U̍ku̍rɔ̍ yī Alɛrɔ̄ 5
5
A̍chālā yī Anana̍yāasi ba̍la ɔnyā yī nū
1Ɔngrɔ̄ɔ ɔha̍ chī hɔ̄ abɔ̍ɔ nīi re̍ka Anana̍yāasi. Ɔnyā yī nū re̍ka Isafa̍yi̍ra. Anana̍yāasi de ɔjā yī wā kpo̍ ra̍ i̍ngi̍ngɔ̍ɔ. 2O̍ hwō okpo lā la ɛkū, o̍bū bī ohōhī ge̍ de alɛrɔ̄ yī Iji̍sɔ̄ɔsi. Ɔnyā yī nū chī je̍ u̍tu yī lɛlā ɔla̍ā wa̍a̍. 3Ipi̍ta de Anana̍yāasi bɛ̍ɛ̄nɛ̄ hīka, “Anana̍yāasi! Oji̍ - ohu̍ nīi a chɛ̄ nīi Isa̍tan wā ge̍ hɔ̄ la ūkpɔ̄tū yī wɔ ma̍/? Oji̍ - ohu̍ nīi a warīmɛ̄ de Uhu Ɔnɛ̄ɛhɛhi yī Ɔwɔ ma̍? Okpo nīi a de ɔjā ra̍ ma̍ nīi a wu̍ lā la ɛkū a̍nɛ? 4O̍bū nīi a de ɔjā ɔla̍ā ra̍ ma̍ je̍ka - iyī wɔ kpɔ̍ɔ̍ nɛ? Oji̍ - ohu̍ nīi a chōo̍chē miya lɛlā oli̍ngɛ̍ɛ̄nɛ̄ la ūkpɔ̄tū ma̍/? Jo̍ōkū gɛ hīka i̍ āchɛ̄ɛchɛ nīi a warīmɛ̄ de wa̍ a̍ni̍; Ɔwɔ nīi a warīmɛ̄ de ɔ̍ a̍nɛ!” 5Anana̍yāasi plɛ̍ɛ̄lā nūma̍ ɔpɔ̄ɔpɛ̄ ma̍, o̍ wu̍ mla̍ajɛ, hīyɔtū dɔ̍ɔ̍. Āchɛ wa̍a̍ nīi plɛ̍ɛ̄lā nūma̍ ma̍ de kpo̍ tūuhwi cha̍cha̍. 6Aye̍kre̍biya wā ge̍ de ɔjā mi̍ya okū yī nū, de ɔ̍ bī ngmɛ̍ɛchɛ ge̍ nyi.
7O̍ gbajɛ la ākārākā ɛta̍ o̍bū nīi ɔnyā yī nū pīya gānyɔ̄. O̍ i̍ plɛ̍ɛ̄lā nīi ya̍ ma̍ o̍bū ni̍. 8Ipi̍ta de ɔ̍ hīka, “Ka de u we̍ e̍ē! Okpo wa̍a̍ nīi awɔ ba̍la ɔbu̍wɔ de ɔjā ra̍ ma̍ hɔ̄ ma̍ a̍nɛ?”
Ɔnyā ɔla̍ā de chɛ̄ ka i̍ngɔ̍ɔ ke̍e̍ nīi ɔ̍lɔ lɛ a̍nɛ.
9Ipi̍ta da ɔ̍ bɛ̍ɛ̄nɛ̄ hīka, “Oji̍ - ohu̍ nīi awɔ ba̍la ɔbu̍wɔ chrōoko̍o ge̍ē ma Uhu yī Ādā ma̍ ma̍/? Āchɛ nīi bī ɔbu̍wɔ ge̍ nyi ma̍ yɛ aa̍ kurɛkurɛ la oko̍prīinu; i̍ngi̍ngɔ̍ɔ nīi e̍ ge̍ē nāa awɔ ge̍ē nyi u̍ma̍ama a̍nɛ!” 10Ɔpɔ̄ɔpɛ̄, ɔnyā ɔla̍ā wu̍ gwāajɛ abɔ̍ɔ la ikpo̍ yī nū, pīyaku̍ i̍ngi̍ngɔ̍ɔ ke̍e̍. Aye̍kre̍biya ɛla̍ā chɛ̄ wā ge̍ ma̍ hīka ɔ̍lɔ pīyaku̍ ma̍, e̍ de ɔ̍ nāa ge̍ nyi abɔ̍ɔ bla̍a ɔbu̍ūnū. 11Ogrēeyī yī āchɛ yī Ɔwɔ ɔla̍ā ba̍la āchɛ nīi plɛ̍ɛ̄lā nūma̍ wa̍a̍ ma̍ de kpo̍ tūuhwi ɔlamu ɔlamu.
Lɛlā ɔlɛbɛ̍bi̍ ba̍la i̍mamachi̍
12Alɛrɔ̄ yī Iji̍sɔ̄ɔsi yɛ̍ɛ̄lā ɔlɛbɛ̍bi̍ ba̍la i̍mamachi̍ yɛ̄mɛ̄mɛ̄ de āchɛ. Aa̍ āchɛ nīi chɛ̄ku Ɔwɔ ma̍ ē grēeyī abɔ̍ɔ la U̍twɔ̄ɔda yī Iso̍lōmɔn la ɛbɛ ūkpo̍he. 13Āchɛ ehēhī ma̍ i̍ chɛ̄ gāa ge̍ ti̍ya la aa̍ ni̍; e̍ ē chī kā wā ɔkɔ̄kā gba̍a̍. 14Āchɛ chī yɛ abɔ̍ɔ ē ngma̍ tū wā gāa iyɔ̄bū iyɔ̄bū; angrɔ̄ɔ ba̍la anyā nīi chɛ̄ku Ādā ma̍. 15Bū la lɛlā nīi alɛrɔ̄ yī Iji̍sɔ̄ɔsi yɛ ē ya̍ ma̍, āchɛ ē bī aliyē oko̍ōku̍ ge̍ē gblāa la ogblo̍lo̍ ē de wa̍. E̍ ē de wa̍ gbo la ibɛ̍ɛdi kɛ̄ɛ ɔ̍ba̍, hɛ̄ɛbɛ nīi Ipi̍ta ge̍ ga ma̍ nīi uhu yī nū ge̍ē gwō wā la ibi̍īyē. 16Āchɛ ē pɛ̍ kpɛ̍ɛ ē bū la ipwo̍gra ɔta̍kakatū yī Ijɛru̍sālɛm wa̍a̍ ē wā abɔ̍ɔ. E̍ ē bī aliyē oko̍ōku̍ ba̍la āchɛ oku̍ yapri̍ija ɔdwɔ̄bi̍ wā abɔ̍ɔ; e̍ ē chī de wa̍ ē nyiya cha̍cha̍.
Akanya hɔ̄ de alɛrɔ̄ yī Iji̍sɔ̄ɔsi
17Yɛ̄grāa ɔla̍ā bɛ̍ɛ̄nɛ̄, A̍dā Aligbe ba̍la āchɛ yī nū yɛ ē tū alɛrɔ̄ yī Iji̍sɔ̄ɔsi uji kpɛ̍ɛji. Anu̍ ba̍la āchɛ yī nū nīi - Āchɛ yī Isa̍dusīi ma̍ miya ge̍ē ya̍ ɔjāha̍ bɛ̍ɛ̄nɛ̄.
18E̍ kpo̍ wā ku̍ ge̍ tū la igbakɔbɔ la ɛbɛ nīi aligbakɔbɔ ɔlamu tū ma̍. 19La otu̍ ɔla̍ā, ɔyɛ̍ɛ̄chɛ̄rɔ̄ yī Ɔwɔ gāa ge̍ lwāa ɔpu yī igbakɔbɔ ɔla̍ā, de wa̍ kpo̍ wu̍ ngmɛ̍ɛchɛ. O̍ koko̍o de wa̍ hīka, 20“Ala̍ ā pīya gāa ge̍ rɛ abɔ̍ɔ la u̍nu̍ yī Ɔwɔ nīi ala̍ ge̍ koko̍o yī lɛlā yī ɔhɔ̄leyī onīpīpɛ̄ nūma̍ de āchɛ gɛ!” 21Alɛrɔ̄ yī Iji̍sɔ̄ɔsi de chɛ̄. La eyī ɔnyɔ̄nyā yī nū, e̍ gba̍a pīya ga u̍nu̍ yī Ɔwɔ la ɔ̄chɔ̄chī ge̍ gblāa abɔ̍ɔ ē ngū āchɛ lɛlā.
A̍dā aligbe ba̍la āchɛ yī nū wā bɛ̍ɛ̄nɛ̄. E̍ hī ɛgabɔ̄ yī Iju̍u wa̍a̍ ɛra̍ ga Ogrēeyī yī Alihiyo. E̍ tū āchɛ ɛrɔ̄ ga igbakɔbɔ ka ɛ̍lɛ ge̍ gāa ge̍ bī alɛrɔ̄ yī Iji̍sɔ̄ɔsi wā. 22A̍chi̍kpo̍ yī wā ɛla̍ā gāa ma̍, e̍ i̍ ma̍ alɛrɔ̄ yī Iji̍sɔ̄ɔsi abɔ̍ɔ la igbakɔbɔ gɛ ni̍. E̍ cha wā dikpo̍ba̍ Ogrēeyī yī Alihiyo ge̍ de koko̍o de wa̍ hīka, 23“Alɔ gbajɛ gāa ma̍, alɔ ma̍ nīi ɔpu tū igbɔ̄gɔ̄rɔ̄ hwɔhi hwɔhi abɔ̍ɔ. Āchɛ ɔgbɛ̄ɛbɛ chī gblāa abɔ̍ɔ ē gbō ɛbɛ hwɔhi hwɔhi. Alɔ lwāa ɔpu chɛ̄ gāa ma̍, ɔ̄chɔ̄chɛ i̍ tū abɔ̍ɔ ni̍.” 24Ɔlɛhu̍ yī āchɛ ogbō u̍nu̍ yī Ɔwɔ ba̍la ɛgabɔ̄ ɛla̍ā plɛ̍ɛ̄lā nūma̍ ma̍, o̍ lɛ wa̍ lɛbɛ̍bi̍ kpɛ̍ɛji; e̍ ka ita yī ɔna̍ ɔ̍lɔ chī hɔ̄ ma̍ ma̍? 25Ɔngrɔ̄ɔ ɔha̍ wā abɔ̍ɔ bɛ̍ɛ̄nɛ̄ ge̍ koko̍o de wa̍ hīka “Ala̍ ma̍ ko̍ō! Āchɛ nīi ala̍ ku̍ wā tū igbakɔbɔ ma̍ gblāa abɔ̍ɔ la u̍nu̍ yī Ɔwɔ ē ngū āchɛ lɛlā.” 26Ɔlɛhu̍ ɔla̍ā ba̍la āchɛ yī nū pīya gānyɔ̄ ge̍ bī wā du̍mɔ̍ cha. E̍ i̍ ya̍ wɔhu̍ wɔhu̍ ni̍; wu̍chē oji̍ nɛ, e̍ tūuhwi hīka āchɛ ɔ̍lɔ ge̍ē ta̍ aa̍ lɛchɔ̄.
27E̍ bī alɛrɔ̄ yī Iji̍sɔ̄ɔsi ge̍ rɛ la iyɔ̄bū yī Ogrēeyī yī Alihiyo wa̍a̍ bɛ̍ɛ̄nɛ̄ ma̍, A̍dā Aligbe che wa̍ ikpo̍ hīka, 28“Je̍ka aa̍ alɔ ta̍ ala̍ ɔna lēchi̍ lēchi̍ hīka ala̍ ge̍ e̍e ngū āchɛ lɛlā la riyī yī ɔngrɔ̄ɔ nūma̍ gɛ ni̍. U̍ma̍ama, ala̍ yɛ amu ē bī riyī yī nū ngū āchɛ lɛlā ta̍ Ijɛru̍sālɛm Ijɛru̍sālɛm ē ta̍. Ala̍ yɛ ē chikpo̍ nīi lɛfiyɛ yī ɔpīyaku̍ yī nū ge̍ē de ē jī lɛhu̍ yī alɔ kɛ̄ɛ?”
29Aa̍ Ipi̍ta hīyɔkɔ bɛ̍ɛ̄nɛ̄ hīka, “Ala̍ ma̍ ko̍ō! Ɔwɔ nīi alɔ ge̍ē de otūlichō de ɔ̍ a̍nɛ; i̍ āchɛ̄ɛchɛ ni̍. 30Iji̍sɔ̄ɔsi nūma̍ nīi ala̍ de ngmo̍ ma̍, nīi ala̍ gwō ɔ̄ ba̍ la ɔchi̍ ɔhrɛ̍ɛpa ma̍, Ɔwɔ nīi - Ɔwɔ yī A̍dā yī alɔ ma̍ de ɔ̍ hye̍ēyī la okū ke̍e̍ mɛ̍. 31Ɔwɔ bī ɔ̄ ga ichō ge̍ hɔ̄ la abɔ̄ līre̍ yī nū, de ɔ̍ pīya Okwīyɔ̄bū ba̍la Ɔhɔ̍ɔnyɛta̍ mɛ̍. O̍ ya̍ hɛ̄ɛbɛ nīi Ali̍sɛ̄rɛli ge̍ē jɔ̍ɔkɔ ē pīyabɔ̄ta̍ hī lɛlā ɔdwɔ̄bi̍ ɔyɔ̍ɔ̄ya̍, hɛ̄ɛbɛ nīi Ɔwɔ ē de lɛlā ɔdwɔ̄bi̍ yī wā kɔ̄ de wa̍. 32Alɔ - itɛ̍ɛhi̍yɛ̍ yī lɛlā nūma̍ wa̍a̍ nɛ. Uhu Ɔnɛ̄ɛhɛhi nīi Ɔwɔ ē de ē de āchɛ nīi ē de otūlichō de ɔ̍ ma̍ tū itɛ̍ɛhi̍yɛ̍ i̍ngi̍ngɔ̍ɔ.”
33Alogrēeyī yī Alihiyo plɛ̍ɛ̄lā nūma̍ ma̍, o̍ wu̍ wā ɔtū kpɛ̍ɛji. E̍ miya ge̍ē kpo̍ wā ngmo̍ ji bɛ̍ɛ̄nɛ̄. 34Ɔ̄chɛ ongū Lihɔ yī Iju̍u ɔha̍ nīichō yarɛ abɔ̍ɔ la Ogrēeyī yī Alihiyo bɛ̍ɛ̄nɛ̄. O̍ re̍ka Igame̍līyɛli, Ɔ̄chɛ yī Ifa̍rasīi nɛ. Āchɛ ē tū ɔ̄ la ichō kpɛ̍ɛji. O̍ ka ɛ̍lɛ ge̍ de alɛrɔ̄ yī Iji̍sɔ̄ɔsi bī ngmɛ̍ɛchɛ o̍bū. 35O̍ wā ge̍ koko̍o de Ogrēeyī yī Alihiyo ɔla̍ā bɛ̍ɛ̄nɛ̄ hīka, “Aya̍ali̍sɛ̄rɛli! Ala̍ ā du̍mɔ̍ du̍mɔ̍ lɛlā nīi ala̍ miya yɛ ma̍ ge̍ē ya̍ āchɛ nūma̍ ma̍! 36I̍chɔ̍lɔ, lɛlā yī ɔngrɔ̄ɔ ɔha̍ nīi re̍ka Itu̍dāasi ma̍ hu ge̍ rɛ i̍ngɔ̍ɔ. O̍ ka anɔ̍lɔ - ɔ̄chɛ ɔnɔ̄kɔ̄kū gba̍a̍ nɛ. Āchɛ gbajɛ la u̍nɔ yī āchɛ̄ɛchɛ nīi chɛ̄ku ɔ̍ ma̍. E̍ de ɔ̍ ngmo̍ ma̍, āchɛ yī nū wa̍a̍ mīyanya; lɛlā yī nū chāajɛ ke̍e̍. 37La okwi̍ihi yī ɔla̍ā, lɛlā yī Iju̍dasi ɔha̍ nīi bū la Iga̍līli ma̍ gba̍a hu ge̍ rɛ. Olo̍ ɔla̍ā nīi e̍ yɛ ē ka āchɛ ɔkɔ̄ka a̍nɛ. Anu̍ titi pi āchɛ yɛ̄mɛ̄mɛ̄ tū iyī nū. E̍ gba̍a de ɔ̍ ngmo̍ ma̍, āchɛ yī nū titi ku̍ mīyanya. 38O̍ lɛ i̍ngɔ̍ɔ bī ma̍ ma̍, n ge̍ē koko̍o de ala̍! Ala̍ e̍e ya̍ wā lɛlɛ̄lā ni̍. Ala̍ ā pi̍ye̍mā hī wā, wu̍chē oji̍ nɛ, lɛlā yī wā ba̍la u̍ku̍rɔ̍ yī wā nūma̍ ge̍ - iyī āchɛ̄ɛchɛ, o̍ ge̍ē chāajɛ. 39O̍ ge̍ chī bū la abɔ̄ yī Ɔwɔ, ɔ̍lɔma̍ ala̍ i̍ ge̍ē ku̍ wā chi̍yɛ ē mɛ ni̍. Nɛ̄ni̍, o̍ re̍ka ala̍ yɛ ē nunu tāa Ɔwɔ!”
Ogrēeyī yī Alihiyo ɔla̍ā wa̍a̍ chɛ̄ lɛlā yī nū nūma̍. 40E̍ de alɛrɔ̄ yī Iji̍sɔ̄ɔsi hɛ̄ra̍ wā lipu̍ yī wā bɛ̍ɛ̄nɛ̄. E̍ gwō wā lijē ta̍ wā ɔna ka ɛ̍lɛ ge̍ e̍e kɛlā de āchɛ la riyī yī Iji̍sɔ̄ɔsi ge̍ gbo̍ gɛ ni̍; o̍bū nīi e̍ tu̍ hī wā nīi e̍ pīya. 41Āchɛ yī Iji̍sɔ̄ɔsi pīya hī ɛbɛ yī lɛpɔ̄ ɔla̍ā bɛ̍ɛ̄nɛ̄. E̍ lɛ ɔwɔ̄wīyā kpɛ̍ɛji nīi Ɔwɔ ya̍ nīi e̍ mi̍chi̍ wu̍chē yī riyī yī Iji̍sɔ̄ɔsi ma̍. 42Mɔ̄chīmɔ̄chī, abɔ̍ɔ la u̍nu̍ yī Ɔwɔ kɛ̄ɛ wɔlɛ̍ yī āchɛ oo, e̍ ē ngū āchɛ lɛlā, ē kɛlā yī Iji̍sɔ̄ɔsi nīi - Ɔhɔ̍ɔnyɛta̍ Nīi Ɔwɔ Hōhu Ma̍ kpɔ̍ɔ̍ de āchɛ.
Nu markerat:
U̍ku̍rɔ̍ yī Alɛrɔ̄ 5: YBASR
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
© 2020 Bible Society of Nigeria (second edition)
U̍ku̍rɔ̍ yī Alɛrɔ̄ 5
5
A̍chālā yī Anana̍yāasi ba̍la ɔnyā yī nū
1Ɔngrɔ̄ɔ ɔha̍ chī hɔ̄ abɔ̍ɔ nīi re̍ka Anana̍yāasi. Ɔnyā yī nū re̍ka Isafa̍yi̍ra. Anana̍yāasi de ɔjā yī wā kpo̍ ra̍ i̍ngi̍ngɔ̍ɔ. 2O̍ hwō okpo lā la ɛkū, o̍bū bī ohōhī ge̍ de alɛrɔ̄ yī Iji̍sɔ̄ɔsi. Ɔnyā yī nū chī je̍ u̍tu yī lɛlā ɔla̍ā wa̍a̍. 3Ipi̍ta de Anana̍yāasi bɛ̍ɛ̄nɛ̄ hīka, “Anana̍yāasi! Oji̍ - ohu̍ nīi a chɛ̄ nīi Isa̍tan wā ge̍ hɔ̄ la ūkpɔ̄tū yī wɔ ma̍/? Oji̍ - ohu̍ nīi a warīmɛ̄ de Uhu Ɔnɛ̄ɛhɛhi yī Ɔwɔ ma̍? Okpo nīi a de ɔjā ra̍ ma̍ nīi a wu̍ lā la ɛkū a̍nɛ? 4O̍bū nīi a de ɔjā ɔla̍ā ra̍ ma̍ je̍ka - iyī wɔ kpɔ̍ɔ̍ nɛ? Oji̍ - ohu̍ nīi a chōo̍chē miya lɛlā oli̍ngɛ̍ɛ̄nɛ̄ la ūkpɔ̄tū ma̍/? Jo̍ōkū gɛ hīka i̍ āchɛ̄ɛchɛ nīi a warīmɛ̄ de wa̍ a̍ni̍; Ɔwɔ nīi a warīmɛ̄ de ɔ̍ a̍nɛ!” 5Anana̍yāasi plɛ̍ɛ̄lā nūma̍ ɔpɔ̄ɔpɛ̄ ma̍, o̍ wu̍ mla̍ajɛ, hīyɔtū dɔ̍ɔ̍. Āchɛ wa̍a̍ nīi plɛ̍ɛ̄lā nūma̍ ma̍ de kpo̍ tūuhwi cha̍cha̍. 6Aye̍kre̍biya wā ge̍ de ɔjā mi̍ya okū yī nū, de ɔ̍ bī ngmɛ̍ɛchɛ ge̍ nyi.
7O̍ gbajɛ la ākārākā ɛta̍ o̍bū nīi ɔnyā yī nū pīya gānyɔ̄. O̍ i̍ plɛ̍ɛ̄lā nīi ya̍ ma̍ o̍bū ni̍. 8Ipi̍ta de ɔ̍ hīka, “Ka de u we̍ e̍ē! Okpo wa̍a̍ nīi awɔ ba̍la ɔbu̍wɔ de ɔjā ra̍ ma̍ hɔ̄ ma̍ a̍nɛ?”
Ɔnyā ɔla̍ā de chɛ̄ ka i̍ngɔ̍ɔ ke̍e̍ nīi ɔ̍lɔ lɛ a̍nɛ.
9Ipi̍ta da ɔ̍ bɛ̍ɛ̄nɛ̄ hīka, “Oji̍ - ohu̍ nīi awɔ ba̍la ɔbu̍wɔ chrōoko̍o ge̍ē ma Uhu yī Ādā ma̍ ma̍/? Āchɛ nīi bī ɔbu̍wɔ ge̍ nyi ma̍ yɛ aa̍ kurɛkurɛ la oko̍prīinu; i̍ngi̍ngɔ̍ɔ nīi e̍ ge̍ē nāa awɔ ge̍ē nyi u̍ma̍ama a̍nɛ!” 10Ɔpɔ̄ɔpɛ̄, ɔnyā ɔla̍ā wu̍ gwāajɛ abɔ̍ɔ la ikpo̍ yī nū, pīyaku̍ i̍ngi̍ngɔ̍ɔ ke̍e̍. Aye̍kre̍biya ɛla̍ā chɛ̄ wā ge̍ ma̍ hīka ɔ̍lɔ pīyaku̍ ma̍, e̍ de ɔ̍ nāa ge̍ nyi abɔ̍ɔ bla̍a ɔbu̍ūnū. 11Ogrēeyī yī āchɛ yī Ɔwɔ ɔla̍ā ba̍la āchɛ nīi plɛ̍ɛ̄lā nūma̍ wa̍a̍ ma̍ de kpo̍ tūuhwi ɔlamu ɔlamu.
Lɛlā ɔlɛbɛ̍bi̍ ba̍la i̍mamachi̍
12Alɛrɔ̄ yī Iji̍sɔ̄ɔsi yɛ̍ɛ̄lā ɔlɛbɛ̍bi̍ ba̍la i̍mamachi̍ yɛ̄mɛ̄mɛ̄ de āchɛ. Aa̍ āchɛ nīi chɛ̄ku Ɔwɔ ma̍ ē grēeyī abɔ̍ɔ la U̍twɔ̄ɔda yī Iso̍lōmɔn la ɛbɛ ūkpo̍he. 13Āchɛ ehēhī ma̍ i̍ chɛ̄ gāa ge̍ ti̍ya la aa̍ ni̍; e̍ ē chī kā wā ɔkɔ̄kā gba̍a̍. 14Āchɛ chī yɛ abɔ̍ɔ ē ngma̍ tū wā gāa iyɔ̄bū iyɔ̄bū; angrɔ̄ɔ ba̍la anyā nīi chɛ̄ku Ādā ma̍. 15Bū la lɛlā nīi alɛrɔ̄ yī Iji̍sɔ̄ɔsi yɛ ē ya̍ ma̍, āchɛ ē bī aliyē oko̍ōku̍ ge̍ē gblāa la ogblo̍lo̍ ē de wa̍. E̍ ē de wa̍ gbo la ibɛ̍ɛdi kɛ̄ɛ ɔ̍ba̍, hɛ̄ɛbɛ nīi Ipi̍ta ge̍ ga ma̍ nīi uhu yī nū ge̍ē gwō wā la ibi̍īyē. 16Āchɛ ē pɛ̍ kpɛ̍ɛ ē bū la ipwo̍gra ɔta̍kakatū yī Ijɛru̍sālɛm wa̍a̍ ē wā abɔ̍ɔ. E̍ ē bī aliyē oko̍ōku̍ ba̍la āchɛ oku̍ yapri̍ija ɔdwɔ̄bi̍ wā abɔ̍ɔ; e̍ ē chī de wa̍ ē nyiya cha̍cha̍.
Akanya hɔ̄ de alɛrɔ̄ yī Iji̍sɔ̄ɔsi
17Yɛ̄grāa ɔla̍ā bɛ̍ɛ̄nɛ̄, A̍dā Aligbe ba̍la āchɛ yī nū yɛ ē tū alɛrɔ̄ yī Iji̍sɔ̄ɔsi uji kpɛ̍ɛji. Anu̍ ba̍la āchɛ yī nū nīi - Āchɛ yī Isa̍dusīi ma̍ miya ge̍ē ya̍ ɔjāha̍ bɛ̍ɛ̄nɛ̄.
18E̍ kpo̍ wā ku̍ ge̍ tū la igbakɔbɔ la ɛbɛ nīi aligbakɔbɔ ɔlamu tū ma̍. 19La otu̍ ɔla̍ā, ɔyɛ̍ɛ̄chɛ̄rɔ̄ yī Ɔwɔ gāa ge̍ lwāa ɔpu yī igbakɔbɔ ɔla̍ā, de wa̍ kpo̍ wu̍ ngmɛ̍ɛchɛ. O̍ koko̍o de wa̍ hīka, 20“Ala̍ ā pīya gāa ge̍ rɛ abɔ̍ɔ la u̍nu̍ yī Ɔwɔ nīi ala̍ ge̍ koko̍o yī lɛlā yī ɔhɔ̄leyī onīpīpɛ̄ nūma̍ de āchɛ gɛ!” 21Alɛrɔ̄ yī Iji̍sɔ̄ɔsi de chɛ̄. La eyī ɔnyɔ̄nyā yī nū, e̍ gba̍a pīya ga u̍nu̍ yī Ɔwɔ la ɔ̄chɔ̄chī ge̍ gblāa abɔ̍ɔ ē ngū āchɛ lɛlā.
A̍dā aligbe ba̍la āchɛ yī nū wā bɛ̍ɛ̄nɛ̄. E̍ hī ɛgabɔ̄ yī Iju̍u wa̍a̍ ɛra̍ ga Ogrēeyī yī Alihiyo. E̍ tū āchɛ ɛrɔ̄ ga igbakɔbɔ ka ɛ̍lɛ ge̍ gāa ge̍ bī alɛrɔ̄ yī Iji̍sɔ̄ɔsi wā. 22A̍chi̍kpo̍ yī wā ɛla̍ā gāa ma̍, e̍ i̍ ma̍ alɛrɔ̄ yī Iji̍sɔ̄ɔsi abɔ̍ɔ la igbakɔbɔ gɛ ni̍. E̍ cha wā dikpo̍ba̍ Ogrēeyī yī Alihiyo ge̍ de koko̍o de wa̍ hīka, 23“Alɔ gbajɛ gāa ma̍, alɔ ma̍ nīi ɔpu tū igbɔ̄gɔ̄rɔ̄ hwɔhi hwɔhi abɔ̍ɔ. Āchɛ ɔgbɛ̄ɛbɛ chī gblāa abɔ̍ɔ ē gbō ɛbɛ hwɔhi hwɔhi. Alɔ lwāa ɔpu chɛ̄ gāa ma̍, ɔ̄chɔ̄chɛ i̍ tū abɔ̍ɔ ni̍.” 24Ɔlɛhu̍ yī āchɛ ogbō u̍nu̍ yī Ɔwɔ ba̍la ɛgabɔ̄ ɛla̍ā plɛ̍ɛ̄lā nūma̍ ma̍, o̍ lɛ wa̍ lɛbɛ̍bi̍ kpɛ̍ɛji; e̍ ka ita yī ɔna̍ ɔ̍lɔ chī hɔ̄ ma̍ ma̍? 25Ɔngrɔ̄ɔ ɔha̍ wā abɔ̍ɔ bɛ̍ɛ̄nɛ̄ ge̍ koko̍o de wa̍ hīka “Ala̍ ma̍ ko̍ō! Āchɛ nīi ala̍ ku̍ wā tū igbakɔbɔ ma̍ gblāa abɔ̍ɔ la u̍nu̍ yī Ɔwɔ ē ngū āchɛ lɛlā.” 26Ɔlɛhu̍ ɔla̍ā ba̍la āchɛ yī nū pīya gānyɔ̄ ge̍ bī wā du̍mɔ̍ cha. E̍ i̍ ya̍ wɔhu̍ wɔhu̍ ni̍; wu̍chē oji̍ nɛ, e̍ tūuhwi hīka āchɛ ɔ̍lɔ ge̍ē ta̍ aa̍ lɛchɔ̄.
27E̍ bī alɛrɔ̄ yī Iji̍sɔ̄ɔsi ge̍ rɛ la iyɔ̄bū yī Ogrēeyī yī Alihiyo wa̍a̍ bɛ̍ɛ̄nɛ̄ ma̍, A̍dā Aligbe che wa̍ ikpo̍ hīka, 28“Je̍ka aa̍ alɔ ta̍ ala̍ ɔna lēchi̍ lēchi̍ hīka ala̍ ge̍ e̍e ngū āchɛ lɛlā la riyī yī ɔngrɔ̄ɔ nūma̍ gɛ ni̍. U̍ma̍ama, ala̍ yɛ amu ē bī riyī yī nū ngū āchɛ lɛlā ta̍ Ijɛru̍sālɛm Ijɛru̍sālɛm ē ta̍. Ala̍ yɛ ē chikpo̍ nīi lɛfiyɛ yī ɔpīyaku̍ yī nū ge̍ē de ē jī lɛhu̍ yī alɔ kɛ̄ɛ?”
29Aa̍ Ipi̍ta hīyɔkɔ bɛ̍ɛ̄nɛ̄ hīka, “Ala̍ ma̍ ko̍ō! Ɔwɔ nīi alɔ ge̍ē de otūlichō de ɔ̍ a̍nɛ; i̍ āchɛ̄ɛchɛ ni̍. 30Iji̍sɔ̄ɔsi nūma̍ nīi ala̍ de ngmo̍ ma̍, nīi ala̍ gwō ɔ̄ ba̍ la ɔchi̍ ɔhrɛ̍ɛpa ma̍, Ɔwɔ nīi - Ɔwɔ yī A̍dā yī alɔ ma̍ de ɔ̍ hye̍ēyī la okū ke̍e̍ mɛ̍. 31Ɔwɔ bī ɔ̄ ga ichō ge̍ hɔ̄ la abɔ̄ līre̍ yī nū, de ɔ̍ pīya Okwīyɔ̄bū ba̍la Ɔhɔ̍ɔnyɛta̍ mɛ̍. O̍ ya̍ hɛ̄ɛbɛ nīi Ali̍sɛ̄rɛli ge̍ē jɔ̍ɔkɔ ē pīyabɔ̄ta̍ hī lɛlā ɔdwɔ̄bi̍ ɔyɔ̍ɔ̄ya̍, hɛ̄ɛbɛ nīi Ɔwɔ ē de lɛlā ɔdwɔ̄bi̍ yī wā kɔ̄ de wa̍. 32Alɔ - itɛ̍ɛhi̍yɛ̍ yī lɛlā nūma̍ wa̍a̍ nɛ. Uhu Ɔnɛ̄ɛhɛhi nīi Ɔwɔ ē de ē de āchɛ nīi ē de otūlichō de ɔ̍ ma̍ tū itɛ̍ɛhi̍yɛ̍ i̍ngi̍ngɔ̍ɔ.”
33Alogrēeyī yī Alihiyo plɛ̍ɛ̄lā nūma̍ ma̍, o̍ wu̍ wā ɔtū kpɛ̍ɛji. E̍ miya ge̍ē kpo̍ wā ngmo̍ ji bɛ̍ɛ̄nɛ̄. 34Ɔ̄chɛ ongū Lihɔ yī Iju̍u ɔha̍ nīichō yarɛ abɔ̍ɔ la Ogrēeyī yī Alihiyo bɛ̍ɛ̄nɛ̄. O̍ re̍ka Igame̍līyɛli, Ɔ̄chɛ yī Ifa̍rasīi nɛ. Āchɛ ē tū ɔ̄ la ichō kpɛ̍ɛji. O̍ ka ɛ̍lɛ ge̍ de alɛrɔ̄ yī Iji̍sɔ̄ɔsi bī ngmɛ̍ɛchɛ o̍bū. 35O̍ wā ge̍ koko̍o de Ogrēeyī yī Alihiyo ɔla̍ā bɛ̍ɛ̄nɛ̄ hīka, “Aya̍ali̍sɛ̄rɛli! Ala̍ ā du̍mɔ̍ du̍mɔ̍ lɛlā nīi ala̍ miya yɛ ma̍ ge̍ē ya̍ āchɛ nūma̍ ma̍! 36I̍chɔ̍lɔ, lɛlā yī ɔngrɔ̄ɔ ɔha̍ nīi re̍ka Itu̍dāasi ma̍ hu ge̍ rɛ i̍ngɔ̍ɔ. O̍ ka anɔ̍lɔ - ɔ̄chɛ ɔnɔ̄kɔ̄kū gba̍a̍ nɛ. Āchɛ gbajɛ la u̍nɔ yī āchɛ̄ɛchɛ nīi chɛ̄ku ɔ̍ ma̍. E̍ de ɔ̍ ngmo̍ ma̍, āchɛ yī nū wa̍a̍ mīyanya; lɛlā yī nū chāajɛ ke̍e̍. 37La okwi̍ihi yī ɔla̍ā, lɛlā yī Iju̍dasi ɔha̍ nīi bū la Iga̍līli ma̍ gba̍a hu ge̍ rɛ. Olo̍ ɔla̍ā nīi e̍ yɛ ē ka āchɛ ɔkɔ̄ka a̍nɛ. Anu̍ titi pi āchɛ yɛ̄mɛ̄mɛ̄ tū iyī nū. E̍ gba̍a de ɔ̍ ngmo̍ ma̍, āchɛ yī nū titi ku̍ mīyanya. 38O̍ lɛ i̍ngɔ̍ɔ bī ma̍ ma̍, n ge̍ē koko̍o de ala̍! Ala̍ e̍e ya̍ wā lɛlɛ̄lā ni̍. Ala̍ ā pi̍ye̍mā hī wā, wu̍chē oji̍ nɛ, lɛlā yī wā ba̍la u̍ku̍rɔ̍ yī wā nūma̍ ge̍ - iyī āchɛ̄ɛchɛ, o̍ ge̍ē chāajɛ. 39O̍ ge̍ chī bū la abɔ̄ yī Ɔwɔ, ɔ̍lɔma̍ ala̍ i̍ ge̍ē ku̍ wā chi̍yɛ ē mɛ ni̍. Nɛ̄ni̍, o̍ re̍ka ala̍ yɛ ē nunu tāa Ɔwɔ!”
Ogrēeyī yī Alihiyo ɔla̍ā wa̍a̍ chɛ̄ lɛlā yī nū nūma̍. 40E̍ de alɛrɔ̄ yī Iji̍sɔ̄ɔsi hɛ̄ra̍ wā lipu̍ yī wā bɛ̍ɛ̄nɛ̄. E̍ gwō wā lijē ta̍ wā ɔna ka ɛ̍lɛ ge̍ e̍e kɛlā de āchɛ la riyī yī Iji̍sɔ̄ɔsi ge̍ gbo̍ gɛ ni̍; o̍bū nīi e̍ tu̍ hī wā nīi e̍ pīya. 41Āchɛ yī Iji̍sɔ̄ɔsi pīya hī ɛbɛ yī lɛpɔ̄ ɔla̍ā bɛ̍ɛ̄nɛ̄. E̍ lɛ ɔwɔ̄wīyā kpɛ̍ɛji nīi Ɔwɔ ya̍ nīi e̍ mi̍chi̍ wu̍chē yī riyī yī Iji̍sɔ̄ɔsi ma̍. 42Mɔ̄chīmɔ̄chī, abɔ̍ɔ la u̍nu̍ yī Ɔwɔ kɛ̄ɛ wɔlɛ̍ yī āchɛ oo, e̍ ē ngū āchɛ lɛlā, ē kɛlā yī Iji̍sɔ̄ɔsi nīi - Ɔhɔ̍ɔnyɛta̍ Nīi Ɔwɔ Hōhu Ma̍ kpɔ̍ɔ̍ de āchɛ.
Nu markerat:
:
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
© 2020 Bible Society of Nigeria (second edition)