Mattayo 1
1
1Chitabu cha kuweleka kwao Isa Masiya, mwanache wa Daud, mwanache wa Ibrahimu.
2Ibrahimu aweleche Isaak, Isaak aweleche Yakob, Yakob aweleche Yuda na achapwao, 3Yuda aweleche Fares na Zara kwa Thamar, Fares aweleche Esrom, Esrom aweleche Aram, 4Aram aweleche Aminadab, Aminadab aweleche Nahashon, Nahashon aweleche Salmon, 5Salmon aweleche Boaz kwa Rahab, Boaz aweleche Obed kwa Ruth, Obed aweleche Yese, 6Yese aweleche achimwene Daud.
Achimwene Daud aweleche Suleman, kwao welewo waliji asonogwao Uriya, 7Suleman aweleche Rehabyam, Rehabyam aweleche Abiya, Abiya aweleche Asa, 8Asa aweleche Yehushafat, Yehushafat aweleche Yoram, Yoram aweleche Uziya, 9Uziya aweleche Yotham, Yotham aweleche Ahaz, Ahaz aweleche Hezekiya, 10Hezekiya aweleche Manasse, Manasse aweleche Amon, Amon aweleche Yosiya, 11Yosiya aweleche Yekoniya na achapwao makati ga wasamesye Babel.
12Ni ka nyuma ka kwasamisya Babel, Yekoniya aweleche Shaltiel, Shaltiel aweleche Zerubabel, 13Zerubabel aweleche Abihud, Abihud aweleche Eliyakim, Eliyakim aweleche Azor, 14Azor aweleche Sadok, Sadok aweleche Akhim, Akhim aweleche Eliyud, 15Eliyud aweleche Eleazar, Eleazar aweleche Mattan, Mattan aweleche Yakob, 16Yakob aweleche Yusuf, waliji walume wao Maryamu, waweleche ISA, wakwawilanga Masiya.
17Nombe nayo kuweleka kose kutanda Ibrahimu mpika Daud, kuweleka likumi kwisa mcheche, nombe nayo kutanda Daud mpika kwasamisya Babel, kuweleka likumi kwisa mcheche, nombe nayo kwasamisya Babel mpika Masiya kuweleka likumi kwisa mcheche.
18Ni kuweleka kwao Isa Masiya kaliji elee. Piwalanganaga mama wao Maryamu ni Yusuf, nganawe kuandikana pampepe, waoneche wana chitumbo kwa Roho Mtakatifu. 19Nombe nao Yusuf asono wao, mundu jua kulingana, jua ngasaka kwatesya mchesela, waliji akusaka kwaleka kwa mtemela. 20Pe waliji wali mkuganisya yeila, masoka ga Ambuje watiosile kwa kusagamila, watagulile, Yusuf mwanache wa Daud, mkajogopa kwatola asono gwenu Maryamu pa kuwa tichawelechecho ni chelecho cha Roho Mtakatifu. 21Nombe nao taweleke mwanache walume na tiwawilanje lina liao Isa kwa ligongo ni welewo petawe kuwalamya wandu wao pa thambi siao. 22Aii yosepe wapanganisye ilingane liwasasile na Ambuje kwa nabii, achisalaga, 23mlolechesye, mwali tajigale chitumbo, nombe nao taweleke mwanache, ni tiwawilanga lina liao Emmanuel, liwawangene, Mulungu noweji.
24Pe wajimwiche Yusuf mlugono, watesile pe wawalajisye masoka ga Ambuje, watosile asono wao: 25ninganewamanyilila mpika waweleche mwanagwao wa ndanda, wawilasile lina liao Isa.
Nu markerat:
Mattayo 1: YAO1880
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
Published by the British and Foreign Bible Society in 1880.