U̍ku̍rɔ̍ yī Alɛrɔ̄ 8
8
Isɔ̍ɔli ya̍ āchɛ yī Ikra̍yisi ichi̍ ɔdwɔ̄bi̍
1Bū la i̍chi̍chɛ ɔla̍ā, nīi ogrēeyī yī āchɛ yī Ɔwɔ nīi hɔ̄ la Ijɛru̍sālɛm ma̍ wu̍tu yī ichi̍ ɔmɔ̍ɔ̄ma̍ dwɔ̄bi̍-dwɔ̄bi̍ a̍nɛ. Ɔ̍chi̍kpa̍kpa̍ yī alɛrɔ̄, nɛ̄ni̍ āchɛ yī Iji̍sɔ̄ɔsi wa̍a̍ mīyanya cha̍cha̍ pīya ga ajɛ yī Ijudi̍ya ba̍la Isame̍riya. Āchɛ ɛla̍ā nīi mīyanya ma̍ pīya ga ɛbɛha̍-ɛbɛha̍ wa̍a̍ ge̍ kā Wɔ̄kā Ɔlwɔnyɛ yī Iji̍sɔ̄ɔsi de āchɛ. 2Āchɛ ɛnɛ̄ɛhɛhi ɛha̍ gāa ge̍ de okū yī Isiti̍bīin nāa ge̍ nyi. E̍ drɛ̄ɛgba tū ɔ̄ kpɛ̍ɛji.
3Bū la yɛ̄grāa ɔla̍ā, Isɔ̍ɔli chikpo̍ ge̍ē de ogrēeyī yī āchɛ yī Ɔwɔ ē chāajɛ. O̍ ē ta̍ wɔlɔ̍lɛ̍ ta̍, ē ku̍ āchɛ yī Iji̍sɔ̄ɔsi. Angrɔ̄ɔ oo, anyā oo, o̍ ē kpo̍ wā tū igbakɔbɔ.
Alisame̍riya po̍ Wɔ̄kā Ɔlwɔnyɛ yī Ɔwɔ
4Āchɛ ɛla̍ā nīi mīyanya ma̍ pīya ga ɛbɛha̍-ɛbɛha̍ wa̍a̍ ge̍ kā Wɔ̄kā Ɔlwɔnyɛ yī Iji̍sɔ̄ɔsi de āchɛ. 5Ifi̍līipu ga ipwo̍gra yī Isame̍riya ge̍ kɛlā yī Ɔhɔ̍ɔnyɛta̍ Nīi Ɔwɔ Hōhu Ma̍ de wa̍. 6Āchɛ ɛla̍ā darɔ̄ku lɛlā yī Ifi̍līipu. E̍ plɛ̍ɛ̄lā nīi o̍ yɛ ē ka wa̍a̍ ma̍, gba̍a ma̍ lɛlā ɔlɛbɛ̍bi̍ nīi o̍ ya̍ wa̍a̍ ma̍. 7Yapri̍ija ɔdwɔ̄bi̍ ē to̍ohwe̍e bīyɛchɛ hī āchɛ yɛ̄mɛ̄mɛ̄. Eku̍ku ba̍la āchɛ okwi̍kpo̍ oko̍ōku̍ yɛ̄mɛ̄mɛ̄ de lɛ cha̍cha̍. 8Alipwo̍gra ɔla̍ā lɛ ɔwɔ̄wīyā kpɛ̍ɛji wu̍chē yī lɛlā ɔla̍ā.
9Ɔngrɔ̄ɔ ɔha̍ hɔ̄ abɔ̍ɔ la ipwo̍gra ɔla̍ā re̍ka Isa̍yi̍mɔ̄ɔn. O̍ ē bī obūdeyī yī nū yɛ̍ɛ̄lā nīi o̍ ē de ē ya̍ Alisame̍riya wa̍a̍ lɛbɛ̍bi̍ ɔlamu ɔlamu. O̍ ē ya̍ nīi āchɛ ge̍ē ka ɔ̍lɔ - ɔ̄chɛ ke̍ke̍ni̍ nɛ. 10Āchɛ wa̍a̍, aɛ̍pɛ̄ oo, anyāku̍ oo, ē pɔ̍ɔkɔ yī Isa̍yi̍mɔ̄ɔn. E̍ ē hī ɔ̄ ka, “Ɔlwɔhu̍ Ɔnɔ̄kɔ̄kū yī Ɔwɔ.” 11O̍ yɛ̍ɛ̄lā nīi o̍ lɛ wa̍ lɛbɛ̍bi̍ bū la obūdeyī yī nū ɔla̍ā ligbi̍gbo̍ mɛ̍. Wu̍chē yī ɔla̍ā nīi aa̍ wa̍a̍ ē pɔ̍ɔkɔ yī nū a̍nɛ. 12Ifi̍līipu wā ge̍ kā wɔ̄kā yī Ɔchwɔ̄lɛ̍ Oro̍ōre̍ yī Ɔwɔ ba̍la riyī yī Iji̍sɔ̄ɔsi Ikra̍yisi de wa̍. Āchɛ wa̍a̍ chɛ̄ku ɔ̍ ma̍, o̍ hu wa̍ yenyi; angrɔ̄ɔ tūla anyā. 13Isa̍yi̍mɔ̄ɔn nūma̍ titi chɛ̄ ma̍, e̍ hu ɔ̍ yenyi; o̍ ē yɛ ba̍la Ifi̍līipu. O̍ ma̍ lɛlā ɔnɔ̄kɔ̄kū ba̍la lɛlā ɔlɛbɛ̍bi̍ wa̍a̍ nīi yɛ ē ya̍ ma̍, o̍ lɛ ɔ̍ lɛbɛ̍bi̍ kpɛ̍ɛji.
14Alɛrɔ̄ yī Iji̍sɔ̄ɔsi nīi gblāa la Ijɛru̍sālɛm ma̍ po̍ bɛ̍ɛ̄nɛ̄ ka Alisame̍riya ɔ̍lɔ chɛ̄ lɛlā yī Ɔwɔ ma̍, e̍ de Ipi̍ta ba̍la Ijɔ̍ɔn tɛ̄rɔ̄ gāa. 15E̍ gbajɛ gāa ma̍, e̍ jɔhā de āchɛ ɛla̍ā, hɛ̄ɛbɛ nīi e̍ ge̍ē nāa Uhu Ɔnɛ̄ɛhɛhi yī Ɔwɔ. 16Wu̍chē yī oji̍ nɛ, Uhu Ɔnɛ̄ɛhɛhi yī Ɔwɔ i̍ wā dikpo̍ba̍ wā yɛ̄grāa ɔla̍ā we̍ ni̍. Yenyi nīi e̍ e̍e hu ji la riyī yī Ādā Iji̍sɔ̄ɔsi a̍nɛ. 17Ipi̍ta ba̍la Ijɔ̍ɔn de abɔ̄ che āchɛ ɛla̍ā lɛhu̍ ma̍, e̍ nāa Uhu Ɔnɛ̄ɛhɛhi yī Ɔwɔ ɔpɔ̄ɔpɛ̄.
18Isa̍yi̍mɔ̄ɔn ma̍ bɛ̍ɛ̄nɛ̄ hīka, alɛrɔ̄ yī Iji̍sɔ̄ɔsi ɛ̍lɛ de abɔ̄ che āchɛ ma̍, āchɛ ɛ̍lɛ nāa Uhu Ɔnɛ̄ɛhɛhi yī Ɔwɔ. Bū la ɛbɛ ɔla̍ā, o̍ chrāa oko̍o yī okpo ode de Ipi̍ta ba̍la Ijɔ̍ɔn. 19O̍ ka de wa̍ hīka ɛ̍lɛ ge̍ de ita wɔhu̍ nūma̍ de anu̍ hɛ̄ɛbɛ nīi ɔ̄chaha̍ ɔ̄chaha̍ nīi anɔ̍lɔ ge̍ de abɔ̄ che ɔ̍lɔ ma̍ nīi ɔ̍lɔ ge̍ nāa Uhu Ɔnɛ̄ɛhɛhi yī Ɔwɔ i̍ngi̍ngɔ̍ɔ.
20Ipi̍ta da Isa̍yi̍mɔ̄ɔn hīka, “Okpo yī wɔ ɔla̍ā ge̍ chāajɛ ba̍la awɔ ɔlɔjā! Wu̍chē oji̍ nɛ, a gbɛri̍ya̍ ka aɔ̍lɔ ge̍ē ra̍ ɔjā nīi Ɔwɔ ē de ma̍ la okpo. 21A i̍ lɛlɛ̄lā amu lipu̍ yī lɛlā nūma̍ ni̍, wu̍chē oji̍ nɛ, ūkpɔ̄tū yī wɔ i̍ lɛ kpakpa la eyī yī Ɔwɔ ni̍. 22Pīyabɔ̄ta̍ hī lɛlā abi̍ yī wɔ, nīi a ā jɔhā de Ādā, ɔha̍ni̍ o̍ ē de ɛri̍ya̍ yī ūkpɔ̄tū ɔdwɔ̄bi̍ yī wɔ ɔla̍ā kɔ̄ de wɔ. 23Wu̍chē oji̍ nɛ, n ma̍ hīka ūkpɔ̄tū ɔdwɔ̄bi̍ yī wɔ lɛ wɔnɔnɔ gba̍a̍; lɛlā ɔdwɔ̄bi̍ tū wɔ igbakɔbɔ mɛ̍!”
24Isa̍yi̍mɔ̄ɔn ka de Ipi̍ta ba̍la Ijɔ̍ɔn bɛ̍ɛ̄nɛ̄ hīka, “Ala̍ chu̍chu̍u! Ala̍ ā jɔhā de Ādā de u, hɛ̄ɛbɛ nīi lɛlā nīi ala̍ ka wa̍a̍ ma̍ ge̍ e̍e ya̍ u ni̍!”
25Ipi̍ta ba̍la Ijɔ̍ɔn ka ochi̍chi̍ yī lɛlā, de ɛrɔ̄ yī Ādā ka de wa̍ ma̍, e̍ ku̍chē pīya ga Ijɛru̍sālɛm. E̍ kā Wɔ̄kā Ɔlwɔnyɛ yī Ɔwɔ de alwɔlɛ̍ɛchɛ yī Isame̍riya yɛ̄mɛ̄mɛ̄ nīi e̍ yɛ ē chɔ̄cha ma̍.
Ifi̍līipu ba̍la ɔlɛhu̍ yī Aletiyo̍piya ɔha̍
26Ɔyɛ̍ɛ̄chɛ̄rɔ̄ yī Ɔwɔ ka de Ifi̍līipu bɛ̍ɛ̄nɛ̄ hīka ɔ̍lɔ ge̍ nīichō nīi ɔ̍lɔ ge̍ yɛ i̍ngɔ̍ɔ ga wāā yī ihi̍yajɛ, wāā yī ɔpɔ̄pū nīi ɔ̍lɔ bū la Ijɛru̍sālɛm ga Iga̍sa ma̍. Ɔpɔ̄pū ɔla̍ā i̍ hɔ̄ gɛ ni̍. 27Ifi̍līipu wā ge̍ pīya gānyɔ̄. O̍ ma̍ Oletiyo̍piya ɔha̍. Ɔngrɔ̄ɔ ɔku̍lɛ̄pī ɔla̍ā - ɔ̄chɛ ɔnɔ̄kɔ̄kū gba̍a̍ nɛ. Anu̍ ē deyīrɛ lɛlā yī okpo yī Ika̍ndāaki nīi - ɔchwɔ̄lɛ̍ ɔnɔ̄nyā yī Etiyo̍piya ma̍ a̍nɛ. O̍ ga ga Ijɛru̍sālɛm gāa ge̍ ya̍ otūlichō de Ɔwɔ. 28U̍ma̍ama, o̍ yɛ ē chɔ̄cha. O̍ hyāhɔ̄ abɔ̍ɔ la wɔwu̍ ajɛ yī nū yɛ ē ma̍ īpū nīi Ayisa̍ya ɔ̄chɛ ɔkɛrɔ̄ yī Ɔwɔ ta̍ ma̍. 29Uhu Ɔnɛ̄ɛhɛhi yī Ɔwɔ ka de Ifi̍līipu ka ɔ̍lɔ ge̍ gāa ge̍ yɛ bla̍a wɔwu̍ ajɛ yī ɔngrɔ̄ɔ ɔla̍ā. 30Ifi̍līipu wā ge̍ rɛ̄ɛnya gānyɔ̄. O̍ po̍ nīi ɔngrɔ̄ɔ ɔla̍ā yɛ ē kɛlā bū la īpū ɔla̍ā nīi Ayisa̍ya ɔ̄chɛ ɔkɛrɔ̄ ta̍ ma̍, o̍ che ɔngrɔ̄ɔ ɔla̍ā ikpo̍ hīka, “Ādā, a je̍ ochi̍chi̍ yī ɔjā nīi a yɛ aa̍ ē ka ē bū la īpū ɔla̍ā ma̍?”
31O̍ hīyɔkɔ hīka, kana̍ nīi anɔ̍lɔ ge̍ē je̍ ochi̍chi̍ yī ɔ̍lɔ mɛ ma̍? Ɔ̍chi̍kpa̍kpa̍, ɔ̄chɛ ɔha̍ ɔ̍lɔ ka̍a ngū anu̍ o̍bū oo. Bū la ɛbɛ ɔla̍ā, o̍ ka hīka Ifi̍līipu ɔ̍lɔ ge̍ tīichō wā ge̍ hɔ̄ ba̍la anu̍ lipu̍ yī wɔwu̍ ajɛ ɔla̍ā. 32Ɛbɛ nīi o̍ yɛ ē ka la Īpū yī Ɔwɔ ɔla̍ā ma̍ ka hīka,
“E̍ wu̍ ɔ̄ ta̍ bāa ɔnyīyɛrɔ̄ nīi e̍ bī yɛ gāa ge̍ē ngmo̍ ma̍.
O̍ lɛ bāa ɔyɔ̍ɔ̄nyīyɛrɔ̄ nīi e̍ ge̍ yɛ ē krāa anu̍ ɛwa nīi o̍ i̍ ē ya̍ ku̍yɔ ni̍ ma̍.
O̍ i̍ kɛlɛ̄lā ni̍.
33E̍ bī ɔ̄ ga ajɛ gba̍a̍.
O̍ i̍ chī lɛ ɔ̄chɛ ɔklɛpɔ̄ hī ɔ̄ ni̍.
Ɔ̄chɔ̄chɛ i̍ ge̍ē chɛ̄chi̍ yī wɔma yī nū mɛ ni̍.
Wu̍chē oji̍ nɛ, e̍ de ɔhɔ̄leyī yī nū nāa hī yɛchɛ nūma̍ mɛ̍.”
34Ɔngrɔ̄ɔ ɔla̍ā de Ifi̍līipu bɛ̍ɛ̄nɛ̄ hīka, “Chu̍chu̍u, de ka de u gɛ! Ɔ̄nyɛ nīi ɔ̄chɛ ɔkɛrɔ̄ yī Ɔwɔ nūma̍ yɛ ē kɛlā nūma̍ ku̍ ɔ̄ ma̍? Lɛlā yī anu̍ ɔlɔjā kɛ̄ɛ iyī ɔ̄chɛ ɔha̍?” 35Ifi̍līipu kū la ɔkɔ̄ka de ɔ̍ bɛ̍ɛ̄nɛ̄. O̍ wu̍ u̍tu bū la ɛbɛ nīi ɔngrɔ̄ɔ nūma̍ ka bū la Īpū yī Ɔwɔ ma̍, o̍ kā Wɔ̄kā Ɔlwɔnyɛ yī Iji̍sɔ̄ɔsi de ɔ̍ wa̍a̍. 36E̍ yɛ ē yɛ i̍ngi̍ngɔ̍ɔ ma̍, e̍ wā ge̍ gbajɛ la ɛbɛ yī yenyi ɔha̍. Ɔngrɔ̄ɔ ɔla̍ā de Ifi̍līipu bɛ̍ɛ̄nɛ̄ hīka, “Ma̍ gɛ, yenyi hɔ̄ ma̍ mɛ̍! Ɔjā ɔha̍ hɔ̄ abɔ̍ɔ ge̍ē ku̍ chi̍yɛ ē hī yenyi ohōhu we̍?”
37[Ifi̍līipu ka de ɔ̍ hīka, “A ge̍ chɛ̄ la ūkpɔ̄tū yī wɔ wa̍a̍, ɔ̍lɔma̍ a ge̍ē hu yenyi!”
Ɔngrɔ̄ɔ ɔla̍ā ka ɔpɔ̄ɔpɛ̄ hīka, “N chɛ̄ i̍ngɔ̍ɔ! N chɛ̄ hīka Iji̍sɔ̄ɔsi Ikra̍yisi - Ɔyi̍ yī Ɔwɔ nɛ!”]
38Ɔngrɔ̄ɔ ɔla̍ā ka nīi wɔwu̍ ajɛ ɔla̍ā jīyarɛ la aa̍. Anu̍ ba̍la Ifi̍līipu pra̍a tū ga yenyi ɔla̍ā, Ifi̍līipu hu ɔ̍ yenyi. 39E̍ bīyɛchɛ hī yenyi wā la yɛchɛ ma̍, Uhu yī Ādā de Ifi̍līipu nāa pīya hī ɔ̄; ɔngrɔ̄ɔ ɔla̍ā i̍ ma̍ ɔ̄ gɛ ni̍. Ɔngrɔ̄ɔ ɔla̍ā pīya ɔjā yī nū, lɛ ɔwɔ̄wīyā kpɛ̍ɛji. 40Ifi̍līipu wā ge̍ jo̍ōkū bɛ̍ɛ̄nɛ̄ hīka anɔ̍lɔ gbajɛ la A̍si̍dɔ̄ɔsi mɛ̍. O̍ kā Wɔ̄kā Ɔlwɔnyɛ yī Iji̍sɔ̄ɔsi ta̍ ipwo̍gra ipwo̍gra ta̍ i̍ngi̍ngɔ̍ɔ wa̍a̍ ge̍ chɛ̄ ga Isi̍sari̍ya.
Nu markerat:
U̍ku̍rɔ̍ yī Alɛrɔ̄ 8: YBASR
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
© 2020 Bible Society of Nigeria (second edition)
U̍ku̍rɔ̍ yī Alɛrɔ̄ 8
8
Isɔ̍ɔli ya̍ āchɛ yī Ikra̍yisi ichi̍ ɔdwɔ̄bi̍
1Bū la i̍chi̍chɛ ɔla̍ā, nīi ogrēeyī yī āchɛ yī Ɔwɔ nīi hɔ̄ la Ijɛru̍sālɛm ma̍ wu̍tu yī ichi̍ ɔmɔ̍ɔ̄ma̍ dwɔ̄bi̍-dwɔ̄bi̍ a̍nɛ. Ɔ̍chi̍kpa̍kpa̍ yī alɛrɔ̄, nɛ̄ni̍ āchɛ yī Iji̍sɔ̄ɔsi wa̍a̍ mīyanya cha̍cha̍ pīya ga ajɛ yī Ijudi̍ya ba̍la Isame̍riya. Āchɛ ɛla̍ā nīi mīyanya ma̍ pīya ga ɛbɛha̍-ɛbɛha̍ wa̍a̍ ge̍ kā Wɔ̄kā Ɔlwɔnyɛ yī Iji̍sɔ̄ɔsi de āchɛ. 2Āchɛ ɛnɛ̄ɛhɛhi ɛha̍ gāa ge̍ de okū yī Isiti̍bīin nāa ge̍ nyi. E̍ drɛ̄ɛgba tū ɔ̄ kpɛ̍ɛji.
3Bū la yɛ̄grāa ɔla̍ā, Isɔ̍ɔli chikpo̍ ge̍ē de ogrēeyī yī āchɛ yī Ɔwɔ ē chāajɛ. O̍ ē ta̍ wɔlɔ̍lɛ̍ ta̍, ē ku̍ āchɛ yī Iji̍sɔ̄ɔsi. Angrɔ̄ɔ oo, anyā oo, o̍ ē kpo̍ wā tū igbakɔbɔ.
Alisame̍riya po̍ Wɔ̄kā Ɔlwɔnyɛ yī Ɔwɔ
4Āchɛ ɛla̍ā nīi mīyanya ma̍ pīya ga ɛbɛha̍-ɛbɛha̍ wa̍a̍ ge̍ kā Wɔ̄kā Ɔlwɔnyɛ yī Iji̍sɔ̄ɔsi de āchɛ. 5Ifi̍līipu ga ipwo̍gra yī Isame̍riya ge̍ kɛlā yī Ɔhɔ̍ɔnyɛta̍ Nīi Ɔwɔ Hōhu Ma̍ de wa̍. 6Āchɛ ɛla̍ā darɔ̄ku lɛlā yī Ifi̍līipu. E̍ plɛ̍ɛ̄lā nīi o̍ yɛ ē ka wa̍a̍ ma̍, gba̍a ma̍ lɛlā ɔlɛbɛ̍bi̍ nīi o̍ ya̍ wa̍a̍ ma̍. 7Yapri̍ija ɔdwɔ̄bi̍ ē to̍ohwe̍e bīyɛchɛ hī āchɛ yɛ̄mɛ̄mɛ̄. Eku̍ku ba̍la āchɛ okwi̍kpo̍ oko̍ōku̍ yɛ̄mɛ̄mɛ̄ de lɛ cha̍cha̍. 8Alipwo̍gra ɔla̍ā lɛ ɔwɔ̄wīyā kpɛ̍ɛji wu̍chē yī lɛlā ɔla̍ā.
9Ɔngrɔ̄ɔ ɔha̍ hɔ̄ abɔ̍ɔ la ipwo̍gra ɔla̍ā re̍ka Isa̍yi̍mɔ̄ɔn. O̍ ē bī obūdeyī yī nū yɛ̍ɛ̄lā nīi o̍ ē de ē ya̍ Alisame̍riya wa̍a̍ lɛbɛ̍bi̍ ɔlamu ɔlamu. O̍ ē ya̍ nīi āchɛ ge̍ē ka ɔ̍lɔ - ɔ̄chɛ ke̍ke̍ni̍ nɛ. 10Āchɛ wa̍a̍, aɛ̍pɛ̄ oo, anyāku̍ oo, ē pɔ̍ɔkɔ yī Isa̍yi̍mɔ̄ɔn. E̍ ē hī ɔ̄ ka, “Ɔlwɔhu̍ Ɔnɔ̄kɔ̄kū yī Ɔwɔ.” 11O̍ yɛ̍ɛ̄lā nīi o̍ lɛ wa̍ lɛbɛ̍bi̍ bū la obūdeyī yī nū ɔla̍ā ligbi̍gbo̍ mɛ̍. Wu̍chē yī ɔla̍ā nīi aa̍ wa̍a̍ ē pɔ̍ɔkɔ yī nū a̍nɛ. 12Ifi̍līipu wā ge̍ kā wɔ̄kā yī Ɔchwɔ̄lɛ̍ Oro̍ōre̍ yī Ɔwɔ ba̍la riyī yī Iji̍sɔ̄ɔsi Ikra̍yisi de wa̍. Āchɛ wa̍a̍ chɛ̄ku ɔ̍ ma̍, o̍ hu wa̍ yenyi; angrɔ̄ɔ tūla anyā. 13Isa̍yi̍mɔ̄ɔn nūma̍ titi chɛ̄ ma̍, e̍ hu ɔ̍ yenyi; o̍ ē yɛ ba̍la Ifi̍līipu. O̍ ma̍ lɛlā ɔnɔ̄kɔ̄kū ba̍la lɛlā ɔlɛbɛ̍bi̍ wa̍a̍ nīi yɛ ē ya̍ ma̍, o̍ lɛ ɔ̍ lɛbɛ̍bi̍ kpɛ̍ɛji.
14Alɛrɔ̄ yī Iji̍sɔ̄ɔsi nīi gblāa la Ijɛru̍sālɛm ma̍ po̍ bɛ̍ɛ̄nɛ̄ ka Alisame̍riya ɔ̍lɔ chɛ̄ lɛlā yī Ɔwɔ ma̍, e̍ de Ipi̍ta ba̍la Ijɔ̍ɔn tɛ̄rɔ̄ gāa. 15E̍ gbajɛ gāa ma̍, e̍ jɔhā de āchɛ ɛla̍ā, hɛ̄ɛbɛ nīi e̍ ge̍ē nāa Uhu Ɔnɛ̄ɛhɛhi yī Ɔwɔ. 16Wu̍chē yī oji̍ nɛ, Uhu Ɔnɛ̄ɛhɛhi yī Ɔwɔ i̍ wā dikpo̍ba̍ wā yɛ̄grāa ɔla̍ā we̍ ni̍. Yenyi nīi e̍ e̍e hu ji la riyī yī Ādā Iji̍sɔ̄ɔsi a̍nɛ. 17Ipi̍ta ba̍la Ijɔ̍ɔn de abɔ̄ che āchɛ ɛla̍ā lɛhu̍ ma̍, e̍ nāa Uhu Ɔnɛ̄ɛhɛhi yī Ɔwɔ ɔpɔ̄ɔpɛ̄.
18Isa̍yi̍mɔ̄ɔn ma̍ bɛ̍ɛ̄nɛ̄ hīka, alɛrɔ̄ yī Iji̍sɔ̄ɔsi ɛ̍lɛ de abɔ̄ che āchɛ ma̍, āchɛ ɛ̍lɛ nāa Uhu Ɔnɛ̄ɛhɛhi yī Ɔwɔ. Bū la ɛbɛ ɔla̍ā, o̍ chrāa oko̍o yī okpo ode de Ipi̍ta ba̍la Ijɔ̍ɔn. 19O̍ ka de wa̍ hīka ɛ̍lɛ ge̍ de ita wɔhu̍ nūma̍ de anu̍ hɛ̄ɛbɛ nīi ɔ̄chaha̍ ɔ̄chaha̍ nīi anɔ̍lɔ ge̍ de abɔ̄ che ɔ̍lɔ ma̍ nīi ɔ̍lɔ ge̍ nāa Uhu Ɔnɛ̄ɛhɛhi yī Ɔwɔ i̍ngi̍ngɔ̍ɔ.
20Ipi̍ta da Isa̍yi̍mɔ̄ɔn hīka, “Okpo yī wɔ ɔla̍ā ge̍ chāajɛ ba̍la awɔ ɔlɔjā! Wu̍chē oji̍ nɛ, a gbɛri̍ya̍ ka aɔ̍lɔ ge̍ē ra̍ ɔjā nīi Ɔwɔ ē de ma̍ la okpo. 21A i̍ lɛlɛ̄lā amu lipu̍ yī lɛlā nūma̍ ni̍, wu̍chē oji̍ nɛ, ūkpɔ̄tū yī wɔ i̍ lɛ kpakpa la eyī yī Ɔwɔ ni̍. 22Pīyabɔ̄ta̍ hī lɛlā abi̍ yī wɔ, nīi a ā jɔhā de Ādā, ɔha̍ni̍ o̍ ē de ɛri̍ya̍ yī ūkpɔ̄tū ɔdwɔ̄bi̍ yī wɔ ɔla̍ā kɔ̄ de wɔ. 23Wu̍chē oji̍ nɛ, n ma̍ hīka ūkpɔ̄tū ɔdwɔ̄bi̍ yī wɔ lɛ wɔnɔnɔ gba̍a̍; lɛlā ɔdwɔ̄bi̍ tū wɔ igbakɔbɔ mɛ̍!”
24Isa̍yi̍mɔ̄ɔn ka de Ipi̍ta ba̍la Ijɔ̍ɔn bɛ̍ɛ̄nɛ̄ hīka, “Ala̍ chu̍chu̍u! Ala̍ ā jɔhā de Ādā de u, hɛ̄ɛbɛ nīi lɛlā nīi ala̍ ka wa̍a̍ ma̍ ge̍ e̍e ya̍ u ni̍!”
25Ipi̍ta ba̍la Ijɔ̍ɔn ka ochi̍chi̍ yī lɛlā, de ɛrɔ̄ yī Ādā ka de wa̍ ma̍, e̍ ku̍chē pīya ga Ijɛru̍sālɛm. E̍ kā Wɔ̄kā Ɔlwɔnyɛ yī Ɔwɔ de alwɔlɛ̍ɛchɛ yī Isame̍riya yɛ̄mɛ̄mɛ̄ nīi e̍ yɛ ē chɔ̄cha ma̍.
Ifi̍līipu ba̍la ɔlɛhu̍ yī Aletiyo̍piya ɔha̍
26Ɔyɛ̍ɛ̄chɛ̄rɔ̄ yī Ɔwɔ ka de Ifi̍līipu bɛ̍ɛ̄nɛ̄ hīka ɔ̍lɔ ge̍ nīichō nīi ɔ̍lɔ ge̍ yɛ i̍ngɔ̍ɔ ga wāā yī ihi̍yajɛ, wāā yī ɔpɔ̄pū nīi ɔ̍lɔ bū la Ijɛru̍sālɛm ga Iga̍sa ma̍. Ɔpɔ̄pū ɔla̍ā i̍ hɔ̄ gɛ ni̍. 27Ifi̍līipu wā ge̍ pīya gānyɔ̄. O̍ ma̍ Oletiyo̍piya ɔha̍. Ɔngrɔ̄ɔ ɔku̍lɛ̄pī ɔla̍ā - ɔ̄chɛ ɔnɔ̄kɔ̄kū gba̍a̍ nɛ. Anu̍ ē deyīrɛ lɛlā yī okpo yī Ika̍ndāaki nīi - ɔchwɔ̄lɛ̍ ɔnɔ̄nyā yī Etiyo̍piya ma̍ a̍nɛ. O̍ ga ga Ijɛru̍sālɛm gāa ge̍ ya̍ otūlichō de Ɔwɔ. 28U̍ma̍ama, o̍ yɛ ē chɔ̄cha. O̍ hyāhɔ̄ abɔ̍ɔ la wɔwu̍ ajɛ yī nū yɛ ē ma̍ īpū nīi Ayisa̍ya ɔ̄chɛ ɔkɛrɔ̄ yī Ɔwɔ ta̍ ma̍. 29Uhu Ɔnɛ̄ɛhɛhi yī Ɔwɔ ka de Ifi̍līipu ka ɔ̍lɔ ge̍ gāa ge̍ yɛ bla̍a wɔwu̍ ajɛ yī ɔngrɔ̄ɔ ɔla̍ā. 30Ifi̍līipu wā ge̍ rɛ̄ɛnya gānyɔ̄. O̍ po̍ nīi ɔngrɔ̄ɔ ɔla̍ā yɛ ē kɛlā bū la īpū ɔla̍ā nīi Ayisa̍ya ɔ̄chɛ ɔkɛrɔ̄ ta̍ ma̍, o̍ che ɔngrɔ̄ɔ ɔla̍ā ikpo̍ hīka, “Ādā, a je̍ ochi̍chi̍ yī ɔjā nīi a yɛ aa̍ ē ka ē bū la īpū ɔla̍ā ma̍?”
31O̍ hīyɔkɔ hīka, kana̍ nīi anɔ̍lɔ ge̍ē je̍ ochi̍chi̍ yī ɔ̍lɔ mɛ ma̍? Ɔ̍chi̍kpa̍kpa̍, ɔ̄chɛ ɔha̍ ɔ̍lɔ ka̍a ngū anu̍ o̍bū oo. Bū la ɛbɛ ɔla̍ā, o̍ ka hīka Ifi̍līipu ɔ̍lɔ ge̍ tīichō wā ge̍ hɔ̄ ba̍la anu̍ lipu̍ yī wɔwu̍ ajɛ ɔla̍ā. 32Ɛbɛ nīi o̍ yɛ ē ka la Īpū yī Ɔwɔ ɔla̍ā ma̍ ka hīka,
“E̍ wu̍ ɔ̄ ta̍ bāa ɔnyīyɛrɔ̄ nīi e̍ bī yɛ gāa ge̍ē ngmo̍ ma̍.
O̍ lɛ bāa ɔyɔ̍ɔ̄nyīyɛrɔ̄ nīi e̍ ge̍ yɛ ē krāa anu̍ ɛwa nīi o̍ i̍ ē ya̍ ku̍yɔ ni̍ ma̍.
O̍ i̍ kɛlɛ̄lā ni̍.
33E̍ bī ɔ̄ ga ajɛ gba̍a̍.
O̍ i̍ chī lɛ ɔ̄chɛ ɔklɛpɔ̄ hī ɔ̄ ni̍.
Ɔ̄chɔ̄chɛ i̍ ge̍ē chɛ̄chi̍ yī wɔma yī nū mɛ ni̍.
Wu̍chē oji̍ nɛ, e̍ de ɔhɔ̄leyī yī nū nāa hī yɛchɛ nūma̍ mɛ̍.”
34Ɔngrɔ̄ɔ ɔla̍ā de Ifi̍līipu bɛ̍ɛ̄nɛ̄ hīka, “Chu̍chu̍u, de ka de u gɛ! Ɔ̄nyɛ nīi ɔ̄chɛ ɔkɛrɔ̄ yī Ɔwɔ nūma̍ yɛ ē kɛlā nūma̍ ku̍ ɔ̄ ma̍? Lɛlā yī anu̍ ɔlɔjā kɛ̄ɛ iyī ɔ̄chɛ ɔha̍?” 35Ifi̍līipu kū la ɔkɔ̄ka de ɔ̍ bɛ̍ɛ̄nɛ̄. O̍ wu̍ u̍tu bū la ɛbɛ nīi ɔngrɔ̄ɔ nūma̍ ka bū la Īpū yī Ɔwɔ ma̍, o̍ kā Wɔ̄kā Ɔlwɔnyɛ yī Iji̍sɔ̄ɔsi de ɔ̍ wa̍a̍. 36E̍ yɛ ē yɛ i̍ngi̍ngɔ̍ɔ ma̍, e̍ wā ge̍ gbajɛ la ɛbɛ yī yenyi ɔha̍. Ɔngrɔ̄ɔ ɔla̍ā de Ifi̍līipu bɛ̍ɛ̄nɛ̄ hīka, “Ma̍ gɛ, yenyi hɔ̄ ma̍ mɛ̍! Ɔjā ɔha̍ hɔ̄ abɔ̍ɔ ge̍ē ku̍ chi̍yɛ ē hī yenyi ohōhu we̍?”
37[Ifi̍līipu ka de ɔ̍ hīka, “A ge̍ chɛ̄ la ūkpɔ̄tū yī wɔ wa̍a̍, ɔ̍lɔma̍ a ge̍ē hu yenyi!”
Ɔngrɔ̄ɔ ɔla̍ā ka ɔpɔ̄ɔpɛ̄ hīka, “N chɛ̄ i̍ngɔ̍ɔ! N chɛ̄ hīka Iji̍sɔ̄ɔsi Ikra̍yisi - Ɔyi̍ yī Ɔwɔ nɛ!”]
38Ɔngrɔ̄ɔ ɔla̍ā ka nīi wɔwu̍ ajɛ ɔla̍ā jīyarɛ la aa̍. Anu̍ ba̍la Ifi̍līipu pra̍a tū ga yenyi ɔla̍ā, Ifi̍līipu hu ɔ̍ yenyi. 39E̍ bīyɛchɛ hī yenyi wā la yɛchɛ ma̍, Uhu yī Ādā de Ifi̍līipu nāa pīya hī ɔ̄; ɔngrɔ̄ɔ ɔla̍ā i̍ ma̍ ɔ̄ gɛ ni̍. Ɔngrɔ̄ɔ ɔla̍ā pīya ɔjā yī nū, lɛ ɔwɔ̄wīyā kpɛ̍ɛji. 40Ifi̍līipu wā ge̍ jo̍ōkū bɛ̍ɛ̄nɛ̄ hīka anɔ̍lɔ gbajɛ la A̍si̍dɔ̄ɔsi mɛ̍. O̍ kā Wɔ̄kā Ɔlwɔnyɛ yī Iji̍sɔ̄ɔsi ta̍ ipwo̍gra ipwo̍gra ta̍ i̍ngi̍ngɔ̍ɔ wa̍a̍ ge̍ chɛ̄ ga Isi̍sari̍ya.
Nu markerat:
:
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
© 2020 Bible Society of Nigeria (second edition)