MATIUS 1
1
Tepuʹun tepun Yesus Keristus
(Un te neng Lukas 3.23-38)
1Ini ne ban tepuʹun tepun Yesus Keristus cen mela Daut, iaʹ ina mela Ibrahim.
2Ibrahim iaʹ amai Isak, ngan Isak iaʹ amai Yakup, ngan Yakup iaʹ amai Yahuda ngan toʹ de pemadeʹ de. 3Yahuda iaʹ amai Paris ngan Serah. Tamar iaʹ ueʹ de dua. Ngan Paris iaʹ amai Hisrun. Hisrun iaʹ amai Ram. 4Ram iaʹ amai Aminadap, ngan Aminadap iaʹ amai Nasun. Nasun iaʹ amai Salmun. 5Kun Salmun iaʹ amai Buas, ngan ueʹ e Rakap. Ngan Buas iaʹ amai Ubit, ngan ueʹ e Rut, ngan Ubit iaʹ amai Isai. 6Ngan Isai iaʹ amai Laja Daut.
Daut iaʹ amai Suliman, ngan ueʹ Suliman cen kena ban leto Uria. 7Suliman iaʹ amai Rabiam, ngan Rabiam amai Abia, ngan Abia amai Asa. 8Ngan Asa iaʹ amai Yusapat, ngan Yusapat amai Yuram, ngan Yuram amai Usia. 9Usia iaʹ amai Yutam, ngan Yutam amai Akas, ngan Akas amai Hiskia. 10Ngan Hiskia amai Manase, ngan Manase amai Amun, ngan Amun amai Yusia. 11Yusia iaʹ amai Yekunia ngan ida neng pemadeʹ de, iaʹ ina dalau dulu nyalut lepoʹ Israil kaʹ lepoʹ Babil.
12Lepa lepoʹ Babil nyalut ida, un Yekunia amai Satil, ngan Satil amai Seru-babil. 13Seru-babil amai Abihut, ngan Abihut amai Iliakim, ngan Iliakim amai Asur. 14Ngan Asur amai Saduk, ngan Saduk amai Akim, ngan Akim amai Iliut, 15ngan Iliut amai Iliasar, ngan Iliasar amai Matan, ngan Matan amai Yakup. 16Kun Yakup amai Yusup, iaʹ ina laki Mariam. Ia lete iaʹ ueʹ Yesus iaʹ ilu pisiu Keristus.
17Ini ban mung tepun cen Ibrahim pabeʹ udip Daut nuyan puloʹ pat puhoʹ. Ngan pekina pe cen udip Daut pabeʹ dulu ngkin ida salut kaʹ Babil, puloʹ pat puhoʹ. Ngan cen dalau dulu ngkin ida salut kaʹ Babil pabeʹ kenai pempet Keristus, ngan ina pelaʹa puloʹ pat puhoʹ.
Kenai pempet Yesus Keristus
(Un te neng Lukas 2.1-7)
18Pekini ne ban puyan Yesus Keristus nai pempet. Lepa Yusup matep Mariam ueʹ Yesus ina, abeʹ lepe ida dua pemung, lepa lemaleʹ ne Mariam kuʹun nyingan Berua Buheʹ. 19Yusup iaʹ matep Mariam ina, ca kelunan iaʹ lemuto ti puyan iaʹ teneng. Moʹ Yusup malap Mariam ke saʹe dulu, ina tuman ne ubaʹ ke peteto ia ngan puyan iaʹ selem. 20Dalau Yusup pekimet puyan ina are, ia taʹan dalem kenupi ie ca melikat Tuhan nai pisiu ngan ne. Un dau melikat ina neng ia: “Ahaʹ Yusup iaʹ mela Daut, nyen neoʹ takut alaʹ Mariam ne leto hoʹ, uban temaleʹ e ina nuyan kuʹun nyingan Berua Buheʹ. 21Mariam ke nganak ca anak laki, ngan tiga hoʹ uyan ngadan ne Yesus, uban ia ne kenai nakau diaʹ anun ne cen penyalaʹ de.”
22Mung pemuyan ini are lepa nuyan apan dau isiu Tuhan, iaʹ baʹan pegawa are, ketai palup. Pekini dau ue: 23“Ca dekiʹit leto ke lemaleʹ ngan ke muga ca anak laki. Un ngadan ne Imanuil” (iaʹ sen ne, “Allah pemung ngan le”).
24Dalau nai Yusup taga, sulo ho bayaʹ dau melikat Tuhan ina, penco ho alaʹ Mariam nai ngiban ia. 25Abeʹ Yusup pemung ngan Mariam kena ha muga anak laki ina. Yusup uyan ngadan anak ina, Yesus.
Nu markerat:
MATIUS 1: KNT
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
Kenyah New Testament © Bible Society of Malaysia, 1984.