أفسس 1
1
1من بولس، وهو رسول للمسيح بمشيئة الله، للقديسين الامينين في المسيح يسوع، [اللي يسكنوا في أفسس].
2ادعي لكُم بالنِعمة والسَّلام مِنَ الله أبونا والرب يسوع المسيح۔
البركات الروحية في المسيح
3تبارك الله، أبو ربنا يسوع المسيح اللي باركنا بكل بركة روحية في الاماكن السماوية. 4و زي ما اختارنا فيه قبل خلق العالم، عشان نكون قديسين من غير لوم قدامو. 5و سبق و اختارنا في المحبة عشان نكون عيال لُوه بيسوع المسيح. و ذا يمشي مع القصد اللي سَرتْ بيه مشيئته، 6و ذا عشان مجد نعمتو اللي فيها اعطانا مكانه وقيمة ليه في المحبوب: 7و لنا بدمو الفداء، يعني غفران الذنوب؛ على حسب غنى نعمتو 8اللي خلاها تنعم علينا و معاها الحكمة و الفهم. 9انكشف لنا سر بمشيئتو على حسب الرضى اللي طلبو بنفسو، 10عشان يدبر تمام كل زمان، لما يتوحد كل شي تحت رئاسة المسيح، سواء الحاجات اللي في السماوات و اللي على الارض. 11و بالمسيح كمان حصلنا الميراث اللي اختارونا عشانو، زي ما كان بيقصد، هو اللي يسوي كل حاجة بمشيئتو. 12والفكره عشان نكون السبب في مدح مجدو بعد ما صار من قبل لما حطينا رجانا في المسيح. 13و انتو كمان (حطيتو رجاكم) و سمعتو كلمة الحق، وهو الانجيل اللي فيه خلاصكم، وفي كمان اتختمتو، وآمنتو، بالروح القدس الموعود، 14الروح هاذي هي عربون ورثنا إلين يتمم فداه لشعبو اللي ملكو عشان مدح مجدو.
شكر وصلاة
15وعشان كذا انا كمان، سمعت عن ايمانكم بالرب يسوع و الحب لكل القديسين، 16ما أوقِّف عن شكر الله عشانكم وأذكركم في صلواتي، 17عشان يديكم اله ربنا يسوع المسيح، أبو المجد، روح الحكمة وإلهامكم: عشان تعرفوه مرة كويس 18و يتنور على قلوبكم، و تسوو اللي في دعوتو ليكم من رجاء، و اللي هو غنا مجد ورثتو في القديسين، 19و قدرتو الكبيرة والعظيمة هي اللي معلنة لينا احنا المؤمنين، على حسب قدرة قوتو 20واللي عملو موجود في المسيح، بإقامتو لِيه من بين الاموات. وجلَسو عن يمينو في السماوات، 21ومكانه أعلى من كل زعامة و سلطة و قوة و سيادة، و من كل اسم يتسمى، مو بس بذا العالم وفي الي جاي كمان 22و خلا كل حاجة تحت رجولو، وخلاه فوق كل حاجة راس للكنيسة 23اللي هي جسدوا وكمالو، وهو اللي يكمل الكل بالكل.
Nu markerat:
أفسس 1: HNAV
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
Hijazi New Arabic Version © 2024 Strategic Resource Group