U̍ku̍rɔ̍ yī Alɛrɔ̄ 7
7
Lɛlā nīi Isiti̍bīin ka la ɔgbādu ɔla̍ā ma̍
1A̍dā Aligbe che Isiti̍bīin ikpo̍ ka ɔ̍lɔ - lēchi̍ nɛ? 2Isiti̍bīin hīya anu̍ ɔkɔ bɛ̍ɛ̄nɛ̄ hīka, “Aɛ̍nɛ̍ yī u, ba̍la ādā yī u wa̍a̍! Ala̍ ā darɔ̄ku lɛlā yī u nūma̍! Ɔwɔ nīi - Ɔgɔnyɛ Ɔnɔ̄kɔ̄kū ma̍ wā dikpo̍ba̍ A̍brahāam nīi - ɔ̍kɔ̄kū yī alɔ ma̍. Yɛ̄grāa nīi o̍ e̍e hɔ̄ la ɔcha yī Imɛsopote̍miya, o̍bū nīi o̍ wā ge̍ pīya ga Iha̍ran a̍nɛ. 3Ɔwɔ koko̍o de ɔ̍ ka ɔ̍lɔ ge̍ pīya hī wɔma yī ɔ̍lɔ ba̍la ɔcha yī ɔ̍lɔ ga ɔcha ɔha̍ nīi anɔ̍lɔ ge̍ē chabɔ̄ hu̍ ɔ̍lɔ ma̍. 4Aa̍ nīi o̍ pīya hī ɔcha yī Ika̍diya ge̍ hɔ̄ la Iha̍ran a̍nɛ. A̍dā yī nū wā ge̍ pīyaku̍ bɛ̍ɛ̄nɛ̄ ma̍, Ɔwɔ ya̍ nīi o̍ kpo̍ wɔlɛ̍ wā la ajɛ nūma̍ nīi ala̍ gblāa ma̍ ma̍. 5Yɛ̄grāa ɔla̍ā, Ɔwɔ i̍ de ajɛ nūma̍ de ɔ̍ hīka ɔ̍lɔ - iyī ɔ̍lɔ nɛ ni̍. O̍ i̍ dōde i̍ngɛ̍ɛ̄nɛ̄ krɛrɛrɛ de ɔ̍ o̍bo̍bū ni̍. Ɔwɔ chī choko̍o hīka anɔ̍lɔ ge̍ē de ajɛ nūma̍ ē pīya iyī ɔ̍lɔ ba̍la wɔma yī ɔ̍lɔ. Yɛ̄grāa nīi Ɔwɔ choko̍o nūma̍ ma̍, A̍brahāam i̍ ma ɔyi̍ we̍ ni̍. 6Ɔwɔ koko̍o de A̍brahāam hīka, ‘Ayi̍ yī wɔ ge̍ē gblāa la ɔcha yī āchɛ; e̍ ge̍ē de ē pīya afiyɛ abɔ̍ɔ nīi e̍ ge̍ē ya̍ wā ichi̍ dwɔ̄bi̍ dwɔ̄bi̍ lipu̍ u̍nɔ lɛ̍yi̍ ke̍e̍. 7N chī ge̍ē ku̍ āchɛ nīi e̍ hɔ̄ bāa afiyɛ yī wā ma̍ lɛpɔ̄, o̍bū nīi e̍ ge̍ē bīyɛchɛ ē pīya hī ɔcha ɔla̍ā. E̍ ge̍ē wā ge̍ē pā u ɔpɔ̄pā amu u̍ma̍.’ 8Bɛ̍ɛ̄nɛ̄ ma̍, Ɔwɔ wā ge̍ de lɛlā yī wɔwu̍ ɔtɔ̍ɔ̄ta̍ de A̍brahāam. Ɔla̍ā lɛ bāa lɛlā ɔchabɔ̄ yī yɛka nīi Ɔwɔ gwa̍ ba̍la aa̍ ma̍. Bū la ɛbɛ ɔla̍ā, A̍brahāam ta̍ A̍yi̍sāaki wɔwu̍ la ɔ̄chī ɔmarāata̍ nīi e̍ ma ɔ̍ ma̍. A̍yi̍sāaki ta̍ Ije̍kɔ̄ɔpu ɔyi̍ yī nū wɔwu̍ i̍ngi̍ngɔ̍ɔ. Ije̍kɔ̄ɔpu titi ta̍ ayi̍ yī nū āchɛ igwo̍lɛpa nīi - a̍dɔ̄kū yī alɔ ma̍ wɔwu̍ i̍ngi̍ngɔ̍ɔ.
9“Aa̍ a̍dɔ̄kū yī alɔ tū Ijo̍sɛ̄ɛfu uji, de ɔ̍ ku̍ ra̍ ga ajɛ yī I̍jīipu. Ɔwɔ chī hɔ̄ ba̍la Ijo̍sɛ̄ɛfu hwɔhi hwɔhi. 10Ɔwɔ bī ɔ̄ ngmɛ̍ɛchɛ hī lɛlā nīi wā la anu̍ wa̍a̍ ma̍. Ɔwɔ de ibi̍īyē ɔhwɔhi lɛlā ba̍la lɛlā ojo̍ōje̍ de ɔ̍ la eyī yī Ife̍ro nīi - ɔchwɔ̄lɛ̍ yī I̍jīipu ma̍. Ife̍ro de ɔ̍ pīya ɔ̄chɛ odeyīrɛ ajɛ yī I̍jīipu wa̍a̍. O̍ de ɔ̍ pīya ɔ̄chɛ odeyīrɛ I̍jīipu wa̍a̍ gala wɔlɛ̍ yī Ife̍ro ɔlɔjā. 11Lɛmiyɛ ɔdwɔ̄bi̍ ɔha̍ wā ge̍ ya̍ la ajɛ yī I̍jīipu ba̍la Ike̍nāan wa̍a̍ nīi āchɛ mi̍chi̍ kpɛ̍ɛji la anu̍. Aa̍ ɔ̍kɔ̄kū yī alɔ i̍ ma̍ ojōre̍ ɔha̍lɔha̍ re̍ ni̍. 12Ije̍kɔ̄ɔpu wā ge̍ po̍ hīka igu ɔ̍lɔ hɔ̄ abɔ̍ɔ la ɔcha yī I̍jīipu ma̍, o̍ de ayi̍ yī nū nīi - ɔ̍kɔ̄kū yī alɔ ma̍ tɛ̄rɔ̄ ga abɔ̍ɔ la ɛyɛ ɔrāarāa. 13O̍mgbo̍mɛpa nīi e̍ gba̍a yɛ ma̍ nīi Ijo̍sɛ̄ɛfu de iyī nū bla yɛchɛ de wa̍ a̍nɛ. Ife̍ro titi wā ge̍ je̍ wɔma yī nū bɛ̍ɛ̄nɛ̄. 14Bɛ̍ɛ̄nɛ̄ ma̍, Ijo̍sɛ̄ɛfu tɛ̄rɔ̄ hu Ije̍kɔ̄ɔpu a̍dā yī nū ka ɔ̍lɔ ba̍la alwɔlɛ̍ yī ɔ̍lɔ wa̍a̍, ɛ̍lɛ ge̍ pīya wā la ɔcha yī I̍jīipu. E̍ lɛ āchɛ ohu ɛta̍ che igwɛ̍ɛrwɔ̄ wa̍a̍. 15Ije̍kɔ̄ɔpu wā ge̍ pīya ga I̍jīipu. Abɔ̍ɔ nīi aa̍ ɔ̍kɔ̄kū yī alɔ pīyaku̍ wa̍a̍ a̍nɛ. 16E̍ de okū yī wā kpo̍ ge̍ nyi la u̍nwɔ̍wu̍ nīi hɔ̄ la Ishɛ̍kɛm ma̍. A̍brahāam ra̍ ajɛ yī u̍nwɔ̍wu̍ ɔla̍ā tāa Aliha̍mɔ la okpo ɛmɛ̍ɛmla̍a a̍nɛ.
17“Yɛ̄grāa wā ge̍ hōhī kurɛkurɛ bɛ̍ɛ̄nɛ̄ nīi Ɔwɔ ge̍ē de lɛlā yī oko̍o nīi o̍ che A̍brahāam ma̍ ya̍ mɛ̍. Yɛ̄grāa ɔla̍ā ībī yī Ije̍kɔ̄ɔpu nīi gblāa la I̍jīipu ma̍ de lyɛ̄mɛ̄ kpɛ̍ɛji mɛ̍. 18Ɔchwɔ̄lɛ̍ ɔha̍ nīi i̍ je̍ Ijo̍sɛ̄ɛfu ni̍ ma̍ wā ge̍ che la I̍jīipu bɛ̍ɛ̄nɛ̄. 19O̍ ya̍ āchɛ yī alɔ a̍chālā. O̍ lɛ wɔnɔnɔ tāa aa̍ ɔ̍kɔ̄kū yī alɔ gba̍a̍. O̍ ya̍ nīi e̍ tu̍labɔ̄ hī ayi̍ yī wā anāngrɔ̄ɔ ta̍anū nīi e̍ pīyaku̍. 20Yɛ̄grāa ɔla̍ā nīi e̍ ma Imo̍sīisi a̍nɛ. O̍ ngma̍ e̍kre̍biya kpɛ̍ɛji, ɛ̍nɛ̍ yī nū bī ɔ̄ hɔ̄ abɔ̍ɔ la wɔlɛ̍ yī a̍dā yī nū la ɔyɔ̍ɔ ɛta̍. 21E̍ wu̍ ɔ̄ ta̍anū hī wɔlɛ̍ ma̍, ɔyi̍ ɔnɔ̄nyā ɔha̍ nīi - ɔyi̍ yī Ife̍ro ma̍ de ɔ̍ nāa pīya ɔyi̍ yī nū. 22E̍ ngū Imo̍sīisi ɔjā wa̍a̍ nīi Ali̍jīipu je̍ ma̍; o̍ de pīya ɔ̄chɛ ɔnɔ̄kɔ̄kū gala lɛlā yī oko̍o ba̍la lɛlā ɔyɔ̍ɔ̄ya̍.
23“Yɛ̄grāa nīi Imo̍sīisi re̍ lɛ̍yi̍ ohu ɛpa ma̍, o̍ chikpo̍ ge̍ē gāa ge̍ē ma̍ Ali̍sɛ̄rɛli āchɛ yī nū. 24O̍ ma̍ nīi Oli̍jīipu ɔha̍ yɛ ē ya̍ ɔ̄chɛ ɔha̍ yī wā lɛlā abi̍ ma̍, o̍ hɛ̍ ɔ̄ ta̍, nunu lɛhu̍ yī nū, de Oli̍jīipu ɔla̍ā ngmo̍. 25O̍ je̍ka aɛ̍nɛ̍ yī anu̍ ɔ̍lɔ jo̍ōkū hīka Ɔwɔ ɔ̍lɔ chikpo̍ nīi anɔ̍lɔ ge̍ē hɛ̍ ɛ̍lɛ ē ta̍. E̍ i̍ chī jo̍ōkū i̍ngɔ̍ɔ ni̍. 26Ɔ̄chī ɔmɛpa, Imo̍sīisi gba̍a ma̍ Ali̍sɛ̄rɛli āchɛ ɛpa ɛha̍ nīi e̍ yɛ ē nunu ma̍, o̍ gāa ge̍ē ku̍ wā abɔ̄. O̍ ka tāa aa̍ hīka, ‘Ala̍ ma̍ um ma̍! Ala̍ e̍e ya̍ iyī ala̍ lɛlā abi̍ ni̍. Je̍ka aa̍ ala̍ - aɛ̍nɛ̍ nɛ!’ 27Onīi ya̍ ɔha̍ ɔyɔ̍ɔ̄ya̍ ma̍ tu̍ Imo̍sīisi rɛ ga ɛkū, de ɔ̍ hīka, ‘Awɔ ma̍, ɔ̄nyɛ hu wɔ bāa alihiyo ba̍la ɔlɛhu̍ yī alɔ ma̍/? 28Kɛ̄ɛ a chikpo̍ ge̍ē ngmo̍ u lɔkɔ nīi a ngmo̍ ɔngrɔ̄ɔ yī I̍jīipu oli̍ni̍īnɛ̄ ma̍?’ 29Imo̍sīisi plɛ̍ɛ̄lā nūma̍ ma̍, o̍ gwɛ̍ɛnya hī I̍jīipu pīya ge̍ hɔ̄ la ajɛ yī Alimi̍dīyan bɛ̍ɛ̄nɛ̄. Abɔ̍ɔ nīi o̍ ma ayi̍ anāngrɔ̄ɔ āchɛ ɛpa a̍nɛ.
30“Lɛ̍yi̍ ohu ɛpa wā ge̍ ga ma̍, ɔyɛ̍ɛ̄chɛ̄rɔ̄ yī Ɔwɔ wā dikpo̍ba̍ Imo̍sīisi abɔ̍ɔ la Yɛwu yī Isa̍yi̍nāyi la a̍chi̍ chukuru. Imo̍sīisi ma̍ ɔyɛ̍ɛ̄chɛ̄rɔ̄ yī Ɔwɔ lipu̍ yī ɔla̍ ɔchɔ̄chɛ̄ abɔ̍ɔ la a̍chi̍. 31Yɛ̍ma̍ nīi o̍ ma̍ ma̍ lɛ ɔ̍ lɛbɛ̍bi̍ kpɛ̍ɛji. O̍ tu̍ rɛ gāa ge̍ē ma̍ ɔ̄ yɛ̍yɛ̍ ma̍, Ɔwɔ kɛlā grāa anu̍. 32Ɔwɔ koko̍o de ɔ̍ bɛ̍ɛ̄nɛ̄ hīka, ‘Ami - Ɔwɔ yī ɔ̍kɔ̄kū yī wɔ nɛ, Ɔwɔ yī A̍brahāam ba̍la A̍yi̍sāaki ba̍la Ije̍kɔ̄ɔpu.’ Imo̍sīisi hi̍bi̍īyē ejē bāa ɔkpa̍kpa̍ ma̍ la uhwi otōtū. O̍ i̍ chɛ̄ myɛ̍ma̍ gāa gɛ ni̍. 33Ɔwɔ koko̍o de ɔ̍ bɛ̍ɛ̄nɛ̄ hīka, ‘Imo̍sīisi, wu̍ wɔkpa̍ hī ikpo̍; ma̍a ɛbɛ nīi a rɛ aa̍ ma̍ - ajɛ ɔnɛ̄ɛhɛhi nɛ. 34N yɛ abɔ̍ɔ deyīrɛ; n ma̍ ichi̍ nīi āchɛ yī u hɔ̄ la anu̍ abɔ̍ɔ la I̍jīipu ma̍; n po̍ iru nīi e̍ yɛ ē ta̍ ma̍, aa̍ nīi n wā ge̍ē hɛ̍ wā ta̍ a̍nɛ. Yewā, ma̍a n ge̍ē de wɔ tɛ̄rɔ̄ gāa I̍jīipu.’
35“Imo̍sīisi nūma̍ nīi āchɛ yī I̍sɛ̄rɛli ta̍ ɔ̄, de ɔ̍ hīka, ɔ̄nyɛ ɔ̍lɔ u̍tu hu ɔ̍lɔ yī ɔlɛhu̍ ba̍la olihiyo yī aa̍ ma̍? Anu̍ pi̍i̍ nīi Ɔwɔ chī de tɛ̄rɔ̄ bāa ɔlɛhu̍ ba̍la ɔhɔ̍ɔnyɛta̍ yī wā a̍nɛ, bū la lɛlā yī ɔyɛ̍ɛ̄chɛ̄rɔ̄ yī Ɔwɔ nīi ngmɛ̍ɛchɛ lipu̍ yī a̍chi̍ ɔwɔla̍ ma̍. 36Anu̍ de Ali̍sɛ̄rɛli bī ngmɛ̍ɛchɛ hī I̍jīipu a̍nɛ. O̍ yɛ̍ɛ̄lā ɔlɛbɛ̍bi̍ ba̍la i̍mamachi̍ yɛ̄mɛ̄mɛ̄ abɔ̍ɔ la I̍jīipu, abɔ̍ɔ la Li̍hu Ɔnɔ̄a̍ ba̍la lipu̍ yī a̍chi̍ chukuru lipu̍ lɛ̍yi̍ ohu ɛpa ɛla̍ā. 37Imo̍sīisi nūma̍, anu̍ kɛlā ɔha̍ de Ali̍sɛ̄rɛli hīka,
“ ‘Ɔwɔ ge̍ē de ɔ̄chɛ ɔkɛrɔ̄ yī nū ɔha̍ tɛ̄rɔ̄ hu ala̍, lɔkɔ nīi o̍ de ami tɛ̄rɔ̄ ma̍.
Ɔlɔjā ge̍ē bū la wɔma yī ala̍ ɛlɛjā.’
38“Imo̍sīisi nūma̍ hɔ̄ ba̍la Ali̍sɛ̄rɛli yɛ̄grāa nīi e̍ grēeyī lipu̍ a̍chi̍ chukuru ma̍ a̍nɛ. O̍ hɔ̄ abɔ̍ɔ ba̍la aa̍ ɔ̍kɔ̄kū yī alɔ ba̍la ɔyɛ̍ɛ̄chɛ̄rɔ̄ yī Ɔwɔ nīi kɛlā tāa anu̍ bū la Yɛwu yī Isa̍yi̍nāyi ma̍. Anu̍ nāa ɛrɔ̄ yī ɔhɔ̄leyī wā ge̍ grāa alɔ a̍nɛ.
39“Aa̍ ɔ̍kɔ̄kū yī alɔ i̍ chī pɔ̍ɔkɔ yī Imo̍sīisi ni̍; e̍ wu̍ Imo̍sīisi ligbo̍. O̍ hla̍ aa̍ nīi e̍ ē ku̍chē ga I̍jīipu. 40E̍ da A̍rɔn ka ɔ̍lɔ ge̍ ya̍ ɔwɔ ɔha̍ nīi - ɔ̍lɔ ge̍ē yɛ la iyɔ̄bū yī aa̍ ma̍ de aa̍; ma̍a aɛ̍lɛ i̍ je̍ ɔjā nīi Imo̍sīisi ɔla̍ā nīi - ɔ̍lɔ bī aa̍ pīya hī I̍jīipu ma̍ ɔ̍lɔ yɛ ē ya̍ ma̍ ni̍. 41Yɛ̄grāa ɔla̍ā nīi e̍ ya̍ i̍kpe̍ēkū ɔha̍ bāa ɔyi̍ yī egedebi̍ya̍ yɛ ē de ɔjā pā ɔ̄ a̍nɛ. E̍ ya̍ ɔwɔ̄wīyā yī nū; o̍ chī - ɔjā nīi aa̍ ɛlɛjā ya̍ ma̍ nɛ. 42Bū la ɛbɛ ɔla̍ā, Ɔwɔ pīya okwi̍ihi ta̍ wā. Ɔwɔ tu̍labɔ̄ hī wā nīi e̍ ge̍ē ya̍ otūlichō de i̍nyi̍nyɔ̍ɔwīyā nīi gblāa la ichō ma̍ bɛ̍ɛ̄nɛ̄. Lɔkɔ nīi āchɛ ɔkɛrɔ̄ yī Ɔwɔ ka tū la īpū ke̍e̍ ma̍ nɛ:
“ ‘Aya̍ali̍sɛ̄rɛli!
I̍ ami nīi ala̍ ngmo̍ ɛbɛ̍ ɛla̍ā pā u lipu̍
lɛ̍yi̍ ohu ɛpa ɔla̍ā la a̍chi̍ a̍ni̍.
43A̍ywɔ̍da̍ yī ɛchi̍yɛka nīi re̍ka Imɔ̍lɔ̄ɔki ma̍,
ba̍la iyī i̍nyi̍nyɔ̍ɔwīyā nīi re̍ka
Irɛ̍fāan ma̍ nīi ala̍ ē bī gāa gɔɔgɔ a̍nɛ.
I̍kpe̍ēkū yī ɛjā nūma̍ nīi ala̍ ē ya̍ otūlichō de wa̍ a̍nɛ.
Wu̍chē yī ɔla̍ā, n ge̍ē nū ala̍
hwɛɛ ē gla ɛbɛ bāa Iba̍bīlɔn ma̍ ē ta̍.
Ami Ɔwɔ ka i̍ngɔ̍ɔ a̍nɛ.’
44“Aa̍ ɔ̍kɔ̄kū yī alɔ lɛ a̍ywɔ̍da̍ ɔha̍ nīi Ɔwɔ ē hɔ̄ ma̍ bī abɔ̍ɔ ba̍la iyī wā i̍chɔ̍lɔ ɔla̍ā nīi e̍ gblāa lipu̍ a̍chi̍ chukuru ma̍. A̍ywɔ̍da̍ ɔla̍ā, e̍ gwo̍ ɔ̄ i̍ngɔ̍ɔ ke̍e̍ lɔkɔ nīi Ɔwɔ ka de Imo̍sīisi ma̍, gala ɔgɔgu yī igbla yī onīi o̍ chabɔ̄ hu̍ Imo̍sīisi ke̍e̍ ma̍. 45Yɛ̄grāa ɔha̍, aa̍ ɔ̍kɔ̄kū yī alɔ nīi ru̍gū yī a̍ywɔ̍da̍ ɔla̍ā ma̍ nāa pīya ga ɔcha nīi e̍ nāa lɛwu̍ ma̍; Ɔwɔ de āchɛ ɛla̍ā nū hī ɛbɛ de wa̍. Ijo̍shua re̍ka ɔlɛhu̍ yī aa̍ ɔ̍kɔ̄kū yī alɔ yɛ̄grāa ɔla̍ā a̍nɛ. A̍ywɔ̍da̍ ɔla̍ā rɛ abɔ̍ɔ kpɛɛ ge̍ ku yɛ̄grāa yī Ide̍bīidi. 46Ide̍bīidi hi Ɔwɔ ɔtū. O̍ da Ɔwɔ ka ɔ̍lɔ ge̍ pi̍ye̍mā nīi anɔ̍lɔ ge̍ gwo̍ wɔlɛ̍ ɔlamu ɔlamu de ɔ̍lɔ nīi - ɔ̍lɔ Ɔwɔ yī Ije̍kɔ̄ɔpu ma̍. 47Iso̍lōmɔn chī gwo̍ wɔlɛ̍ yī Ɔwɔ a̍nɛ.
48“Ɔwɔ Nīi - Ɔgɔnyɛ Ɔnɔ̄kɔ̄kū ma̍ i̍ ē chī tū la u̍nu̍ nīi ɔ̄chɛ̄ɛchɛ bī abɔ̄ gwo̍ ma̍ ni̍. Ɔ̄chɛ ɔkɛrɔ̄ yī Ɔwɔ ka i̍ngɔ̍ɔ je̍ hīka,
49“ ‘Ɔwɔ ka hīka akpɔ̍ɔwɔ ɔ̍lɔ - atɛ̍ yī anu̍ nɛ.
Ajɛ ɔ̍lɔ chī ɛbɛ ode ikpo̍ che yī anu̍ nɛ.
Ita yī u̍nu̍ ɔna̍ nīi ala̍ ɔ̍lɔ ge̍ē gwo̍ de anu̍ ma̍/?
Aba̍ ɔ̍lɔ - ɛbɛ ɔmyɛ̍nyɛ̍ nīi ala̍ ɔ̍lɔ ge̍ē ya̍ de anu̍ kūtū ma̍?
50Je̍ka aa̍ anu̍ ɔlɔjā ɔ̍lɔ ya̍ ɔjā nūma̍ wa̍a̍ a̍nɛ?’
51“Ala̍ āchɛ ongmu̍wɔ̍hu̍ la ūkpɔ̄tū nūma̍! Ūkpɔ̄tū yī ala̍ ba̍la arɔ̄ yī ala̍ lɛ bāa āchɛ i̍je̍ Ɔwɔ ni̍ ma̍! Ala̍ lɛ i̍ngɔ̍ɔ ke̍e̍ bāa aa̍ ɔ̍kɔ̄kū yī ala̍ ma̍! Ala̍ titi ē nunu ē tāa Uhu Ɔnɛ̄ɛhɛhi yī Ɔwɔ i̍ngi̍ngɔ̍ɔ. 52Ɔ̄chɛ ɔkɛrɔ̄ yī Ɔwɔ ɔna̍ hɔ̄ abɔ̍ɔ nīi a̍dā yī ala̍ i̍ ya̍ ɔ̄ lɛlā abi̍ ni̍ ma̍? E̍ kpo̍ alɛrɔ̄ yī Ɔwɔ ngmo̍. Aa̍ chī wā ge̍ ka ɛrɔ̄ yī ɔwɔ̄wā yī Ɔ̍chɛ̍ yī Ɔwɔ nīi lɛ kpakpa gɔ̄grāa ma̍ a̍nɛ. U̍ma̍ama, ala̍ chī chɔ̄ɔwɛ tū ɔ̄, de ɔ̍ ngmo̍ mɛ̍. 53Ala̍ chī nāa lihɔ yī Ɔwɔ nīi ga la abɔ̄ yī ayɛ̍ɛ̄chɛ̄rɔ̄ yī nū ma̍ a̍nɛ; ala̍ i̍ chī de lihɔ ɔla̍ā gbō mɛ ni̍!”
E̍ ngmo̍ Isiti̍bīin la achāchɔ̄
54Alihiyo ɛla̍ā plɛ̍ɛ̄lā nūma̍ wa̍a̍ nīi Isiti̍bīin ka ma̍, ūkpɔ̄tū ti̍ya aa̍ tū ɔlamu ɔlamu. E̍ ra̍ angūu kpɛ̍ɛ wu̍chē yī ɔtū ngurangura pīyeyīta̍ Isiti̍bīin. 55Uhu Ɔnɛ̄ɛhɛhi yī Ɔwɔ mu Isiti̍bīin ibi̍īyē omōmu, o̍ hu eyī hwa̍a̍ ga ichō ge̍ ma̍ rīgā yī Ɔwɔ, gba̍a ma̍ Iji̍sɔ̄ɔsi nīi yarɛ abɔ̍ɔ la abɔ̄ līre̍ yī Ɔwɔ. 56O̍ ka bɛ̍ɛ̄nɛ̄ hīka ɛ̍lɛ ge̍ ma̍ gɛ! Akpɔ̍ɔwɔ ɔ̍lɔ lwāa hwōō tɔ̍ɔ̄ta̍ amu. Anɔ̍lɔ ma̍ Ɔyi̍ yī Ɔngrɔ̄ɔ nīi ɔ̍lɔ rɛ abɔ̍ɔ la abɔ̄ līre̍ yī Ɔwɔ.
57Āchɛ ɛla̍ā to̍ohwe̍e, de abɔ̄ gū wɔrɔ̄. E̍ chē gbūdūū dikpo̍ba̍ Isiti̍bīin bɛ̍ɛ̄nɛ̄. 58E̍ wu̍ ɔ̄ ngmɛ̍ɛchɛ hī ipwɔ̍ɔ̄lɛ̍ ga ikō ge̍ ta̍ ɔ̄ lɛchɔ̄. Āchɛ nīi - itɛ̍ɛhi̍yɛ̍ ma̍ wu̍ aru̍ yī wā gblāa la apli̍kpo̍ okro̍biya ɔha̍ nīi re̍ka Isɔ̍ɔli ma̍. 59E̍ gblāa abɔ̍ɔ ē ta̍ ɔ̄ lɛchɔ̄, Isiti̍bīin hī Ādā ɛra̍ ka ɔ̍lɔ ge̍, “Ādā Iji̍sɔ̄ɔsi, chu̍chu̍u, nāa uhu yī u!” 60O̍ de ūnōowu ɛpɛpa tū ajɛ ka gbōō hīka, “Chu̍chu̍u Ādā, de lɛlā ɔdwɔ̄bi̍ yī wā nūma̍ kɔ̄ de wa̍. A ā bla tū ɔ̄ ni̍.” O̍ ka i̍ngɔ̍ɔ ɔpɔ̄ɔpɛ̄ ma̍, o̍ hīyɔtū du̍mɔ̍. Isɔ̍ɔli chɛ̄ ka ɛ̍lɛ ge̍ de Isiti̍bīin ngmo̍.
Nu markerat:
U̍ku̍rɔ̍ yī Alɛrɔ̄ 7: YBASR
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
© 2020 Bible Society of Nigeria (second edition)
U̍ku̍rɔ̍ yī Alɛrɔ̄ 7
7
Lɛlā nīi Isiti̍bīin ka la ɔgbādu ɔla̍ā ma̍
1A̍dā Aligbe che Isiti̍bīin ikpo̍ ka ɔ̍lɔ - lēchi̍ nɛ? 2Isiti̍bīin hīya anu̍ ɔkɔ bɛ̍ɛ̄nɛ̄ hīka, “Aɛ̍nɛ̍ yī u, ba̍la ādā yī u wa̍a̍! Ala̍ ā darɔ̄ku lɛlā yī u nūma̍! Ɔwɔ nīi - Ɔgɔnyɛ Ɔnɔ̄kɔ̄kū ma̍ wā dikpo̍ba̍ A̍brahāam nīi - ɔ̍kɔ̄kū yī alɔ ma̍. Yɛ̄grāa nīi o̍ e̍e hɔ̄ la ɔcha yī Imɛsopote̍miya, o̍bū nīi o̍ wā ge̍ pīya ga Iha̍ran a̍nɛ. 3Ɔwɔ koko̍o de ɔ̍ ka ɔ̍lɔ ge̍ pīya hī wɔma yī ɔ̍lɔ ba̍la ɔcha yī ɔ̍lɔ ga ɔcha ɔha̍ nīi anɔ̍lɔ ge̍ē chabɔ̄ hu̍ ɔ̍lɔ ma̍. 4Aa̍ nīi o̍ pīya hī ɔcha yī Ika̍diya ge̍ hɔ̄ la Iha̍ran a̍nɛ. A̍dā yī nū wā ge̍ pīyaku̍ bɛ̍ɛ̄nɛ̄ ma̍, Ɔwɔ ya̍ nīi o̍ kpo̍ wɔlɛ̍ wā la ajɛ nūma̍ nīi ala̍ gblāa ma̍ ma̍. 5Yɛ̄grāa ɔla̍ā, Ɔwɔ i̍ de ajɛ nūma̍ de ɔ̍ hīka ɔ̍lɔ - iyī ɔ̍lɔ nɛ ni̍. O̍ i̍ dōde i̍ngɛ̍ɛ̄nɛ̄ krɛrɛrɛ de ɔ̍ o̍bo̍bū ni̍. Ɔwɔ chī choko̍o hīka anɔ̍lɔ ge̍ē de ajɛ nūma̍ ē pīya iyī ɔ̍lɔ ba̍la wɔma yī ɔ̍lɔ. Yɛ̄grāa nīi Ɔwɔ choko̍o nūma̍ ma̍, A̍brahāam i̍ ma ɔyi̍ we̍ ni̍. 6Ɔwɔ koko̍o de A̍brahāam hīka, ‘Ayi̍ yī wɔ ge̍ē gblāa la ɔcha yī āchɛ; e̍ ge̍ē de ē pīya afiyɛ abɔ̍ɔ nīi e̍ ge̍ē ya̍ wā ichi̍ dwɔ̄bi̍ dwɔ̄bi̍ lipu̍ u̍nɔ lɛ̍yi̍ ke̍e̍. 7N chī ge̍ē ku̍ āchɛ nīi e̍ hɔ̄ bāa afiyɛ yī wā ma̍ lɛpɔ̄, o̍bū nīi e̍ ge̍ē bīyɛchɛ ē pīya hī ɔcha ɔla̍ā. E̍ ge̍ē wā ge̍ē pā u ɔpɔ̄pā amu u̍ma̍.’ 8Bɛ̍ɛ̄nɛ̄ ma̍, Ɔwɔ wā ge̍ de lɛlā yī wɔwu̍ ɔtɔ̍ɔ̄ta̍ de A̍brahāam. Ɔla̍ā lɛ bāa lɛlā ɔchabɔ̄ yī yɛka nīi Ɔwɔ gwa̍ ba̍la aa̍ ma̍. Bū la ɛbɛ ɔla̍ā, A̍brahāam ta̍ A̍yi̍sāaki wɔwu̍ la ɔ̄chī ɔmarāata̍ nīi e̍ ma ɔ̍ ma̍. A̍yi̍sāaki ta̍ Ije̍kɔ̄ɔpu ɔyi̍ yī nū wɔwu̍ i̍ngi̍ngɔ̍ɔ. Ije̍kɔ̄ɔpu titi ta̍ ayi̍ yī nū āchɛ igwo̍lɛpa nīi - a̍dɔ̄kū yī alɔ ma̍ wɔwu̍ i̍ngi̍ngɔ̍ɔ.
9“Aa̍ a̍dɔ̄kū yī alɔ tū Ijo̍sɛ̄ɛfu uji, de ɔ̍ ku̍ ra̍ ga ajɛ yī I̍jīipu. Ɔwɔ chī hɔ̄ ba̍la Ijo̍sɛ̄ɛfu hwɔhi hwɔhi. 10Ɔwɔ bī ɔ̄ ngmɛ̍ɛchɛ hī lɛlā nīi wā la anu̍ wa̍a̍ ma̍. Ɔwɔ de ibi̍īyē ɔhwɔhi lɛlā ba̍la lɛlā ojo̍ōje̍ de ɔ̍ la eyī yī Ife̍ro nīi - ɔchwɔ̄lɛ̍ yī I̍jīipu ma̍. Ife̍ro de ɔ̍ pīya ɔ̄chɛ odeyīrɛ ajɛ yī I̍jīipu wa̍a̍. O̍ de ɔ̍ pīya ɔ̄chɛ odeyīrɛ I̍jīipu wa̍a̍ gala wɔlɛ̍ yī Ife̍ro ɔlɔjā. 11Lɛmiyɛ ɔdwɔ̄bi̍ ɔha̍ wā ge̍ ya̍ la ajɛ yī I̍jīipu ba̍la Ike̍nāan wa̍a̍ nīi āchɛ mi̍chi̍ kpɛ̍ɛji la anu̍. Aa̍ ɔ̍kɔ̄kū yī alɔ i̍ ma̍ ojōre̍ ɔha̍lɔha̍ re̍ ni̍. 12Ije̍kɔ̄ɔpu wā ge̍ po̍ hīka igu ɔ̍lɔ hɔ̄ abɔ̍ɔ la ɔcha yī I̍jīipu ma̍, o̍ de ayi̍ yī nū nīi - ɔ̍kɔ̄kū yī alɔ ma̍ tɛ̄rɔ̄ ga abɔ̍ɔ la ɛyɛ ɔrāarāa. 13O̍mgbo̍mɛpa nīi e̍ gba̍a yɛ ma̍ nīi Ijo̍sɛ̄ɛfu de iyī nū bla yɛchɛ de wa̍ a̍nɛ. Ife̍ro titi wā ge̍ je̍ wɔma yī nū bɛ̍ɛ̄nɛ̄. 14Bɛ̍ɛ̄nɛ̄ ma̍, Ijo̍sɛ̄ɛfu tɛ̄rɔ̄ hu Ije̍kɔ̄ɔpu a̍dā yī nū ka ɔ̍lɔ ba̍la alwɔlɛ̍ yī ɔ̍lɔ wa̍a̍, ɛ̍lɛ ge̍ pīya wā la ɔcha yī I̍jīipu. E̍ lɛ āchɛ ohu ɛta̍ che igwɛ̍ɛrwɔ̄ wa̍a̍. 15Ije̍kɔ̄ɔpu wā ge̍ pīya ga I̍jīipu. Abɔ̍ɔ nīi aa̍ ɔ̍kɔ̄kū yī alɔ pīyaku̍ wa̍a̍ a̍nɛ. 16E̍ de okū yī wā kpo̍ ge̍ nyi la u̍nwɔ̍wu̍ nīi hɔ̄ la Ishɛ̍kɛm ma̍. A̍brahāam ra̍ ajɛ yī u̍nwɔ̍wu̍ ɔla̍ā tāa Aliha̍mɔ la okpo ɛmɛ̍ɛmla̍a a̍nɛ.
17“Yɛ̄grāa wā ge̍ hōhī kurɛkurɛ bɛ̍ɛ̄nɛ̄ nīi Ɔwɔ ge̍ē de lɛlā yī oko̍o nīi o̍ che A̍brahāam ma̍ ya̍ mɛ̍. Yɛ̄grāa ɔla̍ā ībī yī Ije̍kɔ̄ɔpu nīi gblāa la I̍jīipu ma̍ de lyɛ̄mɛ̄ kpɛ̍ɛji mɛ̍. 18Ɔchwɔ̄lɛ̍ ɔha̍ nīi i̍ je̍ Ijo̍sɛ̄ɛfu ni̍ ma̍ wā ge̍ che la I̍jīipu bɛ̍ɛ̄nɛ̄. 19O̍ ya̍ āchɛ yī alɔ a̍chālā. O̍ lɛ wɔnɔnɔ tāa aa̍ ɔ̍kɔ̄kū yī alɔ gba̍a̍. O̍ ya̍ nīi e̍ tu̍labɔ̄ hī ayi̍ yī wā anāngrɔ̄ɔ ta̍anū nīi e̍ pīyaku̍. 20Yɛ̄grāa ɔla̍ā nīi e̍ ma Imo̍sīisi a̍nɛ. O̍ ngma̍ e̍kre̍biya kpɛ̍ɛji, ɛ̍nɛ̍ yī nū bī ɔ̄ hɔ̄ abɔ̍ɔ la wɔlɛ̍ yī a̍dā yī nū la ɔyɔ̍ɔ ɛta̍. 21E̍ wu̍ ɔ̄ ta̍anū hī wɔlɛ̍ ma̍, ɔyi̍ ɔnɔ̄nyā ɔha̍ nīi - ɔyi̍ yī Ife̍ro ma̍ de ɔ̍ nāa pīya ɔyi̍ yī nū. 22E̍ ngū Imo̍sīisi ɔjā wa̍a̍ nīi Ali̍jīipu je̍ ma̍; o̍ de pīya ɔ̄chɛ ɔnɔ̄kɔ̄kū gala lɛlā yī oko̍o ba̍la lɛlā ɔyɔ̍ɔ̄ya̍.
23“Yɛ̄grāa nīi Imo̍sīisi re̍ lɛ̍yi̍ ohu ɛpa ma̍, o̍ chikpo̍ ge̍ē gāa ge̍ē ma̍ Ali̍sɛ̄rɛli āchɛ yī nū. 24O̍ ma̍ nīi Oli̍jīipu ɔha̍ yɛ ē ya̍ ɔ̄chɛ ɔha̍ yī wā lɛlā abi̍ ma̍, o̍ hɛ̍ ɔ̄ ta̍, nunu lɛhu̍ yī nū, de Oli̍jīipu ɔla̍ā ngmo̍. 25O̍ je̍ka aɛ̍nɛ̍ yī anu̍ ɔ̍lɔ jo̍ōkū hīka Ɔwɔ ɔ̍lɔ chikpo̍ nīi anɔ̍lɔ ge̍ē hɛ̍ ɛ̍lɛ ē ta̍. E̍ i̍ chī jo̍ōkū i̍ngɔ̍ɔ ni̍. 26Ɔ̄chī ɔmɛpa, Imo̍sīisi gba̍a ma̍ Ali̍sɛ̄rɛli āchɛ ɛpa ɛha̍ nīi e̍ yɛ ē nunu ma̍, o̍ gāa ge̍ē ku̍ wā abɔ̄. O̍ ka tāa aa̍ hīka, ‘Ala̍ ma̍ um ma̍! Ala̍ e̍e ya̍ iyī ala̍ lɛlā abi̍ ni̍. Je̍ka aa̍ ala̍ - aɛ̍nɛ̍ nɛ!’ 27Onīi ya̍ ɔha̍ ɔyɔ̍ɔ̄ya̍ ma̍ tu̍ Imo̍sīisi rɛ ga ɛkū, de ɔ̍ hīka, ‘Awɔ ma̍, ɔ̄nyɛ hu wɔ bāa alihiyo ba̍la ɔlɛhu̍ yī alɔ ma̍/? 28Kɛ̄ɛ a chikpo̍ ge̍ē ngmo̍ u lɔkɔ nīi a ngmo̍ ɔngrɔ̄ɔ yī I̍jīipu oli̍ni̍īnɛ̄ ma̍?’ 29Imo̍sīisi plɛ̍ɛ̄lā nūma̍ ma̍, o̍ gwɛ̍ɛnya hī I̍jīipu pīya ge̍ hɔ̄ la ajɛ yī Alimi̍dīyan bɛ̍ɛ̄nɛ̄. Abɔ̍ɔ nīi o̍ ma ayi̍ anāngrɔ̄ɔ āchɛ ɛpa a̍nɛ.
30“Lɛ̍yi̍ ohu ɛpa wā ge̍ ga ma̍, ɔyɛ̍ɛ̄chɛ̄rɔ̄ yī Ɔwɔ wā dikpo̍ba̍ Imo̍sīisi abɔ̍ɔ la Yɛwu yī Isa̍yi̍nāyi la a̍chi̍ chukuru. Imo̍sīisi ma̍ ɔyɛ̍ɛ̄chɛ̄rɔ̄ yī Ɔwɔ lipu̍ yī ɔla̍ ɔchɔ̄chɛ̄ abɔ̍ɔ la a̍chi̍. 31Yɛ̍ma̍ nīi o̍ ma̍ ma̍ lɛ ɔ̍ lɛbɛ̍bi̍ kpɛ̍ɛji. O̍ tu̍ rɛ gāa ge̍ē ma̍ ɔ̄ yɛ̍yɛ̍ ma̍, Ɔwɔ kɛlā grāa anu̍. 32Ɔwɔ koko̍o de ɔ̍ bɛ̍ɛ̄nɛ̄ hīka, ‘Ami - Ɔwɔ yī ɔ̍kɔ̄kū yī wɔ nɛ, Ɔwɔ yī A̍brahāam ba̍la A̍yi̍sāaki ba̍la Ije̍kɔ̄ɔpu.’ Imo̍sīisi hi̍bi̍īyē ejē bāa ɔkpa̍kpa̍ ma̍ la uhwi otōtū. O̍ i̍ chɛ̄ myɛ̍ma̍ gāa gɛ ni̍. 33Ɔwɔ koko̍o de ɔ̍ bɛ̍ɛ̄nɛ̄ hīka, ‘Imo̍sīisi, wu̍ wɔkpa̍ hī ikpo̍; ma̍a ɛbɛ nīi a rɛ aa̍ ma̍ - ajɛ ɔnɛ̄ɛhɛhi nɛ. 34N yɛ abɔ̍ɔ deyīrɛ; n ma̍ ichi̍ nīi āchɛ yī u hɔ̄ la anu̍ abɔ̍ɔ la I̍jīipu ma̍; n po̍ iru nīi e̍ yɛ ē ta̍ ma̍, aa̍ nīi n wā ge̍ē hɛ̍ wā ta̍ a̍nɛ. Yewā, ma̍a n ge̍ē de wɔ tɛ̄rɔ̄ gāa I̍jīipu.’
35“Imo̍sīisi nūma̍ nīi āchɛ yī I̍sɛ̄rɛli ta̍ ɔ̄, de ɔ̍ hīka, ɔ̄nyɛ ɔ̍lɔ u̍tu hu ɔ̍lɔ yī ɔlɛhu̍ ba̍la olihiyo yī aa̍ ma̍? Anu̍ pi̍i̍ nīi Ɔwɔ chī de tɛ̄rɔ̄ bāa ɔlɛhu̍ ba̍la ɔhɔ̍ɔnyɛta̍ yī wā a̍nɛ, bū la lɛlā yī ɔyɛ̍ɛ̄chɛ̄rɔ̄ yī Ɔwɔ nīi ngmɛ̍ɛchɛ lipu̍ yī a̍chi̍ ɔwɔla̍ ma̍. 36Anu̍ de Ali̍sɛ̄rɛli bī ngmɛ̍ɛchɛ hī I̍jīipu a̍nɛ. O̍ yɛ̍ɛ̄lā ɔlɛbɛ̍bi̍ ba̍la i̍mamachi̍ yɛ̄mɛ̄mɛ̄ abɔ̍ɔ la I̍jīipu, abɔ̍ɔ la Li̍hu Ɔnɔ̄a̍ ba̍la lipu̍ yī a̍chi̍ chukuru lipu̍ lɛ̍yi̍ ohu ɛpa ɛla̍ā. 37Imo̍sīisi nūma̍, anu̍ kɛlā ɔha̍ de Ali̍sɛ̄rɛli hīka,
“ ‘Ɔwɔ ge̍ē de ɔ̄chɛ ɔkɛrɔ̄ yī nū ɔha̍ tɛ̄rɔ̄ hu ala̍, lɔkɔ nīi o̍ de ami tɛ̄rɔ̄ ma̍.
Ɔlɔjā ge̍ē bū la wɔma yī ala̍ ɛlɛjā.’
38“Imo̍sīisi nūma̍ hɔ̄ ba̍la Ali̍sɛ̄rɛli yɛ̄grāa nīi e̍ grēeyī lipu̍ a̍chi̍ chukuru ma̍ a̍nɛ. O̍ hɔ̄ abɔ̍ɔ ba̍la aa̍ ɔ̍kɔ̄kū yī alɔ ba̍la ɔyɛ̍ɛ̄chɛ̄rɔ̄ yī Ɔwɔ nīi kɛlā tāa anu̍ bū la Yɛwu yī Isa̍yi̍nāyi ma̍. Anu̍ nāa ɛrɔ̄ yī ɔhɔ̄leyī wā ge̍ grāa alɔ a̍nɛ.
39“Aa̍ ɔ̍kɔ̄kū yī alɔ i̍ chī pɔ̍ɔkɔ yī Imo̍sīisi ni̍; e̍ wu̍ Imo̍sīisi ligbo̍. O̍ hla̍ aa̍ nīi e̍ ē ku̍chē ga I̍jīipu. 40E̍ da A̍rɔn ka ɔ̍lɔ ge̍ ya̍ ɔwɔ ɔha̍ nīi - ɔ̍lɔ ge̍ē yɛ la iyɔ̄bū yī aa̍ ma̍ de aa̍; ma̍a aɛ̍lɛ i̍ je̍ ɔjā nīi Imo̍sīisi ɔla̍ā nīi - ɔ̍lɔ bī aa̍ pīya hī I̍jīipu ma̍ ɔ̍lɔ yɛ ē ya̍ ma̍ ni̍. 41Yɛ̄grāa ɔla̍ā nīi e̍ ya̍ i̍kpe̍ēkū ɔha̍ bāa ɔyi̍ yī egedebi̍ya̍ yɛ ē de ɔjā pā ɔ̄ a̍nɛ. E̍ ya̍ ɔwɔ̄wīyā yī nū; o̍ chī - ɔjā nīi aa̍ ɛlɛjā ya̍ ma̍ nɛ. 42Bū la ɛbɛ ɔla̍ā, Ɔwɔ pīya okwi̍ihi ta̍ wā. Ɔwɔ tu̍labɔ̄ hī wā nīi e̍ ge̍ē ya̍ otūlichō de i̍nyi̍nyɔ̍ɔwīyā nīi gblāa la ichō ma̍ bɛ̍ɛ̄nɛ̄. Lɔkɔ nīi āchɛ ɔkɛrɔ̄ yī Ɔwɔ ka tū la īpū ke̍e̍ ma̍ nɛ:
“ ‘Aya̍ali̍sɛ̄rɛli!
I̍ ami nīi ala̍ ngmo̍ ɛbɛ̍ ɛla̍ā pā u lipu̍
lɛ̍yi̍ ohu ɛpa ɔla̍ā la a̍chi̍ a̍ni̍.
43A̍ywɔ̍da̍ yī ɛchi̍yɛka nīi re̍ka Imɔ̍lɔ̄ɔki ma̍,
ba̍la iyī i̍nyi̍nyɔ̍ɔwīyā nīi re̍ka
Irɛ̍fāan ma̍ nīi ala̍ ē bī gāa gɔɔgɔ a̍nɛ.
I̍kpe̍ēkū yī ɛjā nūma̍ nīi ala̍ ē ya̍ otūlichō de wa̍ a̍nɛ.
Wu̍chē yī ɔla̍ā, n ge̍ē nū ala̍
hwɛɛ ē gla ɛbɛ bāa Iba̍bīlɔn ma̍ ē ta̍.
Ami Ɔwɔ ka i̍ngɔ̍ɔ a̍nɛ.’
44“Aa̍ ɔ̍kɔ̄kū yī alɔ lɛ a̍ywɔ̍da̍ ɔha̍ nīi Ɔwɔ ē hɔ̄ ma̍ bī abɔ̍ɔ ba̍la iyī wā i̍chɔ̍lɔ ɔla̍ā nīi e̍ gblāa lipu̍ a̍chi̍ chukuru ma̍. A̍ywɔ̍da̍ ɔla̍ā, e̍ gwo̍ ɔ̄ i̍ngɔ̍ɔ ke̍e̍ lɔkɔ nīi Ɔwɔ ka de Imo̍sīisi ma̍, gala ɔgɔgu yī igbla yī onīi o̍ chabɔ̄ hu̍ Imo̍sīisi ke̍e̍ ma̍. 45Yɛ̄grāa ɔha̍, aa̍ ɔ̍kɔ̄kū yī alɔ nīi ru̍gū yī a̍ywɔ̍da̍ ɔla̍ā ma̍ nāa pīya ga ɔcha nīi e̍ nāa lɛwu̍ ma̍; Ɔwɔ de āchɛ ɛla̍ā nū hī ɛbɛ de wa̍. Ijo̍shua re̍ka ɔlɛhu̍ yī aa̍ ɔ̍kɔ̄kū yī alɔ yɛ̄grāa ɔla̍ā a̍nɛ. A̍ywɔ̍da̍ ɔla̍ā rɛ abɔ̍ɔ kpɛɛ ge̍ ku yɛ̄grāa yī Ide̍bīidi. 46Ide̍bīidi hi Ɔwɔ ɔtū. O̍ da Ɔwɔ ka ɔ̍lɔ ge̍ pi̍ye̍mā nīi anɔ̍lɔ ge̍ gwo̍ wɔlɛ̍ ɔlamu ɔlamu de ɔ̍lɔ nīi - ɔ̍lɔ Ɔwɔ yī Ije̍kɔ̄ɔpu ma̍. 47Iso̍lōmɔn chī gwo̍ wɔlɛ̍ yī Ɔwɔ a̍nɛ.
48“Ɔwɔ Nīi - Ɔgɔnyɛ Ɔnɔ̄kɔ̄kū ma̍ i̍ ē chī tū la u̍nu̍ nīi ɔ̄chɛ̄ɛchɛ bī abɔ̄ gwo̍ ma̍ ni̍. Ɔ̄chɛ ɔkɛrɔ̄ yī Ɔwɔ ka i̍ngɔ̍ɔ je̍ hīka,
49“ ‘Ɔwɔ ka hīka akpɔ̍ɔwɔ ɔ̍lɔ - atɛ̍ yī anu̍ nɛ.
Ajɛ ɔ̍lɔ chī ɛbɛ ode ikpo̍ che yī anu̍ nɛ.
Ita yī u̍nu̍ ɔna̍ nīi ala̍ ɔ̍lɔ ge̍ē gwo̍ de anu̍ ma̍/?
Aba̍ ɔ̍lɔ - ɛbɛ ɔmyɛ̍nyɛ̍ nīi ala̍ ɔ̍lɔ ge̍ē ya̍ de anu̍ kūtū ma̍?
50Je̍ka aa̍ anu̍ ɔlɔjā ɔ̍lɔ ya̍ ɔjā nūma̍ wa̍a̍ a̍nɛ?’
51“Ala̍ āchɛ ongmu̍wɔ̍hu̍ la ūkpɔ̄tū nūma̍! Ūkpɔ̄tū yī ala̍ ba̍la arɔ̄ yī ala̍ lɛ bāa āchɛ i̍je̍ Ɔwɔ ni̍ ma̍! Ala̍ lɛ i̍ngɔ̍ɔ ke̍e̍ bāa aa̍ ɔ̍kɔ̄kū yī ala̍ ma̍! Ala̍ titi ē nunu ē tāa Uhu Ɔnɛ̄ɛhɛhi yī Ɔwɔ i̍ngi̍ngɔ̍ɔ. 52Ɔ̄chɛ ɔkɛrɔ̄ yī Ɔwɔ ɔna̍ hɔ̄ abɔ̍ɔ nīi a̍dā yī ala̍ i̍ ya̍ ɔ̄ lɛlā abi̍ ni̍ ma̍? E̍ kpo̍ alɛrɔ̄ yī Ɔwɔ ngmo̍. Aa̍ chī wā ge̍ ka ɛrɔ̄ yī ɔwɔ̄wā yī Ɔ̍chɛ̍ yī Ɔwɔ nīi lɛ kpakpa gɔ̄grāa ma̍ a̍nɛ. U̍ma̍ama, ala̍ chī chɔ̄ɔwɛ tū ɔ̄, de ɔ̍ ngmo̍ mɛ̍. 53Ala̍ chī nāa lihɔ yī Ɔwɔ nīi ga la abɔ̄ yī ayɛ̍ɛ̄chɛ̄rɔ̄ yī nū ma̍ a̍nɛ; ala̍ i̍ chī de lihɔ ɔla̍ā gbō mɛ ni̍!”
E̍ ngmo̍ Isiti̍bīin la achāchɔ̄
54Alihiyo ɛla̍ā plɛ̍ɛ̄lā nūma̍ wa̍a̍ nīi Isiti̍bīin ka ma̍, ūkpɔ̄tū ti̍ya aa̍ tū ɔlamu ɔlamu. E̍ ra̍ angūu kpɛ̍ɛ wu̍chē yī ɔtū ngurangura pīyeyīta̍ Isiti̍bīin. 55Uhu Ɔnɛ̄ɛhɛhi yī Ɔwɔ mu Isiti̍bīin ibi̍īyē omōmu, o̍ hu eyī hwa̍a̍ ga ichō ge̍ ma̍ rīgā yī Ɔwɔ, gba̍a ma̍ Iji̍sɔ̄ɔsi nīi yarɛ abɔ̍ɔ la abɔ̄ līre̍ yī Ɔwɔ. 56O̍ ka bɛ̍ɛ̄nɛ̄ hīka ɛ̍lɛ ge̍ ma̍ gɛ! Akpɔ̍ɔwɔ ɔ̍lɔ lwāa hwōō tɔ̍ɔ̄ta̍ amu. Anɔ̍lɔ ma̍ Ɔyi̍ yī Ɔngrɔ̄ɔ nīi ɔ̍lɔ rɛ abɔ̍ɔ la abɔ̄ līre̍ yī Ɔwɔ.
57Āchɛ ɛla̍ā to̍ohwe̍e, de abɔ̄ gū wɔrɔ̄. E̍ chē gbūdūū dikpo̍ba̍ Isiti̍bīin bɛ̍ɛ̄nɛ̄. 58E̍ wu̍ ɔ̄ ngmɛ̍ɛchɛ hī ipwɔ̍ɔ̄lɛ̍ ga ikō ge̍ ta̍ ɔ̄ lɛchɔ̄. Āchɛ nīi - itɛ̍ɛhi̍yɛ̍ ma̍ wu̍ aru̍ yī wā gblāa la apli̍kpo̍ okro̍biya ɔha̍ nīi re̍ka Isɔ̍ɔli ma̍. 59E̍ gblāa abɔ̍ɔ ē ta̍ ɔ̄ lɛchɔ̄, Isiti̍bīin hī Ādā ɛra̍ ka ɔ̍lɔ ge̍, “Ādā Iji̍sɔ̄ɔsi, chu̍chu̍u, nāa uhu yī u!” 60O̍ de ūnōowu ɛpɛpa tū ajɛ ka gbōō hīka, “Chu̍chu̍u Ādā, de lɛlā ɔdwɔ̄bi̍ yī wā nūma̍ kɔ̄ de wa̍. A ā bla tū ɔ̄ ni̍.” O̍ ka i̍ngɔ̍ɔ ɔpɔ̄ɔpɛ̄ ma̍, o̍ hīyɔtū du̍mɔ̍. Isɔ̍ɔli chɛ̄ ka ɛ̍lɛ ge̍ de Isiti̍bīin ngmo̍.
Nu markerat:
:
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
© 2020 Bible Society of Nigeria (second edition)