U̍ku̍rɔ̍ yī Alɛrɔ̄ 6
6
Ɛgabɔ̄ āchɛ arāapa nīi - āchɛ ɔtwɔ̄bɔ̄ ma̍
1Yɛ̄grāa ɔla̍ā nīi āchɛ yɛ̄mɛ̄mɛ̄ ngma̍ tū a̍chi̍kpo̍ yī Iji̍sɔ̄ɔsi ma̍, lɛlā ogbōgbo ɔha̍ wā ge̍ hɔ̄. Iju̍u ɛha̍ nīi ē ka ɔcha yī Igri̍iki ma̍ yɛ ē gblɛlā ba̍la āchɛ nīi ē ka ɔcha yī Iju̍u kpakpa ma̍. Enīi ka ɔcha yī Igri̍iki ma̍ yɛ ē ka hīka, ɔjā nīi ɛ̍lɛ ē kɔ̄ de anyōkū mɔ̄chīmɔ̄chī ma̍, ɛ̍lɛ ē wu̍ anyōkū yī aa̍ ē lā. 2Bɛ̍ɛ̄nɛ̄, āchɛ igwo̍lɛpa nīi re̍ka alɛrɔ̄ ma̍ hī a̍chi̍kpo̍ yī Iji̍sɔ̄ɔsi ɛra̍ wa̍a̍ ge̍ grēeyī. E̍ ka oko̍o de wa̍ hīka, “Ala̍ ma̍ ko̍ō! O̍ i̍ hwɔhi lɛbɛ nīi alɔ nūma̍ ē pi̍ye̍mā la ɛrɔ̄ yī Ɔwɔ la ɔkɔ̄ka, ē pīya ge̍ē deyīrɛ ojōre̍ odōde de āchɛ ni̍. 3O̍ lɛ i̍ngɔ̍ɔ ma̍, aɛ̍nɛ̍ yī alɔ, ala̍ ā hu āchɛ arāapa lipu̍ yī ala̍ ɛlɛjā gɛ. Ala̍ ā hu āchɛ nīi Uhu Ɔnɛ̄ɛhɛhi yī Ɔwɔ ba̍la lɛlā ojo̍ōje̍ mu wa̍ ibi̍īyē ma̍, hɛ̄ɛbɛ nīi alɔ ā de u̍ku̍rɔ̍ nūma̍ wa̍a̍ tū wā la abɔ̄. 4Alɔ ma̍ ge̍ē de yɛ̄grāa yī alɔ wa̍a̍ lā de ɔhā ojōji ba̍la ɛrɔ̄ yī Ɔwɔ ɔkɔ̄ka.”
5Lɛlā yī wā ɔla̍ā lɛ āchɛ yī Iji̍sɔ̄ɔsi wa̍a̍ wɔnyɛ kpɛ̍ɛji. Āchɛ nīi e̍ hu ma̍, ɔha̍ re̍ka Isiti̍bīin. Ɔ̄chɛ ode ɔtū che Ɔwɔ gba̍a̍ nɛ. Uhu Ɔnɛ̄ɛhɛhi yī Ɔwɔ gba̍a mu ɔ̍ ibi̍īyē omōmu. Āchɛ ehēhī re̍ka: Ifi̍līipu, ba̍la Ipoko̍rɔ̄ɔsi, ba̍la Inika̍nɔ, ba̍la Ita̍yi̍mɔ̄ɔn, ba̍la Ipa̍mɛ̄nāasi ba̍la Ini̍kōlasi nīi - Ɛchɛkɔcha ma̍. Anu̍ bū la A̍ntīyɔ̄ɔki; o̍ chī de pīya ɔ̄chɛ yī Iju̍u mɛ̍. 6E̍ de āchɛ nūma̍ bī ge̍ de alɛrɔ̄ yī Iji̍sɔ̄ɔsi bɛ̍ɛ̄nɛ̄. Alɛrɔ̄ yī Iji̍sɔ̄ɔsi jɔhā de wa̍, de abɔ̄ che wa̍ lɛhu̍ wa̍a̍.
7I̍ngɔ̍ɔ nīi lɛlā yī Ɔwɔ yɛ abɔ̍ɔ ē yɛ ē gāa iyɔ̄bū iyɔ̄bū a̍nɛ. A̍chi̍kpo̍ yī Iji̍sɔ̄ɔsi nīi gblāa la Ijɛru̍sālɛm ma̍ lyɛ̄mɛ̄ ga iyɔ̄bū iyɔ̄bū. Āchɛ yɛ̄mɛ̄mɛ̄ nīi - aligbe yī Ɔwɔ ma̍ chɛ̄ lɛlā yī Ɔpɔ̄pū Onīpīpɛ̄ nūma̍.
E̍ de Isiti̍bīin ku̍
8Isiti̍bīin nāa ɔpiyɛ ba̍la wɔhu̍ mwɛbɛ la abɔ̄ yī Ɔwɔ. O̍ yɛ̍ɛ̄lā ɔlɛbɛ̍bi̍ ba̍la i̍mamachi̍ yɛ̄mɛ̄mɛ̄ la ibi̍īyē yī āchɛ. 9Āchɛ ɛha̍ chikpo̍ ɔgbapɔ̄ tāa anu̍. Āchɛ ɛla̍ā bū la Isayiri̍in ba̍la Alɛsa̍ndriya. Āchɛ ɛla̍ā bū la ogrēeyī ɔha̍ nīi re̍ka Ribi yī Āchɛ I̍hɔ̄ Lɛfiyɛ Ni̍ ma̍. Aa̍ ba̍la āchɛ nīi bū la Isili̍siya ba̍la E̍siya ma̍ wu̍tu yī ahu̍lɛ̄lā ɔtɔ̍ɔ̄ta̍ ba̍la Isiti̍bīin a̍nɛ. 10E̍ i̍ jōko̍o yī Isiti̍bīin lɛlā ɔkɔ̄ka mɛ ni̍, wu̍chē yī lɛlā ojo̍ōje̍ nīi Uhu Ɔnɛ̄ɛhɛhi yī Ɔwɔ de de ɔ̍ ma̍. 11Wu̍chē yī ɔla̍ā, e̍ de ɔjā tū āchɛ ɛha̍ la oko̍o, ba̍ wā tū, ka ɛ̍lɛ ge̍ ka hīka aɛ̍lɛ po̍ nīi Isiti̍bīin ɔ̍lɔ yɛ ē kɛlā abi̍ ku̍ Imo̍sīisi ba̍la Ɔwɔ. 12E̍ ya̍ i̍ngɔ̍ɔ ma̍, e̍ de āchɛ wa̍a̍ ti̍yatū gala alɛhu̍ ba̍la āchɛ ongū Lihɔ yī Iju̍u. E̍ wā ɔpɔ̄ɔpɛ̄ ge̍ de Isiti̍bīin ku̍, bī ɔ̄ pīya ga ɛbɛ yī Ogrēeyī yī Alihiyo. 13E̍ bī āchɛ nīi warīmɛ̄ ba̍ ɔ̄ ma̍ gāa. Āchɛ ɛla̍ā ka hīka, “Alɔ po̍ nīi ɔngrɔ̄ɔ nūma̍ yɛ ē kɛlā abi̍ ku̍ u̍nu̍ yī Ɔwɔ nūma̍ nīi - ɛbɛ ɔnɛ̄ɛhɛhi ma̍, ba̍la Lihɔ yī Imo̍sīisi. 14O̍ ka hīka Iji̍sɔ̄ɔsi yī Ina̍jārɛ̄ɛti ɔ̍lɔ ge̍ē de u̍nu̍ yī Ɔwɔ nūma̍ ē gbo; ɔ̍lɔ ge̍ē de ɔgulɛ̄lā wa̍a̍ nīi Imo̍sīisi ɔ̍lɔ de lā ma̍ ē hīyabɔ̄.”
15Āchɛ wa̍a̍ nīi gblāa abɔ̍ɔ la ɛbɛ yī Ogrēeyī yī Alihiyo ma̍ ma̍ Isiti̍bīin chi̍i̍ ma̍, e̍ ma̍ hīka eyī yī ɔ̍lɔ ho̍ōhu̍ kpɛ̍ɛ bāa eyī yī ɔyɛ̍ɛ̄chɛ̄rɔ̄ yī Ɔwɔ ma̍ ɔpɔ̄ɔpɛ̄.
Nu markerat:
U̍ku̍rɔ̍ yī Alɛrɔ̄ 6: YBASR
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
© 2020 Bible Society of Nigeria (second edition)
U̍ku̍rɔ̍ yī Alɛrɔ̄ 6
6
Ɛgabɔ̄ āchɛ arāapa nīi - āchɛ ɔtwɔ̄bɔ̄ ma̍
1Yɛ̄grāa ɔla̍ā nīi āchɛ yɛ̄mɛ̄mɛ̄ ngma̍ tū a̍chi̍kpo̍ yī Iji̍sɔ̄ɔsi ma̍, lɛlā ogbōgbo ɔha̍ wā ge̍ hɔ̄. Iju̍u ɛha̍ nīi ē ka ɔcha yī Igri̍iki ma̍ yɛ ē gblɛlā ba̍la āchɛ nīi ē ka ɔcha yī Iju̍u kpakpa ma̍. Enīi ka ɔcha yī Igri̍iki ma̍ yɛ ē ka hīka, ɔjā nīi ɛ̍lɛ ē kɔ̄ de anyōkū mɔ̄chīmɔ̄chī ma̍, ɛ̍lɛ ē wu̍ anyōkū yī aa̍ ē lā. 2Bɛ̍ɛ̄nɛ̄, āchɛ igwo̍lɛpa nīi re̍ka alɛrɔ̄ ma̍ hī a̍chi̍kpo̍ yī Iji̍sɔ̄ɔsi ɛra̍ wa̍a̍ ge̍ grēeyī. E̍ ka oko̍o de wa̍ hīka, “Ala̍ ma̍ ko̍ō! O̍ i̍ hwɔhi lɛbɛ nīi alɔ nūma̍ ē pi̍ye̍mā la ɛrɔ̄ yī Ɔwɔ la ɔkɔ̄ka, ē pīya ge̍ē deyīrɛ ojōre̍ odōde de āchɛ ni̍. 3O̍ lɛ i̍ngɔ̍ɔ ma̍, aɛ̍nɛ̍ yī alɔ, ala̍ ā hu āchɛ arāapa lipu̍ yī ala̍ ɛlɛjā gɛ. Ala̍ ā hu āchɛ nīi Uhu Ɔnɛ̄ɛhɛhi yī Ɔwɔ ba̍la lɛlā ojo̍ōje̍ mu wa̍ ibi̍īyē ma̍, hɛ̄ɛbɛ nīi alɔ ā de u̍ku̍rɔ̍ nūma̍ wa̍a̍ tū wā la abɔ̄. 4Alɔ ma̍ ge̍ē de yɛ̄grāa yī alɔ wa̍a̍ lā de ɔhā ojōji ba̍la ɛrɔ̄ yī Ɔwɔ ɔkɔ̄ka.”
5Lɛlā yī wā ɔla̍ā lɛ āchɛ yī Iji̍sɔ̄ɔsi wa̍a̍ wɔnyɛ kpɛ̍ɛji. Āchɛ nīi e̍ hu ma̍, ɔha̍ re̍ka Isiti̍bīin. Ɔ̄chɛ ode ɔtū che Ɔwɔ gba̍a̍ nɛ. Uhu Ɔnɛ̄ɛhɛhi yī Ɔwɔ gba̍a mu ɔ̍ ibi̍īyē omōmu. Āchɛ ehēhī re̍ka: Ifi̍līipu, ba̍la Ipoko̍rɔ̄ɔsi, ba̍la Inika̍nɔ, ba̍la Ita̍yi̍mɔ̄ɔn, ba̍la Ipa̍mɛ̄nāasi ba̍la Ini̍kōlasi nīi - Ɛchɛkɔcha ma̍. Anu̍ bū la A̍ntīyɔ̄ɔki; o̍ chī de pīya ɔ̄chɛ yī Iju̍u mɛ̍. 6E̍ de āchɛ nūma̍ bī ge̍ de alɛrɔ̄ yī Iji̍sɔ̄ɔsi bɛ̍ɛ̄nɛ̄. Alɛrɔ̄ yī Iji̍sɔ̄ɔsi jɔhā de wa̍, de abɔ̄ che wa̍ lɛhu̍ wa̍a̍.
7I̍ngɔ̍ɔ nīi lɛlā yī Ɔwɔ yɛ abɔ̍ɔ ē yɛ ē gāa iyɔ̄bū iyɔ̄bū a̍nɛ. A̍chi̍kpo̍ yī Iji̍sɔ̄ɔsi nīi gblāa la Ijɛru̍sālɛm ma̍ lyɛ̄mɛ̄ ga iyɔ̄bū iyɔ̄bū. Āchɛ yɛ̄mɛ̄mɛ̄ nīi - aligbe yī Ɔwɔ ma̍ chɛ̄ lɛlā yī Ɔpɔ̄pū Onīpīpɛ̄ nūma̍.
E̍ de Isiti̍bīin ku̍
8Isiti̍bīin nāa ɔpiyɛ ba̍la wɔhu̍ mwɛbɛ la abɔ̄ yī Ɔwɔ. O̍ yɛ̍ɛ̄lā ɔlɛbɛ̍bi̍ ba̍la i̍mamachi̍ yɛ̄mɛ̄mɛ̄ la ibi̍īyē yī āchɛ. 9Āchɛ ɛha̍ chikpo̍ ɔgbapɔ̄ tāa anu̍. Āchɛ ɛla̍ā bū la Isayiri̍in ba̍la Alɛsa̍ndriya. Āchɛ ɛla̍ā bū la ogrēeyī ɔha̍ nīi re̍ka Ribi yī Āchɛ I̍hɔ̄ Lɛfiyɛ Ni̍ ma̍. Aa̍ ba̍la āchɛ nīi bū la Isili̍siya ba̍la E̍siya ma̍ wu̍tu yī ahu̍lɛ̄lā ɔtɔ̍ɔ̄ta̍ ba̍la Isiti̍bīin a̍nɛ. 10E̍ i̍ jōko̍o yī Isiti̍bīin lɛlā ɔkɔ̄ka mɛ ni̍, wu̍chē yī lɛlā ojo̍ōje̍ nīi Uhu Ɔnɛ̄ɛhɛhi yī Ɔwɔ de de ɔ̍ ma̍. 11Wu̍chē yī ɔla̍ā, e̍ de ɔjā tū āchɛ ɛha̍ la oko̍o, ba̍ wā tū, ka ɛ̍lɛ ge̍ ka hīka aɛ̍lɛ po̍ nīi Isiti̍bīin ɔ̍lɔ yɛ ē kɛlā abi̍ ku̍ Imo̍sīisi ba̍la Ɔwɔ. 12E̍ ya̍ i̍ngɔ̍ɔ ma̍, e̍ de āchɛ wa̍a̍ ti̍yatū gala alɛhu̍ ba̍la āchɛ ongū Lihɔ yī Iju̍u. E̍ wā ɔpɔ̄ɔpɛ̄ ge̍ de Isiti̍bīin ku̍, bī ɔ̄ pīya ga ɛbɛ yī Ogrēeyī yī Alihiyo. 13E̍ bī āchɛ nīi warīmɛ̄ ba̍ ɔ̄ ma̍ gāa. Āchɛ ɛla̍ā ka hīka, “Alɔ po̍ nīi ɔngrɔ̄ɔ nūma̍ yɛ ē kɛlā abi̍ ku̍ u̍nu̍ yī Ɔwɔ nūma̍ nīi - ɛbɛ ɔnɛ̄ɛhɛhi ma̍, ba̍la Lihɔ yī Imo̍sīisi. 14O̍ ka hīka Iji̍sɔ̄ɔsi yī Ina̍jārɛ̄ɛti ɔ̍lɔ ge̍ē de u̍nu̍ yī Ɔwɔ nūma̍ ē gbo; ɔ̍lɔ ge̍ē de ɔgulɛ̄lā wa̍a̍ nīi Imo̍sīisi ɔ̍lɔ de lā ma̍ ē hīyabɔ̄.”
15Āchɛ wa̍a̍ nīi gblāa abɔ̍ɔ la ɛbɛ yī Ogrēeyī yī Alihiyo ma̍ ma̍ Isiti̍bīin chi̍i̍ ma̍, e̍ ma̍ hīka eyī yī ɔ̍lɔ ho̍ōhu̍ kpɛ̍ɛ bāa eyī yī ɔyɛ̍ɛ̄chɛ̄rɔ̄ yī Ɔwɔ ma̍ ɔpɔ̄ɔpɛ̄.
Nu markerat:
:
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
© 2020 Bible Society of Nigeria (second edition)