Borôro: Pao Kurireu Bataru Kurireu; O Novo Testamento (New Testament)

Pao Kurireu Bataru Kurireu; O Novo Testamento

<div class="version vid2518 iso6393bor" data-vid="2518" data-iso6393="bor">
 <div class="book bkMAT">
 <div class="chapter ch14" data-usfm="MAT.14">
 <div class="label">14</div><div class="s">Jo&#227;o Batista Bire</div><div class="p"> 1&#268;a boe eimijera governador nure Herodes toro nou Galil&#233;ia moto keje. Herodes meardure boe emagore Jesus akaru jituji. 2Nono &#269;a Herodes makore tudugaregei. Akore nou imedu nuie Jo&#227;o Batista&#269;e. Emare jewoduie pugeje dukodire ro rakaie nono boe ereadodure jiboe mogaduie jamedu. Ainore Herodes akore. 3-4Mare Herodes ure tiekiripagado. Jo&#227;o Batista karega. Jo&#227;o Batista bire marigudu. Marigudu Herodes ure boe edo tugeragu Jo&#227;o Batistaji. Ere iera kogudo tuwo tugu bai&#269;oreuto. Mare paga karega. Herodes ure tugeragu tumana Filipe oredujeji tumana piji toreduje&#269;e. Nou aredu iere Herodias. Herodes ure tugeragu ji tumana piji tumuguwo apo rugadu. Dukodire Jo&#227;o Batista mako pegare Herodes rore nono duji. Mako raire ji. Akore: &#8211; Arokaba aino amana oredujeji. Paro kigodukare aino. Ameartoru bokware dukodire amugure nou aredu Herodias apo.</div><div class="p">Ainore Jo&#227;o Batista akore#14.3-4 Nou Judeu doge eno bakaru koiare nou Herodes rore tumana oreduje jiboe ukare turugadu rugadu. Nou umana rakoje kimomode dukeje ukare turugadu Herodes muguwo nou tumana oreduje apo rugadu jii nou umana bimode du ka. Ro pegare rugadu. Dukodire nou Jo&#227;o Batista makore jiboe ure turugadu.. 5Dukodire Herodes korigodure. Aidure tuwo Jo&#227;o Batista bito mare pagudure boe e&#269;e. Boe etaidure Jo&#227;o Batistaji. Emeardaere makore Pao Kurireu bataru jiwu nure ema rugadu. Dukodire Herodes roiwakare tuwo Jo&#227;o Batista bito rugadu.</div><div class="p"> 6Ia meri keje Herodes ure tuwadae towuje tuwiabutuwo tuwudure kejewu ariji meriji. Nou uwadae keje nou aredu Herodias onaregedu aredu rerure boe eiamedu boe egai. Moture rugadu. Ure Herodes jakaredo pudui rugadu. 7Nono Herodes makore nou nogwareduji. Akore: &#8211; Ameartorudo i. Imode akogwamagudure bagaiboe jamedu boe maku akai rugadu.</div><div class="p"> 8Dukodire nogwaredu uture tuje bagai okituwawo pudui nuba turowo nuba togwamaguduwo Herodiji. U&#269;e okituware ji dukodire okwamagudure Jo&#227;o Batista aora bagai paduwo ia baku keje kuri aino rugadu. 9Boe eimijera Herodes kiarigodure. Makore nou boe egai tumoduie nou nogwaredu okwamagudure bagaiboe jamedu boe maku ai rugadu. Nou makore bagaiboe makudumode ai rugadu. 10Nono &#269;a makore tugobaigaregei ewo Jo&#227;o Batista aora kado nou bai&#269;oreu tada rugadu. 11Dukodire tugobaigarege etaregodure aora tabo. Padure baku keje rugadu. Nono &#269;a ere maku nou nogwaredu ai. Dukejere ure reko toro tuje ae rugadu. 12Nono Jo&#227;o Batista utugarege etaregodure tugimijera bireu ka. Nono ere tugeragu tugimijera biji. Ere reko toro to moto ka tuwo tugu mototo. Dukodire eture toro tureadoduwo Jesus biagai.</div><div class="s">Jesus Ure Boe Makareuge Enogwagedo</div><div class="p"> 13Jorduware boe pegare Jo&#227;o Batista jituji. Dukodire &#269;are Jesus ure tudawuje nou boe epiji. Nono ure taredo ika kurireuto tuduwo nou boe maereu ka turagojewo nono tuginaigodu. Du inodu tabo nou boe makareuge erduware kaiba rakojere. Tieda pijire nou boe eture tuwure tabo Jesus rekodaji. 14&#268;a Jesus ure tudawuje ika kurireu piji. Aiwore, jordure boe emagare duji. Okudugodure ebo rugadu. Nono &#269;a iogore nou kogodureugei, nou mugure nonowugei jamedu. 15Nono &#269;a nou Jesus ure jorduwadowuge etaregodure Jesus ae merirekodutabo. &#268;a egore: &#8211; Merirekodu. Awu boe etudo awu boe maereu piji.</div><div class="p">Emeardaere tuwo nou boe etudo ia boe etae ewo tugeragu ia tuge roguji.</div><div class="p"> 16Dukeje Jesus makogodure ewadaru jipagi. Akore: &#8211; Nou boe etumodukare. Taigoiare tamode enogwagedo.</div><div class="p"> 17&#268;a egore: &#8211; &#268;ege amireure ikera aboudure tu je. &#268;ege karo rogu ere pobetu je jamedu.</div><div class="p"> 18Jesus akore: &#8211; Arego mato itae.</div><div class="p"> 19Nono &#269;a makore nou boei ewo tumugudo boebutu keje. Dukeje ure tugeragu nou amireuji nou kare kugurei jamedu. Nono &#269;a aiwore baruto. Imadure Pao Kurireu apo nou amireu paru tabo nou kare kugure eparu tabo uwo nou amireu nou kare kugure eidodudo. Nono &#269;a ure nou amireu kado puiato. &#268;a ure maku tudugarege etai ewo pedo boei. 20Nono &#269;a eiamedu boe enogwagere. Nono &#269;a ekuredure egarere pudui rugadu. &#268;a nou utugarege ere nou kadarabo doge korau nou boe eke kobo tabo. Nou kadarabo dogere enodo padu kejeboere doze nou boe eke kobo tabo rugadu. 21Nou okwagereuge ime enodo padu kejeboere cinco mil. Ekare areme eremagu. Ekare etore eremagu jamedu.</div><div class="s">Jesus Merure Pobo Aoji</div><div class="p"> 22Kuri je dukeje Jesus makore nou ture jorduwadowugei etuwo pobo maereu okwa ka ewo turemo ika kurireuto etuwo tododai. Ekurugoduwo nou pobo maereu kajeje toro bakowu ka. Jesus rakojere eiageje tumago tabo nou boei tuwo etudo. 23Ure boe etudo dukeje Jesus ruture ia tori ao ka tumagowo Pao Kurireuji tuginaigodu. Nono &#269;a boe&#269;odure. Mare Jesus mugu kimore nono tuginaigodu kimo. 24Dukeje &#269;are nou ure jorduwadowuge ekodure tabowu ika kurireu mugu kimore pobo maereu oiadada rugadu. Nono bakuru jore etogi dukodire nou pobo jetu rakare nou ika kurireuji rugadu. 25Toro baregodutabo, Jesus uture toro tumeru tabo pobo aoji. 26Dukeje nou utugarege erdure Jesus merure pobo ao jituji. Dukodire etokudure tubagudu koia. Egore: &#8211; Pardure ia boe pegareuji!</div><div class="p"> 27Mare Jesus akore: &#8211; Taragado tai! Imi rugadu reo. Tabagudukaba.</div><div class="p"> 28Nono Pedro makore: &#8211; Ikimijera mode aki rugadu dukeje imerudo pobo aoji jii toro akae.</div><div class="p"> 29Jesus akore: &#8211; Mato.</div><div class="p">Dukodire &#269;are Pedro ure tudawuje ika kurireu piji dukeje &#269;are merure pobo aoji jii toro Jesus ae jamedu. 30Mare puredugodure Jesus ae dukeje jordure bakuru rakare pudui duji. Dukeje &#269;a pagudugodure. Nono ure tuwogwaiago poboto dukeje &#269;a kudugodure. Akore: &#8211; Ikimijera! Akeragu ikeraji! Iwogwakawo poboto!</div><div class="p"> 31Kuri je Jesus ure tugera raido. Nono &#269;a ure tugera kogudo Pedro iera kajeje. Makore Pedroji. Akore: &#8211; &#268;a ameartoru biagare tu je. Kodiba amororamagadure iwadaru boeji? Ameartorukanure i pugeje?</div><div class="p"> 32Nono &#269;a ei pobedu ere turemo ika kurireuto. Nono &#269;a bakuru akedure jamedu. 33Nono &#269;a nou Jesus ure jorduwadowuge emeartorure Jesusji rugadu. Ere tubu jodo tumago pemegawo Jesusji rugadu. Egore: &#8211; Pao Kurireu onaregedu nure aki rugadu.</div><div class="s">Jesus Iogore Boei Genesar&#233; Ba Kurireu Keje</div><div class="p"> 34Jesus kurugodure ture jorduwadowugebo pobo maereu kajeje dukeje etaregodure Genesar&#233; ba kurireu ka. 35Boe erduware Jesusji dukodi &#269;a ere mugure puredure puduiwuge kogodureuge ewie. Dukeje &#269;are nou boe ere kogodureuge erego toro Jesus ae. 36Boe enogwamagudure Jesusji nou kogodureuge ewo tugera bu nou Jesus ukudau areia okwa keje. Nou ure tugera bu ukudau areia okwa kejewuge epemegagodure rugadu.</div>
 </div>
 </div>
</div>

Ča boe eimijera governador nure Herodes toro nou Galiléia moto keje. Herodes meardure boe emagore Jesus akaru jituji. Nono ča Herodes makore tudugaregei. Akore nou imedu nuie João Batistače. Emare jewoduie pugeje dukodire ro rakaie nono boe ereadodure jiboe mogaduie jamedu. Ainore Herodes akore. Mare Herodes ure tiekiripagado. João Batista karega. João Batista bire marigudu. Marigudu Herodes ure boe edo tugeragu João Batistaji. Ere iera kogudo tuwo tugu baičoreuto. Mare paga karega. Herodes ure tugeragu tumana Filipe oredujeji tumana piji toreduječe. Nou aredu iere Herodias. Herodes ure tugeragu ji tumana piji tumuguwo apo rugadu. Dukodire João Batista mako pegare Herodes rore nono duji. Mako raire ji. Akore: – Arokaba aino amana oredujeji. Paro kigodukare aino. Ameartoru bokware dukodire amugure nou aredu Herodias apo.
Ainore João Batista akore. Dukodire Herodes korigodure. Aidure tuwo João Batista bito mare pagudure boe eče. Boe etaidure João Batistaji. Emeardaere makore Pao Kurireu bataru jiwu nure ema rugadu. Dukodire Herodes roiwakare tuwo João Batista bito rugadu.
Ia meri keje Herodes ure tuwadae towuje tuwiabutuwo tuwudure kejewu ariji meriji. Nou uwadae keje nou aredu Herodias onaregedu aredu rerure boe eiamedu boe egai. Moture rugadu. Ure Herodes jakaredo pudui rugadu. Nono Herodes makore nou nogwareduji. Akore: – Ameartorudo i. Imode akogwamagudure bagaiboe jamedu boe maku akai rugadu.
Dukodire nogwaredu uture tuje bagai okituwawo pudui nuba turowo nuba togwamaguduwo Herodiji. Uče okituware ji dukodire okwamagudure João Batista aora bagai paduwo ia baku keje kuri aino rugadu. Boe eimijera Herodes kiarigodure. Makore nou boe egai tumoduie nou nogwaredu okwamagudure bagaiboe jamedu boe maku ai rugadu. Nou makore bagaiboe makudumode ai rugadu. Nono ča makore tugobaigaregei ewo João Batista aora kado nou baičoreu tada rugadu. Dukodire tugobaigarege etaregodure aora tabo. Padure baku keje rugadu. Nono ča ere maku nou nogwaredu ai. Dukejere ure reko toro tuje ae rugadu. Nono João Batista utugarege etaregodure tugimijera bireu ka. Nono ere tugeragu tugimijera biji. Ere reko toro to moto ka tuwo tugu mototo. Dukodire eture toro tureadoduwo Jesus biagai.

Jorduware boe pegare João Batista jituji. Dukodire čare Jesus ure tudawuje nou boe epiji. Nono ure taredo ika kurireuto tuduwo nou boe maereu ka turagojewo nono tuginaigodu. Du inodu tabo nou boe makareuge erduware kaiba rakojere. Tieda pijire nou boe eture tuwure tabo Jesus rekodaji. Ča Jesus ure tudawuje ika kurireu piji. Aiwore, jordure boe emagare duji. Okudugodure ebo rugadu. Nono ča iogore nou kogodureugei, nou mugure nonowugei jamedu. Nono ča nou Jesus ure jorduwadowuge etaregodure Jesus ae merirekodutabo. Ča egore: – Merirekodu. Awu boe etudo awu boe maereu piji.
Emeardaere tuwo nou boe etudo ia boe etae ewo tugeragu ia tuge roguji.
Dukeje Jesus makogodure ewadaru jipagi. Akore: – Nou boe etumodukare. Taigoiare tamode enogwagedo.
Ča egore: – Čege amireure ikera aboudure tu je. Čege karo rogu ere pobetu je jamedu.
Jesus akore: – Arego mato itae.
Nono ča makore nou boei ewo tumugudo boebutu keje. Dukeje ure tugeragu nou amireuji nou kare kugurei jamedu. Nono ča aiwore baruto. Imadure Pao Kurireu apo nou amireu paru tabo nou kare kugure eparu tabo uwo nou amireu nou kare kugure eidodudo. Nono ča ure nou amireu kado puiato. Ča ure maku tudugarege etai ewo pedo boei. Nono ča eiamedu boe enogwagere. Nono ča ekuredure egarere pudui rugadu. Ča nou utugarege ere nou kadarabo doge korau nou boe eke kobo tabo. Nou kadarabo dogere enodo padu kejeboere doze nou boe eke kobo tabo rugadu. Nou okwagereuge ime enodo padu kejeboere cinco mil. Ekare areme eremagu. Ekare etore eremagu jamedu.

Kuri je dukeje Jesus makore nou ture jorduwadowugei etuwo pobo maereu okwa ka ewo turemo ika kurireuto etuwo tododai. Ekurugoduwo nou pobo maereu kajeje toro bakowu ka. Jesus rakojere eiageje tumago tabo nou boei tuwo etudo. Ure boe etudo dukeje Jesus ruture ia tori ao ka tumagowo Pao Kurireuji tuginaigodu. Nono ča boečodure. Mare Jesus mugu kimore nono tuginaigodu kimo. Dukeje čare nou ure jorduwadowuge ekodure tabowu ika kurireu mugu kimore pobo maereu oiadada rugadu. Nono bakuru jore etogi dukodire nou pobo jetu rakare nou ika kurireuji rugadu. Toro baregodutabo, Jesus uture toro tumeru tabo pobo aoji. Dukeje nou utugarege erdure Jesus merure pobo ao jituji. Dukodire etokudure tubagudu koia. Egore: – Pardure ia boe pegareuji!
Mare Jesus akore: – Taragado tai! Imi rugadu reo. Tabagudukaba.
Nono Pedro makore: – Ikimijera mode aki rugadu dukeje imerudo pobo aoji jii toro akae.
Jesus akore: – Mato.
Dukodire čare Pedro ure tudawuje ika kurireu piji dukeje čare merure pobo aoji jii toro Jesus ae jamedu. Mare puredugodure Jesus ae dukeje jordure bakuru rakare pudui duji. Dukeje ča pagudugodure. Nono ure tuwogwaiago poboto dukeje ča kudugodure. Akore: – Ikimijera! Akeragu ikeraji! Iwogwakawo poboto!
Kuri je Jesus ure tugera raido. Nono ča ure tugera kogudo Pedro iera kajeje. Makore Pedroji. Akore: – Ča ameartoru biagare tu je. Kodiba amororamagadure iwadaru boeji? Ameartorukanure i pugeje?
Nono ča ei pobedu ere turemo ika kurireuto. Nono ča bakuru akedure jamedu. Nono ča nou Jesus ure jorduwadowuge emeartorure Jesusji rugadu. Ere tubu jodo tumago pemegawo Jesusji rugadu. Egore: – Pao Kurireu onaregedu nure aki rugadu.

Jesus kurugodure ture jorduwadowugebo pobo maereu kajeje dukeje etaregodure Genesaré ba kurireu ka. Boe erduware Jesusji dukodi ča ere mugure puredure puduiwuge kogodureuge ewie. Dukeje čare nou boe ere kogodureuge erego toro Jesus ae. Boe enogwamagudure Jesusji nou kogodureuge ewo tugera bu nou Jesus ukudau areia okwa keje. Nou ure tugera bu ukudau areia okwa kejewuge epemegagodure rugadu.

Sikiliza Mateus 14