A̍chi̍kpo̍ yī Iji̍sɔ̄ɔsi ɔha̍ re̍ka Anana̍yāasi hɔ̄ abɔ̍ɔ la Idama̍si̍kɔsi. Ɔwɔ wā dikpo̍ba̍ ɔ̄ la wɔ̄na ka ɔ̍lɔ ge̍ “Anana̍yāasi be̍e!”
Anana̍yāasi hīyɔkɔ bɛ̍ɛ̄nɛ̄ hīka, anɔ̍lɔ hɔ̄ ma̍ chɔ̍ɔ, Ādā! 11Ādā koko̍o de ɔ̍ bɛ̍ɛ̄nɛ̄ hīka, “Nīichō nīi a ā ga ogblo̍lo̍ nīi re̍ka ‘Ɔlɛdede’ ma̍, ga wɔlɛ̍ yī Iju̍dasi ge̍ chikpo̍ yī ɔngrɔ̄ɔ nīi re̍ka Isɔ̍ɔli, ɔyi̍ Olita̍susi ma̍. O̍ hɔ̄ abɔ̍ɔ ē jɔhā de Ɔwɔ. 12O̍ nā wɔ̄na ma̍ ɔ̄chɛ nīi re̍ka Anana̍yāasi ma̍ nīi o̍ wā ge̍ de abɔ̄ che ɔ̍ nīi o̍ de myɛ̍ma̍.”
13Anana̍yāasi hīyɔkɔ bɛ̍ɛ̄nɛ̄ hīka, “Ādā, n plɛ̍ɛ̄lā yī ɔ̄chɛ nūma̍ la oko̍o yī āchɛ yɛ̄mɛ̄mɛ̄. N po̍ wa̍a̍ lɔkɔ nīi o̍ ya̍ āchɛ yī wɔ lɛlā ɔdwɔ̄bi̍ yɛ̄mɛ̄mɛ̄ abɔ̍ɔ la Ijɛru̍sālɛm ma̍. 14U̍ma̍ama, o̍ nāa wɔhu̍ bū la abɔ̄ yī alɛhu̍ aligbe nīi o̍ wā la Idama̍si̍kɔsi ma̍. O̍ nāa wɔhu̍ ge̍ē ku̍ ɔ̄chaha̍ ɔ̄chaha̍ nīi ē hī riyī yī wɔ ma̍.”
15Ādā ka de Anana̍yāasi hīka, “Gānyɔ̄ ji. Wu̍chē oji̍ nɛ, n hu ɔ̍ ohōhu nīi o̍ ge̍ē chrāa ami ɛrɔ̄. Anu̍ ge̍ē bī riyī yī u ge̍ē ka ē de Ɛchɛkɔcha, ba̍la ɔchwɔ̄lɛ̍ yɛ̄mɛ̄mɛ̄ ba̍la Ali̍sɛ̄rɛli i̍ngi̍ngɔ̍ɔ a̍nɛ. 16Ami ɔlɔjā ge̍ē chabɔ̄ hu ɔ̍ lɔkɔ nīi o̍ ge̍ē mi̍chi̍ la lɛhu̍ yī u ma̍.”
17Bɛ̍ɛ̄nɛ̄, Anana̍yāasi wā ge̍ pīya gānyɔ̄. O̍ ga wɔlɛ̍ ɔ̍lɔma̍ ge̍ de abɔ̄ che Isɔ̍ɔli lɛhu̍, ka de ɔ̍ hīka, “Isɔ̍ɔli, ɔɔ̍nɛ̍ yī u! Ādā Iji̍sɔ̄ɔsi tū um ɛrɔ̄ hu wɔ. Anu̍ wā dikpo̍ba̍ wɔ i̍krɔ̍ɔ la ɔpɔ̄pū nīi a yɛ ē wā ma̍ a̍nɛ. O̍ tū um ɛrɔ̄ hɛ̄ɛbɛ nīi a ge̍ē de ē myɛ̍ma̍.” 18Ɔpɔ̄ɔpɛ̄, ɔjā ɔha̍ lɛ bāa āpū yī ɛbɛ̍yēenyi ma̍ hwō hī Isɔ̍ɔli īkprī. O̍ de myɛ̍ma̍ mɛ ɔpɔ̄ɔpɛ̄. O̍ nīichō ɔpɔ̄ɔpɛ̄ de yenyi hu. 19O̍ wā ge̍ de ojōre̍ re̍ ma̍, o̍ de lɛ kpra̍kpra̍ bɛ̍ɛ̄nɛ̄.
Isɔ̍ɔli ka Ɛrɔ̄ yī Ɔwɔ la Idama̍si̍kɔsi
Isɔ̍ɔli hɔ̄ abɔ̍ɔ la Idama̍si̍kɔsi ɔ̄chī ɛmɛ̍ɛmla̍a tāa a̍chi̍kpo̍ yī Iji̍sɔ̄ɔsi. 20O̍ pīya ɔpɔ̄ɔpɛ̄ ga u̍nu̍ ogrēeyī yī ɛbɛ ɔla̍ā wa̍a̍ ge̍ ka ɛrɔ̄ yī Iji̍sɔ̄ɔsi de āchɛ. O̍ ka de wa̍ hīka Iji̍sɔ̄ɔsi ɔ̍lɔ - Ɔyi̍ yī Ɔwɔ nɛ.
21Āchɛ wa̍a̍ nīi po̍ ma̍, o̍ de ya̍ wā lɛbɛ̍bi̍ ji bɛ̍ɛ̄nɛ̄. E̍ chikpo̍ bɛ̍ɛ̄nɛ̄ hīka, “I̍ ɔngrɔ̄ɔ nūma̍ ē ngmo̍ āchɛ nīi de ɔtū che riyī yī Iji̍sɔ̄ɔsi abɔ̍ɔ la Ijɛru̍sālɛm ma̍ a̍ni̍? I̍ ɔla̍ā - ohu̍ nīi o̍ wā amu hɛ̄ɛbɛ ge̍ē ku̍ wā wā orī pīya ge̍ē de alɛhu̍ aligbe a̍ni̍?”
22Isɔ̍ɔli kɛlā yī Ɔwɔ brii ga iyɔ̄bū iyɔ̄bū. O̍ chabɔ̄ tɛri̍tɛri̍ lɔkɔ nīi Iji̍sɔ̄ɔsi - Ɔhɔ̍ɔnyɛta̍ Nīi Ɔwɔ Hōhu a̍nɛ ma̍. O̍ ka tri̍di̍di̍, kpɛ̍ɛ nīi Iju̍u yī Idama̍si̍kɔsi wa̍a̍ i̍ ta̍ahu̍ tāa anu̍ mɛ ni̍.
23Ɔ̄chī ɛmɛ̍ɛmla̍a wā ge̍ ga ma̍, Iju̍u yɛ̄mɛ̄mɛ̄ miya ge̍ē de Isɔ̍ɔli ē ngmo̍. 24Isɔ̍ɔli de jo̍ōkū yī ɔmɔ̄miya ɔla̍ā nīi e̍ miya tū ɔ̄ ma̍. La otu̍ kɛ̄ɛ yɛnɔ oo, e̍ ē deyīrɛ abɔ̍ɔ la oko̍nɔ̄ɔpu hɛ̄ɛbɛ ge̍ē ngmo̍ ɔ̄. 25I̍chi̍chɛ ɔha̍ la otu̍, alikpɛ̍ɛ yī Isɔ̍ɔli nāa anu̍ tū la u̍kpa̍, bī ɔ̄ ga la a̍rɛ̍pa̍ yī ɔga̍ha̍ yī ipwo̍gra ɔla̍ā du̍mɔ̍ ga ajɛ.
Isɔ̍ɔli pīya ga Ijɛru̍sālɛm
26Isɔ̍ɔli wā la Ijɛru̍sālɛm ma̍, o̍ chikpo̍ ge̍ē tū tāa a̍chi̍kpo̍ yī Iji̍sɔ̄ɔsi; e̍ de kpo̍ tūuhwi yī nū. E̍ i̍ chɛ̄ hīka ɔ̍lɔ de pīya a̍chi̍kpo̍ yī Iji̍sɔ̄ɔsi lēchi̍ lēchi̍ ni̍. 27Iba̍nābasi wā bɛ̍ɛ̄nɛ̄ ge̍ de Isɔ̍ɔli bī ge̍ de alɛrɔ̄ yī Iji̍sɔ̄ɔsi. Iba̍nābasi ka de wa̍ wa̍a̍ lɔkɔ nīi Isɔ̍ɔli ma̍ Ādā Iji̍sɔ̄ɔsi la ɔpɔ̄pū ma̍, ba̍la ɔkɔ nīi Ādā kɛlā tāa anu̍ ma̍. O̍ gba̍a ka de wa̍ lɔkɔ nīi Isɔ̍ɔli kɛlā brii la riyī yī Iji̍sɔ̄ɔsi abɔ̍ɔ la Idama̍si̍kɔsi ma̍. 28Bū la ɛbɛ ɔla̍ā, Isɔ̍ɔli hɔ̄ abɔ̍ɔ ba̍la aa̍ bɛ̍ɛ̄nɛ̄. O̍ ē ga ɛbɛha̍ ɛbɛha̍ yī Ijɛru̍sālɛm wa̍a̍ ba̍la aa̍. O̍ ē kɛlā brii la riyī yī Ādā Iji̍sɔ̄ɔsi. 29O̍ ē kɛlā yī Ɔwɔ de Iju̍u ɛha̍ nīi ē ka Igri̍iki ma̍. O̍ ē ta̍ahu̍ titi ba̍la aa̍ ɔ̄kɔ̄kū ma̍, e̍ chikpo̍ ode ɔ̍ ngmo̍ōngmo̍. 30Aɛ̍nɛ̍ yī nū āchɛ yī Ikra̍yisi de po̍ i̍ngɔ̍ɔ ma̍, e̍ bī ɔ̄ pīya ga Isi̍sari̍ya, de ɔ̍ tɛ̄rɔ̄ bū abɔ̍ɔ pīya ga Ita̍susi bɛ̍ɛ̄nɛ̄.
31Ogrēeyī yī āchɛ yī Ɔwɔ la Ijudi̍ya ba̍la Iga̍līli ba̍la Isame̍riya wa̍a̍ gblāa la ogbodɔ̍dɔ̍ bɛ̍ɛ̄nɛ̄. E̍ jɛ̄ hwɔhi hwɔhi; āchɛ yɛ̄mɛ̄mɛ̄ ngma̍ tū wā bū la wɔbɔ̄ otōtū nīi Uhu Ɔnɛ̄ɛhɛhi yī Ɔwɔ yɛ ē tū wā ma̍. Wu̍chē oji̍ nɛ, e̍ hɔ̄ la otūlichō yī Ādā i̍ngɔ̍ɔ ke̍e̍.
Ipi̍ta ga Ili̍da ba̍la Ijɔ̍pa
32Ipi̍ta ti̍yaha ga ipwo̍gra yɛ̄mɛ̄mɛ̄, ga i̍ngɔ̍ɔ wa̍a̍ ga ɛbɛ yī āchɛ yī Ɔwɔ nīi gblāa la Ili̍da ma̍. 33O̍ ma̍ ɔngrɔ̄ɔ ɔha̍ abɔ̍ɔ nīi ya̍ oku̍ku gbo la u̍bwɔ̍ la lɛ̍yi̍ arāata̍ ma̍. Ɔngrɔ̄ɔ ɔla̍ā re̍ka Ene̍yāasi. 34Ipi̍ta da ɔ̍ hīka, “Ene̍yāasi! Iji̍sɔ̄ɔsi Ikra̍yisi ya̍ nīi a de lɛ cha̍cha̍ mɛ̍! Nīichō, nīi a ā de ɔjwɔ̄lā yī wɔ hā gɛ!” Ɔngrɔ̄ɔ ɔla̍ā nyɔ̄ gbru ɔpɔ̄ɔpɛ̄. 35Āchɛ wa̍a̍ nīi gblāa la Ili̍da ba̍la Isharɔ̍ɔn ma̍ ma̍ ɔ̄ ma̍, e̍ pīya ūkpɔ̄tū kɔ̍ Ɔwɔ cha̍cha̍.
36Yɛ̄grāa ɔla̍ā, ɔnyā ɔha̍ nīi - ɔ̄chɛ yī Ikra̍yisi hɔ̄ abɔ̍ɔ la Ijɔ̍pa ma̍ re̍ka Ita̍bita. O̍ gba̍a re̍ka Idɔ̍kāasi la oko̍o yī Igri̍iki. Ɔnyā nūma̍ ē lɛ̍ɛhi kpɛ̍ɛji. O̍ ē kɔ̄ ɔjā de alyeklo̍ kpɛ̍ɛji. 37O̍ wā ge̍ kwi̍īyē bɛ̍ɛ̄nɛ̄, pīyaku̍. E̍ de okū yī nū gwīyē ma̍, e̍ de ɔ̍ nāa gbo abɔ̍ɔ la ipu̍nu̍ yī ichō ɔha̍. 38A̍chi̍kpo̍ yī Iji̍sɔ̄ɔsi nīi gblāa la Ijɔ̍pa ma̍ po̍ hīka Ipi̍ta ɔ̍lɔ wā hɔ̄ abɔ̍ɔ la Ili̍da. Ijɔ̍pa lɛ kurɛkurɛ ga Ili̍da ma̍, e̍ de āchɛ ɛpa tɛ̄rɔ̄ hu Ipi̍ta. Ɔ̍lɔ ge̍ yewā pa̍pa̍pa̍! 39Ipi̍ta tībi̍īyē ɔpɔ̄ɔpɛ̄, pīya ba̍la aa̍. O̍ gbajɛ gāa ɔpɔ̄ɔpɛ̄ ma̍, e̍ bī ɔ̄ ga ipu̍nu̍ yī ichō ɔla̍ā nīi okū gbo ma̍. Anyā ɛha̍ nīi ɔbu̍wā pīyaku̍ mɛ̍ ma̍ gblāa abɔ̍ɔ ē drɛ̄ɛgba ē tū ɔ̄. E̍ chabɔ̄ yī ɛjā otūlibi̍īyē ɛha̍ ba̍la aru̍ wa̍a̍ nīi Idɔ̍kāasi gɔ̍ de wa̍ yɛ̄grāa nīi o̍ hɔ̄leyī ma̍ hu̍ Ipi̍ta. 40Ipi̍ta de anyā ɛla̍ā nū ngmɛ̍ɛchɛ wa̍a̍. O̍ pīya pīyēkū la ajɛ jɔhā de Ɔwɔ. O̍ pīyeyī kpa̍ta̍ ga ɛbɛ yī okū, da ɔ̍ hīka ɔ̍lɔ ge̍ “Ita̍bita! Nīichō!” Ɔnyā ɔla̍ā lwāa eyī pee ɔpɔ̄ɔpɛ̄. O̍ ma̍ Ipi̍ta ma̍, o̍ nīichō hyāhɔ̄. 41Ipi̍ta de abɔ̄ ku̍ ɔ̄, tū ɔ̄ wɔbɔ̄ nīi o̍ nīichō. Bɛ̍ɛ̄nɛ̄, o̍ hī āchɛ yī Ɔwɔ ba̍la anyōkū ɛla̍ā ɛra̍ gāa ge̍ chabɔ̄ yī nū hu̍ wā ka ɔ̍lɔ hɔ̄leyī mɛ̍. 42Ohu yī lɛlā nūma̍ mīyanya la Ijɔ̍pa cha̍cha̍. Āchɛ yɛ̄mɛ̄mɛ̄ chɛ̄ku Ɔwɔ. 43Ipi̍ta jī hɔ̄ abɔ̍ɔ la Ijɔ̍pa gbajɛ la ɔ̄chī ɛmɛ̍ɛmla̍a. O̍ tū wɔga la wɔlɛ̍ yī ɔngrɔ̄ɔ ɔha̍ nīi re̍ka Isa̍yi̍mɔ̄ɔn ɔgwɔ̍kpa̍ ma̍.
Nu markerat:
:
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
© 2020 Bible Society of Nigeria (second edition)